العودة   منتديات الإمبراطور - النادي الأهلي السعودي > مـنـتديات الإمبراطور الرياضية > منتدى جمهور النادي الأهلي السعودي
   

لم يبق في الوجه ماء ؟!؟

جاني جوال من ابويا فجأة وقلي : حط اللي في يدك وتعللي البيت طيارة !؟! .. انا استغربت .. اش الهرجة بس وجري .. قصدي دقيت السلف وعالبيت ولسه ما


إضافة رد
   
 
LinkBack أدوات الموضوع
 

قديم 17 - 01 - 2005, 43 : 07 PM   رقم المشاركة : [1]
كـــاتـب متمــيــز
الصورة الرمزية ابن الشاطري
 

ابن الشاطري will become famous soon enough

افتراضي لم يبق في الوجه ماء ؟!؟ 


جاني جوال من ابويا فجأة وقلي : حط اللي في يدك وتعللي البيت طيارة !؟! .. انا استغربت .. اش الهرجة




بس وجري .. قصدي دقيت السلف وعالبيت

ولسه ما خلعت التلاليك وانتو بكرامة .. الا وابويا صوته يلعلع جوا : تعال يا واد .. ما قلتلك ان وقف نور وابراهيم البلوي ما راح يستمر .. هذا هو عفو جاهم من فوووووووق

انا صراحة انهبلت : تتكلم جد يابويا ؟ .. قلي : ايوة يا واد .. عفو من ابو متعب الله يحفظه ..

سكت .. دنقت راسي قدام ابويا .. وطبعا بدا الشاطري الكبير يبربر .. وهاتك يا هروج ( فرصة ما يفوتها الشاطري .. اعرفه جبااار ) : انا اذا قلتلك شي سلم .. تكي عليه .. قايلك قرار وقف نور ما راح يستمر .. وقايلك قرار طلال بن بدر ما راح ياكل عيش !؟! .. المهم انا جايبك لجل دحين توفي بوعدك ..

قلتله وانا استهبل وحالتي صعيبة : اي وعد يابويا !؟! .. قلي : انت قلت اذا رجع نور يلعب هذي السنة راح تبطل كورة !!!

سكت .. ما عندي وجه .. وهو مستلمني .. وين يعورني .. طاخ طيخ فيا .....

حاولت اجمع بقايا قواي .. و شوية واقوله : بس يا بويا .. قلي : بلا بس بلا لكن .. لسه عندك وجه تتكلم !؟! .. قلتله : يابويا اسمعني شوية .. شكلي كدا حزنته .. سكت ابويا وكانه يقولي قول وخلصني ؟! ..

قلتله : انا بنيت التحدي هذا يابويا على قوة قرار نور اللي استهتر وتمسخر بشعار البلد وجمهوره .. وقام يدور على الحكام في الملعب عشان يعطوه الكروت .. اضافة لمستواه الزفت .. واخذله اربع كروت صفر في اقل من مبارتين بس .. لا اا .. وكمان رفض في البداية بكل عنجهية وغرور انه يعتذر رغم انه الامير نواف بن فيصل بذات نفسه اعتذر للجمهور السعودي .. وفعلا يابويا صدر القرار المتوقع .. ووقفوه حتى نهاية العام وكمان استثنوه من اي قرار عفو .. واما ابراهيم البلوي عاد انت عارف الكلام اللي قاله !؟! ما ينسكت عليه مرررة .. كله قذف واتهامات بالمؤامرة والرشوة والفساد اللي وصلت لكل صغير وكبير في اتحاد السلة لمن قال ( لجنة الحكام نفذت رغبات اتحاد السلة ) .. وكلنا شفنا وسمعنا الاخذ والرد اللي وصل حد التحديات بين منصور البلوي وطلال بن بدر !؟! .. كل دا يابويا وما تبغاني اتحدى !؟! ..

قلي الشاطري : اقولك .. اهو العفو وجا .. ولسه ما كمل نور اسبوعين ولا كمل ابراهيم البلوي يومين .. وانت قلتلي راح تبطل كورة .. هيا لا عاد تكلمني في الكورة مررررة .. وروح لقط وجهك .. هذا اذا بقي فيه شي !؟!؟!..

بس وقفابي وراح .. وانا عارف انه لسه باقي في مسلسل التريقة حلقااااات وحلقااااااااااات .. وافلام ومسرحيات

بيني وبينكم .. انا قمت القط وجهي .. ضرس من هنا وبرطم من هناك .. وخد من تحت وعين من فوق

وصراحة اكتر واكتر .. ما بقي في الوجه ماء .. كله اتكبكب ..





[IMG]http://alaasaal.*******************************************************/ALRAGE0.jpg[/IMG]

____________________ ____________________

ايــــــــــــــو و و و ه يا اهـــلــــي * * قـلـبي عـلـيــــك الـتــــــــــــاع
ابن الشاطري غير متواجد حالياً   رد مع اقتباس
روابط دعائية
قديم 17 - 01 - 2005, 28 : 08 PM   رقم المشاركة : [2]
امبراطور جديد
 

الزاحــــــــــــــــــــف will become famous soon enough

افتراضي  


ياشاطري ياحبيب البي أنا صارت نفس الحكايه امس معايا .....

جيت البيت الا اخويا يقولي رفعو الايقاف عن نور قلت : أقول روقنا وخلينا نتعشا تستهبل انت قال وربي اليوم الامير عبدالله الله يحفظه استقبل الاتحاد وصدر قرار عفو شامل عن جميع الرياضيين.... قلت آهاااا .. عن جميع الرياضين بس ياحبيبي محمد نور مايشمله العفو قالي الا محمد نور شمله العفو قلت شوف لو كان شمله العفو أنا الحين اقوم واجيب عشا وانت اعزم اللي تبغى ... قال لاتورط نفسك ( عارف اني طفران ) قلت لو طلع كلامك صحيح انا عند وعدي الا شوي ... ويكون الخبر صحيح تعال شوفني أصدق أكذب ماني عارف ياهوووووووووووه معقوله والله ماني مصدق انا اعتمدت على الكلام اللي طلع اللي هو محمد نور مايشمله العفو وبعدها أكلت (..........) وقمت وربي تسلفت فلوس عشان اجيب عشا وربنا كريم ....


يعني مو انت لحالك يالشاطري ....... سلام.......




الزاحــــــــــــــــــــف غير متواجد حالياً   رد مع اقتباس
قديم 17 - 01 - 2005, 23 : 09 PM   رقم المشاركة : [3]
إمبراطور فضي
 

فلتة زمانه will become famous soon enough

افتراضي  


والله مهزله القرار الي صدر في محمد نور مايشمله اي اعفاء



لاكن اش تسوي خلها على ربك





S '.,'.,'.,' M
H '.,'.,'.,' O
A '.,'.,'.,' H
L '.,'.,'.,' A
E '.,'.,'.,' M
Y '.,'.,'.,' M
A '.,'.,'.,' E
H '.,'.,'.,' D

شلية فلتة زمانه
فلتة زمانه غير متواجد حالياً   رد مع اقتباس
قديم 17 - 01 - 2005, 44 : 09 PM   رقم المشاركة : [4]
موقوف
 

هوى الأهلي will become famous soon enough

افتراضي  


خخخخخخخخخخخخخخخخخخخ

الحمد لله




هوى الأهلي غير متواجد حالياً   رد مع اقتباس
قديم 18 - 01 - 2005, 32 : 09 AM   رقم المشاركة : [5]
إمبراطور برونزي
 

هاني الاهلاوي-1 will become famous soon enough

افتراضي  


اتحــاد سعودي مــلطشة





][®][^][®][لا إله إلا الله محـمد رسـول الله][®][^][®][

الاهلي في قلب (خالد) و (خالد) في قلب الاهلي
هاني الاهلاوي-1 غير متواجد حالياً   رد مع اقتباس
قديم 23 - 01 - 2005, 20 : 06 PM   رقم المشاركة : [6]
امبراطور نشيط
 

ALJAHDALI will become famous soon enough

افتراضي  


بسم الله الرحمن الرحيم
رعاية البلوي للشباب والرياضة الله ي


لكن لن تستمر هذه






أهلاوي اليوم وبكرة أهلاوي
فائز او مهزوم
ALJAHDALI غير متواجد حالياً   رد مع اقتباس
قديم 24 - 01 - 2005, 52 : 02 AM   رقم المشاركة : [7]
امبراطور جديد
 

ميلانو will become famous soon enough

افتراضي  


انا بصراحه كنت فعلاً واثق تمام الثقه في قرار الامير سلطان الذي اسميناه في البدايه بالقرار الشجاع
وقرار الرجال في وقف نور يعني نور افضل من ماجد عبدالله او الثنيان او الهريفي او دابو او.................. ....الخ


وقرار اتحاد السله في وقف الشلوي والذي لم يستمر اكتر من 24 ساعه وبصراحه عندما قرات الخبر ورفع الايقاف
قرارت ان بعزيمة الرجال انني لا اتابع الرياضه السعودية ولا منتدياتها ماعدا عشقي الاول والاخير الاهلي ومنتدياته لا اقدر ان افارقه بعدما اعددته من ضمن دفتر العائلة لايمكن ان يضيع حب الاهلي في قلبي بسبب قرار تافه صدر في حق انسان اتفهه من القرار واصحاب القرار

انا ولد زهران وافعالي تسبق اقوالي
وسلامتكم




ميلانو غير متواجد حالياً   رد مع اقتباس
إضافة رد

   
مواقع النشر (المفضلة)
 

لم يبق في الوجه ماء ؟!؟



أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are متاحة
Refbacks are متاحة



الساعة الآن 20 : 03 PM

Facebook  twitter  youtube


أشترك معنا ليصلك جديد الإمبراطور
البريد الإلكتروني
زيارة هذه المجموعة


Powered by vBulletin® Version 3.8.7
Copyright ©2000 - 2017, Jelsoft Enterprises Ltd.
Search Engine Optimization by vBSEO ©2011, Crawlability, Inc.
لا تمثل ولا يتحمّل موقع الإمبراطور وإداراته أيّة مسؤوليّة عن المواد والمواضيع والمشاركات الّتي يتم عرضها أو نشرها في موقعنا
ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر