العودة   منتديات الإمبراطور - النادي الأهلي السعودي > المــنــتــديــات الــعــامــة > قسم الشعر والخواطر
   

يـــــــــــــــــــ ـــــــــــــمـه

!يا يمّـه .. ماانتهي جيتك وطالب منك الغفران أقبـّـل قاعة أقدامك واغسلها بدمعاتي يا يمّـه .. كل مافيني يناديلك أنا ندمان طلبتك؟.. قولي سامحتك وردي لوجهي بسماتي أنا أدري قلبك


إضافة رد
   
 
LinkBack أدوات الموضوع
 

قديم 07 - 11 - 2002, 25 : 03 AM   رقم المشاركة : [1]
www.alrage.net
إدارة منتديات الإمبراطور
الصورة الرمزية عمر القرشي
 

عمر القرشي has a reputation beyond reputeعمر القرشي has a reputation beyond reputeعمر القرشي has a reputation beyond reputeعمر القرشي has a reputation beyond reputeعمر القرشي has a reputation beyond reputeعمر القرشي has a reputation beyond reputeعمر القرشي has a reputation beyond reputeعمر القرشي has a reputation beyond reputeعمر القرشي has a reputation beyond reputeعمر القرشي has a reputation beyond reputeعمر القرشي has a reputation beyond repute

افتراضي يـــــــــــــــــــ ـــــــــــــمـه 


!يا يمّـه .. ماانتهي جيتك وطالب منك الغفران

أقبـّـل قاعة أقدامك واغسلها بدمعاتي

يا يمّـه .. كل مافيني يناديلك أنا ندمان

طلبتك؟.. قولي سامحتك وردي لوجهي بسماتي

أنا أدري قلبك الطيب كسرته بصدمة النكران

غلطت .. وغلطتي هذي تعير كل غلطاتي

تشوفي الشيب يا يمّـه ترى ماجا وأنا فرحان

وربي إلي رفع ذاتك ونزّل للردى ذاتي

فقدت الراحة من بعدك .. فقدت الطيبه والتحنان

بدونك .. راحتي غاية بدينك هذي راحاتي

أنا بعدك ولا حاجة أنا بعدك ترى عميان

أشوف .. ولا أشوف إلي يوريني مساواتي

أنا وسيد الشّـقى والهم من بعدك غدينا أخوان

يجيب هموم هالعالم .. ويرميها بمتاهاتي

صدقتي .. يوم قلتيلي تدين اليوم بس تندان

رميتك في بداياتي .. ورموني في نهاياتي

أنا من شالك بيده ورماك بأسفل البركان

نخيتيني .. وطلبتيني .. ولا حصلتي نخواتي




مثل ماهنتي بعيوني .. عليهم قلبي يمّـه هان

رموني وضعتهم فزعه .. وأنا الدمعات فزعاتي

يا يمّـه لا تظنيني أنا من فعلهم زعلان؟

سواتٍ فيك سويته وسوّو فيني سواتي

يا يمّـه .. يالله ظميني ودفيني بهالأحضان

أنا أدري فيك مشتاقه .. وهمك بس ملاقاتي

يا يمّـه (حيييييييل) ضميني أبي أرتاح أنا تعبان

تعبت أهرب من ذنوبي ابيك آخر مسافاتي

أبسمع منك أي كلمه .. لصوتك مسمعي ولهان

أبسمع (يمّــه) بصوتك أبذكر فيها نشواتي

أشوفك ساكته يمّـه ؟!!.. غفيتي ولا أنا غلطان؟

غفيتي يا بعد عمري؟.. تعبتي من مواساتي؟

يا يمّـه طالبك قومي .. إذا لي في عيونك شان

أشوف الموت بعيونك .. عساها تخيب هقواتي

تعالوا يا بشر شوفوا أنا محتار أنا تلفان

أنا أمّي مدري وش فيها أنا مدري أنا أحاتي

شنو ؟؟ أمّي أنا ماتت !!! لا لا.. لا ترى غلطان!!!

أنا أمّي ما تخليني على حزني ووناتي

أنا أمّي قلبها طيب ولا يمكن تبكي إنسان

أنا أمّي ما تبكيني .. ولا تتمنى آهاتي

يا يمّـه صح ما متي؟ .. وصح الموت تو ماحان؟

إذا متي أنا بعدك أبقضي وين ساعاتي..؟

يا يمّـه قومي يا يمّـه .. وقولي الموت لا ما كان

أنا جتيم وأنا ناوي أببدي فيك جناتي

تركتيني ومتي ليـه؟؟ تركتيني وأنا غرقان؟

ولا مسموح يا وليدي!! .. ولا تلعنك لعناتي!!

أنا الجاني .. وأنا المجني .. وأنا المخطي .. وأنا الندمان

وأنا بإيدي رميتك إيه .. وبعثرت أهم ملفاتي

وجيت من الهنا مفلس .. وقلبي من الضنا خسران

تركتيني على ناري أعدد فيك زلاتي

ولاني مرضيٍ ربي .. ولاني تابع الشيطان

أنا بعدك ترى مابين نهاياتي وبداياتي

يا يمّـه منتهي جيتك وكلي مرتجي غفران

وشفت الناس تلعني .. وتحذرني من الآتي..،

_+_+_+_+_+_+_+_+_+_

للشاعر .. نصار الضفيري





رحم الله أبو طاهر مؤسس هذا الصرح الشامخ و أسكنه فسيح جناته


التجمع الأكبر لـ جماهير النادي الأهلي السعودي على الإنترنت
عمر القرشي غير متواجد حالياً   رد مع اقتباس
روابط دعائية
قديم 08 - 11 - 2002, 23 : 08 PM   رقم المشاركة : [2]
إمبراطور مميز
مشرف عام سابق على كرة الطائرة
الصورة الرمزية ابو الرجال2
 

ابو الرجال2 will become famous soon enough

افتراضي  


الجنه تحت اقدام الامهات وهذا يكفينا لاتخاذ كل ماهو ارضاء لها





[]تمنيت ان اكون دمعه@ حتي اولد في عينيك@ واعيش علي خديك@ واموت عند شفتيك
مع تحياتي ابوراكان
احمد عسيري ابو راكان
@aborakan1385

مشرف عام الكره الطائره بالنادي الاهلي سابقا

عضو شرف النادي الاهلي
ابو الرجال2 متواجد حالياً   رد مع اقتباس
إضافة رد

   
مواقع النشر (المفضلة)
 

يـــــــــــــــــــ ـــــــــــــمـه



أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are متاحة
Refbacks are متاحة



الساعة الآن 21 : 09 PM

Facebook  twitter  youtube


أشترك معنا ليصلك جديد الإمبراطور
البريد الإلكتروني
زيارة هذه المجموعة


Powered by vBulletin® Version 3.8.7
Copyright ©2000 - 2018, Jelsoft Enterprises Ltd.
Search Engine Optimization by vBSEO ©2011, Crawlability, Inc.
لا تمثل ولا يتحمّل موقع الإمبراطور وإداراته أيّة مسؤوليّة عن المواد والمواضيع والمشاركات الّتي يتم عرضها أو نشرها في موقعنا
ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر