العودة   منتديات الإمبراطور - النادي الأهلي السعودي > مـنـتديات الإمبراطور الرياضية > منتدى جمهور النادي الأهلي السعودي
   

إيش رأيكم دحين بعد ما ثبتت صحة وجهة نظري

أهلا حبايبي أتمنى من كل واحد يدخل الموضوع إنه يقرأه بالكامل طبعا بعد نهاية الموسم بالنسبة لنادينا الأهلي والحمدلله إننا حققنا بطولتين من أصل 3 بطولات سعودية وإنشالله يكون الموسم


إضافة رد
   
 
LinkBack أدوات الموضوع
 

قديم 01 - 05 - 2007, 52 : 02 AM   رقم المشاركة : [1]
إمبراطور فعال
 

Prince_Bandar will become famous soon enough
إرسال رسالة عبر MSN إلى Prince_Bandar

3 إيش رأيكم دحين بعد ما ثبتت صحة وجهة نظري 


أهلا حبايبي

أتمنى من كل واحد يدخل الموضوع إنه يقرأه بالكامل


طبعا بعد نهاية الموسم بالنسبة لنادينا الأهلي

والحمدلله إننا حققنا بطولتين من أصل 3 بطولات سعودية

وإنشالله يكون الموسم القادم هدفنا تحقيق الدوري والكأس الآسيوية والخليجية

طبعا راح نتكلم عن أشياء كثيرة عن الموسم الحالي حتى نناقشها

أنا راح أتكلم عن نقطة معينة وهي موضوع هيكل والنهائي



قبل المباراة طالب الجميع بضرورة مساندة هيكل
وأنا كنت من المعارضين لمشاركته في النهائي

وللأسف أنا أحترمت وجهة نظرهم وكتبت رأيي بكل إحترام
وشرحت لهم أسباب رفضي للعب هيكل النهائي
لكن بعض الأعضاء للأسف ما يتقبلوا الآراء ولا يعرفوا

يتناقشوا فيها . . الشي إللي مقتنعين بيه هو إللي لازم يجبرونا عليه

وكمان يشككوا فينا وأقولها بكل أسف
كانوا يكتبوا إللي يحب الأهلي وتهمه مصلحته يساند هيكل
وطبعاً نزلت العديد من المواضيع بهالخصوص

وفي موضوع من المواضيع أنا كتبت فيه التالي :

اقتباس
يا أخوان
أنا أبي أعرف ليه تجبرونا على رأيكم وما تحترموا وجهة نظرنا
لكل موضوع راي ورأي مخالف
مثل ما إحترمنا وجهة نظركم بدعم هيكل وما غلطنا على أي عضو
إفهموا وجهة نظرنا عن رغبتنا بعدم لعبه في النهائي
ومافي داعي لإستخدام الألفاظ الجارحة من بعض الأعضاء إللي تعودا الكلام الغير محترم

مثل ما إنتم هدفكم إن تعطوا فرصة لهيكل وتدعموه عشان يقدم مستوى ونفوز بالكأس
نحن كمان لنا وجهة نظر نابعة من حرصنا على عدم ضياع الكأس من فريقنا

أقرئوا ردي كاملاً وبعدها أحكموا مع تمنياتي بعدم التجريح


إنتم بتقولوا أعطوا فرصة لهيكل وهدي آخر مباراة
طيب هيكل لعب مع الأهلي كم مباراة ماذا قدم فيها ؟
هل قدم لمحات تثبت بإن اللاعب عنده مهارات فردية ممكن نعتمد عليها
بالعكس أي كورة يحاول يعدي فيها بتنقطع بسهولة
والهجمة لما توصل له بتموت
حتى تسديداته على المرمى غير دقيقة
نحن خسرنا بطولة بوجوده
هل من المنطق أن نخسر الثانية لاسمح الله حتى نقول بإنه أثبت إنه غير مقنع !!!

طيب أنا بأقول لابد نعد مهاجم ثاني بجوار مالك في النهائي
طبعا البعض بيقول عبدالإله وأنا ضد لعبه لمباراة الكأس من البداية
لأن عبدالإله بإذن الله راح نعتمد عليه مستقبلا لكن حاليا هو غير مهيأ
خصوصاً في مباراة كأس

والجمعان ممكن يكون بديل لكن لاعب أساسي كمان صعب

طيب مين هو البديل ؟

البديل هو لاعب غير مهاجم نحاول تجهيزه للنهائي لو قدم الشي
إللي متوقع منه في التمارين فأكيد شي طيب والفترة طيبة حتى مباراة الكأس
وعندنا غير كده مباراتين في الدوري ممكن نجربه فيها
أو وحدة على الأقل قبل النهائي
وهو لاعب عنده مهارات فردية وسرعة ويملك قدم قوية
وهو ما يحتاج الأهلي وجوده بجوار مالك

اللاعب هو معتز الموسى

ولو ما قدم المأمول منه في التمارين والمباراة إللي تسبق النهائي
هيكل موجود ووقتها راح نكون مجبورين عليه

طبعا أنا عارف راح تستغربوا من كلامي لكن تذكروا إن مالك كان في فرة من الفترات
بيلعب في الوسط وماكان بيقدم المستوى الحالي
ولما لعب في الهجوم شوفوا ماشالله عليه كيف صار

تخيلوا لو لعب لاعب مشاكس مثل معتز بجوار مالك أكيد راح يرهقوا دفاع الإتحاد
ومعتز لعب مع الأهلي من قبل العديد من المباريات ومع المنتخب الأولمبي كمان

أنا متأكد إن الكثير منكم راح يشوفوا إقتراحي غريب وماهو وقته
وأنا شخصياً متأكد إن كلامي ماهو إلا تعبير عن وجهة نظري وماراح أشوفه في الملعب
لكن هدا الشي مايمنع إني أعبر عن وجهة نظري
ولا بد إنكم تقبلوها مثل ما أنا أقبل بوجهة نظركم

أنا من كلامي حريص إن الأهلي ما يضيع آخر بطولة في الموسم الحالي
فلابد للعمل وبجد للحصول عليها
وأكيد أي واحد مننا راح يفرق بين اللاعب إللي ممكن يخدم الفريق واللاعب إللي ماراح يخدم الفريق
بعض الجمهور شافوا إنه لابد إنهم يدعموا هيكل لأنه بكي بوحرقه بعد مباراة سطيف !!
وبعضهم متأملين إنه يقدم مستوى في النهائي لأنه وعد !!
طيب كيف حيقدم مستوى ومهارات وفاقد الشي لايعطيه

أنا كتاباتي نابعة من حبي للأهلي وماهو من كرهي لهيكل
لكن لأني أتمنى البطولة القادمة أهلاوية وهدا الشي من حقي كمشجع أهلاوي
كتبت رأيي وبصراحة في هيكل

ومع هدا لو لعب في النهائي راح أدعي ربي بإنه يوفقه مع الفريق حتى نفوز بالكأس
ويارب ما نرجع ونقول ياليت وياليت

وبعد مباراة الكأس وبغض النظر عن النتيجة وبعد إنتهاء الموسم
راح يتم تقييم كل شي عن الفريق من مستوى ولاعبين أجانب وغيرهم
وراح نكون متواجدين حتى نشوف مين أصاب منا في آرائه ومين أخطأ وجانبه الصواب
لكن ذلك الوقت أتمنى من الجميع إنهم يكونوا راقيين في ردودهم
ويتقبلوا كل الآراء ويحترموها لأننا أولاً وأخيراً جمهور الأهلي مهما إختلفت آرائنا

وفي الختام ما أملك إلا الدعاء لأهلينا بالتوفيق والظفر بالكأس


طيب أقول للأعضاء إللي عارضوني وبطريقة قهرتني كثير
ليه ما تعترفوا إن في أعضاء بيفكروا صح
الإقتراح إللي كنت بأطالب بيه شفت المدرب نيبوشا
عمله في النهائي مع تغيير بسيط هو إن معتز كان مساند في الهجوم وماكان مهاجم
وأنا والله من بداية المباراة ولما شفت قائمة الفريق فرحت وكنت متفآئل بالفوز

أنا ما أحب أذكر أسماء الأعضاء إللي غلطوا عليا في الموضوع
لكن بس أوجه لهم كلمة وهي
إنه لابد علينا جميعاً إنه نحترم وجهات نظر بعضنا
لأن كل واحد فينا حريص على مصلحة الأهلي
ونحن في الأول والأخير جمهور الأهلي
يعني مايحتاج إن البعض من الأعضاء يجرحوا أو يسيئوا لغيرهم من الأعضاء
لمجرد إنهم ما أيدوهم في نقطة طرحوها

مشكلتنا نحن إننا نفكر بعاطفتنا
يعني بس عشان هيكل بكي بعد مباراتنا مع وداد سطيف
وكمان عشان وعد إنه يقدم صورة حلوة
خلاص على طول البعض قال خلاص هيكل راح يحسمها في النهائي

ونسوا إن اللعب ما عنده الإمكانيات إللي تساعده أو بعد إصابته ما بقي عنده
من المستوى إللي يأهله إنه ينفذ وعده

وأقولها وأحمد ربي إنه ما لعب النهائي
وكان عدم لعبه للنهائي سبب من أسباب الفوز

و اليوم أثبت هيكل في مباراتنا مع الهلال
بإنه فاشل مع مرتبة الشرف
لاحد يقول إنه لعب مع مجموعة شباب عشان كده ما قدم شي
هو عارف إنه باقي له 3 مباريات مع الفريق
والمفروض إنه يكون حريص إنه يغير الصورة إللي ظهر بيها
على الأقل كنا منتظرين منه إنه ك بإيجابية وبيبن لنا إنه بيحاول يعمل شي
مثل ما عمل عبدالإله في الشوط الأول لكن للأسف هيكل اليوم وحتى لما يستلم
كورة يمررها غلط !!!

وأكيد إن فير غيري من الأعضاء كتبوا رأيهم في هيكل من بداية قدومه للأهلي
وإنه ماراح يفيد الأهلي وقالوا كثير إنه متسرع
لكن لما نشوف لاعب ما يقدر يعدي بالكورة على أقل شي
هل نتوقع منه إنه جا عندنا عشان يتعلم هالشي !!!!

نحن في النهاية لما نتكلم عن لاعب
مثل هيكل أو وليد الجيزاني أو أي لاعب
ما نتكلم من كرهنا لهم لكن كلامنا نابع من حبنا للأهلي
والحرص على مصلحته
بدليل إننا ندعي لهؤلاء اللاعبين بالتوفيق متى ماتركوا الأهلي
لأنهم أثبتوا بإنهم غير مفيدين للأهلي
وكل إللي بيجي منهم هو رفع ضغط الجمهور الأهلاوي

المهم ما أزيد في الموضوع


أنا كتبت موضوعي لهدف
وهو إحترام كل وجهات النظر إللي بتنطرح من قبل كل الأعضاء
حتى ولو كانت غير منطقية
ومافي داعي للتجريح والتهجم من قبل أعضاء على أعضاء آخرين
لمجرد إن وجهات النظر إختلفت
هدا هو أملي من الموضوع

ولكم كل الإحترام
وإعذروني لو طولت عليكم بالموضوع







. . . النادي الأهلي الملكي . . .
Prince_Bandar غير متواجد حالياً   رد مع اقتباس
روابط دعائية
إضافة رد

   
مواقع النشر (المفضلة)
 

إيش رأيكم دحين بعد ما ثبتت صحة وجهة نظري



أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are متاحة
Refbacks are متاحة



الساعة الآن 55 : 01 AM

Facebook  twitter  youtube


أشترك معنا ليصلك جديد الإمبراطور
البريد الإلكتروني
زيارة هذه المجموعة


Powered by vBulletin® Version 3.8.7
Copyright ©2000 - 2017, Jelsoft Enterprises Ltd.
Search Engine Optimization by vBSEO ©2011, Crawlability, Inc.
لا تمثل ولا يتحمّل موقع الإمبراطور وإداراته أيّة مسؤوليّة عن المواد والمواضيع والمشاركات الّتي يتم عرضها أو نشرها في موقعنا
ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر