 علميها يا قصيدة واضربي فيني مثال0
 عافت الشمس المدينة واعلنت وقت الزوال
رغبة للنوم منها مع عيون الناعسين
ابعدت من يوم شافت بالسما ضي الهلال
كنها كانت تهزا بالهلال وتستهين
كفكفت صبح التلاقي من ورا روس الجبال
واستخارتني وراحت وابعدت عن كل عين
وانتي اخطيتي خطاها وانعزلتي بالوصال
ولا رحلتي من سكات ولا وعدتيني تجين
عشت عمري بالمحبة في سبيل الأحتمال
وانتي تعيشين عمرك ( تفرحين وتجرحين)0
من غرورك في جمالك ما عطيتيني مجال
وادري انك تفهميني لو بغيتي تفهمين
كيف اشوف الشمس تشرق وانت ظلال
ومن يعيش بوسط غار للذياب الجايعين ؟؟
كنت احسب الكره زايل والجفا لو (طال زال)0
ولا بديتي بالغرام ولا بقى فيني حنين
اشهد اني ما خطيت ولا نويت الانعزال
وما خدعتك في غرامي لين شفتك تخدعين
اصدقي بالوعد مرة لي ولو فيها سؤال
من عرفتك ما اذكر انك توعدين وتصدقين
كنت اشوفك من عيونك تأمرين اقوى الرجال
والله اني قبل اعرفك ما هقيتك تخضعين
كنت اشوفك تبعدين وقلت من باب الدلال
وان بعدتي عن عيوني قلت باكر ترجعين
كنتي اكثر في عيوني من عدد وبل الخيال
وين انا ما الد وجهي كنت اشوفك تضحكين
وان بغيت اصد عنك من (يمين ومن شمال)0
ما قوت عيني تلفت( لا شمال ولا يمين )0
عاشق والعشق بلوى واشهد ان الحال حال
ولا تركتي رحمة الله ولا عرفتي ترحمين
وادري انك في غرامي للأسف نلتي منال
افترقنا في دقايق والسبب لعنة لعين
حبك اشبه في غرامي ( بالوصال الأنفصال )0
ويلعب الخفاق لعبة كبرياء الخاضعين
بالهوى ماهي غريبة نكبة عيال الحلال
ولاني أول من يصون ولا انتي اخر من يهين
الصداقة في عيون الناس منفى للعدال
وكان ردت للصراحة كلبونا مذنبين
المحبة شبه زالت والصداقة لا تزال
بس اببقى في عيونك ( .....) اللي تعرفين
علميها يا قصيدة واضربي فيني مثال
عرفيها بالبداوة وفي طباع الأولين
علميها كيف نصنع صبرنا والأحتمال
علميها كيف نفلح بالعمل (دنيا ودين)0
علميها في سوالف حلنا والارتحال
علميها كيف نظهر جورنا للجايرين
علميها يا دقايق، علميها يا ليال
علميها يا عصور وعلميها يا سنين
أن عشقنا ما بغينا غير عشق بالحلال
وان نوينا ما لفينا كود ناس طيبين
كاملين في عطانا بس لله الكمال
والرجل فينا غرامه لو يعين ويستعين
همنا فعل الرجوله. رمزنا لبس العقال
وانتي المكياج كله صار في وجهك سجين
عندك المكياج موضة تحسبين انه جمال
صار همك في حيـاتك تكشخين وتطلعيـن
والا انا قلبي بقى لي بالمحبة راس مال
والله اللي مبتليني بالهوى والله يعين
ان بغيت اعشق ابالقى كثر حبات الرمال
لكن انتي لو بغيتي صعب مثلي تعشقين
قلت لك كل الصراحة واختم اطراف الجدال
وان زعلتي من كلامي ( تزعلين وتقعدين)0
الشاعر 000حاااامد زيد
 وطني الأهلي , وقلبي الأهلي , وعشقي الأهلي | 
