العودة   منتديات الإمبراطور - النادي الأهلي السعودي > مـنـتديات الإمبراطور الرياضية > منتدى جمهور النادي الأهلي السعودي
   

واللي ما يطول كيم .. حامض عنه يقول !!

منصور : ( بمكابرة ) .. لااااا .. مو داك اللاعب اللي يستحق شيك مفتوح الطايحين عنده : ( بلحوسة ودماغهم في السمسرة اللي حيحصلوها ) .. صدقنا يا شيخنا


إضافة رد
   
 
LinkBack أدوات الموضوع
 

قديم 21 - 01 - 2004, 26 : 08 PM   رقم المشاركة : [1]
كـــاتـب متمــيــز
الصورة الرمزية ابن الشاطري
 

ابن الشاطري will become famous soon enough

افتراضي واللي ما يطول كيم .. حامض عنه يقول !! 


منصور : ( بمكابرة ) .. لااااا .. مو داك اللاعب اللي يستحق شيك مفتوح
الطايحين عنده : ( بلحوسة ودماغهم في السمسرة اللي حيحصلوها ) .. صدقنا يا شيخنا ..
لعيب .. ويكفي ان الاهلاويين هم اللي جابوه .. ممتاز ولا اروع ..
وحنضرب بيه عصفورين بحجر .. ناخذه منهم ونحرمهم هو .. ونستفيد
احنا منه
منصور : ( بهبل ) .. لااااا .. فكونا عاد .. انا اعرف منك .. ولاااا كيف !!
( يعني انه له نظرة فنية .. ولو شاف نفسه في المرايا .. بس مرايا جد .. مو مرايا الطايحين عنده .. حيعرف انه في وادي والرياضة في وادي ) .. بس ويطيرلكم الطايحين عنده برجوله .. ابو عقد قام يلملم بواقي بكله واقراص اذانيه .. والباقيين : امرك امرك اللي تشوفه .. اصلا مافراسه كورة

انتهى الفصل الاول .. بكام شيشة على كام معسل .. وهاتك من هرج الخفافيش في الظلام

******************** ******************** *****
بس .. وتبتدي المباراة .. والنتيجة 1 لهم .. وينطرد القاضي .. ويلحقه عبدالغني .. ومنصور يعدل جلسته على باله مهرجان اهداف !! .. كيف والخصم مطرود منه اثنين ومهزوم كمان .. والطايحين عنده .. هاتلك من دي الصور .. يمين .. وشي يسار .. وكلهم مستنيين الحفلة ..
وتجي الحفلة !! .. بس حفلة غير شكل .. الملحة قلبت عليهم .. والرجال ظهروا في وقتهم بقيادة هذا الكيم .. بس .. ويجيبلك تكر يمين .. وياخذ الزغلول .. يسار .. ويلعبله اول وحدة .. وربك يستر .. وماتجي !! ..
منصور : ( سنونه اختفت ) : ايش الحكاية .. مين دا !!
الطايحين عنده : ( وهم شغالين مراوح على شيخهم ) : هذا كيم ( وتذكروا الكم رفسة ) :
بس ما عليك منه جات معاه !!
بس .. وتجي كورة ثانية .. ويركنها كيم بلياردو في مرمى مبروك .. والدب .. ربك ستر .. بغى يطيح من عالكرسي حقه اللي صمموه له خصيصا ( مافي مقاسه ) .. ولو طاح ايش يقومه دا ..
مصنور : من اول يا حوش يا نور !! .. جيبولي واحد زي دا .. مو شغالين علي
سمسرة ومنشرة عالفاضي .. انا ما قلتلكم انه لعيب ( كذاب ودي
عداته) ..
الطايحين عنده : ( بلعوها كالعادة .. الله يلعن الفلوس ) .. انت الخبير يا شيخ .. انت صح
واحناغلطانين .. خدامك .. نجيبلك رقم اهله ( قصدهم النادي حقه .. بس
تعرفون هرج حواري .. وكدا !! )
بس .. واشتغل الحوش .. وينبشولك رقمه في ثوان .. وانتهى الفصل الثاني

******************** ******************** **********
***
منصور : آلو .. كيفك يا خواجه .. نبغى ولدك ( كدا من الباب للطاقة ) .. الطايحين عنده يأشروله على خجل ( خايفين من كم كف ) .. : يا شيخ .قله نبغى لاعبكم .. بس ويجيهم اللي خايفين منه .. كل واحد يخذله كف .. بس شيخهم حن عليهم .. وقال : طيب .. طيب خلاص .. ويرجع يمسك السماعة بعد مالطع الخواجة يجي كدا 10 دقايق ..
منصور : نبغى لاعبكم .. ( والخواجة طبعا عنده شوية عربي من حق ابو مصير )
الخواجة : ( زعلان من العشرة دقايق اللطعة ) .. بتؤل ايه .. مين معانا اول ..



وعاوز مين بالزبط !!
منصور : ( بغطرسة ما بعدها ) انا الشيخ منصور .. ما تعرفني يالغبي
الخواجة : ( قفلت معاه ) .. طز فيك .. ( ويحط السماعة في وجهه )
وياهي حطة .. اول مرة تحصل مع الدب .. ودفع ثمنها الطايحين عنده كالعادة .. وكم كف .. على كم رفسة .. وهم يا عيني يهدو فيه .. العملية دي قعدتلها كاااااااااام يوم .. وهم يهدون فيه .. وانتهى الفصل الثالث

******************** ******************** **********
*

بس .. وكم مرة يدقدقوا على اهل كيم !! .. عفوا قصدي نادي كيم .. واول ما يعرفوا .. انه منصور .. يحصله قفلة وبالشيش .. الين ما طاحوا عندهم .. طيحة ذليلة وبشيكااااااااااات مفتوحة .. والخواجة يبغى يسمسر .. وصراحة معاه حق !! .. حيطلعله بطلعة يقفل معاها مكتبة وينام .. بس وبدا يعطيهم وجه .. وبداوا هم يوزعوا الاكاذيب كالعادة .. والطايحين عنده .. بداوا ينشروا .. ويجيك عبدالله فلاتة .. ويحطلك خبر في اول واخر صفحة ..

خلاااااااااااااااص .. اشترى الاتحاديون عقد كيم .. انتهى الموضوع

طبعا سمع الاهلاويين .. اصحاب الكلمة الاولى والاخيرة .. بموجب العقد .. والحرية في التجديد او غيره .. الخبر .. واتصلوا بالنادي حق كيم .. واستفسروا عن الموضوع ..
نادي كيم : صراااااحة .. فيه واحد من عندكم غتت .. ثقيل دم .. رجنا .. وهلكنا اتصالات
الا يبغى كيم .. يا ساتر .. اول مرة نشوف كدا .. واحنا نحاول نفهم فيه .. اننا
ملزمين بعقد مع النادي الاهلي .. وهو كل ما نحاول نفهم فيه .. يزيد صفر
عاليمين !! .. انتو كلكم كدا يا سعوديين .. ما تفهموا !!
ادارة الاهلي : ( تحاول تخفف من سوء الصورة اللي نقلها منصور عن السعودين .. وسط
صمت مطبق من الرئاسة العامة لرعاية الشباب بقيادة اميرها ونائبه !! )
لااااا .. ابدا .. بس تعرف المنافسة وقوتها عندنا ( كعادتهم المثالية مع من
يستاهل ومن ما يستاهل !!)
نادي كيم : تصدقون انه حتى يحاول معانا انه حيدفع اللي نبغاه حتى لو ما اعطيناه كيم !!
.. المهم انه ما يلعب لكم انتو يا اهلاوية !! .. انتو الرياضة عندكم كدا يا
سعوديين !! .. بالشكل دا !! .. الله لا يكون لها رياضة !! .. انتو كدا يا
سعوديين !! .. حساد .. حتى في بعضكم البعض !! .. صراحة لو ما الامير
خالد بن عبدالله .. لحرمنا نتعامل مع اي سعودي
ادارة الاهلي : ( ما لقت شي من المثالية تدافع بيه عن سمعة السعوديين .. قامت تصرف
الموضوع ) .. معليش .. المهم طلعولنا اخبار هنا .. انكم وافقتوا على بيع
عقد كيم للاتحاديين .. صح الكلام دا
نادي كيم : كيف نوافق واحنا مربوطين بعقد معاكم .. وشروط .. لاااا .. طبعا .. دا كلام
سماسرة .. واحنا حنبلغهم بالرفض والالتزام بشروطنا معكم
بس .. وينتهي الفصل الثالث .. وهناك عبدالله فلاتة .. قاعد هو وشيخه والطايحين عنده يملو عيونهم من اللي كتبه الفلاتة .. وغيره

******************** ******************** *********

بس .. ويجيهم ترررررررن ترررررررن .. ترررررررم .. جرس تلفون .. ومنصور والبشكة حقه متلمين حوالينه .. يطالعوا في جيبه
الخواجة : معليش يا سيخ ( قصده شيخ ) منصور ( يبغى يقوله الحس كوعك يا
منصور .. ولاااا .. لما تشوف حلمة ودنك يا منصور ) .. ادارة حق كيم
يقول ماليس ( قصده معليش ) .. سرررررري ( مدري كيف جابها دي
الخواجة .. تقول خواجة من الهنداوية ) .. سوري ( بالانجليزي ) .. ما
يقدروا يعطوكم كيم .. هم ملتزمين بشروط مع الاهلي !!
منصور يعض على اسنانه الين ما كسر الباقيله من ضرس العقل .. ويحمر ويخضر ويصفر ويسود .. وكالعادة .. 4 كفوف في فلاتة .. و10 في البكيري .. ورفستين في بطن مالي .. و5 ركب في جستنية .. 4 كفوف في جمال عارف .. ويوقف .. ويجيله جمال عارف بضمير يقوله : انا باقيلي كفين ما اخذتهم !! ( كل واحد عارف نصيبه )
منصور : طب ايش نسوي في اللي كتبناه امس .. ما يكفي .. ريفالدو على المحياني
ويجينا المطب دا كمان !!
فلاتة : بسيطة يا شيخ .. دي المرة علي !! .. عادي .. انا وجهي زي قفايا .. اطلع
خبر بكرة .. واقول انه عشان ما نزايد على جارنا .. انسحبنا .. ورفضنا
نخش في مزايدة ( نعل ابوك كذاااااااب )
منصور : ( بعد كفين على وجه فلاتة .. اصله ما يعرف يتكلم معاهم الا يبدا
بكفوف !! ) .. يا واد جبتها !! .. وهي يعني اول كذبة ولا اخرها .. صح
اننا زودناها شوية .. ننزل خبر اليوم .. وبكرة على طول نكذب ابوه ..
وايش ورانا .. اصلا صرنا معروفين بالكذب والهيامة ..
بس ويلملم منصور شوية اللحم اللي طاح منه .. ويشيل عياله معاه .. وهم وراه تقول بط عالبحر وعياله وراه ماشين بهبل
وانتهى الفصل الرابع .. والى اللقاء في مسرحية اخرى ... وسلامتكم ،،،





[IMG]http://alaasaal.*******************************************************/ALRAGE0.jpg[/IMG]

____________________ ____________________

ايــــــــــــــو و و و ه يا اهـــلــــي * * قـلـبي عـلـيــــك الـتــــــــــــاع
ابن الشاطري غير متواجد حالياً   رد مع اقتباس
روابط دعائية
قديم 21 - 01 - 2004, 34 : 10 PM   رقم المشاركة : [2]
إمبراطور مميز
الصورة الرمزية رياضي2000
 

رياضي2000 will become famous soon enough

افتراضي  


أنا أقلك يا ابن الشاطري عنوان هذه المسرحية

التي لن تنتهي فصولها حتى نجتث الشجرة الخبيثة من أصولها


العنوان هـــــــــو :


كيم الفهيم و الدب البهيم




رياضي2000 غير متواجد حالياً   رد مع اقتباس
قديم 22 - 01 - 2004, 39 : 09 AM   رقم المشاركة : [3]
موقوف
 

الابطال will become famous soon enough
إرسال رسالة عبر AIM إلى الابطال إرسال رسالة عبر Yahoo إلى الابطال

افتراضي  


فرأنا في الصحف أن الاتحاد بيفاوض كيم من ناديه ؟


ونحن نناشد الأمير خالد بعدم التفريط فيه .

وشكراً لكم .




الابطال غير متواجد حالياً   رد مع اقتباس
قديم 23 - 01 - 2004, 09 : 05 PM   رقم المشاركة : [4]
إمبراطور فعال
 

يزن النهدي will become famous soon enough

افتراضي  


بســـم اللــه الــرحمــن الــرحيــم


مسرحية ولافي الاحلام تسلم ايدك ياابن الشاطري


كيــــــــــــــــــ ــــــــــــــــــــ ـم جابلهم الهم وخلي الشي دا الكداب يلحس كوعه ويمص حمر




يزن النهدي غير متواجد حالياً   رد مع اقتباس
إضافة رد

   
مواقع النشر (المفضلة)
 

واللي ما يطول كيم .. حامض عنه يقول !!



أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are متاحة
Refbacks are متاحة



الساعة الآن 07 : 02 PM

Facebook  twitter  youtube


أشترك معنا ليصلك جديد الإمبراطور
البريد الإلكتروني
زيارة هذه المجموعة


Powered by vBulletin® Version 3.8.7
Copyright ©2000 - 2017, Jelsoft Enterprises Ltd.
Search Engine Optimization by vBSEO ©2011, Crawlability, Inc.
لا تمثل ولا يتحمّل موقع الإمبراطور وإداراته أيّة مسؤوليّة عن المواد والمواضيع والمشاركات الّتي يتم عرضها أو نشرها في موقعنا
ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر