العودة   منتديات الإمبراطور - النادي الأهلي السعودي > مـنـتديات الإمبراطور الرياضية > منتدى جمهور النادي الأهلي السعودي
   

عذاب حديث العيون !!

بعد مباراتنا مع الشباب في نص النهائي .. وخسارتنا المرة .. وبعد زحمة التحليلات في القنوات .. رحت ابغى اتعشى .. وانا صراحة خايف من العفريتة .. اختي الاهلاوية الصغيرة


إضافة رد
   
 
LinkBack أدوات الموضوع
 

قديم 03 - 06 - 2004, 26 : 08 PM   رقم المشاركة : [1]
كـــاتـب متمــيــز
الصورة الرمزية ابن الشاطري
 

ابن الشاطري will become famous soon enough

افتراضي عذاب حديث العيون !! 


بعد مباراتنا مع الشباب في نص النهائي .. وخسارتنا المرة .. وبعد زحمة التحليلات في القنوات .. رحت ابغى اتعشى .. وانا صراحة خايف من العفريتة .. اختي الاهلاوية الصغيرة .. خايف تكون الهزيمة اثرت فيها وتجيني تهددني كالعادة انها حتسيب الاهلي وماراح تشجعه خلاص .. زي كل مرة نخسر فيها كأس الدوري (e. .. وبعد فترة ترجع يا عيني .. تشجع من كل قلبها (f.

المهم .. دخلت غرفة الجلوس حقنا وانا اصلا مانعها تتفرج معايا لانها قلق .. بس احلى قلق صراحة (h. .. دخلت واذا هي سااااااااكتة .. وبوزها عامل مطب في الغرفة .. انا اعطيتها نظرتين يعني خلاص ادي الله وادي حكمته .. والغريب انها بادلتني النظرتين حقي بزيها تمام .. مو زي العادة بصراخ وتهديدات ووعيد ومدري كيف وانا دايما اسكت قدامها لما تسوي كدا كأني طالب قدام استاذه .. دي المرة اكتفت بنظرتين بسسسسسس

المهم قعدنا نتعشى .. هي ساااااكتة وانا سااااكت .. وتركنا المجال لحديث العيون الصابرة ..

ويعدي يوم .. والثاني تعرفوا عاد مشااااغل الايام دي .. انا في فلكي وهي في كتبها ودفاترها .. اليـــــــــــــــــ ــــــن ما سجل طلال هدفه ( الثلج البارد ) .. وينفجر البيت من الصياح والزعيق ( وهذا تاني انفجار في البيت بعد انفجار هدف الاتحاد الاول .. وتعرفوا عاد ابويا اتحادي صميم ) .. بس اش يجي صياح هدف الاتحاد مع هدفنا .. ولاشي طبعا .. احنا معانا العفريتة (f.

المهم .. وبعد المباراة جتني .. وقالتلي : الحمد لله يا سيدي .. مبرووووك تأهلنا (h. .. قلتلها : عمري انتي .. بس لسا باقي مباراة مع الاسماعيلي وفي مصر الله يستر .. قالتلي : لاااااااا .. يا سيدي هذي عاد عندي .. انا طبعا قلت في نفسي مادام قالتلي العفريية انه عندها مباراة الاسماعيلي حطيت في بطني بطيخة صيفي (f. .. وقلتلها : ياااا كريم .. بس تعالي انتي لكي اربعة ايام ساكتة ولا كلمة من يوم هزيمة الشباب .. ماهي عوايدك يعني ! .. اش حكايتك !!؟ .. قالتلي : يا سيدي كنت خايفة اكلمك وانت زعلان تقوم تقولي انك خلااااااص بطلت تشجع الاهلي .. صراحة .. صرت ماني عارفلها هذي العفريتة تجيب الكلام دا عن جد ولا قاعدة تلف ودرو علي .. قلتاها : انا برضو اللي اقول كدا ها .. قالتلي : (g. خلاااااص عاد يا سيدي بلاش نقلب في الماضي .. بصراحة حسيت ان كلمة نقلب في الماضي خرجت من قلبها

بس شوف عاد يا اهلي اش مسوي فينا !! .. عذاااااااااااااااب انت يا اهلي (h.

================

نقطة وحدة بس :




اش حكاية القهوجي مع شنبه ودقنه .. ليش ما يسيبهم في حالهم .. وابو عمر .. الذهبي حقنا .. الله يهديه قام يخبص في شعره .. كل دا في مباراة الاتحاد الاخيرة .. اعرف ان حسين فقط غير وجهة شعره واعرف ايضا انها من خصوصياته .. لكني اوجه له رسالة و للقهوجي .. احب اثنين الي .. رجاءا لا تعبثوا بمظهركما العام الذي اعتدنا رؤيتكم به .. فانتما الاثنين بالاخص وكل نجومنا ملك من املاك النادي وجماهيره

وبشكل عام .. عااااااااااااام .. فاني ارجو من الجميع هنا .. الوقوف بشكل كامل ضد القصات والحركات الغريبة والدخيلة على قيمنا وتقاليدنا الاسلامية النبيلة من قبل اي لاعب من لاعبينا خاصة الفايف ستارز .. خصوصا وانهم يشكلون امثلة ونماذج يقتدي بها الكثير من الشباب والمراهقين بالاخص منهم

وسلملم ، ، ،





[IMG]http://alaasaal.*******************************************************/ALRAGE0.jpg[/IMG]

____________________ ____________________

ايــــــــــــــو و و و ه يا اهـــلــــي * * قـلـبي عـلـيــــك الـتــــــــــــاع
ابن الشاطري غير متواجد حالياً   رد مع اقتباس
روابط دعائية
قديم 03 - 06 - 2004, 40 : 08 PM   رقم المشاركة : [2]
مؤسس منتديات الإمبراطور
يرحمة الله
الصورة الرمزية أبو طاهر
 

أبو طاهر will become famous soon enough

افتراضي  


أولاً

أهنئك بالعفريته التي تجد معها متنفس بعد كل للقاء للأهلي الحبيب وتشاركك الراي وتخرجك من جو المباريات لجو النقاش وإن كان فيه حده او تعب لك ولكن من أجل الأهلي كل شيء يهون ..


بالنسبه للتأهل من أمام الأسماعيلي ..
فأحب أن أوكد للجميع بان مباراة الأسماعيلي مختلفه نهائياً عن المباريات السابقه ويجب أن يكون لها اهتمام خاص بعيداً عن التفائلات والترشيحات لأن مصر كامله تنتظر المباراة وتؤمل على فريقها خير والأتحاد المصري أخر موعد تجمع المنتخب لبعد المباراة حتى لا يؤثر على فرق الأسماعيلي .. فالحذر الحذر الحذر
من الترشيحات أو التقليل من الأسماعسلس لأن له امل مثلنا وله طموحات ولديه نجوم لا يستهان بهم وخصوصاً عندما يلعب في الأسماعيليه ..

كلنا امل في الله سبحانه وتعالى وثقه في نجومنا ونتمنى التوفيق ..

{وبشكل عام .. عااااااااااااام .. فاني ارجو من الجميع هنا .. الوقوف بشكل كامل ضد القصات والحركات الغريبة والدخيلة على قيمنا وتقاليدنا الاسلامية النبيلة من قبل اي لاعب من لاعبينا خاصة الفايف ستارز .. خصوصا وانهم يشكلون امثلة ونماذج يقتدي بها الكثير من الشباب والمراهقين بالاخص منهم )

أتفق معك 100%
فلنكن جميعاً ضد ما يسيء لنجومنا ويسيء لأبنائنا الذين علمناهم حب الأهلي ونجومه ..

تحياتي وتقديري
ابو طاهر




أبو طاهر غير متواجد حالياً   رد مع اقتباس
قديم 03 - 06 - 2004, 47 : 08 PM   رقم المشاركة : [3]
مشرف بمنتدى الأهلي
 

mohhas will become famous soon enough

افتراضي  


ياسلااااااااااااام العفريته هاذي حكاية وانت يابن الشاطري ماابغى اقولك زي مشاغب لكن والله انك 100 %




mohhas غير متواجد حالياً   رد مع اقتباس
قديم 04 - 06 - 2004, 57 : 07 AM   رقم المشاركة : [4]
www.alrage.net
إمبراطوره مميزه
الصورة الرمزية وردة المدائن
 

وردة المدائن will become famous soon enough

افتراضي  


رهيبه أختك هذي

تصدق صرت بعد كل مباراة أدور عن موضوعك


أما القصات وخالد بالتحديد

أول ماشفته إنتقدته فأنا اتفق معاك





أَون وكلٍ يحسـب انَّـي أغنَّـي
عليل وكلٍ يحسب إنَّي مـداوي
وردة المدائن غير متواجد حالياً   رد مع اقتباس
إضافة رد

   
مواقع النشر (المفضلة)
 

عذاب حديث العيون !!



أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are متاحة
Refbacks are متاحة



الساعة الآن 32 : 01 PM

Facebook  twitter  youtube


أشترك معنا ليصلك جديد الإمبراطور
البريد الإلكتروني
زيارة هذه المجموعة


Powered by vBulletin® Version 3.8.7
Copyright ©2000 - 2017, Jelsoft Enterprises Ltd.
Search Engine Optimization by vBSEO ©2011, Crawlability, Inc.
لا تمثل ولا يتحمّل موقع الإمبراطور وإداراته أيّة مسؤوليّة عن المواد والمواضيع والمشاركات الّتي يتم عرضها أو نشرها في موقعنا
ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر