العودة   منتديات الإمبراطور - النادي الأهلي السعودي > مـنـتديات الإمبراطور الرياضية > منتدى جمهور النادي الأهلي السعودي
   

::: ((مش أي أي ... ولا زي زي)) :::

بســــــم الله الرحمــــــن الرحيـــــــــم والصلاة والسلام على سيد ولد آدم ... سيدنا محمد وعلى آله وصحبه أجمعين أما بعـــــــد ... قبل أن ادخل في صلب الموضوع أرجو أن لا يخطئ


إضافة رد
   
 
LinkBack أدوات الموضوع
 

قديم 07 - 12 - 2007, 18 : 03 AM   رقم المشاركة : [1]
قـلـم ذهـبـي
الصورة الرمزية الصـــافي
 

الصـــافي will become famous soon enough

2 ::: ((مش أي أي ... ولا زي زي)) ::: 


بســــــم الله الرحمــــــن الرحيـــــــــم

والصلاة والسلام على سيد ولد آدم ... سيدنا محمد وعلى آله وصحبه أجمعين




أما بعـــــــد ...




قبل أن ادخل في صلب الموضوع

أرجو أن لا يخطئ البعض في تقييم كلامي

وأرجو أن لا يقلب البعض الآخر كلامي رأسا على عقب

وأرجو من الكتاب والنقاد والمحللين الأهلاويين الصبر على كلامي

فالمسألة لا تتعدى "فشة خلأ" باللهجة الشامية

وجايكم في الأســـــــــباب ... فلا تستعجلو على رزقكم يا جماعة

:

:

:


أكرر بأنني أكتب هذا الموضوع من "حر ما بي" لأني أعشق الأهــــــــــلي حد الثمالة

وخلونا نتكلم بصراحة طالما إننا نحب الأهـــــــلي

يمكن بكلامنا تتحقق "المفاجأة السعيدة" ونتدارك الأمور قبل فوات الأوان

فالدوري أصبح في "الباي باي" من قبل لا يبدأ الدوري (هذي معلومة أكيدة من مصدر مسئول)

وتبقت لنا بطولتين محلية

والثالثة هي "أم المعارك" ... أقصد "أم البطولات"

دوري أبطـــــــــال آســــــيا

البطولة اللي تطيح فيهاحقــــــوق ... تروح فيها رقــــــــــــاب


:

:

:




؛؛؛ المووووووهم ؛؛؛



خلونا في موضوعنا ولا نخرج عن المسار

والموضوع وما فيه يا جماعة ما بدأ من بداية الموسم كما يظن الكثيرون

لا .. لا .. لا

الموضوع قديم وتاريخي ... ويا حبنا للتاريخ حنا الأهلاويين

اش لون قديم ؟

الحين بقول لكم اش لون ...

الموضوع الله يحييكم ويبقيكم بدأ مباشرة من بعد مباراتنا مع الإتحاد

في نهائي كأس ولي العهد في الموسم الماضي

ولن أنسى ما حييت اللي حصل بعد تلك المباراة

وش اللي حصل ؟

حصل شي خلاني أقول الله يستر على الأهــــــــلي في السنة القادمة

وان شاء الله انه كلام للإعلام والسلام

بس هيهات هيهات (طبعا مو أنا اللي قلتها)

هيهات هذي سلمكم الله قالها عضو شرف رفيع المستوى في النادي

وخرج بتصريح رسم فيه ملامح فريق كرة القدم بالنادي الأهلي لموسم 2007 - 2008

والله يا هي ملامح

الرجال طلع وقالها بالبنط العريض ... أقصد "بالفم المليان"

النادي مقدم على "تخبيص" في الموسم القادم

(طبعا هو ما قال كذا للأمانة .. بس كان كلامه في ما معناه)

ما علينا

خلص الرجال تصريحه من هنا

وبدأت الملامح للفريق اللي جايب لحد اليوم 9 نقاط من 9 مباريات

ما اقول غير "يا لــيـــحــــــي" (ترى ما هي كلمة سيئة يا أخوان)

برضو ما علينا "مرة ثانية"

بعدها سلمكم الله بدأت المصادقة من إدارة الأهلي على كلام الراجل "العضو الرفيع المستوى"

وفي عز فرحتنا واحتفالاتنا بالكاسين أمام الجـــــــــار

مين هذا اللي يفرح ؟ (هذا كلام إدارة الأهلي)

لازم نوقف الأفراح يا جماعة لأننا مقبلين على مرحلة هامة في تاريخ الفريق

(الكلام متواصل لإدارة النادي)

ومن أجل أن نبدأ هذه المرحلة ... يجب إقالة الراجل اللي جاب البطولات لأنه طلب زيادة

وترى المدربين هم من يتهافتون على تدريب الأهلي

وأولهم "مورينهو" البرتغالي مدرب شيلسي السابق

والفاكسات تعطلت في النادي من الطلبات بس حنا متواضعين وما نبي "العين تصيبنا"

فقررنا نجيب راجل ما عمره حقق بطولة مع أي نادي دربه قبل الأهلي

ونبشركم بأن المدرب الجديد هو المدير الفني

ومدرب اللياقة ومدرب الحراس في نفس الوقت "يعني بتاع كله"

لا ... وبنزيدكم من الشعر "خيمة"

ما عاد فيه شي اسمه لاعبين شباب يلعبون في الفريق الأول

لأننا بنرد لكم اللاعبين اللي كانو نجوم في تضييع البطولات سابقا

فهم رموز لا يجب مسحها من الخارطة الأهلاوية

فلازم كل واحد فيكم يجهز أدوية "الضغط والسكر"

وبطاقة تأمين صحي في حال دخولكم المستشفيات لا سمح الله



؛؛؛ هنا انتهى كلام الإدارة الاهلاوية ؛؛؛



:

:

:




وبدأ الموسم الجديد بمعسكر "ولا أجمل ولا أحلى من كذا"

تمشية في سويسرا "اتشخمط" فيها الفريق في البطولة الودية

بس مو مهم يا جماعة (الفريق لسة بيسخن وتونا نقول يا هادي)

ما علينا

وهوووووبا على تونس "يا بختهم والله" سفر وفلة

استمرارية للتخبيص اللي بدأ من بعد مباراة الإتحاد في الموسم السابق (لا تنسو يا جماعة)

ورجع الفريق سالم غانم من تونس

واللاعبين محملين بالمفاجآت الجميلة لجماهيرهم (والله خوش فريق)

وابتدى ... ابتدى المشــــــــوار

طبعا اتضحت الرؤية في مباراة الحـــــــــزم في أول مباراة لنا في الدوري
(يا حبي لهم) جملة قصيمية معناها يا حليلهم

ووضحت لنا الرؤية الفنية للمدرب الجديد اللي ابهرنا فعلا

فرؤية هالمدرب الفنية كانت تعتمد على مبدأ "اللا رؤية ولا وضوح"

(يا عيني عليك يا مدرب يا خطير)

ومن ثم استمر المدرب في نثر إبداعاته الفنية "مباراة تلو الأخرى"

وإدارة النادي المعروفة بصبرها وحنكتها تقول أصبرو يا جماعة ترى لسة ما شفتو شي

الين جات مباراة النصــــــر "العالمي"

علشان لا يزعلو منا النصراوية (تراهم مثلنا حبيبة تاريخ)

والفريق اللي طحنا فيه انتصارات من موسم عام 1996 إلين عام 2007

(مع بعض الهزائم التي لا تذكر منذ ذلك التاريخ)

صار يهزمنا بالثلاثة ... لا وفين ؟ ... في جدة "عقر دار الاهلي"

بس ما ينلامون ... الجماعة لعبو واستحقو الفوز التاريخي

وهنا تبدأ قصة جديدة في مسلسل "حيخلصوه" الأهــــــــلاوي

أخيرا اقتنعت الإدارة الأهلاوية بالمثل القائل "قديمك نديمك"

والمصيبة مو بكيفهم ... إلا بعد ما تدخل في الموضوع جماهير الأهلي العاشقة ...

وقلب الاهلي النابض (الله يحفظه لنا) قولو آمين

والله مدري وش كنا حنعمل لو كان هالرجل مو موجود في الأهـــــــــلي ؟


المووووووووووووهم


اتشكلت لجنة رباعية وتم الاتفاق بعد "طلوع روحنا" بعودة المغــــــــــامر

وبعد ما قطع على الإدارة الاجتماع في نهاية الموسم

وتقدم بطلبه بقبول التنازل عن مطالبه لعيون الأهلي ورفض طلبه

أصبحت الإدارة الأهلاوية في مأزق "مطالبته" بالعودة لأنهم في ورطة الحين

وما في غيره يقدر على حلها

فالجماهير "قافلة معاها بالشيش" والحالة "جيم" (برضو كلمة بريئة)

وعاد المغـــــــــامر بالطبع ... لأنه قالها (ماحد يعرف للأهلي غيري) قول وفعل يا ابو الرجال

وهنا اشتدت الإثارة في المسلسل

تهديدات بالاستقالة من بعض أعضاء الشرف

ويا هم في الأهلي ... أو هو (وتغور جماهير الاهلي في ستين داهية)




الله يرحم الامير عبدالله الفيصل يوم قال "النادي الاهلي ملك لجماهيره"

وينك يا أبو الاهلاويين من الخليج إلى المحيط ؟ (رحمة الله عليه)


الموووووووووووووهم


على ما جرت به العادة السنوية

استقالات لأعضاء شرف ...

وتهديدات بالاستقالة لأعضاء مجلس إدارة النادي ...

وأنواع اللخبطة

كل هذا بسبب رجعة مدرب

(أجل وش بيصير لو هي رجعة قدامى اللاعبين ولا المعتزلين)


عاد تدرون وش أكبر مشكلة في الأهلي ؟

هي إن الإهلاويين "اتفقو على أن لا يتفقو"

فما تجد أن جرحا قد التئم في جسد هذا النادي ... حتى ينفتح جرح في مكان آخر !!!

والله هذي الحقيقة المؤلمة في الأهــــــلي

ترى مشكلة الاهـــــــــلي داخلية يعني "منه فيه" للأسف الشديد


ما علينا (مرة ثانية وثالثة وعاشرة) خلونا نكمل

طبعا بعد كل هالإثارة في المسلسل الأهلاوي ... ازدادت أعداد المشاهدين

ولم يعد المشهد قاصرا على جماهير النادي ...

بل أن جميع الجماهير الرياضية أصبحت تتحدث عن الأهلي

وطبعا يا بختنا لأننا صرنا "حديث الساعة" في كل المجالس الرياضية

والبركة في الحنكة والصبر اللتي نتحلى بها نحن الأهلاويين

وازدادت الأمور تعقيدا بعودة اللاعبين الدوليين

فبدلا من أن يكونو المعين أصبحو "عبدالمعين" وكلكم نظر يا أخوان

لاعبون أصاب بعضهم الغرور ...

وآخرون يتواجدون في غرفة العلاج الطبيعي أكثر من ملعب النادي ...

ولكن مازالت الإثارة تتواصل ...

والفريق بدلا من الهزائم أصبح أقوى بكثير

فهو قادم بقوة للقب "ملك التعادلات" ويا سلام سلم

وهنا سأتوقف عن سرد قصص المسلسل لأنني لم أحضر الأجزاء المتبقية منه

لكنني أتمنى بأن تكون أقرب للسعادة منها إلى الحزن

لأننا لا نتحمل أكثر من ذلك

فالمسألة لو كانت سوء طالع ... كنا سنتقبلها بصدر رحب وسنقول بأن القادم أجمل بإذن الله

لكن المسألة "تخبيص x تخبيص" ...

والمسألة أصبحت "فلتان أمني" في الفريق

والوضع من سيء لأسوء ..

وهنا يجب أن نخرج ونصرخ قائلين (اوقفو المهازل يا إدارة الاهلي) قبل فوات الأوان


:

:

:



عاد تصدقون يا جماعة

كل يوم اسأل نفسي ... اش لون نبي نحقق البطولة الآسيوية

وحنا رصيدنا "تسعة نقاط" في الدوري وفي مركز لا نحسد عليه

لا توجد روح لدى اللاعبين إلا من رحم ربي ...

وكأن هذا الفريق ليس هو الفريق الذي كان "فرقة الرعب" للخصوم في الموسم الماضي

والأدهى والأمر من ذلك هو عدم وجود البديل القوي الجاهز في الفريق ...

فدوري أبطال آسيا ليس كدوري أبطال العرب


ما عــــلــــــــيـــــ نــــــــا للمرة الاخيرة

بتقولون ما في "كاش" وانا بقول الله كريم

:

:

:



سامحوني على الإطالة

ودعوني أنهي كلامي بترديد مقولة أخ أهلاوي عزيز على قلبي

عندما قال نحن الاهلاويين (المعذبون في الأرض)

والله ما كذب هالرجال (الله يذكره بالخير)




تقبلو مني أرق التحايا واطيب الامنيات

وكل عام وأنتم بخير





[img]http://maclarin.*******************************************************/safi%202.jpg[/img]
الصـــافي غير متواجد حالياً   رد مع اقتباس
روابط دعائية
قديم 07 - 12 - 2007, 28 : 03 AM   رقم المشاركة : [2]
إمبراطور برونزي
 

moody_f82 will become famous soon enough



صدقت .. نحنا الجماهير قاعدين ندفع اغلاط قرارات فرديه اداريه.. لكن الي صار صار وان شاءالله الجايه احلى .. مشكور على الموضوع حبيبي




moody_f82 غير متواجد حالياً   رد مع اقتباس
قديم 07 - 12 - 2007, 33 : 03 AM   رقم المشاركة : [3]
امبراطور جديد
الصورة الرمزية المختلف
 

المختلف will become famous soon enough
إرسال رسالة عبر MSN إلى المختلف



الله لا يعذبنا خيو
وتعليقك رائع باسلوب ساخر مخلف..

ضحكتني شوي الله يحفظك
وانا معك في كل اللي قلته

وشلون بنحقق بطولات والفريق بهالمستوى
وينازع امام الفرق الصغيرة

الف شكر لك حبيبي





المـــــــــــــــــــــــختلف
المختلف غير متواجد حالياً   رد مع اقتباس
قديم 07 - 12 - 2007, 45 : 03 AM   رقم المشاركة : [4]
مؤسس منتديات الإمبراطور
يرحمة الله
الصورة الرمزية أبو طاهر
 

أبو طاهر will become famous soon enough



يـــــــــــــاليـــ ـــــــــــــــحي

كل اللي تشوفه من تخبط .. حتى يطلعوا كلام الرجال ان الاهلي في الموسم القادم بيحصل فيه (( تخبيص))
واعتقد ما يبغوا يزعلوه قالوا بنخبص ونحقق المقوله

موضوع يستحق القراة اكثر من مره والتعليق عليه بتأني ورويه

وانا صراحه لاني فايق ولا رايق بعد التعادل اللي اشبه بالخساره

ساعود ولكن في وقت لاحق

اخوك ابو طاهر




أبو طاهر غير متواجد حالياً   رد مع اقتباس
قديم 07 - 12 - 2007, 51 : 03 AM   رقم المشاركة : [5]
امبراطور جديد
 

مفتاح البرشا will become famous soon enough



ايش نقول بس الله يصبرنا علي الوضع هذا




مفتاح البرشا غير متواجد حالياً   رد مع اقتباس
قديم 07 - 12 - 2007, 18 : 04 AM   رقم المشاركة : [6]
إمبراطور برونزي
 

الشهري الأهلاوي will become famous soon enough



كلام حلوووووووووووووووووو ووووووو



يااااااااااااااااااا اااااااااخطير





تستطيع أن ترى الصورة بحجمها الطبيعي بعد الضغط عليها
الشهري الأهلاوي غير متواجد حالياً   رد مع اقتباس
قديم 07 - 12 - 2007, 42 : 05 AM   رقم المشاركة : [7]
قـلـم ذهـبـي
الصورة الرمزية الصـــافي
 

الصـــافي will become famous soon enough



أخي العزيز (مودي)


يسلمو على المرور والمشاركة خيو

تقبل تحياتي





[img]http://maclarin.*******************************************************/safi%202.jpg[/img]
الصـــافي غير متواجد حالياً   رد مع اقتباس
قديم 07 - 12 - 2007, 01 : 06 AM   رقم المشاركة : [8]
امبراطور نشيط
 

ثمروووش will become famous soon enough



والله انك مبدع جبتها على الجرح لو اني مسؤوول حطيتك رئيس الاهلي على طول




ثمروووش غير متواجد حالياً   رد مع اقتباس
قديم 07 - 12 - 2007, 20 : 06 AM   رقم المشاركة : [9]
إمبراطور فعال
 

راعي الهدلا will become famous soon enough



....


اوووووه ... هلا والله ,, وغلااااااا بالذهب ..الصااافي ...


االي مثلك .. لازم نشووووفه بأي وقت ..

واللي مثلك لازم يتكلم بكل الأوقااات ..

واللي امثااالك .. لازم يدرسوا الصغااار ..اللي طفشووونا في منتديااتنا ..

بأفكااارهم البليده عن اهليهم المريض ..ومواضيعهم الداعمه للفشل ..والصبر عليه ..!!

تصدق ان جمهور الأهلي مع احتراامي ساااعد في استمرار المرض ...!!

ليه ما شفنااه يغضب كغضبته مع نيبوشااا ...

ضد من اخطأ ..ومااا زااال يخطئ .. في حق الكياان ونتاائج الكيااان ..


من وراء هذا المرض هو من ينبغي ..ازالته ..بل حتى ..بتره ..!!

وان كاانت الروؤؤس كـــبـــيـــره ...!!

علاجنا الحااالي ..السريع ..كاان وماازاال ..

التجديد ..في كل شيء..

وخاااصه اداااريآ ..كليآ ...ثم فنيآ جزئيآ ..

..

من وراااء بقاااء المرض والفشل ..ينبغي ان يرحل ..فقط

هو ذااك ماا نريد .. فهل طلبنا المستحيل .

ولعمري ان مثلك ..يعرفهم فردآ فردآ ...لاعبآ لاعبآ..
..

اعذر اخيك ..في رده السريع..حيث مرضه ..الصحي ..

وحيث زاااده وضع معشوووقه ..المآ ..

لكنها ..مشااركه لمن يستحق ان يشاارك في موضوعه..

ومواصله لمن تستحق حرووفه .. الذهب ..


وآآآآه يـــــ الصااافي.. من اهــل الأهــــلــــــي ..!!


..وان الله رااد .. فلي رجعه ..باذنه عزوجل ..




راعي الهدلا غير متواجد حالياً   رد مع اقتباس
قديم 07 - 12 - 2007, 43 : 06 AM   رقم المشاركة : [10]
إمبراطور ذهبي
 

جندي القلعة will become famous soon enough



يعطيك العافية ياعسل


تقبل مروري







ان زل عليك الخسيس زل عنه زل
وان مشى في الشمس امشي حداهـ في الضل
لأنه قليل الفهم ولاعندهـ في المنازل خل
مثل شجر الشوك لايثمر ولا له ضل
جندي القلعة غير متواجد حالياً   رد مع اقتباس
إضافة رد

   
مواقع النشر (المفضلة)
 

::: ((مش أي أي ... ولا زي زي)) :::



أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are متاحة
Refbacks are متاحة



الساعة الآن 11 : 12 AM

Facebook  twitter  youtube


أشترك معنا ليصلك جديد الإمبراطور
البريد الإلكتروني
زيارة هذه المجموعة


Powered by vBulletin® Version 3.8.7
Copyright ©2000 - 2017, Jelsoft Enterprises Ltd.
Search Engine Optimization by vBSEO ©2011, Crawlability, Inc.
لا تمثل ولا يتحمّل موقع الإمبراطور وإداراته أيّة مسؤوليّة عن المواد والمواضيع والمشاركات الّتي يتم عرضها أو نشرها في موقعنا
ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر