العودة   منتديات الإمبراطور - النادي الأهلي السعودي > مـنـتديات الإمبراطور الرياضية > منتدى جمهور النادي الأهلي السعودي
   

لا..لا..لا..معليش..م عليش..." انتا كدا حتزعلني منك"

السلام عليكم ورحمة الله وبركاته قرأت بعض الاقلام الاهلاويه للاسف اللتي تطالب بانهاء عقد اللاعب البرازيلي هاريسون وتعجبت كثيرا هل هادولا يحبو النادي؟؟؟؟ اذا يحبو النادي فهل من مصلحة النادي


إضافة رد
   
 
LinkBack أدوات الموضوع
 

قديم 26 - 12 - 2008, 45 : 06 AM   رقم المشاركة : [1]
إمبراطور برونزي
الصورة الرمزية 7biby
 

7biby will become famous soon enough
إرسال رسالة عبر MSN إلى 7biby إرسال رسالة عبر Skype إلى 7biby

3 لا..لا..لا..معليش..م عليش..." انتا كدا حتزعلني منك" 


السلام عليكم ورحمة الله وبركاته
قرأت بعض الاقلام الاهلاويه للاسف اللتي تطالب بانهاء عقد اللاعب البرازيلي هاريسون
وتعجبت كثيرا
هل هادولا يحبو النادي؟؟؟؟
اذا يحبو النادي فهل من مصلحة النادي انك تقيل هاريسون ولا تمشي المدرب ما اعتقد
فهاريسون قدم مستويات كبيره مع الاهلي سواء من خلال لعبه كصانع لعب وشفنا الاهداف اللي سجلوها لعيبة الاهلي اغلبها تبدا من رجلو
او في مركز المحور الدفاعي اللي برع فيه بكل نجاح وياما شال وغطى على غلطات صاحب
الواحد لما يجي يتكلم عن هاريسون ولا عن معايزه ولا عن مالدينوف لازم يشوف اول شي اش هيا البصمات اللي حطوها
فهاريسون مثلا هوا اللاعب اللي يربط بين الدفاع والهجوم وهادا كل الناس عارفتو
لاعب مهاري حماس يلعب للفريق كانو مولود فيه وانا اكتر شي يعجبني فيه انو يعرف يحضن عالكوره صح يعني لو الكوره في رجلو انسى تنقطع منو ومناولاتو تجي بالملي يعني بالمسطره نادرا ما يناول كور غلط رجلو قويه
هادي كلها مميزات اللاعب الكويس فا اش نبغا اكتر من كدا
ومعايزه مثلا وجوده في الدفاع يعتبر ضروري جدا لانه لاعب خبره والكل شاف اش سوا في بطولة الخليج كفايه انو اسمو في الجزائر بكنباور الكره الجزائرية لاعب هادي مركز طول المباراه يغطي صح والله وجودو في الملعب يخليني مطمن
صح انو بعد الاصابه اللي خلتو قعد احتياط كتير بس المدرب لو لاحظتو بدا يرجعو حبه حبه
لان المدرب كان شايف انو في تجانس بين عبدربه وعيد بس والله انا حاسس انو لو لعب معايزه جنب عبدربه يؤ يؤ يؤ يؤ يؤ دفاعنا حيكون شعلله حريقه
ومالدينوف لما الواحد يبغا يتفلت ويتفلسف ويقول لازم نقيل مالدينوف لازم يكون ردنا معقول وعلى قد السوال يكون الجواب
شوف يا وجيه
اول شي الكل ملاحظ البصمات اللي مسويها مالدينوف بداية من ترابط خطوط الدفاع مع الوسط مع الهجوم
والشي المهم ترابط لعيبة الدفاع مع بعض يعني ما صار في دفاعنا ثغرات ممكن هجوم الخصم يخترقها
يعني انا صراحة زمان كان اكتر شي يخوفني في الاهلي هوا الدفاع يعني لو جت هجمه مرتده كنت اتاكد انها هدف
لكن دحين لما جا مالدينوف اكتر شي يريحني في الاهلي الدفاع الواحد صار يتفرج مباريات الاهلي ومطمن انو اذا ما فاز ما حيخسر واذا خسر فالنتيجه تكون قليلة الاهداف
يعني خلى دفاعنا اللي كان زي البقاله صار زي خزنة البنك مقفله برقم سري
وهادا شي يحسب للمدرب لانو هادي بصمتو في الدفاع
نقطه تانيه تحسب للمدرب انو اللعيبه بدو يلعبو عالاطراف وهادا طبعا لعب المدرسه الاوروبيه والفريق صار يلعب ككتله واحده يعني مافي تباعد بين الخطوط
بعدين شي تاني قاهرني ورافع ضغطي يعني بعد ما بدو اللعيبه يتفاهمو مع المدرب وخطة لعبو الاوروبيه نسمع بعض الناعقين يقولو "مشو المدرب"
ياعمي استريح وخذ الدوا بانتظام عشان السخونه تروح
صح انو الفريق ما قدر يسجل اهداف كثيره بس هادا سببو انو مالك كان مصاب وبعد رجوع مالك صرنا نشوف مستوى الاهداف ارتفع
وبعدين بعد ما يجي مانسو انسو انسو انسو مشكلة الهجوم
وياسلام كمان لو يحليها العنقري ويجيب عجب عجب
ياسلاااااااااااااااا اااااااااااااااام
هادي وجهة نظري في هاريسون ومعايزه ومالدينوف
بعدين افرضو انو الادارة سمعت كلام الشويه دول
اش حنقعد كل شهرين مدرب ولعيبه؟؟؟؟



اش هوا دا صار لعب عيال
ياحبيبي في نهاية الموسم تحاسب سواء المدرب واللعيبه الاجانب والمحليين
دحين كل واحد يشوف شغلو
واعطي الخباز خبزك ولو اكل نصو
نحنا دايما اغلاطنا ما نستفيد منها مره
يعني كل موسم مدرب ولعيبه جدد على بال ما يتاقلم المدرب مع اللعيبه والاجانب يتاقلمو مع الفريق يكون راح نص الدوري وطارت الطيور بارزاقها
ياريت تكون من دا الموسم الانطلاقه الصحيحه
يعني نستمر عالمدرب نستمر عالاجانب واذا في تغيرات عالاجانب تكون تغيرات طفيفه
وليش ما ناخد العبرة مثلا من الاهلي المصري عندهم استقرار فني مو طبيعي مدربهم جوزيه دا من اول ما تاسس النادي وهوا فيه وشوفهم اهم طلعو كاس العالم للاندية تلات مرات
وهادا سببو الرئيسي الاستقرار الفني والله لو كانو زينا كل موسم مدرب والله ما كانو شمو حتى الدوري
اللي ابغا اقوله انو الشاطر اللي يتعلم من اغلاطو
ويارب عنقرينا يفتهملها ويجدد لمالدينوف كم سنه قدام عشان يسك افواه المتفلتين والفلاسفه وتكون بداية السير في الطريق السريع عفوا قصدي في الطريق الصحيح


.................... ...خربشه عالسريع............. ....
مو عيب انك تغلط العيب انك تكرر الغلط




7biby غير متواجد حالياً   رد مع اقتباس
روابط دعائية
قديم 26 - 12 - 2008, 50 : 06 AM   رقم المشاركة : [2]
www.alrage.net
إمبراطور مميز
الصورة الرمزية مستر قلعة
 

مستر قلعة will become famous soon enough
إرسال رسالة عبر MSN إلى مستر قلعة



ويارب عنقرينا يفتهملها ويجدد لمالدينوف كم سنه قدام عشان يسك افواه المتفلتين والفلاسفه وتكون بداية السير في الطريق السريع عفوا قصدي في الطريق الصحيح


اتفق معك يابطل وملادينوف مدرب كبييير ولو بقي معنا للسنة القادمة راح يسوي شي غير طبيعي





يسعدني تواصلكم




تويتر : https://twitter.com/#!/y_al7arthy
فيس بوك : http://www.facebook.com/yyyksa
مستر قلعة غير متواجد حالياً   رد مع اقتباس
قديم 26 - 12 - 2008, 03 : 07 AM   رقم المشاركة : [3]
إمبراطور فعال
 

كتكوت الراقي will become famous soon enough



كلامك عين العقل

ويارب يتجدد عقد ملادينوف لكم سنه قدام والله مدرب بمواصفات عالميه


وانشاءالله نمشي في الخط السريع وندعس كل الي قدامنا

اهم شي يكون بدون رحمه





يسألوني لماذا تحب الأهلي؟؟؟ يالغبائهم.... كأنهم يسألوني لماذا تتنفس!!!:
أنادي باأعلى الصوت أهــــــــلاوي حتى المووووووووووووووووو ووت
كتكوت الراقي غير متواجد حالياً   رد مع اقتباس
قديم 26 - 12 - 2008, 18 : 07 AM   رقم المشاركة : [4]
إيقاف مؤقت لمخالفة القوانين
الصورة الرمزية المهجول
 

المهجول will become famous soon enough



يعطيك مليون عافيه وتسلم يدك يالغلا



كلامك بالصميم

حب الاهلي يجمعنا




المهجول غير متواجد حالياً   رد مع اقتباس
قديم 26 - 12 - 2008, 35 : 07 AM   رقم المشاركة : [5]
إمبراطور ذهبي
 

mido alahli will become famous soon enough



لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا




لذهااااااااااااااااا ااااااااب المدرب وهاااااااااااااااااا ااااريسووووووووون




mido alahli غير متواجد حالياً   رد مع اقتباس
قديم 26 - 12 - 2008, 08 : 08 AM   رقم المشاركة : [6]
إمبراطور برونزي
الصورة الرمزية 7biby
 

7biby will become famous soon enough
إرسال رسالة عبر MSN إلى 7biby إرسال رسالة عبر Skype إلى 7biby



شاكر للجميع عالمرور الكريم

وان شاء الله يتجدد عقد المدرب واللعيبه الاجانب




7biby غير متواجد حالياً   رد مع اقتباس
قديم 26 - 12 - 2008, 55 : 09 AM   رقم المشاركة : [7]
إمبراطور برونزي
 

الوسام will become famous soon enough



بصراحه خذوها منى وقولو ا انى مافهم كوره

لامالدينوف ولا هاريسون داخلينى مزاجى

بى النسبة لمالدينوف تى اضعف خط هجومى هو فريقنا

ولاعبين يلعبون فى غير مراكزهم

واصرار عجيب على هجوم بقيادة الخراشى والعبسى

وتنسيق لعبد الاله هوساوى

واصرار على محمد عيد ابو الطعات وتركين وليد او معيزه احتياط

واصراره على هاريسون اللاعب الى مافاد الفريق


صانع العاب ماصنع الا هدفين الراهب فى النصر فقط

ولاعب ثقيل وبدون مستوى لياقى ومع ذلك المدرب مصر على انه يلعب طول المباره

لاتقيسون مستوى الاهلى فى ارتفاع بسبب بطولة الخليج

لان النصر فى اسوء مستوياته ولو قالبنا الهلال او الاتحاد كان فيها كلام ثانى

واكبر دليل مستوانا مع الشبا كل ا لمباره مالعبنا فيها سوى عشر دقايق

ولو جاب الشباب الهدف الثالث المحقق كان والله ممكن تكون كبيره بس الله ستر علينا

يعنى رجاء هاريسون برى ومالدينوف بعد معاه
والله فرصه الحين مدرب الا تفاق قارئ المباريات الغى عقده





:sec ret:
الوسام غير متواجد حالياً   رد مع اقتباس
قديم 26 - 12 - 2008, 18 : 10 AM   رقم المشاركة : [8]
إمبراطور برونزي
الصورة الرمزية 7biby
 

7biby will become famous soon enough
إرسال رسالة عبر MSN إلى 7biby إرسال رسالة عبر Skype إلى 7biby



اقتباس
المشاركة الأصلية كتبت بواسطة الوسام
بصراحه خذوها منى وقولو ا انى مافهم كوره

لامالدينوف ولا هاريسون داخلينى مزاجى

بى النسبة لمالدينوف تى اضعف خط هجومى هو فريقنا

ولاعبين يلعبون فى غير مراكزهم

واصرار عجيب على هجوم بقيادة الخراشى والعبسى

وتنسيق لعبد الاله هوساوى

واصرار على محمد عيد ابو الطعات وتركين وليد او معيزه احتياط

واصراره على هاريسون اللاعب الى مافاد الفريق

صانع العاب ماصنع الا هدفين الراهب فى النصر فقط

ولاعب ثقيل وبدون مستوى لياقى ومع ذلك المدرب مصر على انه يلعب طول المباره

لاتقيسون مستوى الاهلى فى ارتفاع بسبب بطولة الخليج

لان النصر فى اسوء مستوياته ولو قالبنا الهلال او الاتحاد كان فيها كلام ثانى

واكبر دليل مستوانا مع الشبا كل ا لمباره مالعبنا فيها سوى عشر دقايق

ولو جاب الشباب الهدف الثالث المحقق كان والله ممكن تكون كبيره بس الله ستر علينا

يعنى رجاء هاريسون برى ومالدينوف بعد معاه
والله فرصه الحين مدرب الا تفاق قارئ المباريات الغى عقده

كان بالمره تقول ما نبغا العنقري كمان
وما نبغا اي لاعب يبقى في النادي
ونرجع تاني لمسلسل كل يومين مدرب وكل يومين لعيبه اجانب
ويستمر مسلسل اللخبطه وعدم الاستقرار الفني
وعدم الاستقرار الاداري




7biby غير متواجد حالياً   رد مع اقتباس
قديم 26 - 12 - 2008, 01 : 07 PM   رقم المشاركة : [9]
إمبراطور برونزي
الصورة الرمزية 7biby
 

7biby will become famous soon enough
إرسال رسالة عبر MSN إلى 7biby إرسال رسالة عبر Skype إلى 7biby



اقتباس
المشاركة الأصلية كتبت بواسطة كتكوت الراقي
كلامك عين العقل

ويارب يتجدد عقد ملادينوف لكم سنه قدام والله مدرب بمواصفات عالميه

وانشاءالله نمشي في الخط السريع وندعس كل الي قدامنا

اهم شي يكون بدون رحمه

وهادا هوا المطلوب
نقول يارب يجددلو العنقري حقنا
شاكر لك عالمرور




7biby غير متواجد حالياً   رد مع اقتباس
قديم 26 - 12 - 2008, 11 : 07 PM   رقم المشاركة : [10]
إمبراطور برونزي
 

أهلاوي الخيف will become famous soon enough



...اسجل اعجابي الشديد بك وبقلمك الرائع ..

انتظر كل مقال لك يطرح هنا ...بسبب وعيك وفكرك الراقي وغيرتك على فريقنا الرائع

نفتقد كثيرا لهذا الفكر ..ولهذه الاطروحات الجميلة ..

بيض الله وجهك ...أخي الحبيب .....ولك مني كل عبارات الحب والتقدير
وليتني اعرف ...فين مقيم بالتحديد ؟؟

محبك ومغليك
أهلاوي الخيف





أهلاوي الخيف غير متواجد حالياً   رد مع اقتباس
إضافة رد

   
مواقع النشر (المفضلة)
 

لا..لا..لا..معليش..م عليش..." انتا كدا حتزعلني منك"



أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are متاحة
Refbacks are متاحة



الساعة الآن 57 : 09 AM

Facebook  twitter  youtube


أشترك معنا ليصلك جديد الإمبراطور
البريد الإلكتروني
زيارة هذه المجموعة


Powered by vBulletin® Version 3.8.7
Copyright ©2000 - 2017, Jelsoft Enterprises Ltd.
Search Engine Optimization by vBSEO ©2011, Crawlability, Inc.
لا تمثل ولا يتحمّل موقع الإمبراطور وإداراته أيّة مسؤوليّة عن المواد والمواضيع والمشاركات الّتي يتم عرضها أو نشرها في موقعنا
ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر