العودة   منتديات الإمبراطور - النادي الأهلي السعودي > مـنـتديات الإمبراطور الرياضية > منتدى جمهور النادي الأهلي السعودي
   

مرزوق ذكي .. والعفريتة اذكى !؟

مرزوق العتيبي .. الاسم المكروه وسط جماهير الاتحاد .. الجماهير الهمجية .. الدموية .. الجماهير التي ستسمع لاي اسم الا اسم مرزوق العتيبي ( هذا الى ما قبل الحركة الاكثر


إضافة رد
   
 
LinkBack أدوات الموضوع
 

قديم 03 - 05 - 2004, 25 : 01 AM   رقم المشاركة : [1]
كـــاتـب متمــيــز
الصورة الرمزية ابن الشاطري
 

ابن الشاطري will become famous soon enough

افتراضي مرزوق ذكي .. والعفريتة اذكى !؟ 


مرزوق العتيبي .. الاسم المكروه وسط جماهير الاتحاد .. الجماهير الهمجية .. الدموية .. الجماهير التي ستسمع لاي اسم الا اسم مرزوق العتيبي ( هذا الى ما قبل الحركة الاكثر خسة في عالم الرياضة ) .. اللاعب الذي اكل عليهم الملايين دون ان يقدم له ما يشفع حتى كلاعب مبتديء

مزقوق .. افضل لاعب مكروه عند جماهير الاتحاد بمستوياته الاسوأ .. ويعرف مزقوق هذه المعلومة انه الاكره عند جمهور الاتحاد ..

قلللب الهرجة في كوره .. وقال اجيهم كيف؟! اغير وجهة نظرهم فيني كيف !؟! .. ايش اسوي !؟! .. ايش اعمل !؟! .. ابغاهم يحبوني .. ابغا الهف المزيد من الملايين في التجديد .. وش السواة .. هنقا بقا بقو

وفجأة .. طبت في كوره .. مالها الا الرمز .. مالها الا اخبط هذا اللي معقدهم وحارق دمهم وفاحس مرارة ابو ابوهم حتى وهم يفوزوا

مالها الا اني اغدر بحسين عبدالغني من ورا .. واديه وحدة في ظهره وهو غافل او ساهي او لاهي .. واحط رجولي ورا عمي رضا تكر ( من الجماعة ) يحميني .. ويستر علي ردة الفعل

وفعلا .. خطط الخسيس .. وقرر ان يفعلها بجوار زملاءه وبجوار غرفة ملابسهم حتى تكون الشردة اضمن .. واخذ يترقب الرمز الاهلاوي .. الفتى الذهبي .. العالمي حسين عبدالغني وهو يمارس حقوقه في التعبير عن فرحته بالفوز الثلاثي .. وعندما تيقن مزقوق ان حسين غافل تماما .. وانه ظهره مهيأ لنطة خسيسة .. فعلها مزقوق الزقة .. واكمل باقي الخسة والهروب خلف اظهر باقي ابناء الجالية وخلف اظهر رجال الامن ..

وبالتالي عرف من اين يأكل باقي اكتاف الاتحادية .. وباقي ملايينهم عن التجديد .. لان الدمويين والفوضويين سيقدرون الخسة لهذا المزقوق وسيكافونه مكافاة بالملايين عند التجديد .. وسيعلنون انقلاب عشقي كامل من اللاعب الاكثر كرها عند ابناء الجالية الاتحادية الى اللاعب الاكثر حبا وعشقا لديهم .. بل ان مرزوق سيصبح رمزا اتحاديا والايام بيننا .. ولايق عليهم الخسيس .. لااااايق (g.

انظروا الى مشاركة مزقوق الزقة في منتدى اتي هاد فانس .. وانظروا للردود والتعقيبات .. وكيف انقلب كيان ابناء الجالية من كره لهذا اللاعب الى حب جارف وعشق سيبقى .. كل ذلك فقط لانه نال بخسة وجبن وضرب في ظهر الرجال وهذا ديدنهم وطباعهم

==================== =========

وقفة مع العفريتة :

انا اول ما شفت التمساح الاخضر بيد مشجع اهلاوي في مدرجات الاهلي .. قدر ما فرحت قدر ما حطيت يدي على قلبي .. ايش يفلتني من العفريتة الاهلاوية .. اختي الصغيرة .. اكيد حترج اهلي الا تبغى زيه

طبعا تاخرت بالليل بالعاني .. عسى اجي وهي نايمة .. بس .. واوقف السيارة ولسه ما قفلت بابها .. الا وصوتها ملعلع في الشارع .. ومن على الشباك فوق .. فجعت اهلي .. وصرخت باعلى صوتها .. متعمدة تبغى تفجعني .. وقالت : وينك يا هوووووو

المهم ... طلعت وانا مستسلم .. وهي عالباب واقفة وبدأ الثرثرة والمقدمات : سيدي مبروك يا سيدي .. بالعربي تمساح الاهلي ليس قوة واحدة ولا اثنتان بل ثلاثة فتاكة (f. .. قايلكم اهلاوية وعفريتة .. بس وادخل ووالبس الثوب المغربي وهي ورايا ورايا .. قرقر .. قرقر .. قرقر .. وانا مطنش .. قفلت وطلعت معاها .. وجابت اللي كنت خايف منه .. وقالتلي : صراحة ما اسيبك الليلة يا سيدي الا تشتريلي تمساح .. وفكرت شوية .. وقالت : لا .. مو واحد .. ابغى 33 تمساح ( تكت عالثلاثات العفريتة ) عشان اهديه لكل صاحباتي اللي في الفصل .. حتى الاتحاديات راح اعطيهم .. طبعا انا عارف انه ماكو فكة .. وهي عارفة اني ما اقدر ارفضلها طلب .. بس وبثوب النوم اخرج للسوبر ماركت والحمد لله لقينا تمساح بس حجمه صغير مرة وبالقوة اقنعتها فيه وانه يمشي الحال .. وكدا

العفريتة اخذت التماسيح على مضض ( حلوة مضض هاذي مدري كيف جبتها ) .. وطلعنا البيت .. وفكيت منها وهربت لغرفتي .. وربع ساعة الا وهي تطقطق الباب : سيدي .. يااا سيدي .. وافتح الباب : خير .. ايش فيه تاني !؟ .. قالتلي وهي مبوزة وانا ما اقدر عالتبويزة هاذي : مو عاجبتني التماسيح هذي .. ابغى زي اللي شفتها .. ابغى ابو اللي ينفخوها بالهوا .. ابغى كبيرة .. كبيرة يا سيدي ..

قلتلها : يا مجنونة كيف حتنفخيها !؟! .. قالتلي : نمر على البنشرجي ينفخلنا منهم 23 حبة عدد الاهلاويات فيهم عشان اوفر عليك شوية ويخلي 10 حبات لا ينفخها لصاحباتي الاتحاديات .. .. قلتلها : اش معنى جا التوفير على هاذي يعني .. انفخيهم كلهم وخلاص !؟ .. قالتلي : لاااا .. بالمرة كمان ابغى نفس الاتحاديات ينقطع وهم ينفخوا فيها (g. .. عفريتة وادري فيها ما قالت كدا الا عشان تتشمت .. ولا هي حنينة وطيبة وحتنفخها كلها

المهم .. وناخذلنا برمة على اسواق الالعاب .. والحمد لله لقينا المطلوب .. واشترينالها 33 تمساح من ابو الهوا .. تماسيح خضراء ولا اطيب منها .. ويالله لسه باقي مشوار البنشرجي .. بس وانفخلها واحد فيهم بس .. ايش قدرني وايش يشيلي 33 تمساح منفوخ .. وقلتلها : خلي صاحباتك كل وحدة تفخ تمساحها بنفسها .. وبالقوة اقتنعت ..




بس ونرجع .. وانا هلكان .. تعبان .. وكالعادة ربع ساعة .. وتجي العفريتة تطقطق باب غرفتي : سيدي .. يااااااااا سيدي .. قمت وانا ودي اخنقها خنق : هاااا نعم خير !؟ .. ايش تاااااني !؟ .. قالتلي : هو تمساح بحيرة الاربعين لسه عايش !؟! .. قلتلها وانا عيوني صارت زي النص ريال : ليش عسى خير !؟ .. عساكي تبغيني اجيبلك تمساح الاربعين ..

قالتلي العفريتة بكل لؤم وخبث ودهاء ومكر : لاااااا .. انا عارفة اني ممكن اضغط عليك واخليك تجيبه من تحت طقاقيق الارض .. طبعا انا شوية ويغمى علي .. وماسك بالباب خايف اطيح من عمايلها .. شوية وهي تضحك تقولي : بس المشكلة حنجيب باقي الـ 33 تمساح حقيقي من وين .. بالله ايش رايكم .. عفريتة ومجننة اهل اهلي .. فركت وشردت وهي تقول : تمساح جدة .. يا كلك .. يم يم يم (g. (h.





[IMG]http://alaasaal.*******************************************************/ALRAGE0.jpg[/IMG]

____________________ ____________________

ايــــــــــــــو و و و ه يا اهـــلــــي * * قـلـبي عـلـيــــك الـتــــــــــــاع
ابن الشاطري غير متواجد حالياً   رد مع اقتباس
روابط دعائية
قديم 03 - 05 - 2004, 48 : 01 AM   رقم المشاركة : [2]
ÄЋŁắoŀ äĻờÂÐị
إدارة منتديات الإمبراطور
الصورة الرمزية اهلاوي الوادي
 

اهلاوي الوادي has a reputation beyond reputeاهلاوي الوادي has a reputation beyond reputeاهلاوي الوادي has a reputation beyond reputeاهلاوي الوادي has a reputation beyond reputeاهلاوي الوادي has a reputation beyond reputeاهلاوي الوادي has a reputation beyond reputeاهلاوي الوادي has a reputation beyond reputeاهلاوي الوادي has a reputation beyond reputeاهلاوي الوادي has a reputation beyond reputeاهلاوي الوادي has a reputation beyond reputeاهلاوي الوادي has a reputation beyond repute

افتراضي  






القدر والخيانه شيمة الانذال ومرزوق هذا قمة النذاله والجبن والوضاعه الرجال تواجه وتاتي من الوجه لكن هذه طريقتهم التي تربو عليها ولعبها صح هذا المعتوه حتى يصل الى قلوبهم التي اهلكها السواد وطغى عليها الاصفرار .
لكن الرد سيكون قاسي بعد الوقف سيكون مرزوق مع وقف اخر من رجال الاهلي حتى يعلم ان الامبراطور شي ثاني .


@@@@

نجي للعفريته الله يخليها لك ويخليك لها وعلى طول هذه المناوشات تكون بروعة الاهلي وعشاقه .
لكن اشوف انها وفيه كثير يعني حتى الاتهاديات ما نسيتهم وفيه لكن على حسابك بس تصدق انه العفريته ما كنت اتوقع انها تنسى وتدعي على مرزوقهم وحاشيته وكمان ما قالت ايش اخر اخبار العمل في الكوبري الجديد والنفق الخيري الذي عمله طلال في حارسهم المترهل

في انتظار طلبات العفريته التي تجهزها للقهوجي وتطلب منه ان يكون حنين على النصراويه لاني اعرفها ما تحب يتشخمط النصر اكثر من خمسه



@@@@

ابن الشاطري ابداع متواصل وامتاع حتى الاعجاب
سلمة ايه القلم الذي نطرب له ونستمتع مع كل حرف منه
فعلا في غايه الروعه ومزيداً من الامتاع ولا تطول الغياب
لانه عشاقك في كل مكان








اهلاوي الوادي
إدارة منتديات الإمبراطور










منتديات الإمبراطور الأهلاوية
www.alrage.net
www.alrage.org
www.alrage.info

التجمع الأكبر لـ جماهير الأهلي على شبكة الإنترنت
اهلاوي الوادي متواجد حالياً   رد مع اقتباس
قديم 03 - 05 - 2004, 32 : 06 PM   رقم المشاركة : [3]
إمبراطورة متميزة
 

.,.محبوبة الاهلي.,. will become famous soon enough

افتراضي  


رااااااااااااائع ياابن الشاطري
موضوع في غاية الروعه والجمال

نتمنى ان تتواصل معنا دوما من خلال مواضيعك الجميله جدا والرائعه

يعطيك الف عافيه


.,.تحياتي.,.







.,.ادخل ياراقي وحي معي امبراطورة الكلمه.,.
http://www.alrage.net/vb/t123358.html
.,.محبوبة الاهلي.,. غير متواجد حالياً   رد مع اقتباس
إضافة رد

   
مواقع النشر (المفضلة)
 

مرزوق ذكي .. والعفريتة اذكى !؟



أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are متاحة
Refbacks are متاحة



الساعة الآن 18 : 04 PM

Facebook  twitter  youtube


أشترك معنا ليصلك جديد الإمبراطور
البريد الإلكتروني
زيارة هذه المجموعة


Powered by vBulletin® Version 3.8.7
Copyright ©2000 - 2017, Jelsoft Enterprises Ltd.
Search Engine Optimization by vBSEO ©2011, Crawlability, Inc.
لا تمثل ولا يتحمّل موقع الإمبراطور وإداراته أيّة مسؤوليّة عن المواد والمواضيع والمشاركات الّتي يتم عرضها أو نشرها في موقعنا
ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر