ويلاه من قلــــــــــبٍ جمع كل الاحزان

صار الحزن مرســوم في وسط عيني

شئ جرالــــي ماجرى يوم لا نـــسان

وكل الهموم وضـيقة الصـــدر فيــني

من كثر مابي هم جالست الاحزان

اسهر مع همومي ولحدٍ يجيني

ضحكــــات سني للبشر دايـــــــــم تبان

وضـحـكات قــلبي مــيتـه مـن سنيني

صرت اكره العالم سوى اشكال والوان

من بـعد مــاقـرر خــلاص ونـسـيــنـي

قلت وش حصل في حـــــــبنا قالي كان

حـــبــك تــرى برمــل القــصيم ودفيني

وان كنت انا ناســـــــيك ارجوك تنسان

والــحين بــمشـي لان حــبيــبي يـبيني

قالها فبرود اعــــــــــــصاب مامر بنسان

قالــها فــبـرود وكـنّه مـاهو ضـــنــيني

بكيت يومٍ شفتــــهم شوف الاعــــــــيان



يــمشون وهــم مــتــماسـكين الاديني



اكبر قهر غيري يضـــمه بالاحــــضان



وانا اللـذي مـــعطــيه حبي وحـنــيـني



راح وتركني قصةٍ دون عـــــــــــنوان



وصرت احتري موتي يتكرم يجيني



وش لي بهالدنيا اذا الخل قد خـــــان



بــموت وادفـن جـنب حـــبي الدفيني



قلت وش حصل في حبنا قالي كان



حبك تــرى برمل (البدائع) دفيني



الشاعر سعد بن جزاء الميموني
شاعر حزن