العودة   منتديات الإمبراطور - النادي الأهلي السعودي > مـنـتديات الإمبراطور الرياضية > منتدى جمهور النادي الأهلي السعودي
   

الاهلي.......واحد معصوب لو سمحت!!!

السلام عليكم اول شي احب اهنيكم بعيد الاضحى المبارك كل سنه وانتو طيبين نخش في الموضوع قبل يومين قريت موضوع لواحد من الناس رفعلي ضغطي وفلقلي راسي وخليني اقلكم الموضوع


إضافة رد
   
 
LinkBack أدوات الموضوع
 

قديم 08 - 12 - 2008, 52 : 02 AM   رقم المشاركة : [1]
إمبراطور برونزي
الصورة الرمزية 7biby
 

7biby will become famous soon enough
إرسال رسالة عبر MSN إلى 7biby إرسال رسالة عبر Skype إلى 7biby

5 الاهلي.......واحد معصوب لو سمحت!!! 


السلام عليكم
اول شي احب اهنيكم بعيد الاضحى المبارك
كل سنه وانتو طيبين
نخش في الموضوع
قبل يومين قريت موضوع لواحد من الناس رفعلي ضغطي وفلقلي راسي
وخليني اقلكم الموضوع في نقاط
اول شي يقول لازم المدرب يتغير لانو الاهلي عمال يتخبط(عجبي مو قايلكم شي يفلق الراس)
تاني شي انو كل اجانب الاهلي يتغيرو ونجيب اربعه اجانب جدد((وكمان يرفع الضغط))
لا ويقول انو اجانب الاهلي كلهم من نوع سلملي والمدرب من نوع كيف الحال
لانو مو عارف يسوي تشكيله ملائمه للاعبين
وانو مدرب فاشل ما يعرف في التدريب شي
ويكمل اخينا الفاهم انو الاهلي يلعبو كل المباريات باجتهادات شخصيه وما في اي دور للمدرب
وانو مو معناتو اننا جبنا بطوله هادا ما ينسينا تخبطات مالدينوف مع الفريق الاهلاوي اللي قاعد مع مالدينوف يفقد هويتو كفريق
زي مدرب ريال مدريد او فريق كدا جاب اسمو بس الذاكره خانتني بنت الايه المهم هادا الفريق الكبير المدرب جابلهم بطوله وبعد كدا اقالوه لانو فريقهم قاعد يتخبط

طيب والرد السليم لازم يكون في المكان السليم
تعالو نفصفصها حبه حبه

اول شي انو اخينا الفاهم يبغا العنقري يلغي عقد كل الاجانب طيب يا اخينا ليش؟؟؟
فهمنا!!
قودوين معاك لازم نغيرو بدون اي شك
طيب معيزه صخرة الدفاع ليش تغيرو وانتا دفاعك ياما كان يتلقم من الفرق التانيه
يقولي واحد طيب ياخي خليك واقعي معيزه جالس احتياط اقولو يا بطل ياحبيبي معيزه اصيب قبل مبارتين وجالس في الاحتياط لانو راجع من اصابه
طيب نجي لحبيبنا هاريسون يقول مو في مستوى طموح الاهلي(((طبعا قصدو طموح الاهلي ميسي و رونالدينهو والعيال)))
طيب ياحبيبي ليش مو مستوى الاهلي يا اخينا؟؟
اللاعب ما يعرف يلعب؟؟؟
مو اللاعب جالس يحرثلك الملعب بيداتو ورجولو تجي تقولي ما يعرف يلعب
لا يقولك مو صانع لعب كويس طيب اقلك انو الاهداف اللي سجلها الراهب في النصر من صنعها جدتي؟؟؟هاريسون ياحبيبي مو هادا هوا اللي سواه صح؟؟؟ليش طيب تهضم حقوق الراجل



طيب حتى لو فرضا مو صانع لعب كويس
مو الراجل ظهر ونجم في المحور الدفاعي
فا ليش انتا تخسر محور ما شاء الله عليه يقطع كور ويشيل النص شيل يوصل كور يربط بين الدفاع والهجوم والكوره منو ما تنقطع لاعب مهاري ذكي سريع يعرف متى يلعب متى يعدي متى يشوت ورجلو قويه كل دا وتقلي لاعب موطموح الاهلي؟؟؟؟
يا رجل اتقي الله وانصف هاريسون وسيبك من المحدقه الزايده
يعني الحل كالتالي انا شايفو من ناحية اللعيبه
يخلو معايزه وهاريسون ويجيبو لاعب صانع لعب حريقه ويجيبو مهاجم حرامي باب
والاهلي يصير في العلالي
اما ما يخص مالدينوف
فا انا اقلو تعال تعال تعال
اشبك على مالدينوف
يقلك مدرب متخبط
اش؟؟اش يقول؟؟
فريق متخبط
و مافي تكتيك وبلاوي الدنيا كلها فيه ولازم يمشي
طيب اقلو يا حبيبي الفاهم
اول شي ابغا اعرف اش تعنيلك كلمة تكتيك؟؟
اول شي الراجل شغلو يشهدلو
يعني بعد ما كان دفاعنا يعاني من الشلل النصفي مالدينوف جا وعالجلك المشكله وخلى دفاعنا من اقوى الدفاعات في الدوري وهادا مو كلامي انا الاهداف اللي جت فينا في الدوري تشهدلو
يعني بالله من كان يتوقع انو دفاعنا يصير كدا
ياعمي اذا على ايام نيبوشا كان دفاعنا شوربه وجبنا بطلوتين اجل كيف لو دفاعنا قوي؟؟؟
والخليجيه اول ثمار قطفناها من شغل دا المدرب
بعدين بالله قلي بالله عليك يعني بالله في مدرب يمسك الفريق من اربعه شهور ويجيب معاه بطوله؟؟؟قد صارت دي؟؟؟
لا بس فعلا شكلو صاحبنا الفاهم يتبع المثل اللي يقول جزات المعروف سبعه كفوف
وبعدين تعال بالله هادا التكتيك والانضباط اللي جالس يبان معانا من مباراه لمباراه احسن واحسن هادا كلو مو عاجبك؟؟؟
يعني بالله اش تبغا اكتر من كدا؟؟؟
ولا شكلك يالفاهم ما تعرف اش يعني تكتيك؟؟
يعني تكتيك مدربنا وانضباط الفريق اثار اعجاب الكل وجا صاحبنا الفاهم يقلك مافي تكتيك((عجبي))
بعدين يا اخي المدرب دوبو ماسك الفريق اكيد حيبدل دا وحيبدل دا عشان يعرف مين الانسب انو يلعب اساسي وهادا وضع طبيعي في اي فريق في العالم يمسكو مدرب جديد هادا يا فاهم تسمى مرحلة انتقاليه عشان كدا مستوى الفريق يقل في البدايه
واتوقع المرحله هادي اتجاوزها فريقنا
بعدين لاتنسى انو لما تغير طريقة لعبك من الطريقه البرازيليه للطريقه الاوربيه يبغالها وقت عشان اللعيبه تتاقلم معاها
يعني انتا تبغا المدرب من اول يوم مسك فيه الفريق يفوز؟؟؟
على كدا جبلك نيجيري مشعوذ عشان تفوز مافي داعي لمدرب
ياعمي الكلام عقل مو خدني جيتك
مدربنا من احسن المدربين في الدوري وتجي تقلي يمشي؟؟؟اتكلم كلام معقول يافاهم
وبعدين لعلمك بالتكتيك اللي هوا ماشي بيه جبنا كاس الخليج وحنجيب بطولات كمان وكمان مع دا المدرب لاني في اعتقادي الشخصي مالدينوف هو ضالة الاهلي بس هما جماعتنا يخلوه يشوف شغلو بدون تدخلات وضغوطات وابشرو
قال اش قال نمشيه
وبالنسه لريال مدريد لما اقالو المدرب مع انو جايبلهم بطوله
هاداك المدرب مستوى فريقو يتخبط من مباراه لمباراه يعني مباراه كويس ومباراه تحت هادا اسمو التخبط
اما الاهلي عيني عليه بارده مستواه من مباراه لمباراه احسن واحسن لانو اللعيبه بدو يتاقلمو مع طريقه وتكتيك مالدينوف
يعني هادا يالفاهم مو اسمو تخبط هادا اسمو تطور في المستوى
بعدين لما تقول تكتيك ماعندو المفروض تشوف اش قالو المدربين والخبراء عند تكتيك وانضباط مالدينوف عشان تعرف كيف تكتيك مدربنا يابوتكتيك انتا!!
لا وقال اش في النهايه هادي وجهة نظري
هادي مو اسمها وجهة نظر هادي اسمها وجهة هبل مع احترامي لك لانو كلامك مش منطقي
وفي النهايه اقل للفاهم خوينا
سيبك من الكوره وخليك في المعصوب احسلك
ترا يقولو ابوزيد عندهم معصوب بالقشطه لذيذ في الصميم
معليش بس كلامك وخرابيطك ذكرتني بالمعصوب كلو لت وعجن
فاخليك في معصوبك وخلينا في اهلينا

....خربشه....
......اي فاهم يسلملي عالمعصوب....




7biby غير متواجد حالياً   رد مع اقتباس
روابط دعائية
قديم 08 - 12 - 2008, 02 : 03 AM   رقم المشاركة : [2]
إيقاف مؤقت لمخالفة القوانين
الصورة الرمزية ولد الجوهره
 

ولد الجوهره will become famous soon enough



على طاري المعصوب ترى معصوب بلادي والله جنان في الهنداويه
هههههههههههههههههههه هههههههههههههههههههه ههههههههههههه

معليك منو مافيهم كوره




ولد الجوهره غير متواجد حالياً   رد مع اقتباس
قديم 08 - 12 - 2008, 06 : 03 AM   رقم المشاركة : [3]
إمبراطور ذهبي
 

mido alahli will become famous soon enough



كلاااااامك صحيح 100 %




mido alahli غير متواجد حالياً   رد مع اقتباس
قديم 08 - 12 - 2008, 21 : 03 AM   رقم المشاركة : [4]
إمبراطور ذهبي
محرر رابطة مانشستر يونايتد
الصورة الرمزية ĽęġẺŊĎ ŧЯÖÿ
 

ĽęġẺŊĎ ŧЯÖÿ has a reputation beyond reputeĽęġẺŊĎ ŧЯÖÿ has a reputation beyond reputeĽęġẺŊĎ ŧЯÖÿ has a reputation beyond reputeĽęġẺŊĎ ŧЯÖÿ has a reputation beyond reputeĽęġẺŊĎ ŧЯÖÿ has a reputation beyond reputeĽęġẺŊĎ ŧЯÖÿ has a reputation beyond reputeĽęġẺŊĎ ŧЯÖÿ has a reputation beyond reputeĽęġẺŊĎ ŧЯÖÿ has a reputation beyond reputeĽęġẺŊĎ ŧЯÖÿ has a reputation beyond reputeĽęġẺŊĎ ŧЯÖÿ has a reputation beyond reputeĽęġẺŊĎ ŧЯÖÿ has a reputation beyond repute



والله لويتغير المدرب ليتدهور مستواه
















ĽęġẺŊĎ ŧЯÖÿ غير متواجد حالياً   رد مع اقتباس
قديم 08 - 12 - 2008, 26 : 03 AM   رقم المشاركة : [5]
إيقاف مؤقت لمخالفة القوانين
الصورة الرمزية المهجول
 

المهجول will become famous soon enough



مايحتاج تعصب وتزعل منهم
بس قاعده الموضوع مايعجبك لاتفكر تشوفه لان فيه مندسين بيننا يرفعو الظغط
وبعد اصبر رجبا ترى عجبا
المهم هدي اعصابك ولا تخاف مادام ابو فيصل موجود الله لايحرمنا منه


حب الاهلي يجمعنا




المهجول غير متواجد حالياً   رد مع اقتباس
قديم 08 - 12 - 2008, 32 : 03 AM   رقم المشاركة : [6]
إمبراطور ذهبي
المركز الثالث افضل تغطيه
الصورة الرمزية الاهلاوي الانيق
 

الاهلاوي الانيق will become famous soon enough



المفروض تهدأ قبل كم يوم كسبنا بطولة هههههههههههههههههههه هههههههههههههههههههه ههههههههههه


اخوي هذي وجهة نظره ولكل مين فينا وجهة نظر لازم نحترمها








من باعنا برخيص نبيعه بتراب
يا خااااااااااااااين يا كذااااااب

اذهب غير مأسوف عليك
الى مزبلة التاريخ
الاهلاوي الانيق غير متواجد حالياً   رد مع اقتباس
قديم 08 - 12 - 2008, 38 : 03 AM   رقم المشاركة : [7]
إمبراطور برونزي
الصورة الرمزية 7biby
 

7biby will become famous soon enough
إرسال رسالة عبر MSN إلى 7biby إرسال رسالة عبر Skype إلى 7biby



انا مش ضد اني اسمع وجهات النظر لكن بعقل يابويا مو تقلي كلام ما يدخل العقل وتقلي وجهة نظر

وانا والله عشمي في ابو فيصل كبير انسان فاهم وواعي واكيد ما حيطل للاراء المريضة اللي زي كدا
شاكر لكم جميعا عالمرور وكل سنة وانتو طيبين




7biby غير متواجد حالياً   رد مع اقتباس
قديم 08 - 12 - 2008, 43 : 03 AM   رقم المشاركة : [8]
إيقاف مؤقت لمخالفة القوانين
الصورة الرمزية المهجول
 

المهجول will become famous soon enough



وانت طيب يامعصب مومعصوب ومايحتاج هاذا كله
وانت كبير ياكبير كلنا نحترم وجهه نظرك واختلاف الراي لايفسد للود قضيه




تعجبني غيرتك على الكيان الراقي
ادام الله عليك الصحه والعافيه


وكل سنه وانت طيب




المهجول غير متواجد حالياً   رد مع اقتباس
قديم 08 - 12 - 2008, 48 : 03 AM   رقم المشاركة : [9]
إمبراطور برونزي
الصورة الرمزية 7biby
 

7biby will become famous soon enough
إرسال رسالة عبر MSN إلى 7biby إرسال رسالة عبر Skype إلى 7biby



انا مو معصب بس ياخي في ناس تقول كلام ينرفز ما يدخل العقل لا بالطول ولا بالعرض




7biby غير متواجد حالياً   رد مع اقتباس
قديم 08 - 12 - 2008, 58 : 03 AM   رقم المشاركة : [10]
إمبراطور مميز
الصورة الرمزية أهلاوي العاصمه
 

أهلاوي العاصمه will become famous soon enough



كلامك عين العقل ياخوي 000 خاصه معايزة والله مدافع موهوووووووب ولا يغرك مستوى عيد وجفين هذا هم للحين ماتمرنوا مع النادي من يوم البطوله يعني بالعربي ماتضمنهم 000
وهاريسون مستوى رائع في المحور الدفاعي وممتاز جدا وهذا الي ينقص الاهلي من زمان خصوصا وصاحب ماعاد هو صاحب زمان


والمدرب مدرب تكتيكي من الطراز الاول لكن على فكره هاذي اول مباراه يكتمل معاه الفريق الي هي مباراة النهائي وشفنا وش سوى 000

تحياتي لك ولازم نتقبل الراي والراي الاخر وانا اخوك والله يديم افراحنا وكل عام وانتم بخير







[gdwl]بلطان وينه ... كسرنا عينه[/gdwl]








[gdwl]


[/gdwl]
الله يوفق الاهلي يارب
أهلاوي العاصمه غير متواجد حالياً   رد مع اقتباس
إضافة رد

   
مواقع النشر (المفضلة)
 

الاهلي.......واحد معصوب لو سمحت!!!



أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are متاحة
Refbacks are متاحة



الساعة الآن 04 : 12 PM

Facebook  twitter  youtube


أشترك معنا ليصلك جديد الإمبراطور
البريد الإلكتروني
زيارة هذه المجموعة


Powered by vBulletin® Version 3.8.7
Copyright ©2000 - 2017, Jelsoft Enterprises Ltd.
Search Engine Optimization by vBSEO ©2011, Crawlability, Inc.
لا تمثل ولا يتحمّل موقع الإمبراطور وإداراته أيّة مسؤوليّة عن المواد والمواضيع والمشاركات الّتي يتم عرضها أو نشرها في موقعنا
ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر