العودة   منتديات الإمبراطور - النادي الأهلي السعودي > المــنــتــديــات الــعــامــة > قسم الشعر والخواطر > همس القوافي وبوح الخواطر (المنقـولة)
   

&&& بحــــر المشـــاعـــر &&& أكثــر مـن ++= 400 =++ قصــيده لعمالقة الشعر

مساء الورد ... مساء الشعر مساء الكلمة الراقيه ..... والإحساس المتدفق دعونا نشق البحار والمحيطات .... بسفينتنا الشعرية إحزموا حقائبكم .... فقد تطول بنا هذه الرحلة سنشق فيها طريقنا لأعذب


إضافة رد
   
 
LinkBack أدوات الموضوع
 

قديم 31 - 05 - 2008, 56 : 12 PM   رقم المشاركة : [1]
امبراطور نشيط
الصورة الرمزية اهلاوي997
 

اهلاوي997 will become famous soon enough

8 &&& بحــــر المشـــاعـــر &&& أكثــر مـن ++= 400 =++ قصــيده لعمالقة الشعر 




مساء الورد ... مساء الشعر

مساء الكلمة الراقيه ..... والإحساس المتدفق


دعونا نشق البحار والمحيطات .... بسفينتنا الشعرية

إحزموا حقائبكم .... فقد تطول بنا هذه الرحلة

سنشق فيها طريقنا لأعذب الكلمات

ونبحر مع أكثر من 400 قصيده لعمالقة الشعر .

فهل أنتم مستعدون .... لإنطلاقة مركبنا



على بركة الله .... نبدأ المسير

.







اهلاوي997 غير متواجد حالياً   رد مع اقتباس
قديم 31 - 05 - 2008, 02 : 01 PM   رقم المشاركة : [2]
امبراطور نشيط
الصورة الرمزية اهلاوي997
 

اهلاوي997 will become famous soon enough





طلال الرشــــيد " الملتـــاع"




((قالت قدر))




قالت قدر و أقول يومك تبيني
غصبن على الدنيا يدك في يديني
لا تظلمين الوقت وش ذنب الأيام
لا تظلمين الحظ لا تظلميني
غديت مابين ارجا فيك واليأس
هذا يبي مني وهذا يبيني
إن قلت شمت وخاطري طاب كذاب
وان قالت أبيك ارخصت نفسي بعيني
خيرني أمري بين أصعب خيارين
موتي أنا أو موت الحساس فيني
لكن زماني المر علمني أني
أموت محني لجل قلبي جبيني
والله ما تلقين حبي مع الناس
روحي وها لأيام بينك وبيني



...............




العواذل




حبيبتي كل العواذل تشابه
قلبٍ ظلام ووجه يشبه للأصحاب

ولا ما غدى لك صاحبٍ ينحكى به
لا تسمعي أن كان لك قلب وأحباب

إلى مشيت الدرب يلهث سرابه
وإلى سكنت الدار ناداني الباب

وشلون أنام وهم قلبي صوابه
والشوك ينبت بين جفنين وأهداب

تعبت امني .. الأسئلة بالاجابة
وانطر شروق الشمس والشمس بغياب

وتعبت أناظر والمعنى عذابه
أنك بعيده والملا دونك حجاب

اجمع كلام وما أعرف الإجابه
وعندي شعور صدق والوقت كذاب

كل النجوم اللي امطرت من سحابه
حبيبتي دمعك جرح قلب واتراب

واللي وقف ما بين بابي وبابه
قلبٍ ظلام .. ولابس ثوب الأصحاب




...............



باقي الخلق في كف




انتي بكف وباقي الخلق في كف

متعليه في وسط قلبي ولك شان


في غير وصلك مالقلبي ترى شف

محتاج لك يانور عيني وشفقان


لا جابوا اسمك صرت انا تقل مختف

مالي على نفسي الى اطروك سلطان


من غير حبك غضت عيوني الطرف

ياللي جمالك صار للزين عنوان


اريد انا قربك ترى ياغذا الحرف

وان ماحصل موتي ودنياي سيان




................




جتني


جتني وشافتها عيون حايرات

ذا شعاع الشمس او هذا سناها


ضاعوا اللي جوا معاها مسيرات

واقبلت تمشي تقل محدٍ معاها


ياسنا الفضه وياجيد المهات

ياشذى نبت الخزامى في وطاها


قلت كن بوجنتك زهر النبات

قالت ان الرمش يجرح لي صفاها


تجرح الظلما عيون ناعسات

سلهمت وأغضت تغطرس في بهاها


حققوا بالشوف في لون الشفاة

هو خذا منها الشفق والا عطاها


ولو ظلام الليل يعطينا ثبات

فيه من لون الشعر والا كساها


كيف أباصف زين كاملة الصفات

كيف أباصل في حروفي منتهاها


.................... ....





ذكرى الفراق



اليوم ذكرى الفراق ومرت اول سنه
اليوم لي عام متغرب وحيد وحزين


اليوم انا ضيف جرحي جيت باطمنه
اني جمعت الدموع وجبت امانة امين


ما يجرح الصادق الا غدر من يامنه
لا جت من احباب قلبك لا تلوم السنين


مليت من هالاماني دام مهي ممكنه
لاهي تحقق ولا ياسي بوجهي يبين


لوين انا وانت مثل الشمس والازمنه
مع كل صبحٍ يجددني لشمسك حنين


لا قلت احبك احبك كنها دندنه
او كنها وردةٍ مابين اصابع جنين


يا اجمل الناس لك بين الملا هيمنه
كثير غيرك ولكن مين مثلك و وين


يا عاذلي خذ عيوني يمكن تثمنه
تشوف عيبه وانا اشوفه ملاك حسين


امس افترقنا وانا احسب مرت اول سنه
يا طولها ليلة الفرقا سنة للحزين




.................... ...........




عيون الحب



عيون الحب لا يمكن تناظر
عيوب الخل لوهو عيب كله

تماري فيه وبوصفه تكابر
ترى من فوق خلق الله محله

رفيق الليل في الشباك ناطر
واثاري الليل شباك لخله

حفظ احلى الكلام وصار شاعر
بصبر ينتظر والصبر مله

حبيب عشت في دنياه عابر
حسب قوله ويا شعري فقله

انا ضحيت له وارجي وصابر
واذا عيا اقول الله يحله

على الملتاع الا يا بعد باكر
يبي السلوان والذكرى تظله

صحيح ان الهوى سحر المشاعر
يراه الصب عز لو يذله

عيون الحب في قلبي تناظر
تشوف اللي عيوني ما تدله





.................... ..................





ما جته في موعده


يحتريها موعد آمال كبار ناجته
يحتريها حافظ بعض الكلام اللي يبلغ حاجته
يتأمل بالوجيه يتحراها تجيه
والثواني يأس يرجي وترتجيه
لا تأمل بالوجيه
موعدك لا ما تجيه
وما جته
الناطر الموعود اشبهه بالعود
اللي وقفت يوم على متنه حمامه
راحت وناطرها تعود
طويل النفس ليله
ويرجي صبر حيله
ويله
كم تأمل بالوجيه وكم تحراها تجيه
وما جته
لو قيل لي ان القمر ياطا على متون النجوم
والشمس لا جا الليل ترخى جوانحها و تنوم
وان الغيوم قلب على الصحرا حنون
اصدق وما اصدق تجيه
اللي على خده يده
واللي الامل باسمه نده
قم تأمل بالوجيه
موعدك يمكن تجيه




.................... ..................





مكانك مكانك



أموت من فرقاك .. و أموت بلقاك
وأموت من جورك .. و أموت بحنانك
كلٍ قضاه يموت مرّه .. و يفداك
و أنا أموت ألفين مرّه .. عشانك
أذكرك.. لا مني نسيت إني نسيتك
أنساك .. لامني ذكرت نسيانك
رضيت أنا بالهم لرضاك مرضاك
و ارخصت لك قلبٍ جرحته .. وصانك
أجيك في صدري عتاب .. و أبجفاك
و أرجع ألوم الوقت و أقول خانك
أحب فيك .. احساسي إني بلاماك
في عز خوفي منك أحس بأمانك
عجزت أفرق بين وصلك و فرقاك
ياللي عطيت الناس بيدك عنانك
مر تجيني لين أقول إني إياك
و مر تروح بعيد و انسى أوانك
أقبل و تقفي .. و اعتذر عن خطاياك
و أقول ما عييت .. عيا زمانك
و إن خانتك دنياك .. أو خنت دنياك
إرجع و تلقابي .. مكانك.. مكانك




.................... ................





يا طاهره




ابنت انا ماني كذا وظنونك تكذب عليك
كلي عيوب وماقوت تخجلني ظنونك وتوب
اكذب عليك ودوم اخونك وألبس الأبيض واجيك
واعشق معك الفين وجه ويمتلي صدري قلوب
احلى اقول لك لو قلتها البارح لذيك
ياقف على شفاهي معك مراهق صب لعوب
اكذب ولا ادري ليه اكذب اعشقك ما ارتجيك
اخاف من صدق الحقيقة في الهروب من الهروب
والله احبك واعشقك واعرف زمان اني ابيك
لكنها هذي الحياة تعلمت مني الذنوب
العين عجزت تعتقك والقلب عيا يشتريك
في السجن خيال وفي،في الصدر رجال كذوب
هذي الحقيقة مايجي في الكون اطهر من يديك
وانا الذي انقض وضوء الغيم والماء والهبوب
انقل عيوبي فوق متني وانتي لعيبك شريك
وباكر تبسّم لي وجيه لك يعبسها الشحوب
ياطاهرة حنا كذا والمظهر يكذب عليك
يمكن يجي يوم نجي نخجل من ظنونك نتوب




.................... .................





آخر الحب




كنت احسب اني عرفت الحب قبل اعرفك
وعشقت قبل اعشقك واشتقت قبل التقيك


وكنت احسب اني لقيت احباب قبل اوصلك
واثري توهمت في غيرك وانا كنت ابيك


تعال نعطش وتشربني وانا اشربك
تعال قبل الوعد اجلس معي نحتريك


تعال شفني وانا استناك كم اشبهك
يطري علي الف راي و راي واحتار فيك


اجي مكان الوعد والا اسبقه انطرك
والا آخذ الموعد اللي يحتريك واجيك


يا آخر الحب ذقت الحب في اولك
ويا اول الشوق اقصى الشوق ما ينتهيك


علمتني كيف اعرفك لين صرت اجهلك
ضيعتني في متاهاتك وكنت ارتجيك


حبيب الاحلام يابعدك ويامقربك
حرام يكفي تبعثرني وانا احتويك


ان شفتك بحلم صدقته وانا اتوهمك
وان شفتك بعلم كذبته الين انتشيك


اخاف اغمض عيوني وان رمشت افقدك
واخاف افتح وتصبح حلم ولا التقيك




.................... ..............




"الليلة إحساسي غريب "




الليلة إحساسي غريب

عاشق ونا مالي حبيب

حبيت كل الناس لاموني

حبيت كل الناس باعوني

قلت أحب الحب أحسن

قلت أحب الحب أضمن

لا أحن .... ولا أتوه

ولا بعد في يوم أحزن

رضيت بأقداري ونصيبي

صرت محبوب الحبايب

وصار كل عاشق حبيبي

الليلة غير

شعوري غير

أشواقي غير

حتى الأغاني غير

صدري سما ... واحساسي طير

بس طيفك ماتركني

ظل ساكن تحت جفني

كان وافي...كان يذكر وإنت ناسي

إنت وينك ؟

كان هذا الفرق مابيني وبينك؟!

جيتني تشكي الزمن

وجيتك أبي أدفى

لقيت في قلبي وطن

ولقيت فيك منفى




.................... .................... .





أوعدك




أوعدك

إن كان بعدي يسعدك

الليله أرحل

من الليله باختار الطريق

من الليله الليل الرفيق

و أوعدك

ما أعاتب أو ألوم .. إلا نفسي

و ما دام في قلبٍ معك

أوعدك

حبيبتي يا ليت

ما قولك يا ليت

و ما قد تمنيت و شكيت

حبيبتي ويلي

لا من غدى جسري

أنا لنسيانك انتي ذكريات

حبيبتي

ما أصعبه نسيان ذاتي

و إلا أقوم .. أوعدك

سريت

عن الليل اللي ف عيونك

عن بلادك سريت

و أوعدك

إني أقول إني نسيت

بس أوعديني

لا زارني طيفك و أنا وحدي

إني ما أبكي

و أنك في قلبي تموتي

و أنك على عيوني تفوتي

و ما أعرفك

و أوعدك

إني من الليلة أموت

من يوم أقوم .. أوعدك

أوعدك




.................... ...................





حبيبتي




حبيبتي لا من غديتي لي سراج اتبعه
وكني غديت من الظما اركض ويطردني السراب
لا تبخلين اليا شربتك ماشربتك من سعه
دامي من جروح الهموم الموجعه كلي صواب
اليوم مرتني السواني والفصول الاربعه
اليوم مريت المواني والمباني والسحاب
اليوم ماكني لقيتك مر صوتك ماسمعه
اليوم ما كني فقدتك من سؤالين وجواب
يابنت في خدك وهج سيل الشموس الساطعه
احرق بداخل داخلي انسان ماهو للتراب
واللي خلق ظلم الليالي بالعيون الهاجعه
اني من الحرمان اتسائل وحرماني جواب
يوم الوداع تخيلي مالي حبيب اوادعه
محروم انا وتخيلي محروم حتى من العذاب
يابنت لي قصه تطول بكلمتين موجعه
هي باختصار اني انا اركض ويطردني السراب




.................... ................




رسالة .. إلى صديق الطفولة




صديق الطفولة وش جرى لك مع الأيام
هي أنصفت دنياك والا أنت بك مثلي

فقدنا ملامحنا مثل ساير الأنام
عبث بنا جور الزمن والزمن يبلي

وقفنا جميع وبيننا حاجز الأعوام
صعيب ٍ وصولي لك.. ويا صعب لك وصلي

وأنا اشوف في وجهك طريق غشاه عتام
وذاك النخل واشوف دارك ودار أهلي

وسدره.. هي أكرم من أهل بيتها اللوام
وفي وجهك أصحابي.. عصى مدرسي.. وفصلي

وعود ٍ كبير ودايم ٍ فالظلال ينام
في ذكرياتي له بعد ملمح وجلي

وسور كتبنا فيه ذكرى عبث وأوهام
ولي في عيونك صورة زانها جهلي

بثوب تبلّل بالمطر والتراب وشام
وأنا حب أسير الْعَب وهي حافيه رجلي

أنا وانت طفل وطفل دايم رضى وخصام
بكانا سهل والضحكة أمرٍ بعد سهلي

دعاني بوجهك ناده ٍ ينده الأحلام
معه رمح مدري هو علي غاضب.. أو لجلي

أنا كيف أباصل والأمل خلف مو قدام
كثير الأسى والسِّهد يا من فعل فعلي




.................... .................... .





عيون الصغار




وجهك غضب .. وجهك عروس

يضوي مدى .. يحرق نفوس

تشبه لك الشمس الشموس

! .. و ما لمحتك

سلام يا أحلى الأنام

دربي مثل عينك ظلام

تشبه لك أسراب الحمام

! .. و ما وصلتك

يا صوتها الرايح وجاي

مابين أشواقي وشقاي

تشبه لك الونّه و ناي

! .. و ما سمعتك

حبيبتي والبوح نار

إنتي أنا بكل إختصار

تشبه لك عيون الصغار

! .. و ما عشقتك

يا مهرتي البيضا الأصيل

تلعب و انا صبٍّ نحيل

تشبهك غابات النخيل

! .. و ما سكنتك

يا غاية الحلم المحال

مثلك أنا حلمي الوصال

يشبهك في الشاعر خيال

! .. و ما كتبتك




.................... .................... ...




ما قلت احبك




ما قلت احبك ولا قد قلت ما احبك

احب مالي عيوني وانت تسواها

لو تدري اشكثر تعني لي تعرف انك

اخر امل في حياتي واول مناها

ياكثر

احس انك بي مني وبي منك

روح قسمها على شخصين مولاها

لا تقول شتحب فيني اعشقك كلك

من ليل شعرك لشمسك واخر اقصاها

سميتني نصفك الثاني ويا شحك

انا بسميك كلي وانت معناها

تعبت

تعبت اوديك ليه يا قلب ويردك

لآخذ حلومي ولا خلاني انساها

كل الحمام استراح وناح في ظلك

والورد الاصفر سقته الروح من ماها

ليتك بعمري ثلاث اشخاص ما املك

واحد معي دووم واحد روحي يملاها

والثالث بجفن عيني لا فقد حسك

او اغمض الجفن جاني فيك يتباها

مو بس احبك انا والله من حبك

احب حتى ثرى الارض اللي تاطاها




.................... ....................





مهوب إنت المريض .. إنت الشفا



هلا بك .. هي هلا اللّي قالها الصايم ليوم العيد
هلا بك .. هي هلا اللّي قالها للغيث هالوادي
هلا بك .. هي هلا اللّي قالها يعقوب بالتنهيد
ليوسف يوم عاد..و عاد شوفه.. و أنكف الغادي
هلا بك .. كثر ما أمّنت خايف .. أو رعبت مكيد
هلا بك يا عدو همومنا .. وهلال الأعيادي
تصاغرت الهلا .. من كبر قدرك .. و اعذر الترديد
لأنك شامخ مثل الجبل .. له بالصدى حادي
حسدت الشعر .. يوم إنه طليق لك .. و أنا في قيد
وجبته يوم جاك .. و شفت فيه مراة حسادي
مهوب إنت المريض .. إنت الشفا .. يا قريّبٍ و بعيد
وانا أقول المريض اللي .. فقد طلّتك فبلادي
سلمت إنت .. و سلمنا من سلاماتك عن التنكيد
أهنّيك .. أو أهنّي الناس .. أو نفسي و أنا البادي
يابو كل اليتامى و الضعوف و معسر ومريد
غديت الشمس وقلوب الخلايق زهر عبّادي
عليك نخاف منك .. إلى رقدنا و إنت في تسهيد
تقل من كثر حب الخير .. صرت لنفسك معادي
تطلّبك المرض نفسك .. و قلت أبشر بلا تحديد
فلا والله أرد اللي طلبني .. لو يبي زادي
هذاك إنت الضليل الضافي الوافي مناة الغيد
هذاك إنت الكبير المنور المنثور بالكادي
هذاك إنت الأصيل الماجد الناجد سليل الصيد
هذاك إنت الرفيع المشرق البراق والهادي
هذاك إنت الوفي العارف الوارف ربيع البيد
هذاك إنت العظيم الشامخ اللّي فوق الأشهادي
هلا بك .. و القدر بالصدر .. لا عجز القصيد يصيد
قصيدٍ لا درى إنّه فيك .. سمى شارده عادي




.................... ...................




ورثي احرامي



أنا مابي من الدنيا 00وصول ٍ للعيون الدعج
وأظن الصدق يكفي00لو أموت00وورثي احرامي

حبيبي جاهل ٍ طاغي 00يحسب إن الجوارح ثلج
وأنا مالي شفاه وفم00صوتي ضيّع احلامي

إذا حبك ذبحني صد ّ00كل ٍ له بموته نهج
تشهّد بالعجاج البيد00قبل تموت قدامي

أنا غصن ٍ00وأنت اوراق00والعاذل خريف وعج
و وش عذر الورق والغصن00لا يابس ولا ظامي

غديت الشايب اللي عاصب ٍ راس الزمان الحرج
كبير ٍ حز ّم الدنيا على متنه 00ولا قامي

شليلي بالعفاف ابيض 00 على حالته يومه نسج
تدور الناس والدنيا00وأموت وورثي احرامي



.................... .................





اخرحب




كنت احسب اني عرفت الحب قبل اعرفك
وعشقت قبل اعشقك واشتقت قبل التقيك

وكنت احسب انيرلقيت احباب قبل اوصلك
واثري توهمت في غيرك وانا كنت ابيك

تعال نعطش وتشربني وانا اشربك
تعال قبل الوعد اجلس معي نحتريك

تعال شفني وانا استناك ك اشبهك
يطري علي الف راي و راي واحتارفيك

اجي مكان الوعد والا اسبقه انطرك
والا آخذ الموعد اللي يحتريك واجيك

يا آخر الحب ذقت الحب في اولك
ويا اول الشوق اقصى الشوق ما ينتهيك

علمتني كيف اعرفك لين صرت اجهلك
ضيعتني في متاهاتك وكنت ارتجيك

حبيب الاحلام يابعدك ويامقربك
حرام يكفي تبعثرني وانا احتويك

ان شفتك بحلم صدقته وانا اتوهمك
وان شفتك بعلم كذبته الين انتشيك

اخاف اغمض عيوني وان رمشت افقدك
واخاف افتح وتصبح حلم ولا التقيك




.................... ....................





إن حكت



ان حكت غار السكوت من الحكي
وان بكت يحسد مدامعها الغرور

كنها والشمس خصم ومشتكي
وبين ذيك وذيك عذبت السطور

الثرى يا مايسه مغروركي
ومن يلومه ما يعرف سر الغرور

والجمال امرايته في وجهكي
والبها له في جفن عينك فتور

الحلا يا حلوتي شبّه بكي
منهكٍ حرفي ويشكي به قصور

والحروف اتهني احروف اسمكي
والاريج اختال في عرس العطور

يا غريره ياغرورى مسلكي
تهت والا تاه عن كفي العثور

في طريقي ضاعت الخطوه لكي
ماتميز بين نار وبين نور




.................... .................... .




باريس



واحد خايب..حظه تعيس

سافر تقسيط ل باريس

كذب على ام العيال

رايح ادور عمال

جمع الورث

حصاد الحرث

وقبل يسافر ياساده

سجل في نادي كالعاده

يسوي برنامج تخسيس

قام يدور شنطه تكفي

وكل هدومه قبل يصفي

عشره فنايل علاقي

وشورت وشراب ماقيس

قالت ام عياله تكفى

خذ لك لبس شوي يدفي

قال ف باله مسكينه

والله قدامي اللي يدفي

قام يودعها وقالت له

خذ بالك يانور عيوني

وتعوذ دوم من ابليس

قال ف باله يامسكينه

ومن عازمني غيره!

ناطرني ابليس ف باريس




.................... .................... ...





حكاية شمس



كنك ملاك وطلع توه
الله وش كثر محلوه

ماعاد به غيرك حكايه
جيتي وكل ترك جوه

الليل لف ولمسها لمس
بعيونك اغرب حكاية شمس

وانتي الى الحين نسايه
ضيعت باكر عشانك امس

دايم اقرب وهو يبعد
وفي شفتك للشفق موعد

ويحط لاحزاني نهاية
من غيرك اللي قدر يسعد

ياللي تحلين اي لباس
يغار من جيدك الالماس

حرام تعذيب وكفايه
حني على الناس ياحلى الناس

والشمس تحضر بميعادك
من يقدر يلوم حسادك

تغازلك حتى المرايه
(( .... )) ياشمس والناس

بيضا وفيها سمار الحور
سمرا وفيها بياض النور

ماله بدايه ولا نهاية
من مثلك اللي جماله جور

والكامل بحق وجه الله
ياحلوتي كامله والله

ياللي لكل البشر ايه
من يشبهك حلوة الطله




.................... .................... ..



يانواف



شفتك يانواف وهليت أنا عبره....
غرق بها خدي ومسحتها بيدي ....
عليك يامفارق أبوك ياذخره ....
في لحظه أظنها بساعه العيدي....
جعل اللي ذي قاتله متحيرآ أمره ....
وجعله ماينعم بشوفه العتيدي....
جعله بوسط النار يكويه من جمره ....
اللي حرق فؤادك على أبوك ياسيدي ....
عسى الله بجنه الفردوس يعوضه عمره ....
ويعش فيها مع الحور متهني سعيدي




.................... ..................


أعشقك كلك




لا تقول شتحب فيني أعشقك كلك
من ليل شعرك لشمسك وآخر أقصاها

سميتني نصفك الثاني ويا شحك
أنا بسميك كلي وانت معناها

تعبت أوديك له يا قلب ويردك
لا آخذ حلومي ولا خلاني أنساها

كل الحمام استراح وناح في ظلك
والورد الأصفر سقتها الروح من ماها

ليتك بعمري ثلاث أشخاص ما أملك
واحد معي دوم واحد روحي أملاها

والثالث بجفن عيني لا فقد حسك
أو غمض الجفن جاني فيك يتباهى

مو بس ماحبك أنا والله من حبك
أحب حتى ثرى الأ رض اللي تاطاها




.................... .................... ....




مريض اللي فقد "سلطان"



بشدّ لمشرق الشمس .. و بعلّق فوقها ديوان
أمانه لا وصلتي مغرب الشمس .. انثري قافي
أنا بلسان نجد أرسل .. قصيدة شوق .. من ولهان
على زهور النفل ريح الخزامى .. تنّده الغافي
تنهّد بالقصيد طويق .. سالت دمعة الصمان
من أنفاس القصيدة .. انصرم طلع النخل صافي
نختني للقصيد أرضٍ .. من الوادي .. إلى بابان
ثراها يشربك حبٍ .. و لا يرواك يا وافي
ألا يا شيخنا حبك .. عليّ الله من الإيمان
ما دام انت الوطن و الدار .. ستر العاري الحافي
غلاك اللي شرب كل الجوارح .. لين صار احسان
غديت من الغلا ملجأ .. لمن حبك معه خافي
لنابك هيبةٍ تفرح صديق .. و تجرح العدوان
و لك منا رجال تعد .. موتٍ دونك انصافي
تعلمنا المراجل منك .. لك بالمرجلة نندان
و لا نلحق معك .. ما يلحق الإعصار مع سافي
كملت إلا أن عذروبك بشر .. و عن البشر شتان
تطيح و تمترض .. ليتك مخلد دوم متعافي
سبقني للقصايد فيك .. من روس العرب اخوان
و لي بين الشموس .. سراج .. خوفي كيف ينشافي
و إذا كلٍ سبقني مدح .. اسمح لي بوصف انسان
حنونٍ في ضلوعه .. قلب طفل .. بحس شفافي
تقل شمسٍ إلى من .. بان بسمه يرجح الميزان
و كل الخلق عقب الشيخ .. سرج بعضها طافي
ألا يا أميرنا .. هنّ بسلامة حالك الخلان
فلا قبلك مريض .. يهني الزوار و اللافي
سِلِم .. من يوجع اقدامه .. و لا توجعه في ميدان
سلم .. من له دعينا الله .. رد الشيخ يا شافي
سلم .. من نار عينه تمن أهل الدار .. و الجيران
سلم .. من ضحكته تودع مريضٍ ميسٍ شافي
سلم .. من طوّع الشمس الشرود .. و عنها بعنان
تعلق في معارفها .. و يمم راس مشرافي
إلى قالوا مريض قل .. مريض اللي فقد سلطان
و إلى قالوا بعيدٍ قل .. قريب الهمّ لسنافي
نخيت الشعر .. أوصف وش تحس الناس لكحيلان
و إذا خان الشعر شاعر .. عسى يكون الغلا كافي




.................... .................... ....





موت الإحساس



قالت نصيب وقلت يومك تبيني

غصب على الدنيا ... يدك في يديني

لا تظلمين الوقت وش ذنب الايام

لو اقبل اعذارك يعيي حنيني

غديت ما بين الرجا .. فيك والياس

هذا .. يبي مني وهذا .. يبيني

ان قلت شنت وخاطري طاب كذاب

وان قلت ابيك ارخصت نفسي بعيني

خيرني امري بين اصعب خيارين

موتي انا او موت الاحساس فيني




.................... .................... .......





يا بعد حيي



اليوم يا بنت من زيي
الشمس واردت على ضيي

جيت انتخي بالوجيه البيض
يا عزوتي يا بعد حيي

الجادل اللي حلاها غير
ضيعت في شمسها فيي

بعيونها سلسبيل رماح
و الموت بالسود متهيي

موت و انا اموت انا بالموت
كثيرها غرّق شويي

لا قلت تكفين قالت جاك
و ان جيتها فجأة تعيي

و لا قلت مالي و مال الغيد
قالت وهم بينهم زيي ؟

و ان قلت انا تبت مالي كار
مقفي زمانين عن غيي

قالت و هي تلتفت للناس
طلال موته على يدي




.................... ............




أنا هواي و بس بنت الجزيرة


كتب أحد الشعراء هذه القصيدة بعد عودته من المغرب، فقال:



ياللي تنشد عن علوم الذي طاف
كل البحور وكل دوله وديره
خذ من علومي علم اوصافه اوصاف
جزل سمين يشتعل له سعيده
الزين عقب المغربيات ينعاف
غيد لهن بالزين ذكره و سيره
فيهن حلا طاغي ولين و تعطاف
وفيهن حنان يشعل القلب غيره
حلوات وصف وفاهمات بالاعراف
زيننات منطق صافيات السريره
بنات قوم طيبهم غصب ينشاف
اولاد مغرب بالليالي العسيره
ياللي تنشد عن علومي بالانصاف
هرجي يكفي صامله عن كثيره
الزين في لميا وتغريد و الطاف
ماهوب في حصه وكشره و منيره


؛
؛
؛







فرد عليه طلال الرشيد - رحمه الله - بهذه القصيدة:




يابن الحلال ان طعتني خل الاسراف
واترك جمال الغيد لاهل البصيره
الزين موبس في الملامح والاوصاف
الزين روح وعفه وطيب سيره
مانيب من يهوى سريا وانصاف
انا هواي وبس بنت الجزيره
بنت الخليج اللي تماري بالاعراف
وحنا نماري باسمها كل ديره
مالي غرام بقول وخا وبالزاف
اذبحتني عند الطرحه المستديره
احب قولة ياهلا وعل وماخلاف
من بنت ثوبي بنت الارض النضيره
اللي تحلاها الظبي حلو الاطراف
جمال في عفه ورقه وغيره
واللي بها سحر مهو سحر عراف
ياعل عين ماتراها ضريره
عطف وحنان وذوق في لين الاعطاف
والى كشفت لثامها شفت أميره
صعب على اللي بالردي شاف ماعاف
وحلوه علىاللي سنه الله ضميره
شمس الى من اشرقت والدجا طاف
غابت نجومك غصب لو هي كثيره
السيف مايزهى سوى كف سياف
والخيل دون حصانها مستخيره
بس أنت دورلك على قدك لحاف
وان طعتني دور بدلنا عشيره




.................... .................... .........



أنا مقدر أكون



أنا مقدر أكون أني حبيبن في بعض أحوال
أنا كلي أجي والا أروح بعزتي كلي
تخيرت الفراق ومادريت أن الفراق وصال
أقول اني نسيتك بس مدري كيف تاصلي
خذاني لك سؤال في عيونك والجواب محال
خذاني منك دمع في عيوني مارضى ذلي
رحلت أنت وتركت لخاطري طيفك وصبري طال
غدت ذكراك شمس ما تغيب وصورتك ظلي
حكيت ومالقيت من الحكي إلا الندم موال
سكت ومت بالحسرة ولا ادري وشهو احسن لي
أحبك .. كل ما فيني يحبك يا خلي البال
تخيلتك دواي وصرت جرحي الصعب ياخلي
تعبت أرحل مع وجيه الناس بانساك بالترحال
ولا أدري وش يجيبك في وجيه الناس وأهلي




.................... .................... ...



تنهيدتين ونار



كلمني عنك
أبعرف كل شئ عنك منك
قلي وش اول جروحك
قلي وش أخر أمل ترجيه روحك
إحكي عن طبعك
و عن ربعك
عن اللي يهز دمعك
قلي وش معنى الحياة
قلي بأنفاسك متى قد قلت اّه
إحك لي عن الحب
إحك لي ... إحك لي
إحك لي عن الشوق
طربي فوق .. فوق
خذني منك
وإحك لي .. عنك
الصدق
إن الامل من قبل أعرفك ...كذب
و التضحيه أوهام
وإني أنا من قبل أعرفك
كنت أعرف أنام
كان السهر مو هالسهر
لعب ... و أغاني .... و إختصار
صار السهر تفكير
صار إنتظار
صار إحتظار
صار السهر ... تنهدتين و نار
يامنتهى أمري
بالهمس قلي مره يا عمري
وطر بي فوق ... فوق
خذني منك
و إحك لي ... عنك




.................... ....................



"حكوْ فيها "




حكوْ فيها

خذَوْ في طاري الحلوه و جابوا

مسيكينه

بسيرتها تنابوا

و ذي صدق لشفاهي أبد ماهو قريب

بشر يا مصعب ارضاهم

و انا ماني حسيب

أنا سايق عليك الله لجل الله يا شامت

خلي الشوك من يدّك

و لا تطرف عيوني كحلت بالزين

لانام .. انا افداها اذا ودّك

يا هل ترى انتي وين يا بنت الشفاة؟

انا ادوّر عليك بصورتك

وينك ؟؟

أنا كني لمست رداك و ايدينك

ما شفتك بكلّ الكلام

شفتك على سجادتك

كنك تصلين القيام

و ليلك سرى بعبادتك

ما اصدقه ..

و الهرج ابد ما هو دليل

ما اصدقه ..

يعلّ يفداك الذليل

الله يستر خوافيها

اللي حكو فيها




.................... ....................


علمتني وشلون احب





علمتني وشلون احب
علمني كيف انسى
يابحر ضايع فيه .. الشط والمرسى
علمتني وشلون احن
علمني كيف اقسى
سير علي .. بس امسح دموعي وروح
سير علي .. جب لي معك قلب وروح
سير علي .. اذا تذكرت الجروح
ياطاغي النظرة .. خطا
تجزى بهالبخل العطا
وانا اللي اهديتك أمن.. عين وجفن
هذي فراش وذا غطا
ياجرح من وين ابتدي
وانت معي من مولدي
وعيت يدي .. على وداعك تهتدي
بس انت علمني الجفا
دامني عجزت اعلمك .. كيف الوفا
علمتني كيف السهر .. ونسيتني الممسى
علمتني وشلون احب
علمني كيف انسى




.................... .................... ....




لحن بدو



حنا ولا من قلت حنا تحنا
كل الكلام بعطر تاريخ الاجداد

المجد هم وهام فينا وغنا
حتى علينا من على روس الاشهاد

يا كبر حظ الي نخانا و ثنا
نشد له فوق الفخر سرج وشداد

ان هلل التاريخ غطرف وطنا
وان سولفو عنا رجاجيل واجواد

وان بان لك شمس ترى ذيك حنا
نشرق مدام الظلم ظلما وحساد

يا بنت يمي كان رمشك تمنا
اشق لك ثوب السماء جود وعناد

واشدلك زملً جفن المعنا
واسري بوجهك لاغشى وجهي سهاد

يا حلو قدك يوم قدك تثنا
محدا تغنى فيك من خوف الالحاد

حنا البدو يابنت هذا لحنا
نحبك اكثر لاغدى حبك جهاد

وحنا البدو يا بنت لامن نخنا
بناتنا يثالث العيد الاعياد

وحنا البدو يابنت وان قلت حنا
فاح الكلام بعطر تاريخ الاجداد




.................... .................... .





مشتاق و مضنيني الفراق


مشتاق ومضنيني الفراق
يا عيونها خذي من عيوني تعب
واعطيني من جفنك فتور
وابكي علي لو بالكذب
مليت بك طبع الغرور
يا عيونها مشتاق
وللدمع مع جفني عناق
مشتاق ومضنيني الفراق
يا اجمل الخود
كنت الامل وانتي الوعود
وهجرني من هجرتيني دفا بيتي وانا فبرد الشتا موعود
ايا مسكين يا قلبي انا ماشي وهو يلتقت لك عود
ايا مسكينه يا روحي تحب اللي يعذبها و يزيد صدود
وحشتيني
كثر ما خانني هذا الزمن واكثر وحشتيني
احبك حب اكبر حيل من كلمة احبك واسألي عيني
يا اقرب من نظر عيني لعيني
يا ابعد من حنانك عن حنيني
امانه كيف تنسيني
وانا من ليلة التوديع الين الحين
احس ايديك بايديني




.................... .................... ..




ميت وأنا حي



بيني و بينك عرفت الموت
تحب و الحظ متجني

تبي الصدق حبها منحوت
و أصبحت منها و هي مني

أفرشلها القلب بالياقوت
و أقول يا دلي إتمنّي

صدري قصور و مدن و بيوت
و هي المليك اللي يحكمني

يا ويل ويلي عليها صوت
تحكي تقل كنها تغني

و سكوتها غير كل سكوت
كل شي فيها يكلمني

قد شفت شمس زرعوها توت
بشفاتها التوت متثني

يا حلوها و القلم مبهوت
وش يكتب بوصفها عني

هي دنيتي و الهوى و القوت
و إن غبت عن وجهها كني

متغرب و غربتي تابوت
ميت و أنا حي مستني

قولو لها لو يفوت الفوت
هو ينفع الصوت متعني

و قولو لها و الله إلا موت
لو خاب في حبها ظني




.................... .................... ..




يازمان الذل

أخر قصائده قبل وفاته بشهر




أسلحتنا في المصاحف

يا زمان الذل

.. زل..

ما بقى في الناس شيمه

وما بقى للعدل خِل

ومن كثر ما حنا صغرنا

صرنا حتى بدون ظِل

صرنا ما نملا المحِل

صرنا أمه تحتقرنا

كل أرذال الأمم

لاتصدق ياعزيزي

بالعروبه والقيم


يا زمان الشيخ بوش
يكفي هزأت المبادىء

يكفي أحرجت العروش

الكرامه يا طويل العمر ما تكفي النعوش


يا زمان البيت الابيض
إنت مالك أمر يرفض

تبغى هذا الدين أطول

تبغى هذا الشرع أعرض

إنت إكتب وإحنا نحفظ

مو غريب

لو نَحَسْب الخبث طيب

ومو غريب

نصرخ ولا من مجيب

ومو غريب

لو يكثر أعداد الأرامل

فبلاد ما ترضى الهوان

وحكومة ما تعرف تجامل

ومو غريب

لو تعتبر حتى عصا الكهل العجوز

أسلحة دمار شامل


يا زمن نهب المتاحف
جانا جيش الحقد زاحف

جتنا لعلوج الزواحف

فتشوا حتى العقول

وأسلحتنا في المصاحف


يا زمن أمريكا شكراً
أنتزعت الأقنعه

إنت ازلت الأقنعه

وانكشف وجه النوايا

واتجاه الاشرعه

ما نصدقهم خلاص

وما بقى من نسمعه

كل ذولا إمعه


بس خلك مستريح
الصحيح

يوم هب الحقد من واشنطن ولندن

كذب باسم المسيح

الكل فضل ينحني

وبغداد اختارت تطيح


يا زمان الازمنه خليك شاهد
إحنا مو ناقصنا واحد

هو صلاح الدين

احنا ألف مليون واحد

هم صلاح الدين

حنا بس بعيب واحد

هو.. فساد الدين

يا زمان الذِل

حِل

قلت لك مالك حِل



.................... ....................




هذه القصيدة قتل طلال الرشيد بعد القائها بمدة ليست طويلة :




يا صغيّر ما يكبِّرني لقب
وما يصغِّرني إذا انكرني صغير

ماخذينا الصيت من جمع الذهب
ولا نسابة شيخ أو قربة وزير

كاسبينه من هل السَّيف الحَدَب
الجنايز كان ما جاك النذير

صيتهم نجمٍ على راسه لهب
سمعوا الصقهان به وأجهر ضرير

بالوفا تاريخٍ أبيض ينتصب
لاحكوا بالحق حيين الضمير

ضيغميٍّ للسناعيس أنتسب
لابةٍ طلنا بها عرشٍ كبير

عند حدّك يا كثير الهرج تب
لاتمر النار وثيابك حرير

كان لك عزٍّ بذلّي فتعقب
والله الا تبطي وحبلك قصير

أحسب أنك من صناديد العرب
وأثر ساترتك عباتك يا غرير

ما حسب للسوس زراع القصب
والقرادة ما درى عنها البعير

ولو حسبنا للحسايف والتعب
ما بذرنا يالعصافير الشعير

عن هلك أبرا إلى الله وأحتسب
الرجال اللي مجاراهم عسير

من قريش المصطفى وأبو لهب
والدغالب ما غشت عذب الغدير

للرجال من الرجاجيل العتب
والزكاة تحل في حال الفقير

لعن ابو وقتٍ غدينا به حطب
تحرقه نارٍ يثوِّرها أجير

ما ألومك والزمن سوّى العجب
هو بقى غير الكرامة بالجفير؟

ما أذل و راسي يشم المهب
لو بقى من شمّرٍ طفلٍ غرير

وما أهاب ولا يزلزلني غضب
الشجاعة ورث والعاقل غزير

يا صغيّر ما يكبَّر باللقب
غير من هو كان من دونه صغير




((رحمه الله واسكنه فسيح جناته))







اهلاوي997 غير متواجد حالياً   رد مع اقتباس
قديم 31 - 05 - 2008, 06 : 01 PM   رقم المشاركة : [3]
امبراطور نشيط
الصورة الرمزية اهلاوي997
 

اهلاوي997 will become famous soon enough





بنـــــــــدر بن ســـــرور





ارم البكت _ بندر بن سرور



ارم البكت واجدع الكبريت يالريمي
تطري ومما طرالي زاد لي ونه

الله يغربلك تصحيني وانا نيمي
ماانت بلاعوب عطني ولعه ياشنه

قيلت لي في محل بنشر الجيمي
لعل غر السحايب ما يمرنه

ياهل الونيت اركبوني خالص تيمي
ما توصلون الغريب اللي خرب فنه

ودوا الوديد لوديده يالمغانيمي
ياقربها من مزار مدور الجنه

وجدي عليها وجود مناكل السيمي
جازوه باسيام لاجل اللي قطعنه




.................... .................... ..




انحاس بالي _ بندر سرور




انحاس بالي يامحمد وصديت
من كثر الصدات قلت شطونه

ماني وانا بندر بهيت ولد هيت
هيت يجامل خمة يكرهونه

من كثر ماجربت واقبلت واقفيت
قولة هلا لمن لايودك مهونه

سلط على النصراني اللي لقا الزيت
لعل نبع الزيت يعمي عيونه

لاشك تحتاج المراجل شفاليت
تحتاج شي يقصر النذل دونه

عزم على الفرجه وقطع الخلا الميت
حتى عيال البوم مايقطعونه

ثلاث من كل المعاني تنقيت
واللي بقى كل الملا يقدرونه

مابغى جزاهن غير من خالق البيت
عمالهن للناس ماينفعونه




.................... .................... ..




خبيث التجاره / بندر بن سرور




لاوالله الا طولن بالوقوفي
عيا يحملهن خبيث التجاره


بفلوسنا ياعبيد ماش معروفي
متى نجي ياعبيد مع خشم صاره


ياركب من فوق صاف البلوفي
مقعد امبير الزيت نيم الحراره


فراق مابين القلوب الولوفي
فرت كما وبل السحايب غباره




.................... .................... .....




عنز ريمٍ _ بندر بن سرور



جينا حليت ولا لقانا أشعل اللون
الا بحمرٍ يبهتن الحديدي

روس الطوال اللي ورا حد طحنون
ياما بهن من عنز ريمٍ فريدي

قم سو فنجالٍ ترا الشاي لبتون
والماء الشريعة والهوا مستهيدي

مقيالنا في طلحةٍ فيّها دون
نودٍ سموم ونود بردٍ جليدي

تسوى حياة اللي سواة التلفون
من شبته بين العجايز بريدي

راع البلد ياميت القلب مسجون
اضرب تهاتيه الخلا تستفيدي

ابطش ديار القوم والرزق مضمون
تصيدك الاقدار والا تصيدي

واحذر تخاف الا الذي كون الكون
رب الفلك محيي العظام الهميدي




.................... .................... .......




مافي وسواس / بندر بن سرور



ياسخيف الذرعان مافي وسواس
لي حاجة بالعرض وأسعى وراها


وأسجد لقادرها على غفلة الناس
وأسأله الجنة يكمل عطاها


أسعى ورى حد مهاويه دراس
زيزوم نمراً قادها ماتلاها


علق حبالي فرخ واليوم قرناس
واللي بحالي للولي مشتكاها


أعوذ بك يارب من سعي الإفلاس
وأنته رقيب النفس تعلم خفاها

يابنت أنا هذي شفاياي يباس
أطابق الوجبات ما أشفق علاها


ماني وانا بندر بتباع الأنجاس
اللي قريبٍ تفلها من لحاها


أنا بدرب الصيرمي عدم الاجناس
زعيم روق اليا تنصت عداها




.................... .................... .....





هال ماطال / بند بن سرور




عز الله انه هال ما طال ياسعيد
زل الشهر والوقت طوال بديده

اللي من اول للخلايق مواسيد
اسقي غرير الهم لو يستفيده

قم يا رشيد الحق واقول يا رشيد
الله عليك انت من ايا بديده

اما البديده منك عند المواعيد
ولا همومك من حياتك زهيده

ابستفيدك كان جربت افيد
تنام واسمك حول الاسمر رشيده

لي قصة يشهد بها راضع الديد
يعدهاغيب السراب الطريده

طويلة عريضة با لتماجيد
يفرح بها الطيب فعول مجيده

طويلة عريضة بالمناقيد
يفرح بها النمام شين العقيده

جار الزمان وعاونوه الحواقيد
اللي لهم من قبل ذلك حقيده

يا رشيد يوم اتعبتني بالتناشيد
خذلك من الدرويش زبدة قصيده

واليا ذكتر الله وكثرت تمجيد
ترى محمد صفوة الخلق سيده

ترىابرك الحزات يوم صدف عيد
جمعة اسبوع وصادفت يوم عيده
أذكر لك الأجواد صد وصواميد
وانذال لاصدوا ولا من صميده

واذكرلك اقشر ماعلىالسيد والبيد
اللي طمع بنت القصير الحديده

فضحة قصيره عنده انه اكسب فيد
سوالف بها للناس خطو البليده

سولف بجرح سال جرحه تضاميد
زود لجرح الجرح ينزف صديده

من لا ستر خلآت غرات اجاويد
هذاك نقال الخبيثات بيده

وليا وطاك اللي وطاني تراديد
رد السؤال ولا تحير بريده

وانا الذي قد مرني سلك تنجيد
خدمت به عدة سنين مديده

مرحول هم وكل شي له احيد
احيد زين وشين والهم احيده

اسمع صريرالقلب بين الحواديد
حدنه الضلاع واسمع رديده

والله مأهني قاضي العمرترغيد
ابن اللئيم اللي حياته رغيده

اهني الكلب الحجل بالمراقيد
وضب الخلا لوكان يا كل رديده




.................... .................... ....




يفتل عموده _ بندر بن سرور



الله على اللي يوم يفتل عموده
يطلع ثرى ارضٍ بعَد القيض ماها

ليونس ثقيل الترس يرخي عضوده
شيهانةٍ ترخ المتون العشاها

عَده على اللي ما يدرهم قعوده
من صار زيزوم المشاكل حماها

ثم قل لابن دهره يحضر شهوده
للرفقه اللي باعها ما شراها

وقتٍ ركض كلبه ونامت فهوده
مما تشوف العين طوَل عماها

المال سالم والوجيه أمعبوده
برق التيوس اللي تواما لحاها

راعي صلاة الفرض بيَن سجوده
وراعي غرابيل النمايم لقاها




.................... .................... .......... ..




الا يا نديبي _ بندر بن سرور



الا يا نديبي فوق دوج عليه شراع
ما قال انفخ التشريق جا في مواصيره

ليا هبّت العليا و قام العجاج و راع
يهيضك مع السكة تثاوع معاصيره

صنايع يهودٍ لا يبدّل ولا ينباع
يقربك من دار و يقلعك عن ديرة

بعد طلّعوه مجَيّكٍ ما يبى المرجاع
سمع من وراه الفوج غنّت مواطيره

ليا دق سلفه قام حسّه يرجّ القاع
ما جاه المعاون يشتغل في مساميره

عطاه الثنين و زاد له بالأبنص و فاع
رزيمه رعد مزنٍ تهلّع دناقيره

خرط له بثالث عقب نشّه بعزم و زاع
و شتل له برابع ما يضيّع تغاييره

ليا شال عزمه ريّحه وامنٍ مارتاع
مسك مع يمين الخط و يلدّ لانبيره




.................... .................... .......... .





بديت ذكر الله / بندر بن سرور




بديت ذكر الله بكرة وأصيلة
ربٍ خلق كل النفوس وكفلها


يا أهل الونيت اللي تزايد عويله
مكينته ذيب النصارى شغلها


حده وقود النار وأبعد مقيله
شرق يريد العين وأدنى جبلها


إليا لفيت العين أخذلك دليله
لاتبدي الشكوى على غير أهلها


وأحذر يغرك من بسط لك شليله
كم واحد يبقى العلاء ما وصلها


عليك باللي في القسى ينعنيله
اللي ليا قاد السفينه عدلها


السالمين اللي خطاهم طويله
وسعيد زيزوم البلاوي فحلها


قل حاجتي يابو مبارك ثقيله
ماكل رجلٍ ينتخيلي حملها


أبغاك تدركها بحالٍ وحيله
عساك تاجد عند ربك بدلها


والاترى الدنيا قريبٍ رحيله
كلٍ تبي نفسه تلاقي عملها



.................... .................... ....





دوك السويك _ بندر بن سرور



دوك السويك وشغل الفرت يامنير
افحص علاه ودخله بالكراجي

اللى يبا بنزين ركب بواصير
واللى تباه النار ركب بواجي

واليا استعد وصخر البعد تصخير
تصخير شيهانن لفرج الزراجي

عده علا اللى مايعد المخاسير
ركاز عمدان الخشب للنعاجي

ثم قل لبو بندر ترا وقتنا غير
تبدلت سحب المطر بالعجاجي

وشيوخ نجد اللى تهد الطوابير
ينثر لهم حبٍ سوات الدجاجي

اما من المشرق تثور المعاصير
ولا من المغرب يهب العجاجي

يبكي أسيوفٍ سمرة نجد تسمير
تسمير عود العاج في عود ساجي

حدنا بن هندي محمد من ورا النير
والفرم محسن عقبنه اسواجي

ربع رسو بين الحذيفين يامنير
مسلموا لدور الباج باجي

واليوم ناطا نجد مثل الدواوير
نقضى الزوم ومسرعين الهجاجي

رحنا ندوج وأنتسمى المناصير
نمشي على البيداء بليا مزاجي

ويوم أن نجد إلنا بوسطه مسايير
واليوم نجد لشيوخ روق ......

ومتى يجي في نجد حسن التدابير
متى يجي للصابرين أنفراجي




.................... .................... .........





صدر وردوف / بندر بن سرور



يابنت ياللي عمرها صدر وردوف
بيض محاجرها وحلو نباها


ودي بشوفك مير يوم اقصر الشوف
عيني بعد هاك الرمد قل ماها


سويت لي يابنت بالعين معروف
بأسباب رجل بعدتها خطاها


والا ترى قلبي ليا اصطك بالجوف
اومى بحالي لين تابس عصاها




.................... .................... ......




عين تصطفق _ بندر بن سرور



مالوم عين تصطفق بعض الاحيان
شافت غرابيل الزمان الغريبه

ياكثر ماشافت وياقل الايمان
بقلوب من بقلوبهم شك ريبه

من ينصح اللي يعتقد له بكهان
يشرك مع الله واحد مايثيبه

لو يصدق الكاهن طلع منه برهان
وافتك نفسه من حدوث المصيبه

لاشك كذاب خذوا منه كذبان
والله صدق علام غيبك وغيبه

من سبته ياميت القلب ندمان
لعل قلبك للعمى وش تبي به

انصحك ياللي رشك الشيب عميان
وادي جهنم حادرٍ مع شعيبه

ينطيك زود المال والزود نقصان
غادٍبسوق السو ليه تغدي به

لا تدعي بالمل رابح وخسران
يفلجك من زين العمل يدعي به

وافطن لكلمة (ويل) للانسان
في ماقف ماينفع المرو جيبه

للشر ميزان وللخير ميزان
تكتب ملايكة السما وتعدي به

خذلك نصيحة واحدٍ شاف الاكوان
جرب غرابيل الدهر من نصيبه

من جاهد الدنيا بلا روس جنحان
يصبر بصكات الزمان الرهيبه

انا الذي شفت الوزا ياسليمان
برد الشتا والقيض أكلني لهيبه

ماني بهين النفس لو كنت جوعان
مايقنع الا الكلب عقب تهجيبه

والله يالوولا كلمةٍ قال ديان
حقي غدى به ما نوى انه يجيبه

ل اشهر كما يشهر مع الجوشيهان
قطع البحور ولا حياة الغليبه

لجّوا علي الناس قومٍ وصدقان
واخترت عنهم بعد ممشى النجيبه

مااهبلك ياللي تلتوي لك بجابان
رجلٍ من الجابان لا تلتوي به

لاساترٍ عرضك ولا قاضيٍ شان
تكسب نزولك عقب مبدا الرقيبه

ابعد عن الجابان لو كنت عريان
ثوبٍ من الجابان لا تكتسي به

يارب تجعل لي من الذنب غفران
يابارقٍ لايوب مما بلي به




.................... .................... .....





اني وانا بندر / بندر بن سرور




ماني وانا بندر براعٍ ولد راع
انا الحصان اللي طوالٍ حباله

إبن سلايل خير من شالت القاع
المصطفى الهادي وديع الرسالة

ماني وانا بندر ببيّاع دمه
يقطعك يا بياع دمه و مهفيه

اللي يبيّع لابسات الأزمه
ثورن يبي بيض العماهيج تغنيه

ماني وانا بندر بهيسن ولد هيس
هيسٍ يدنع عند حرمة قصيره

ليا بغيت اجلس ترى لي مجاليس
وليا بغيت انهج دروبي عسيرة

ماني وانا بندر بهيتٍ ولد هيت
هيت مقابل خمّةٍ يكرهونه

من كثر ما جرّبت وأقبلت و أقفيت
قولة هلا من لا يودّك مهونة

ماني وانا بندر على درب الأنجاس
اللي قريبٍ تفلها من لحاها

أنا بدرب الصيرمي عدم الأجناس
زيزوم روق ليا تنصّت عداها

ماني وانا بندر بنصّاي جابان
شوخ الجموس مناقرين الحليلة

ليا صار لي لازم نصيت ابو فيحان
شيخ الشيوخ مكمّلين الجميلة




.................... .................... .......




يا أهل الونيت _ بندر بن سرور



يا أهل الونيت اللي على دنقله ميم
نقل الرياض الخط ما توصلونه

ما رهمو له في الكراجات ترهيم
ولا قط فك أديتره ينفخونه

والله لو أمسك طارته يالمغانيم
ما عاد أقلد دولة يصنعونه

صناعته مخطين ملة أبراهيم
حمران روم لونهم مثل لونه




.................... .................... .....




يلعب هوى / بندر بن سرور



راكب اللي مخ ساقه خنازير وهوى
أشهبٍ في مقدمه بارقين وعكس تاج


مترفي مترين مستبرمٍ كله سوى
حايفه حطاب ماسمكره راع الكراج


منوة الي لأهله مشفقٍ وألهم نوى
يوم يفتح خط بين أربعه ثور عجاج


يوم يفتل للحرق والورق وسط إنزوى
ضد حرب وغرب والجمع ورجوم الحجاج


يوم أحده بالثلاثة مع اللفة عوى
عوي ذيبٍ محتدينه مربية النعاج


ثابت ما يحترك مرسيٍ يلعب هوى
ارتفع جب ارتخى مثل طايرة المراج


يرتفع حطاب بعصير لبنيه رمى
شرق غرب شمال بيمين الأبتل يوم راج


عنبره والمسك سلطان من نور السماء
والذهب خوذه وماء العود الأصلي يوم فاج




.................... .................... ......




البر دجته / بندر بن سرور




يالله يا جال الامور المهمة
تجلا وهج قلب برا حال راعية

البر دجته والبحر رحت يمه
يقطعك يا حظ على الله مساعيه

يوم أن ولد اللاش رزقه على أمه
رزقي على اللي ميت القشع يحييه

يامل قلب كل ما مات همه
دارت دواليب الدهر لين تحييه

فراق شمل الناس عيا يلمه
وقت يشيب الراس من شاية فيه

أحد ينام وحط راسه بكمة
واحد تخم النوم عينه وتخطيه

واحد يحاول بالردى بنت عمه
واحد يحاول ستر عذراء عوانية

ماني وانا بندر ببياع دمه
يقطعك يا بياع دمه ومهفيه

اللي يبيع لا بسات الازمه
ثور يبابيض الرعابيب تغنيه

يزعل لياجت ليلة الدوريمه
يرضى بسوق المال فخوه و فابيه

خطو البخيل اللي يكبر معمه
يقرأ الكتاب وواجب الله يخليه

إمر هرج لك في رفيقه بنمه
والاعطا وامه تضيع هقاويه

أنشدك ياللي كل فرض تتمه
تقرا الكتاب وكل فرض تصليه

ويش القليب اللي غميق مجمه
ما فاد غرسه ماه . عطشى سوانيه

تخالف الانظار شرق ويمه
وكل هدف رآيه من الناس مرضيه

سم السبب يا عارف عنه سمه
سم السبب يا عارفه قبل اسميه



.................... .................... .......




ذباحة التيس / بند بن سرور



ياعنك ماتغنيك ذباحة التيس
ربع السعد مادام حملك خفيفي


واخير من هاك الوجيه المفاليس
البعد عن معروفهم لو تضيقي


يلحقك منهم بعض الأيام تنجيس
تاطا النجس لو كان ثوبك نظيفي




.................... .................... ......




صكة القوع _ بندر بن سرور



يا رب انا لي حاجة صكة القوع
باقصى بحر تسعين صكة نحرها

اصعب على المخلوق من حبة الكوع
والا على الخالق بسيط دورها

كم واحد جت له بساتين وزروع
تراه ما يدري من اللي بذرها

ابن اللئيم مشارك الكلب بطبوع
عينه على حرمة قصيره نظرها

ما دارها خوف عليها من الجوع
خوفه تفوته غرة ما سبرها




.................... .................... ......




لاتجربونه / بندر بن سرور



ياهل الونيت اللي يبي مشتل البيب
مادق صدره بالخطوط الغزيره


يوم يتخثع مع محير الأداعيب
يشدي تخثع جادل في حريره


لاتجربونه مايبي الفرت تجريب
قد جربه بالبيت الأبيض خبيره


عدوه لابن حزام سيد اللواعيب
لعاب زينات البيوت العسيره


ثم قل لقاعد مانبي منه تدريب
الوقت دربنا على كل سيره


لو كل من قاد السبب يعلم الغيب
ياما كرهت النفس من باب خيره


ان قفت الأيام ماها مغاريب
واليا اقبلت يازين صافي غديره


قل له رميت الكيس بين الشواريب
واليوم ادوج مالقيت اتعميره




.................... .................... .......... .




مرقب الصاح _ بندر بن سرور



لولاى اعد الرجم في مرقب الصاح
والعب بعسر القاف مانيب صاحي

قم ياعليثه للشهر عد وش راح
باول جماده عد لى ويش راحي

وهات القلم وكتب الى الخط ياشاح
زرف علاه وسجله بالنصاحي

وعيني اللى ماتهنت بالامراح
من يوم جاني بالبخايص مناحي

البارحه مامرحت لين القمر طاح
من شرق لينه يمه الشرق طاحي

ياجعل يسقيهم من الوسم جراح
قدام ينزاعون لى بالنواحي

واقلبي اللى داخل فيه فحفاح
فحفاح قوم محتسين الصباحي

تليتني تلت معاويد فلاح
سواقهنه مايذوق المراحي

فالليل سراي وفالصبح سراح
ودايم عليهنه بشونه يلاحي

غاسق لهن غرس على العين مرتاح
يعدل عليه لجم في مستراحي

ويامن سميه في سوى الحزم شباح
ياكم فجر من عين حسو قراحي

واسمه يباري الصيد وان جاك سراح
جافل وقافيته هبوب الرياحي

وياشبه عفرا للمداوير مضياح
تجذب هشاهيش الخلا بالضياحي

مرباعها بين النويع والاسياح
ومقياضها عد الرويس الملاحي



.................... .................... ..........




يا منير _ بندر بن سرور



يا منير عمر لي من التتن معمار
يبر الغليل اللي على القلب سالي


ولا رفعت الصوت وأبديت ما صار
من شان تدري ويش ولا بحالي


ما كفاك مني سجتي بعض الأمرار
أنهج جنوب وحاجتي بالشمالي


أركض مع الدنيا كما ركض دورا
يا ما كسب زندي ويا ما غدا لي


الله على اللي عايروها بالأمتار
أطراز بنجٍ شغلت بالعدالي


زادوا هواها وأطعموها من النار
حتى النبير المنجضع صك عالي


نشت سماء ما جربوها مع القار
طارت مطير الطير ضبع الكحالي


تلفي على اللي في طرف نجد سنجار
يشدي جبل سنجار بين ألجبالي


بأطراف بيته للمواجيب شنكار
معلاف كبشٍ عند راعيه غالي


ثم قل أبو بندر ترى الوقت دوار
يفطن تراني منفعة لو شكا لي


إن زان وقته صار بالسلك يندار
وإن شان قص مروبعات ألحبالي


قومه عتيبة شيوخهم مالها أمرار
أنسور حومٍ يتبعن التوالي


والله يا لولا الخوف من بعض الأشرار
لا عد شيٍ شفته أول وتالي


كم واحدٍ بين العماهيج هذار
مغترته نفسه بكبر الضلالي


يبلس على ربعه ويدنس بالأسوار
ويعد نفسه من حساب الرجالي


كفه بخيل وقلبه أنجس من الفار
أسود طرف وأدغم من السرمدالي


هذاك بعده خير ما كنت أبختار
أجزاه بالصدات وأبعد مجالي


ابعد مجال الرجل عن كل عقار
وأصبر على الصكات والعمر بالي


وليا وطني غبر الأيام بازوار
غيري جماعه ما وطني لحالي


شفت ألوزا وشتلت لي منه قنطار
وليا عدلته شرق للغرب مالي


عبرٍ على الدنيا من العسر ليسار
ما ظنتي فيها حرام وحلالي


حرام للفنجال سوقه ليا فار
ألا على اللي يرخصون الريالي


وأنا الذي ما قول في نجد شعار
وإذن به شعر ما حدٍ حكا لي




.................... .................... ..........




يوم ان صدقان الرخا هملوني - بندر بن سرور



يوم ان صدقان الرخا هملوني
ركبت واركبت المغربل من الناس
من فوق فرت يوم يرخي المتوني
جول القطا اللي وارد عقب مرواس
من مارده ياعبيد شابن عيوني
ومن مصدره ياعبيد شاب اسود الراس
كان الرجال اللي مضوا يصدقوني
وحدك ولا خوة مغاريف الانجاس
طوال الظهور مخيبين الظنوني
جرارة الطرقه سرابيل الاكياس
والبوم بيت البوم مايفلحوني
ما طلعت سود التنك فض ونحاس




.................... .................... .......... .




الشاور غشاني / بندر بن سرور




من بلاد الشام جينا بالمكينه
فوق فرت ماتخثع بالطماني


يحتدي مثل الجمل تسمع رطينه
مع طمان القاع مثل الثعلباني


والشفير من المدارس مطلعينه
عيدهي يجدعه جدع الحصاني


قذلة الطربوش ناطلها يمينه
عن ظلام الليل شب الكهرباني


ماتجيه يسار رجله شوف عينه
غير يسر الطاركي باليماني


يوم قال له الخوي عاشت يمينه
شد رجله للكمك واحد وثاني


يالله انك تنصره من نصر دينه
ان عطى له مع غبا والا بياني


قلت يالمطنوخ انا عيني حزينه
عن شراب اللف ابيه وعنك كاني


قد رمى بالكيس قدمي قال وينه
دوك مابالجيب عن شي لهاني


يقصد الكبريت معي منه عينه
قد منا تلت غراميل متاني


قلت ثالث قال يالله لاتهينه
قلت خامس قال قير يطلب نقل ثاني


قالت واحد والكمك ظام المكينه
قال لي من يرحم القاسي لياني


قلت والله يرحمونه صانعينه
قد زعلت من اللهيب اللي غشاني


قال ماتاثق بذمه مقننينه
عن مشاور غير عرفي قد كفاني


قاطع عرقين مدري وين وينه
قد وصلت الأرض واسمع صوت ثاني


يوم يرفع موخره قو المكينه
يرتخي صدره وانا الشاور غشاني


قلت دوك اللف خابو شاربينه
غطني عن شوف شي قد غشاني


قال عن وقلت بأيا لحينه
قال قل ناسي خوي مانساني


قلت عاش الشيخ واللي ناجبينه
عادة الطيب اليا جا الجد عاني




.................... .................... .......... .




حج الجمل / بندر بن سرور



انا ليامني نويت افتل البيت
فتلت والشعار ما ينقضونه


بينت راسي للمغني وغنيت
وين انت ياللي مرمسات ديونه


حج الجمل ياهل المثايل وحجيت
والناس راس العبد مايقطعونه



دوك السويتش وشغل الفرت يابخيت
وارد حفيز وكاملات فنونه




.................... .................... .......... ..




عجل على المسجد / بندر بن سرور




ياكثر يافيحان صبر صبرناه
امس الشهر عديت باقي اسبوعه


لاتغبط اللي صار زوده بدنياه
يتبع هوى نفسه وغير طبوعه


مخطي طريق الحق غاد بعمياه
يجمع وصخ مال زوال نفوعه


اغبط تقي صار زوده بتقواه
عبد لصوت العبد يرخي سموعه


يفرح بصوت منادي الحق ناداه
عجل على المسجد بطيْ ركوعه


والا ترى الدنيا حدود مسماه
لابد مايقفي وتقفي زروعه




.................... .................... .........





لاتسقط شرفها / بندر بن سرور



الله من شي بحالي نحفها
من مالجى بالقلب حالي نحيفه


من كثر ماتكتم تزايد تلفها
بين كداها بالعروق الصخافي


كم واحد له حاجة ماصرفها
يصد عن صرافها لايضيقه


يخاف لايقضب نديم طرفها
قلبه صدى واطراف جسمه نظيفه


والله خلق بيد الذلول وعسفها
للي يبي المنهاج مثل القطيفه


والفضل للي مدها ماقصفها
وانهج من الدار المحل للمريفه


وانصحك ياللي غرته ماعرفها
شيب تشيب مايحول رديفه


رديفها يركض ويركز هدفها
وقت يقص العظم من حد سيفه


وان جتبك الدنيا وجابك صدفها
لاتعتزي بأهل النفوس الضعيفه


وأنصحك نفسك لاتسقط شرفها
ترى بعض بيض المجالس مجيفه




.................... .................... .......... ......





ملز الشوخ/ بندر بن سرور




سرى البارق اللي رؤوس مزنه تنصت غال
على هجرة بن سنون وأدنى الشبيكية


على شان خلي جعل يسقيهم الوبال
واليا عودت مالي ومال الحبردية


ألا ياعيون اللي مواكيرها بالخال
توالي رقايب نجد ماهيب بحرية


اليا نقضت شقرٍ على ردفها ميال
تخابط سبلهنه مطارق شريطية


كما ذيل شقراً شعشعت في يد الزمال
تغانم ملز الشوخ تبغى الكرامية


جوابه لبن عربٍ بعد ما أطرحن أهجال
تدلن على حليت مع درب وسمية


يتل الضماير تل غربٍ على محال
تصافق به الجيلان ملحاً جمالية


يرفع لها صوته صبيٍ خبيث أعمال
تسقي وديٍ فيه تسعين برحية


وترى تبعة المقفين عيبٍ على الرجال
لكن أوسع خاطرٍ بد خافيه




.................... .................... .......... ......





حبيت انقل لكم هذه القصيده الي قالتها ام بندر بن سرور بعد وفاته



عديت عصر ودرج الحجر من ماه ***والقلب عيا يستمع في مشيره

ياونتي يابدر قلت اه ثم اه***على ثمر قلبِ غدى به دبيره

وجدي على من راح يابدر وجداه ***وجد الطريح اللي عظامه كسيره

خلوه ربعه في نهار المثاراه ***رموه عنهم في نحور المغيره

جاين لدمع العين يابدر مسقاه ***يسقي القطيع اللي صفت عنه بيره

لو ينشرا بالمال برهج ضماياه ***صدر بعد معطان قاضِ صديره

عيني تهل الدمع من بعد فرقاه ***مثلي جداه الدمع يالله خيره

واجر قلبي جر غربِ بعرقاه ***من عيلمِ عوهن هماجِ مريره

علق سريحه فوق زرقا معفاه ***هزع الوروك اللي متونها مستديره




رحمه الله تعالى 0000







اهلاوي997 غير متواجد حالياً   رد مع اقتباس
قديم 31 - 05 - 2008, 10 : 01 PM   رقم المشاركة : [4]
امبراطور نشيط
الصورة الرمزية اهلاوي997
 

اهلاوي997 will become famous soon enough





بــــــــــــــدر بن عبـــــــد المحسن





((حسايف ))



التفت
وتوها ... توها ما اختفت
ماكساها الليل ... باللون الحزين
التفت ... وتعالت صرخته
في نظرته
صاح ... لكن بالنظر
وانكسر .... شوفه عثر
حسايف .. تذبل الضحكه وهى بين الشفايف
تذبل الفرحه وتضيع
ويصبح الكون الوسيع
مايكفي خطوتين .. لاكساه الليل بااللون الحزين
يوم مدلها يده
كانت الرجفه لقا
ودعت فيها الشقا
وتركت بين الاصابع عطرها
وعمرها ... عمرها ماجت على وقت الوعد
إلا ذاك اليوم
وعمرها .. مابكت .. وماضحكت
ماحكت له .. واسكتت
مثل ذاك اليوم
كانت اجمل من خياله .. كانت انظر
كانت اكثر .. من أماني عمره الظامي حنين
واختفت .. من كساها الليل باللون الحزين
اختفت في الطريق اللي معه
كانت تجيه
كيف دربٍ جمعه معها .. خذاه
ليتها اختارت سواه
تزرع الفرقا لياليها .. عليه
وحسايف ... حسايف




.................... .................... .........



اخر الصفحة يسار



في آخر الصفحه يسار
خبر صغير .. حادث قطار .. مات أربعة ..
مكتوب في السطر الأخير ..
باقي التفاصيل .. في الصفحة العشرين ..
على الثرى .. وبين الورق ..
أجسادهم امقطعة ..
الأربعة .. لجل المساحة ماتشيل ..
وفي باقي الصفحة صور ..
فنان .. وحصان .. و كور ..
وابحث عن الخبر الحزين ..
في نهاية الصفحه يمين ..
حادث قطار ..
ماتوا ثلاثة وطفل ..
وباختصار .. شديد .. شديد ..
كان القطار .. هو الوحيد ..
اللي بأسم ..
بلا ملا مح .. أو أسامي ..
ليه كلنا نموت ..
ليه نهمل الجثه ..
ونتذكر التابوت ..
لأقدامنا صوت ..
من يسمعه ..
من يسمع الأقدام..
هم مروا من تحت الكلام..
الأربعة ..
وصاروا أرقام .. أرقام ..

أنا رقم .. اصقه ضرير ..
المشكلة .. مثلي كثير ..
يجمعنا حب الهاويه ..
احلامنا .. انا نصير ..
وقاماتنا متساويه ..
نركض على ورق الحياه ..
لين ننمحي ..
المشكله مانستحي ..
إنا نمرّ ..
ماشافنا انسان ..
ولا سمعنا انسان ..
اكتبني يالنسيان ..
انا رقم ..




.................... .................... .....




انتي اللي وحدك لي


كل الحرير اللي في الأرض ..
ما يلمس الجلد ..
وكل الرخام ..ما تاطى القدم ..
والعطر .. ما طال النسم ..
حبيبتي ..واغلى الجواهر جيد ..
وكثر الذهب ..والغيد ..
انتي اللي وحدك لي ..
حبيبتي تغار ..
والدر في المحار ..
والمحار في اليم
واليم في الأعصار ..
ومابه شعور اقدم ..
من لهفة البحار ..
ساعة يغيب النور ..
وفي الشط .. خيط اقصور ..
لبيت ومره صغار ..
جفت حروف الما ..
وباقي في صدري الملح ..
قومي إغسلي سفري ..
إن طال بي الترحال ..
كل المواني احبال ..
تربطني بعيونك ..
وشلون أنا اخونك ..
وأنتي اللي وحدك لي ..




.................... .................... ......




أوقات ياخذنا الحكي



أوقات ياخذنا الحكي ..
وننسى بالحكي أوقات ..
واوقات .. يا ليت الكلام سكات ..
يجرحنا الحكي ..
اسهر .. مع حبيبي .. يا قمر الكلام ..
لين يغفى حبيبي .. وجروحي تنام ..
ابعد عن حروفي .. وعن المي وخوفي ..
وابحر في سفينه .. عن بحر الظلام ..
وصلنامدينه .. من عطر وغمام
انا وين القى كلام .. ما مر ف كلام
اوقات .. يا ليت الكلام سكات ..
يجرحنا الحكي ..
بغني لعيونك .. في حزني وفرحي
وبكتب عيونك .. قصيده لجرحي
واخلي ابتسامك .. دموعك كلامك
قمر هالسوالف في ليل السكوت ..
ولو الف نجمه في عيني تموت ..
في حزني أحبك .. ويأسي أحبك ..
أحبك .. مأقول أوقات



.................... .................... ........



تحت المظله



مطر معلق بنصف السما لا ينهمر ولا يرتفع
وكل ما بغينا نجتمع تحت المصابيح الزرقا يطيح منه رذاذ
اما انهمر فرقا و الا تقطع وصل يا ماطر الليل
لا تاقف بوسط السما

لك هالشوارع انما تكفيك ساعه ساعتين
بنشيب وحنّا واقفين تحت المظله ماهو خوف من البلل
لكن حنين للمصابيح الزرقا ولليلةٍ سمراء سماها صافيه
وموعد لعيونها

والله غرفنا دافيه
ولها شبابيك وستايرعلى البروق لكن زهقنا بيوتنا
واللي يخليك اما انهمر والا ارتفع

تمرّ ساعه الا ربع وتو السحاب ما يدري وش يبي
أخاف أسأل صاحبي ويقول خلّنا نسري
وين نسري بدري
بدري على المسرى ورا السحاب قمرا وقمرا ورا الأبواب
تبي المطر يرقا وتهطل نجوم وتظهر علي أنا لو علي
تحت المصابيح الزرقا قلبي بيحوم مثل الفراش
تحت الرشاش والا الصحو لين أشوفك مقبله
والله ضلوعي مبلله بالشوق
وما ودي احاكي صاحبي ولا أساله بيقول خلنا نسري
وين نسري بدري ساعه وربع وحنا واقفين تحت المظله
اما أنهمر فرقا والا تقطع وصل يا ماطر الليل
لا تاقف بوسط السماء



.................... .................... ......



خضار وملح


خضار البحر في عينك
وملح البحر في اهدابي ..

وعيا البحر لا يسكن
أبد في صفحة كتابي ..

قصيده من خضار .. وملح
يا أول .. وأخر احبابي ..

انا من شفتها عيونك
ترى ما جفت ثيابي ..

ولو آخر قصيدي بيت
كتبته حب في عيونك ..

ولو يحمل همومي بيت
سكنت البحر وعيونك ..

ويبقى البحر .. وعيونك
وينشف في قصيدي البحر ..

ويبقى العشب .. وعيونك
ويزهر في متون الصخر ..

ويبقى الحب .. وعيونك
رغم كل الصحاري نهر ..

وانا والجرح والفرقا
وهذا الحزن بسبابي ..

ولو ادري البكا له بيت
اسوق فْ دربه ركابي ..

ابي لا غابت عيونك
ابل بدمعي ثيابي ..




.................... .................... .......




غربة وليل


غربه وليل .. وعمر ضايع ..
وحب ضايع .. في مركب أماني ..
ماله دليل
وانت يا اغلي الحياة ..
في الحب ناسي .. ليتك تقاسي ..
لو قليل ..
يا خطوة دمع فوق الخد..
يا جرح .. يا عمري ماله حد ..
يا حب كبير .. يا حزن كثير ..
يا ليل البعد والتفكير ..
حبيبي .. وكل سنا عمري .. وثواني بسمتك كله
عذابي وقلت انا صبري .. اداري لوعتي ف ظله
وفات العمر تغريبه ..
وضمت بسمتك .. غيبه
وعشت الحب في ليلي..
وذاب الصبر من ويلي
غربه وليل وعمر ضايع ..
وحب ضايع ..
في مركب أماني ماله دليل
وانت يا .. اغلي الحياة ..
في الحب ناسي .. ليتك تقاسي ..
لو قليل




.................... .................... ..........




لاتسرق الوقت


لاتسرق الوقت من غيرى
انا مابى زمن غيرى
لاتسرق العمر ياطيرى
مدام قلبك لحد غيرى
عطنى من ايامك من نهار
وباقى العمر للى تبى
مابه فرح يامعذبنى وانت لحد غيرى
ناظر وعدنا طال للى درا ومن شاف
ياقلبك الخواف
ياصاحبى الخوف
مايطمن الخوف
لاتلمس الجوف
وانت ايدينك بارده
والفرقاه دايم وارده
انت وانا فى نفس الطريق
بس الخطا متباعده
لاتسرق الوقت
يا أجمل الوقت
تكذب على واكذب عليك
والقى الدفا برعشه ايديك
نقضى كل العمر
كل العمر
نحلم بلحظه شارده




.................... .................... .......... ...




ناقش الحنا على الكف الحزين


ناقش الحنا على الكف الحزين ..
ناثرٍ شعره على شمس الجبين
والعيون السود ذبح العاشقين
انا دخيل الله وانا الجريح والله
لا تناظرني بجفا لا لا
يا حسين الوصف وش ذنب القلوب ..
ما تعرف العطف يالقاسي اللعوب
علّ ماجا منك تكفير الذنوب
انا دخيل الله وانا الجريح والله
لا تناظرني بجفا لا لا
زاهيٍ بالورد خدك يافتون
والعطر دمي من رماح العيون
احترق قلبي مثل عود الدخون
انا دخيل الله وانا الجريح والله
لا تناظرني بجفا لا لا



.................... .................... ..........




((سارة))


من كتب الحب العتاق ، وتاريخ القراق
وستاير الدمع الرقاق ..
جمعت قلبي غبار ، وقطع فخار ..
ومن على المرمر البارد ..
ومن ما نسته النار ، من غيمي المحروق ..
وحملت عيوني وركبت أول سفينه تبحر ..

على وجهي الاصفر ، خريف طال ..
وسلال من رذاذ وملح ..
وفي صدري حجارة نسيوها بحاره ..
مروا علي ف يوم ..
وقالوا تعال معنا ، وما كان يجمعنا ..
إلا الضياع والريح ..

راجع من الايام ، من الاحلام ..
ومن الف سناره ، مغروسة بقلبي
لقيت لي بشارة ، ما اغلى عطا ربي ..
أثر العمر ساره ، وموج البحر ساره ..
وكل المدى ساره ..
سافرت كل العمر ، وراجع احب سارة ..




.................... .................... .......... ....




أستبد



استبد ، استبد احيان
استمد كل هذا الظلم من ألمي
اتحد من راسي ، لقدمي
واضرب بعواصفي وبزلزالي
واهّدم الناس ، واهدّم بحالي
لين استرد بعض اثيابي من الريح
ولحمي من الشوك ..
وابتعد ، ابتعد

واحيان ما املك العواصف ، ولا الزلزال
ولا حتى ،في الهجير ، ظلال
لكن استبد ، استبد باللي عندي
اضرب بيدي في الهوى ، بجبيني في الصخر
لين اتعب ، اتعب ، وانهمد
مثل طفل اضناه البكا ، والسهر
وانتي آخر ما أعد في عمري
واجمل ما أعد

اعشقي ظلم الغصون الخضر للحطاب
والجلد للأنياب ، والجفن للسكين
اعشقي هالظالم المسكين ...
واتركيني انصهر في الشمس
والا ارتعد في البرد
لكن استبد ، واسترد اثيابي من الريح
ولحمي من الشوك
وابتعد .. ابتعد



.................... .................... ......



انتي اللي وحدك لي


كل الحرير اللي في الأرض ..
ما يلمس الجلد ..
وكل الرخام ..ما تاطى القدم ..
والعطر .. ما طال النسم ..
حبيبتي ..واغلى الجواهر جيد ..
وكثر الذهب ..والغيد ..
انتي اللي وحدك لي ..
حبيبتي تغار ..
والدر في المحار ..
والمحار في اليم
واليم في الأعصار ..
ومابه شعور اقدم ..
من لهفة البحار ..
ساعة يغيب النور ..
وفي الشط .. خيط اقصور ..
لبيت ومره صغار ..
جفت حروف الما ..
وباقي في صدري الملح ..
قومي إغسلي سفري ..
إن طال بي الترحال ..
كل المواني احبال ..
تربطني بعيونك ..
وشلون أنا اخونك ..
وأنتي اللي وحدك لي ..




.................... .................... .....




أول الناس



اول الناس انتي .. وكلهم ..
وآخر اللي عيوني .. تملهم ..
لو تحبيني .. هذا يكفيني ..
اسكني عيني .. ونامي ..
انتي يانوري .. وظلامي ..
ياقمرهم .. كلهم ..
أعدل الناس .. وازينهم خجل ..
واغلى من الناس .. في وقت الزعل ..
واجمل اللي حصل لي .. وماحصل ..
لو تحبيني .. هذا يكفيني ..




.................... .................... .........




تغريد




ياللي خذا شعره من الطير تغرد
ومن مدلهم الغيث صافيه لا جاد

ومن كل روضٍ عله السيل ترديد
ريح الزهر ومداعب الريح الأفناد

ومن كل صبحٍ بدد الليل تبديد
دفا الشعاع وفرحة النور لاباد

جاني قصيدك مثل عقدٍ على جيد
الجادل اللي كلها زين وعناد

ما هي من اللي يدلهون المواعيد
حشا ولا هي في الهوي صيد من صاد

وتلفتت روحي لحسنا من الغيد
واشتب في قلبي من الشوق وقاد

ولمست قلبي لين كله تجاعيد
شاب الهوى يا ليت ما فات ميعاد

يا بو حمد ما عادلي في الهوى سيد
وغيره فلا والله ما نقبل اسياد

وين الذي وصله على العين تسهيد
( ولا ودي اقطع درب لاماك برقاد )

يابوحمد وين وصلتنا التناهيد
ضاع العمر ما بين قرطاس وامداد

وانا احسب الشعر صعب المواريد
ماهو غديرٍ ينضحه كل قصاد

يوم امتلا هالجو حشو ومفاريد
راع الجمل معذور لو كسر إشداد




.................... .................... .......... ...





خطأ تبخل وانا كلي عطا


تبخل .. وأنا كلي عطا ..
خطأ ..
ضاعت على الدرب الخطى ..
خطأ ابتدينا ..
وان نهيناها .. خطا !!
تزرع طريقي .. بالألم..
يا خوفي .. لا توطاه القدم ..
تجرح ظلايل.. فيتك ..
وتدمي ..أماني جيتك ..
لو فرحت.. بجيتك !!
بعد الظما.. وبعد الهجير ..
تخفي حنانك .. بالضمير ..
لو ما جنت ..
عينك علي بنظرةٍٍ .. لو ما جنت
ولو ما رضيت .. تحدني ..
روح الشقاوي .. ما عنت ..
واستهونت درب الهوى ..
ولو ما غدى جرحي دوا ..
ليته غدا..
عودتني منك الحنان .. عودتني
وطال النوى وجار الزمان .. صبرتني ..
وإثر الهوى .. مثلك غريب ..
ماله .. على نفسه حبيب .




.................... .................... .......... .





قالو حروفي عمي وعيونك بروق



قالوا حروفي عمي وعيونك بروق

مافي قصيدي جنح ليلٍ وبارق

قلت الذي له داخل ضلوعي حروق

أقرب من اللي في سما الناس شارق

غيري يشوفك وأجود الشعر مطروق

وأنا أحسّك وأصدق الحب فارق

ياللي عيونك دم وعيونك عروق

ولهاث قلبٍ في نواعسك غارق

أقول أحبك يخرج البحر صندوق

تبرالغزاة وكنز سود البيارق

وأقول أحبك صدرالايام مشقوق

عن وجه غرناطه وعن مهر طارق

وأقول أحبك والله إني من الشوق

ألقا طيوفك في جميع المفارق

كتبت لك قلبٍ من القلب مسروق

ولا طاب لي وصفٍ من الوصف سارق




.................... .................... .......... .....




لاتشد القيد


لا تشد القيد ...
تجرح يدي ... أو تجرح القيد ...
قيدك غدى يوجع يدي ...
سجني أنا انت ... وسجنك أنا ...
والحب ... الحب عبدي وسيدي ...
لا ... لا تشد القيد ...
دمي ... جرى ... دمك ...
همي إني اشوفك في يدي ...
وإلاّ يدي همّك ...
في معصمي صرت ...
إنت السجين في معصمي ...
وكانك تصبرت ... أنا مقوى الصبر ...
دمعي في عيني ... وصرختي تملا فمي ...
سجني وسجاني ... أحزانك احزاني ...
وشلون ابنساك ... وشلون تنساني ...
محبوس في عيونك دمع ...
وزنزانتي ... تقطيبة الحاجب ...
وحاول توارى في الجفا ...
يا وجهه الصاحب ...
بتشوف نفسك في يدي ...
قيدٍ رقيق ...
قيدٍ سلب حريتي ...
ليته طليق ...
يا صاحبي ... ما به ابد قيدٍ طليق ...
لا ... لا توجع يدي ...
سجني انا انت ... وسجنك انا ...
والحب ... الحب عبدي وسيدي ...




.................... .................... .......... .......




** أبعتذر **



ابعتذر.. عن كل شئ
الا الهوى .. ماللهوى عندي عذر
أبعتذر.. عن كل شئ
الا الجراح.. ما للجراح الا الصبر
ان ضايقك اني على بابك أمر
في ليلة ألم.. و اني على دربك مشيت
عمري و أنا
قلبي القدم
أبعتذر.. أبعتذر.. كلي ندم
عن كل شئ.. الا الهوى
ما للهوى عندي عذر
اتصدقي.. ما اخترت انا احبك
ما احد يحب اللي يبي
سكنتي جروحي غصب
يا حبي المر.. العذب
ليت الهوى و انتي.. كذب
كان اعتذر لك عن هواي
و ما اقول انا .. كوني معاي
ان ضايقك اني على بابك أمر
ليلة ألم
واني على دربك مشيت عمري و انا
قلبي القدم
ابعتذر.. ابعتذر.. كلي ندم
عن كل شئ .. الا الهوى
ما للهوى عندي عذر




.................... .................... ..........





اه يالجراح


لا جيت أنا بسامحك ..
تبكي الجراح ما ودها ..
مشتاق ودي أصافحك ..
عيت يدي لا مدها ...
أه يالجراح راح اللي راح ..
وراحتي ، من يا ترى بيردها ..
يا حب ، ياذ كرى واسم ..
مدري انا ابكي عليك من العذاب اوابتسم ..
صدقني في يأسي .. نفسي تبي نفسي تبيك ..
لا يا دفا شمسي تبيك ..
ليه خنتني ، الله عليك ..
آه يا الجراح ، راح اللي راح ..
وراحتي ، من يا ترى بيردها ..
لا تحاكي عيوني .. يمطر سحاب الملح ..
ولا تلمس أشجوني .. ينبت في قلبي جرح ..
ناظرني يا خلي ، جرح انا كلي ..
وشلون أبرضى الصلح ..
فصل الخريف حبي ، حزن وورق أصفر ..
ودعني يا قلبي ، وخل العذاب أقصر ..
آه يا الجراح ، راح اللي راح ..
وراحتي ، من يا ترى بيردها ..




.................... .................... .......... ..




باقي فرح


اللحظه اللّي مقبله ..
بدري على ... اللحظه اللّي مقبلة ...
بالهون يا مستعجلة ... باقي فرح ...
لو ما تسرعتي على شمس المغيب ...
وقفت ثواني ما اغربت ...
وساعة وداعك ما اقربت ...
لو ما اختصرتي من السما ...
شبر إنتظار ...
طال النهار ....
ابسألك ...
حنا نعيش اللحظه والا نعدها ...
نركض على سطور الزمن ...
ونقرا من كتاب الزمن ... صفحه ...
عشان الصفحة اللي بعدها ...
أجمل من نجوم السما ...
إني أنا وانتي ... انتساءل ...
يا ترى ... يا ترى وش بعدها ...




.................... .................... .......... ......





ثلاث جدران


المنزل ثلاث جدران ورابع
ما بينهم ضايع متشقق وعاري
ويميزه شباك ضيق
مصبوغ بالأحمر الناري
ومحاصرٍ باسلاك علقت بها وردة
أوراقها المنزل والبرعم الأفلاك
***
وعلى الجدار الثاني
وأمثال وأغاني
مكتوبة بكسرة فحم
وصندوق خشب
مزخرف بغير الذهب غير الجواهر
تحت الكتابه نافر
فوقه ظلالٍ عريق
مثل العنيد من الجروح
مثل السيوف اللي مقابضها حديد
أسرار من ماتوا بعيد
وما خلفوا حتى الورق

***
أما الثالث من الجدران
معلقٍ عليه صورة لإنسان
من دفتر نفوس مكبره
مدري جفونه مبخره
ولال تجاعيد خيوط دخان
وفي الركن كرسي خيزران
يجلس عليها الوقت
وجريدة ٍ عنوانها باهت تغفى على الإسمنت
وفوقها كوب فارغ وفتات خبز
وأصابع ٍ للجوع صفرا مكسره

***
ويبقى الجدار الأول
وهو أعرض الجدران وأكثرها وقار
وهو الوحيد اللي انبنا ف نور النهار
بوابته على الطريق الرملي
صَفت أحجار درجها بصبر
وش كنها ؟؟
سنونٍ صفر في فمٍ مذهول
وظلما تشدك للدخول تشدك
وكل ما مسكت اكرة الباب النحاس بيدك
تلطخت بدم ٍ طري
الجرح نزفٍ يحتري أما الطعون
وين الطعون راحت

***
البيت ثلاث جدران ورابع
مالهم طابع يجمعهم
يشبهون أهلهم
وما صادفوا غير الحياة



.................... .................... ..........





رشاش


رشاش ... يتساقط على قلب ..
هذا عصفورك ... وباقي الصدر اعشاش ..
ابتل هالعصفور .. ريشه غدا اثقل
وان مرو الاوباش .. أو مرو الاجمل
صادوه وما اسهل ... من صيد عصفورك
طير.. وعليه رشاش ..
وبردٍ على الاحراش ..
وفوق الغصن طيرك ..
يشكي من الامطار ..
مري علي مشوار ..
لو جاء احد غيرك ..
دفاه بالاخبار ..
ولف الجروح ... بشاش
غشاش .. غشاش
وباشعل الغيره في قلبك البارد ..
ماقوى اخونك
ماقوى اخونك .. ماش
انا قلبي عصفورك وباقي الصدر ..اعشاش




.................... .................... .......... .





كل عام وجرحي بخير


ومرت سنه .. على فراقك
على صوتك .. واشواقك
غريب كيف االزمن يرحل
واحلام العمر .. تذبل ..
سنه مرت .. وانا أول ..
حبيبٍ يوقد الشمعه
لجرحه في يوم ميلاده
هلا .. بالحب .. واعياده
وكل عامٍ .. وجرحي بخير

مشيت دروبنا .. خطاوي قلوبنا
ومريت الوعد .. وعدنا العام
ماكان الوعد .. ولا الأيام .. هي الايام
وما ادري ليه هالشارع .. نسوه الناس
ومتى هالمقعد الخالي .. يجوه الناس
حبيبي .. ليه ف غيابك .. يغيبوا الناس
حبيبي .. ايه والله حبيبي .. ايه والله
نساني العمر.. لو انساه
نساني الفرح .. لو انساه
احبه .. ما ظهر نجم .. ونبت عشب .. وسرى براق
أحبه .. لا زمن يشقي جروحي .. لا جفا .. وفراق
أنا هذا الهوى كله .. وقلبي آخر العشاق ..




.................... .................... .......... ......


من عيوني ياحبيبي



من عيوني يا حبيبي
من عيوني اطلب والبي لك
من عيوني اتبسم انا اجيلك
واشعل في قناديلك اماني العمر
ونزرع شوق ونجني حب
من عيوني اطلب والبي لك
من عيوني ..
اجيب الليل اجيبه
من عيوني ..
قبل ميعاده ..
من عيوني ..
انا والشوق وطيفك
نرسم ابعاده
بس انا جاوزت حدي في هواك
مدري حتى وش ابدي في رضاك
واشعل في قناديلك اماني العمر
ونزرع شوق ونجني حب
من عيوني اطلب والبي لك
لو بيدي ..
القى مفتاح السعاده
كل لحظة ..
كنت حبيتك زيادة ..
بس انا جاوزت حدي في هواك
مدري حتى وش ابدي في رضاك
واشعل في قناديلك اماني العمر
ونزرع شوق ونجني حب
من عيوني اطلب والبي لك




.................... .................... .......... ..........




أحبابك سروا


مابه احد غيري يابنت احبابك سروا
لاتسأليني تغيروا يمكن نسوا او مادروا
ياحلوتي ضاع الوعد وباكر بعد
مري على دروب الجراح وتلقين احد غيري

بالله لاتبكين عندي والى رحتي سوى اللي تبين
مالك عزى ف قلبي الحزين
محتار انا اسكت ومدري ايش اقول
لاني سبب جرحك ولاعندي الحلول
لكن ابوصيك بصبر لابد للغايب عذر
وياحلوتي ضاع الوعد وباكر بعد .
مري على دروب الجراح وتلقين احد غيري


غطي سنا خدك بشال الليل
وغيبي ياشمس اللي ضيها لغيري
اه لو تعرفي وش كثر انا احبك لو كنتي تدري بي
ياعيونها السود مابه احد موجود غيري انا الموعود
جرحي وتعذيبي
ياحلوتي ضاع الوعد وباكر بعد .
مري على دروب الجراح وتلقين احد غيري .




.................... .................... .......... ........





الأربعين


ادري ان الوقت يذهب ما يعود
اربعينٍ فارقتني يالعنود

ماطر الايام من غيم الزمان
ما يبل الريق لو مهما يجود

كم شربته صافيٍ بارد قراح
ما دريت ان الظما سر الوجود

كل شمسٍ تلمس اشجار العمر
تحرق الاوراق وتجف الفنود

وكل ريحٍ تدفع شراع العمر
ينقطع به حبل ويميل العمود

اربعين مرت وتوني صغير
انتظر لعل تصدق لي الوعود

والغريب اني على هذا مغبوط
ادري اني بخير لا شفت الحسود

الزمن يا بنيتي كله زوال
ما تخلد كود لحظات السجود




.................... .................... .......... ....





اوراق الزمن


ادفن يدي .. تحت الثرى ..
واسقيها من جفني ارق ..
يذبل مابين اصابعي ..
عشب و ورق ..
ادفن يدي .. فوق الثرى ..
يلفها برد وسموم ..
واحس بعروقي يبست ..
ما توصل عروقي الثرى ..
ولا تشرب عروقي النجوم
وينبت على جفني سهاد ..
يذبل ورا صدري الشجن ..
اشقق اوراق الزمن ..
وانام ..

في حلقي الليله جفاف ..
شربت أيامي .. ومضت ..
واللي بقى جرحي الوفي ..
في خاطري باب يرد ..
وسراج دوبه ينطفي ..
اغطي الظلمه بظلام ..
كل ما اشد اصابعي ..
على العيون المتعبه ..

جرحٍ ينام .. وجرحٍ شعر بي وانتبه ..
قام وتبعني لشرفة ظلمه بعيد ..
جاني يقاسمني السهاد .. جاني قصيد ..
ادفن يدي تحت الثرى .. فوق الثرى ..
واعيش انا بباقي يدي ..
نصفٍ يموت .. ونصفٍ درى انه يموت ..
يا سيدي .. ربي انا نقطه ف بحر ..
علمني كيف اهوى الحياه ..
علمني كيف اهوى القدر ..
علمني بإماني اكون ..
يارب .. اكثر من بشر ..




.................... .................... .......... .....




بيض الردون


بيض الردون
يبني السراب خيامها
وسط الخلا واقدامها
تنبت عشب وتمطر غمام
لامن لمحت اثارها
يطري علي عشق الخلا
وقصيدةٍ لبن غيام
في حومة العقبان
في الازرق ، الازرق
شمس الضحى جمره
شفت الندى يعرق
في وجنة النوار
بدخل تحت سدره
وما سحت الاغصان
من ظلها البارد
على الثرى الممطور
واطلق عيوني طيور

وانا على المشراف
ومن حاجر به شيح
جول الحباري طار
ريشه يخض الريح
خض البحر مجداف
وين انت يالصقار
جول الحباري طار
بيض الردون طيري
برقة جناحك لي
وحتوفك لغيري



.................... .................... .......... .....




عتيم الليل


عتيم الليل ...
قمرنا من زمان والله ... فقد نوره ...
عتيم الليل ...احس النظره تتكسر ...
على سوره ..

سهرنا ... في عتيم الليل ... حزين الهمس ...
قدرنا ... ننتظر باكر ... شعاع الشمس ...
تعالي ... طالت الغيبه ... وانا مشتاق ...
انا مشتاق ... انا الاشواق ... انا العشاق ...
تعالي من جسور الليل ... تعالي ضي ...
تعالي في هجير العمر .. حنان وفي ..
وربي ... طالت الغيبه
حنون الليل ... وصوتك همسة التحنان ..
حنون الليل .. بيروي بالامل عطشان ...
حنون الليل .. وانت بتسمعي صمتي ...
تحسي بي ...
تقاسي فيّ تعذيبي ...
تشديني من الامواج ...
ترسّيني على مينا ... وصوتك في ليالينا ...
أبد ساري ...
حنون الليل ... وانت الريح والساري ...
تعالي ... طالت الغيبه
وربي طالت الغيبه ..




.................... .................... .......... ........



المسافر




لا تلوح للمسافر ..
المسافر راح ..
ولا تنادي للمسافر
المسافر راح ..
يا ضياع أصواتنا .. في المدى والريح
القطار وفاتنا ..
والمسافر راح ..

يالله يا قلبي تعبنا من الوقوف ..
ما بقى بالليل نجمة ولا طيوف ..
ذبلت أنوار الشوارع .. وإنطفى ضيّ الحروف
يالله يا قلبي سرينا .. ضاقت الدنيا علينا
القطار وفاتنا ..
والمسافر راح ..

مادري باكر هالمدينة وشتكون ..
النهار والورد الأصفر والغصون ..
هذا وجهك يالمسافر لما كانت لي عيون ..
وينها عيوني حبيبي ..
سافرت مثلك حبيبي ..
القطار وفاتنا ..
والمسافر راح ..




.................... .................... .........




موت وميلاد



في عيني تغيب الشمس وتشرق في عيني
في ناظري للشمس موت وميلاد

لليل في دمعي سنا نجمتين
وللصبح في جفني شفق هم وسهاد

كن السهر درب عليه اب تجين
ولا ودي أقطع درب لاماك برقاد

ياللي جميع الناس بينك وبيني
وكل لحظة أنا نتظر منك ميعاد

عذري لياسي منك إنك تبيني
خنت الرجا وان صنت لي عهد ووداد

ولمصافحك ربي خلق لي يميني
أمدها لك وصل وأمدها بعاد

البسمتك ترخص غوالي سنيني
جرحي يهون ووجايرالشوق يزداد

أنسى عذاب العمر و ما أنسى حنيني
تبلى ليالي العمر وجروحك جداد




,,,,,,,,,,,,,,,,,,,, ,,,,,,,,,,,,,,,,, ,,,,,,,,,,,,,,,,,







اهلاوي997 غير متواجد حالياً   رد مع اقتباس
قديم 31 - 05 - 2008, 14 : 01 PM   رقم المشاركة : [5]
امبراطور نشيط
الصورة الرمزية اهلاوي997
 

اهلاوي997 will become famous soon enough





خــــــــــالد الفيصــل





ليل الهوى



سريت ليل الهوى لين انبلج نوره"
" امشي على الجدي وتسامرني القمرا


طعس وغدير وقمر ونجوم منثوره"
" انفاس نجد بها جرح الدهر يبرا


يا نجد الاحباب لك حدر القمر صوره"
" طفلة هلال وبنت اربع عشر بدرا


حبيبتي نجد عيني فيك معذوره"
" معشوقة القلب فيها للنظر سحرا


فضة شعاع القمر في نجد مسحوره"
" من شاف لمع قمر في خدة سمرا




.................... .................... .........




الهوى الغائب



إذا التقينا يوم

ولا عرفتيني

فلا عليكِ لوم ..

شاب الزمن فيني

أنا الهوى الغايب



أنا اللي كان ذاك الزمان

وقت و مكان

أنا اللي كان

في نظرة عيونك حنان

ومضة في عتمات المسا

فرحة فؤادي اللي نسى

بسمة صباحك

ودمعة جراحك

خاطر عبر مرة في حياتك

أنا الهوى الغايب



في ليلة عشتها عمري

لموعد انتهى بدري

رسمت أحلام

وعشت أيام

وغنيت الهوى أنغام

وكنت الهوى للقلب

وكنت الوطن للحب

ولو غيرت وجهي

مسافات السنين

ما تختفي في العين

نظرات الحنين



ياللي تركتيني

وخاواني الغياب

رحتي ونسيتيني

وتذكرني العذاب

سارت بي الأيام في غربة حياة

لا طريق أمشيه

أو أعرف مداه

زحمة وجوه وعابرين

لا روح فيها أو حنين

ولا شبه منك في عيون الناظرين

أنا الهوى الغايب

جيتك على غفلة زمن

هيا قبل يصحى الزمن

انهي عذابات الشجن



أنا الهوى الغايب

أنا اللي كان ذاك الزمان

وقت و مكان

أنا اللي كان

في نظرة عيونك حنان

ومضة في عتمات المسا

فرحة فؤادي اللي نسى

بسمة صباحك

ودمعة جراحك

خاطر عابر مرة في حياتك

أنا الهوى الغايب



.................... .................... .......... ...




حداني وقتي



حدّني وقتي على شيٍ .......جديدي

السهر ماهوب من عادة ........عيوني

أبعدوني عن هوى بالي ........وسيدي

ومنعوا عنّي خطوطه ........ياصلوني

شطروني عنه في دارٍ ........بعيدي

حسبي الله كانهم منه ........قطعوني

صارت الفرقا لنا علمٍ .........وكيدي

ليتهم راحوا وانا عنده ........نسوني

عاقني عن صاحبي سورٍ حديدي

دونه البحور حرّاسٍ ودوني

الرجا بك يابو خالد يا ........عضيدي

لا تخليني تراهم ........عذّبوني



.................... .................... .......... ....




ياضايق الصدر



ياضايق الصدر بالله وسع الخاطر
دنياك يازين ما تستاهل الضيقه

الله على مايفرج كربتك قادر
والله له الحكم في دبرة مخاليقه

حلو العيون استهانت دمعها الحادر
كف العباير حزين الدمع ماطيقه

حسايف الحزن يغشى وجهك الطاهر
والورد في وجنتك حرام تغريقه

يفداك قلب على ماتشتهي حاضر
يفداك بالي بقالي من معاليقه

مافات خله ولا تهتم من باكر
وأغنم من اليوم ماساقت توافيقه



.................... .................... .......... ......




في ظل الوعد



أنتظرت أزمان في ظل الوعد

احسب الخفقات يا أغلى وعد

انتظرت و الظاهر انك يا وعد ما جيت

عيّا عليك الوقت و إلا يا وعد عيّيت

انتظرت لكن النجمة سرت

والقمر راحوا أصحاب السمر

ونسمة وفا مرّت

ولفّت مكان الوعد ضمّت

تعتذر

وانتظر

انتظرت أزمان في ظل الوعد

ما احسب يجيني يوم أكذب إحساسي

وإلاأقول طوّلت يا قاسي

سقى الله أمسي العاشق

ونورك في السما شارق

تعاطينا المحبة شوق

تساقينا هوانا ذوق

نقول لليل لا ترحل

ترى الباقي معك أجمل

سرينا و الوعد باكرحضرت و لا حضر باكر

انتظرت أزمان في ظل الوعد

الله يا هو الوعد ظالم

إذا جيته و لا جاني

وأنا ما أظن ينساني

ويتركني لأشجاني

دعاني بالأمل لكن مسّح قدّامي دروبي

و لا أدري شي أو لا شي

أغني فيه مسحوبي

تأكد يا وعد وإلا

ترى لى جيت باتغلّى

وبتأخر و لو لحظة

وأجيك أسابق اللحظة

و لاأغمض و لا غمضة

تفوّت من سناك ومضة

انتظرت أزمان في ظل الوعد



.................... .................... .......... ...




أنا السّعودي


أنا السّعودي رايتي رمز الإسلام
وأنا العرب واصل العروبة بلادي
وأنا سليل المجد من بدأ الأيام
الناس تشهد لي ويشهد جهادي
دستوري القرآن قانون ونظام
وسنة نبي الله لنا خير هادي
امشي على الدّنيا وأنا رافع الهام
وافخر على العالم وأنا اجْني حصادي
إذا تأخّر بعضهم رحت قدّام
وإذا توارى خايفٍ قمت بادي
إن جيت ساحات الوغَى صرت قدّام
وان صرت بلْحالي فلانيب عادَي
واظهر على غيري إذا صرت بزْحام
عقيد قومٍ بالطّبيعة ريادي



.................... .................... .......... ...




مرتاح احبك


مرتاح احبك ولا علَّمت
. . . حتَّى انت عيّت أبيّن لك

و البارحه يوم انا سلمت
. . .شكّيت لو عيني تدلك

برقٍ لمع في العيون و خفت
. . . مواجع القلب توصل لك

عساك في ناظري ما شفت
. . . كيف المعاليق يومنّ لك

من خوفتي لا احترق جنَّبت
. . . هربت من شمسك لظلّك

اخشى عليك الهوَى لو طحت
. . . ما تلّني يمّك يتلّك

أبي قليلك ولا حصّلت
. . . بعضك تركني مع كلّك

ما ادري صواب او خطأ ما قلت
. . . إنك حبيبي و انا خلّك



.................... .................... .......... ......




((علامك))




قالوا علامك قلت مابي خلاف
مابي بلا ياكود فرقى المحبين


الحب لو يجحد عليله يشاف
يدري به الّلي عارفٍ لوعة البين


شيٍ يشاف وشي باجوف خافِ
عشرٍ تبين وخافيٍ منه تسعين




.................... .................... .......... .....




((لا تسألوني))



لا تسألوني ليه انا
عاشق خزامى مستهام

اذا عرفتوني انا
تدرون وش سر الغرام

اصلي انا بيتي شعر
والبر هو ديرة هلي

فرشي ثرى وسقفي سما
وترابها غالي علي

اشفق على خزة ظبي
في طعس من فوق الغدير

ومشاهدة سرب القطا
من روض للثاني يطير

الله على شمس المغيب
والليل الى نسنس هواه

الضو تقدح بالجمر
والنجم يقدح في سماه



.................... .................... .......... ........




((شبيه صويحبي))



يا شبيه صويحبي حسبي عليك
كل ما ناظرت عينك شفت ذاك


شفت لونه في خدودك والعيون
في سلامك في كلامك في حلاك


كل شي فيك يطري به علي
يا حلو بسمة حبيبي في شفاك


ماهقيت ان القمر مثله قمر
لين شفتك ياشبيه احلى ملاك


ليتهم سموك بإسمه واستريح
كل مانابيتك اغلط في نباك




.................... .................... .......... ........




(( من بنات الريح ))



من بنات الريح لي صفرا جفول
كنها ظبي الفلا بجفالها

منوة الخيال عساف الخيول
زينها في دقها وجلالها

زينها ماشفت وصفه بالمثول
ألله اللي بالجمال اصخى لها

تستذير كحيلتي من كل زول
ما يصخرها سوى خيالها

اذكر الله كل ماقامت تجول
واحمد الله خصني بحبالها

كنها تمشي على قرع الطبول
فتنة اللي خافقه يبرى لها

ظافي القصه على الطرف الخجول
تنكسر شمس العصر بظلالها

وصفها وصف السحاب اللي يجول
كل عين تستخيل خيالها

أو كما طاري على الخاطر عجول
صاحبه حقيقته ماطالها

كل رجلٍ في حياته له ميول
والهوايه تمتلك رّجالها



.................... .................... .......... .....




يا ساعة الفرحه


يا ساعة الفرحه تشوقت للعيد

عيد العيون وعيد قلب الصبابه

رد الجمال لشوفتي يا اتلع الجيد

واسحب على حرفي لحون الربابه

حرفي بصوتك يا اجمل الصوت تغريد

يا رمز حبي هاك رمز الكتابه

يا صبح عمر فيك للعمر تجديد

وحبك يجدد كل يوم شبابه

للعين والقمرا وحسنك مواعيد

وليل الهوى شرع للأحباب بابه

ياما زعجت الصوت باسمك تراديد

وياما نسيم الوجد يمك سرابه

وياما تمنيتك على باقي الغيد

واقول مثلك يا غلا الروح ما به

ابيك تهوى مثل ما اهواك وتزيد

يا من خفوق القلب حسنك غدا به

يا قطرة الغيمه على يابس البيد

رد الحياة لخافقي يا ذهابه



.................... .................... .......... ...




(( لا يطول غيابك))



لايطول غيابك ... ثم اخذ عليه
لو تخليت عنى ... عنك قلبي ماتخلى


العذر والتعلل والحكي ... مانبيه
من تحرك فؤاده ... بالهوى ماتخلى


طبعي الصبر لكن وش عليه ارتجيه
من طويل الصبر يعقوب وايوب ملا


دامني حي عطني وش بقي نحتريه
مابي دموعك ...اللي عقب موتي تهلا


مابقي بالعمر مقدار ماراح فيه
كل مازل يومٍ ... يوم بالعمر ولى


مايعرف الجمر مثل الذي يكتويه
احد يدفا بناره ... واحد فيه يتصلى


يامن القلب حطيته براحة يديه
مارضى له مكان غير كفك محلا


كم تعذر وعيا عن هوى محتويه
لين طاح بيمينك بالغرام وتجلى



.................... .................... .......... .....




عز القصيد

عَزّ القصيد وزاعلتني حروفه
من يوم غاب الّلي قصيدي مهاويه

غابت به الدنيا وخلّت طيوفه
عزّي لمن مثلي زمانه يعاديه

عقب الملاقىٰ بس بالقلب أشوفه
وعقب المناجىٰ بس بالفكر أناجيه

كلامي وشوفي لغيره حسوفه
من غيره يْخاوي غريبي وأخاويه

يا لوعة المشتاق تصفق كفوفه
لين التفت ما شاف بالدّار غاليه

كنّ العيون بكل شين محْذوفه
والقلب كنّ جموع الأيام ترميه

تسابقتني من زماني سيوفه
تجرح مْرادي في حياتي وتدميه

يا عونة الرحمن وين النكوفه
لين انتحىٰ الخفّاق وش عاد يثنيه

ما رحت أدوّر عند خلّي مروفه
ما يرحم إلاّ الله فلا شك مغليه



.................... .................... .......... ........




افكاري


رَكضتْ ألحَق الهَارِب ومِتمَرّد أَفكَارِي
أبَارَوّض الفِكرَه عَلى حَالِي الجَارِي
أبَاقضِب عَنَان الطّامِح الجَامِح العَاصِي
أبَا ألمَس حَنَان السّاهِم الحَالِم السّارِي
أبَا أجْمَع شتَاتِي عقُب رِحْلات غربَاتِي
وَأنَاغِم هُوَاجِيسِي عَلَى بَاكِي أَوْتَارِي
تَعَتبت وَجَرَحنِي يَاهل المعرفَه دَربِي
وطَالَت مِسَافَاتِي وَاناَ أطَارِد أفكَارِي
ورَاهَا تورَاى مِن ورَى حَاضِر أيّامِي
ورَاهَا تسَافِرمِنْ ورَا قَدرَت أَسفَارِي
ورَاهاَ توَارَى عَجزِي تشُوفَه عيُونِي
وَراهَا تطِير وكِلّي قيُود وَأعذَارِي
حَبَسْنِي رَمَانِي بِالثّرَى والسّما حِلمِي
أغَازِل سَحَابَاتِي وَأنَا أكتِب لَهَا أَشْعَارِي
أرَوّح لَهَا صُوتِي مَع رَايِح النّسمضه
وَأقُول إِمْطِرِي يَاغِيمِتِي جَفّت أَنْهَارِي
ويِمسِي عَلَي اللّيل خَالِي وَأنَا خَالِي
لابَاح لِي سِرّه وَلا بِحْت بَأَسْرَارِي
نُجُوم السّمَا تِدِحّ ولِيلِي بَهَا سَاكِن
عَجِيب السّكُون بلِيل فِيه الفَلكْ جَارِي
وَيَا فِكرِي الهَارِب وَيَانُورِي الغَارِب
بدُونِك فَرَاشَاتِي تَهَاوَتْ عَلَى نَارِي
وَأَنَا لَوعَذَرْت الغِير مَااِعْذِر أَفْكَارِي
أَنَا مَواطِن أَفْكَارِي وَدَار الفِكر دَارِي




.................... .................... .......... ...........




حنا العرب ....

حنا العرب يا مدعين العروبة
وحنا هل التوحيد وانتم له أجناب

وحنا شروق المجد وانتم غروبه
وحنا هل التاريخ وأنتم به أغراب

يوم الفقر شلتوا علينا عيوبه
واليوم عقب النفط جيتوا لنا أنساب

ويوم الفقر فينا البداوة سبوبة
واليوم صرتوا مثلنا بدو واعراب

لو الهوى منكم منعتم هبوبه
لا شك رزاق الملا رب الأرباب

ولو المطر منكم منعتم صبوبه
لا شك رزق الخلق من عند وهاب

جيش الحسد سقتوا علينا حروبه
كل يبي يزرع على جسمنا ناب

حرب على المحسن تراها عقوبة
بالله عساكم ما تفيدون حراب

يا ما عطينا ما ندور مثوبه
إلا من اللي من ترجاه ما خاب

ويا ما نصرنا صاحب ضيقوا به
عاداتنا نقدم الى مالردى هاب

وياما نصانا من تعثر دروبه
يدخل حمانا من تعذرة الأصحاب

حنا بنينا دارنا من طيوبه
وانتم سلبتوا داركم كل ما طاب

الله سقانا من بحرنا عذوبه
وانهاركم مثل البحر هدر تنساب

حنا زرعنا الحب بارض خصوبه
وانتم زرعتوا كره الأجيال بتراب

وحنا دعينا السلم نوبه ونوبه
وانتم حمام السلم بعتوه بغراب

يا من دعا للحرب ما درك خطوبه
لا تحسب أن الحرب تهديد وخطاب

من شب نار الحرب يصلى شبوبه
ومن ثور الفتنة تعرض للأسباب

ما يستر الرجال ملبوس ثوبه
الدين وافعال الكرامة له ثياب

ما يقبل الرجال بحماه حوبه
ما دام له حق وللحق طلاب



.................... .................... .......... .......




بشروني عنك





بشروني عنك ما يدرون عني
ما دروا باللي شغل فكري وظني

اتسمّع للحكي بك واتحفّظ
خايف دقات قلبي يفضحنّي

كل ما سمّوك باسمك فز قلبي
والضماير والمدامع شاغلنّي

يا حبيبي يوم جنبت الحبايب
عفت لجلك كل من قبلك فتنّي

من عرف قربك عرف طعم السعادة
وإن تشطّرت أدرك غبون التمنّي

في هواك من العسل لذّة مذاقه
لكن حروس النحل عنها حدنّي

ماعد اسمع بك ولا اوحي فيك عاذل
والعذارى جهّل لو داعبنّي

لك عيون فعلها بي فعل ظالم
من عرفتك يالغضي ما ريحنّي

إن تفارقنا تغايا لي بليلي
وإن تقابلنا دهنّي واخجلنّي



.................... .................... .......... ..........




في سحابه





في
سحابه..على متن التمني
شفت عمري .. خيال في سحابه
يا ذهابه ..تعدى ما ارجهنِ
كن عامه .. نهار يا ذهابه
من غدا به .. ربيع العمر منّي
حسبي الله .. على وقت غدا به
إلتوى به .. رجا قلب يونِ
ويل قلب تعلق والتوى به
في شبابه ..حبس نشواه عني
ما تهيا لذيذه في شبابه
ذا صوابه .. عقب ما هو طعني
لو نسيته يذكرني صوابه
من هقابه ..يخيّب كل ظني
واعذاب الخفوق اللي هقابه
رد بابه ..زماني وامتحني
يوم ثوّرعجاجه .. رد بابه
يا ربابه ..على المسحوب غني
من قصيدي .. بكى قوس الربابه



.................... .................... .......... ........




نفسي عيوف




نفسي عيوف يا اريش العين تجزع
ما تقبل الحقران لو من عشيري
إلى متى في طلبتك باتخضع
وأسأل متى يوم الوصل بي يصيري
لو كان قلبي في هواك يتقطع
خله لعله بالقسى يستخيري
أنا جزمت أنساك يا زين وانزع
اللي بقى من حبكم في ضميري
مثلي عزيز النفس عنك يترفع
دور هبيل فواد مثلك غريرِ



.................... .................... .......... ..........




فدوة عيونك




فدوة عيونك لو غدت روح مغليك
وش عاد لو راحت لعينك عشاير
أبيع مايغلى على الكون واشريك
واسوق لى جتني علومك بشاير
وازعل جميع الناس بالحيل وارضيك
واصبر لو دارت علي الدواير
واخذ من ايامي لك ايام واعطيك
وان راح عمري لك فلا هو خساير
أحب أنا شوفك وصوتك وطاريك
دايم وفكري فيك هايم وحاير
بالصمت أهوجسبك وبالصوت أناديك
والله عليم البينة والسراير
أنا وقلبي والهوا بن أياديك
عندك مفاتيح الهنا لضماير
من روحي أحبك ومن روحي أفديك
يامن غرامة والحسن فيه ثاير




.................... .................... .......... ......




(( يا صاحبي ))



ياصاحبي هانت عليك المحبه
لاوحسايف عقب هاك المواثيق
جمر الغضا في وسط قلبي تشبه
نارٍ حطبها يابسات المعاليق
كاسٍ مليته بالوفا لاتكبه
خلّه يبلل بالوصل يابس الريق
صبّه بقلبي ثم ملّه وصبّه
وان كان ودك غرق القلب تغريق
دام الهوى راسي وراسك يهبه
خذ سجّةٍ ترى زمانك توافيق
ترى حلاة العمر مع من تحبه
شخصن تريد من جميع المخاليق




.................... .................... ..........





يا زمن العجايب



زمان العجايب وش بعد ما ظهر
كل ما قلت هانت جد علمٍ جديد

إن حكينا ندمنا وإن سكتنا قهر
بين قلبٍ عطيب وبين راس عنيد

لو تفيد المدامع كان أسيّل نهر
مير كثر التوجّد والدمع ما يفيد

اصبر ايام واشهر واتصبرّ دهر
وان حصلّ لي مناتي جيت لوني بعيد

ارجي الله واراقب كل طالع شهر
يجلي الهم عني أو عسى ما يزيد

يا غزالٍ فضوح الزّين عنه أشتهر
في عيوني ملاك ووسط قلبي وحيد

مخطي اللي يشبّه وجنتك بالزهر
الزهر ما له رماحٍ تصيب وتصيد

لو جحدت المحبة سقم حالي جهر
مير ما كل قلبٍ ياصل اللي يريد




.................... .................... .......... ........




(( يوم أنا طالب ))





يوم انا طالب هقيت اني عرفت
كل مافي الكون من سر الحياه
يوم انا طالب تحمّست ووعدت
اني اصلح ما تبيّن لي خطاه
يوم انا طالب على الغيمه رسَمت
ضحكة الدنيا على عذب الشفاه
يوم أنا طالب تخيّلت وحَلمت
اني البس من هَدب شمسي عباه
يوم انا طالب حَسبت اني وصلت
اثرني ما دست بالرجل الوطاه
وانتهى ربيع الاحلام وظهرت
اصدم الواقع ويصدمنى عطاه
ينجرح شوف العيون الى التفت
كن في حجر العيون اكبر قذاه
ان بغيت امشي لقيت انّي وقفت
وان رفعت الصوت ما جاني صداه
الحقايق فاجأتني ما بدأت
والزمان اسرع من اللي في رجاه
وانكسر غصن الخيال اللي زرعت
والتوى صدري على تسعين اه
لكن اني رغم هذا ما انهزمت
واستمريت ادعس الشوك بحفاه
كلما زادت مواجيعي صبرت
بين ثلج وبين جمرات الغضاه
ما غلبت الوقت لكن ما انغلبت
اعتصر نبعي من بطون الصفاه
كلها لعيون معشوقن عشقت
ديرتي ديرة رفيعين الجباه
في ثراها غالي احبابي دفنت
وفي سماها اجمع الحلم وهواه



.................... .................... .......... .........




ياعل قلب


ياعل قلب ما شكا الحب والتاع
تنهار من فوقه محاني ضلوعه

يا ما نهيت القلب لا شك ما طاع
ما طاع يد له والليالي تلوعه

أثر المولّع دمعته تجرح القاع
وإلى ذكر ما فات هلّت دموعه

يفز قلبي تالي الليل مرتاع
أخاف تبعد عن ربوعي ربوعه

الموت كان العرف عقب البطا ضاع
والمنتحى يا سعود صعبٍ رجوعه

في غير شوف العين ما نيب طمّاع
حقّه علي أمشي بدرب المطوعه

أبو عيونٍ رمشها سود ووساع
في ذبحها العاشق فتون وبتوعه



.................... .................... .......... .......




(( أرفعي سهام المنايا ))

إرفعي سهم المنايا يالعيون
مابقى فيني مكانٍ للطعون
كل شبرٍفي حياتي إنجرح
و الذي شقّوا خفوقي يشتكون
يا العيون الطاغيه خفّي علي
كبرت اللّي باوّل ايامي تهون
في عيوني دمعتين واقفه
ردّت الايام دمعي بالجفون
بالغَت فيني تباريح الهوَى
و أستبدّت بي مواجيع الظنون
خبّريني يا غرام العاشقين
كيف يستهوي هل العشق المُنُون
إرحمي قلبٍ تجاريبه قست
في زمانٍ ماعرف يومٍ حنون
اللسان يخون و البسمه كُذُوب
و اصدق التعبير نظرات العيون



.................... .................... .......... .....




(( من شمال ))




هب نسناس الهوا لي من شمال
حاملن ريح الخزامي والنفل

من فياضن ظبيها يلعب دلال
لى لمح ظله من النشوه جفل

يذبح العشاق صعّاب المنال
كم شطيرن بالقناصة قد قتل

مثل شمس العيد فضّاح الجمال
كل نجمن لا ظهر نوره افل

خصّني بمواجه السحر الحلال
واشهد ان السحر في قلبي نزل

ضارين بمقابل فحول الرجال
وارتعش قلبي من الفتنه خجل

قلت راح العمر من دون الوصال
قال لو حاولت يا القاطع حصل

قلت لوني طامعن لو بالخيال
كان بدّلت التوّجد بالأمل

يا ندى الغيمه على ورد الجبال
يا عبير زهور ريضان السهل

إجتمع حسن الحيا بك والجلال
ما تبدّل بك مع العالم بدل



.................... .................... .......... .......




لاتملين الشعر


لاتملين الشعر وأنا القصيدة
صاغها من لوعة ايامي زماني

المعاني من غرابيلي جديدة
من عذابي لحّنوا حلو الأغاني

كلما ونيت ردوها نشيدة
واسمع جروحي تصيح بصوت ثاني

حرفي المجروح سامرهم يعيده
كلما ودعت موجوع ٍلفاني

مع جميع الناس وافكاري وحيدة
شالوا الحاني وأنا شلت المعاني

زلّت الأيام وأحلامي بعيدة
والغريب يعذبه طول الثواني

الحزن لى ضاق في صدري شديدة
ابتسم لين يَغبطني من لقاني

ياحبيبة شعري وغالي خريدة
يااشتياق الروح ياداعي حناني

ياعروس ٍفي خيالاتي فريدة
زفّها ركب الغرام إلى مكاني

انت ِوالأيام في وجهي عنيدة
والليالي سارية والعمر فاني



.................... .................... .......... ....




(( لو وفيت ))


لو وفيت و جيت يومن زرتني
لو صدقت أفنيت روحي في هواك

لوسمحت بنظرتك و أمهلتني
أحضن عيونك بقلبن ما نساك

لو لمست الوجد بي ولعتني
و اهتديت بنور قلبي و افتداك

لو نظرت بعين قلبك شفتني
ما معي مخلوق يستاهل غلاك

ليتك من الحب ما خوّفتني
كان اعيش ألفين عمرن في رجاك

يا قليل الحظ لو رغّبتني
كان أبخجل كل بدرن من ضياك



.................... .................... .......... ..........




(( أمسح الدمعه ))




امسح الدمعة ترى ضعفك قوي
انهزم قدام ضعفك ياغلاي

امسح الدمعة بعمري لو تبي
عطني احزانك وخذ مني هناي

امسح الدمعة قبل تقضي علي
دمعتك تغرق صباحي في مساي

لاتروع مثل روعات الظبي
روعتك ياروعة ايامي بلاي

كل ليلٍ مع نهارك ينجلي
يابدايات الهوى يامنتهاي

ياوطن قلبي وغربة ناظري
ياحتياري ياصوابي ياخطاي

يابنات الفكر غني وارقصي
عند خلي وانشدي له من غناي

واسعي صدر الحبيب واطربي
طربتي له كلما ذعذع هواي



.................... .................... .......... ...........




(( سمرت ))

سمرت بصحبة حروف القوافي

احملها تناهيت خوافي

اشكل بالحروف الوان صوره

احركها من المعنى بصافي

اشيل الحرف من معنى لمعنى

واجاري ما زهر واظهر بخافي

والى منى عطيت الحرف ونه

بها حرفي على النجمات طافي

يقوم كل نجم من منامه

أنا ما نيب اسامر نجم غافي

يجيني كل نجم منه معنى

ولا قد قلت للنجمات كافي

تصور لي دموع وابتسامه

من عيون تقصوت ما تشاف

ألا يا نجم يا عالي تبصر

شف بعين المحبه عين وافي

وخبرني عن علومه وحاله


عسى قلبه مع الأشواق دافي

ولو ممشاي في جمر يفيده

مشيت بجمرها كنه عوافي

ولكن وش يفيده لو ذبحني

ومن يوصف جماله عقب قافي



.................... .................... .......... .........




(( يوم ميلادي ))






يمرني كل عام يوم ميلادي
يوم أعرفه ويوم انسى مواعيده
يمرّني وانتبه للغايب البادي
واهوجس بحال غيري من مواليده
أرتاع وارتاح له .. يفرق وهو عادي
ينقص من العمر عام في ضحى عيده
أناغم الحرف ذا باكي وذا شادي
وارسل مع كل دمعه وجد تغريده
ياوابل الغيث كان الحظ به جاد
يزهر حياتي نداه وتزدهر بيده
ياركب الايام معك العمر ينقاد
كم ليلتن وسّدتني فيك تنهيده
ويارحلة العمر في صحوات ورقاد
ويارعشة الجفن في غفوه وتسهيده
في لحظة العمر تسري فزّة فوادي
لحظه وفزّه وباقي العمر ترديده
الّلحظه الماضيه ما عاد تنعاد
والقادم من العمر باالغيب تفنيده
ثلاثة ايّام للرجّال يا هادي
يومين دنياه ويوم البعث تخليده



.................... .................... .......... ....




(( يا مسافر للجفا ))


مسافر للجفا و الوصل يبكي عليك
وين عهدك بالوفا للخفوق اللي يبيك
لي جناح ولك جناح ولانطير إلاّ سوى
اسقني عذب القراح لي زمان اشرب هوى
ليت لي قلب خلي ماعرف فرقا الوليف
لا عليه ولا علي لا ربيع ولا خريف
الهوى أمره عجيب مرّه يسابق حلاه
إن صفا ود الحبيب الزمان ابعد مداه
ويل قلبي يالغرام كل يومن لي قصيد
اشتكى مني الكلام اجرح حروفه و أعيد



.................... .................... .......... ...........




(( يموت الشجر واقف ))


يموت الشجر واقف وظل الشجر ما مات

رياح الدهر تصرخ وهي تجرح جنوبه

لك الله شجر للموت ما ترخي الهامات

بقت وقفتك يا رافع الراس مهيوبه

شجوني لها مع وقفتك يا شجر وقفات

عيون النظر مع نظرة الفكر مصحوبه

شموخ الشجر عبره لمن يفهم الشارات

و الانسان في غفله و الايام محسوبه

ارد النظر لاشك يا نظرتي هيهات

أبا ستوعب العبره بالاشجار مكتوبه

و انا يعتريني ضعف الانسان والهقوات

أروم العزايم يوم وايام مسلوبه



.................... .................... .......... .......




(( كل ما نسنس ))




كل ما نسنس من الغربي هبوب حمّل النسمه سلام
و إن لمحت سهيل في عرض الجنوب عانق رموز الغرام

لك حبيبن ما نسا .. كلمته دايم عسى
اطلب الله وارتجيه .. صبح يومي والمسا

كل زين اشاهده وانتم بعيد منوتي ليتك معي
و إن سهرت الليل اهوجس بك واعيد هلّ لاجلك مدمعي

وانت هاجس خاطري .. و انت فرحة ناظري
يا قريب و يا بعيد .. فيك امس وحاضري

نشوَتك تَلعب مع قطر المطر .. و انتشى قطره معك
والسحاب يطاردك بين الشجر .. خالق الزين ابدعك

الندى في وجنتك .. صار عطر بلمستك
و الهوا غنّى طرب .. تستثيره بسمتك

كلما ضمت عيوني منك طيف .. يا بعد كل الطيوف
قلت ما مثلك على الدنيا وصيف .. لا حشا مالك وصوف

لا سحاب ولا مطر .. ولا نسيم ولا زهر
ولا طيور ولا غزال .. ولا مع باقي البشر



.................... .................... .......... ........




لو نسيت العمر


لو نسيت العمر ما أنسى دمعتك
صرخةٍ ذابت من عيونك دموع

ترتعش مرتاعةٍ في وجنتك
وانتفض قلبي لها بين الضلوع

أزعجت صمت الليالي عبرتك
بالخفا ثوره وبالظاهر خشوع

تسكب الدمعة وتظمى نظرتك
مشهد النظرة وهي تظمى يروع

يا ضياع العمر ضيعة بسمتك
ضاع معها خافقٍ مثلك جزوع

ليت من يمتص جارح لحظتك
والفرح يشعل دياجيرك شموع




.................... .................... ..........




الله عليها

الله عليها عودت وانا احسب الغالي نسى


الله عليها لي بغت ما يطفي الشمس المسا

هلت سحابة وصلها على حياتي وازهرت


واهتز قلبي من نبات الحب زهرٍ واكتسى

يا وصلها الغالي هلا حييت ياعز الطلب


لا خير في قلبٍ على مغليه بالدنيا قسا

وش خانة الحب البعيد إن كان عشاقه يموت


يخيل براقه وهو ما ذاق طعمه واحتسى

ياحلم الايام الشداد ياحلم الايام الليان


ابطيت اقول الله كريم والكلمه عسى

من عقب وحشة ليلتي هلت تباشير الصباح


عادت وليفة هاجسي عادت مزعلة النسا



.................... .................... .......... .........




المعاناة


يا ليل خبرني عن أمر المعاناة
هي من صميم الذات ولا أجنبية

هي هاجس يسهر عيوني و لا بات
أو خفقة تجمح في قلبي عصية

هي صرخة تمردت فوق الأصوات
أو ونة وسط الضماير خفية

أو عبرة تعلقت بين نظرات
أو الدموع اللي تسابق همية

أعاني الساعة و أعاني مسافات
و أعاني رياح الزمان العتية

و أصور معاناتي حروف وأبيات
يلقى بها راعي الولع جاذبية

و لاني بندمان على كل ما فات
أخذت من حلو الزمان و رديه

هذي حياتي عشتها كيف ما جات
آخذ من أيامي و أرد العطية



.................... .................... .......... .....



طال السفر ..


طال السفر
والمنتظر مل صبره
والشوق با محبوب في ناظري شاب
رد النظر
خليت بالكف جمره
سعيرها في داخل القلب شباب
عز الخبر
والمهتوي ضاق صدره
يا من يرد العلم عن هاك الأحباب
طيفه عبر
ما أرسل مع الطيف عذره
هو خاطره من لوعتي ما بعد طاب
هو ما ذكر
أن الجفا فيه كسره
للخافق اللي من هوى صاحبه ذاب
يا ما سهر
طرفي على حبس عبره
اردها والوجد للدمع جذاب
دمعٍ حدر
جاله على المنع جسره
عظيم وجدي للدمع شرع الباب
يوم وشهر
عزاه والعمر مره
والناس واجد لكن الولف غلاب



.................... .................... .......... .




هذه القصيده للشاعر الامير / خالد الفيصل .. موجهه

بصيغه غير مباشره نحو اليمن :


ماينسينا الخطا حب الخشوم
ولا يطهرك المطر عشرين عام
مخطين ترضى لنا ظلم الظلوم
ومخطين ترضى على شعبك يضام
بايعن شاري على شعبك تسوم
مايهمك بالحلال وبالحرام
لأجل شعبك بيننا كنت محشوم
لكن الحشمه خساره باللئام
يوم فشلنا صواريخ الخصوم
رحت ياوجه الفلس ترمي كلام
من شمال ومن جنوب أمسيتم قوم
وأنت تنخى كل مجرم بالظلام
وأتفقتوا خذلكم الله يالرخوم
تطعنون الجار وظهور الكرام
لاحيا فيكم ولانفسن تشوم
غركم فينا محبتنا السلام
كل غدارن تجهز للهجوم
من طمعكم ماحسبتم للملام
المعارك ماخذت ليله ويوم
سلموا جند الخطا ماب الحزام
وعود الغازي من الغزو مهزوم
وأمست دياره من أفعاله هدام
وطاحت قصور التماني والحلوم
وأكتفيتوا في طلب ظل الخيام
نحمد الله شيخنا راعي عزوم
والعظايم مالها غير العظام
قاموا اللي يطلب العليا يقوم
ماينام اليا بغى غيره ينام
أنتهض مثل العقاب اللي يحوم
لين جات صقوركم مثل الحمام
شيخنا قرمن تحدر من قروم
الملك ابن الملك ابن الأمام



,,,,,,,,,,,,,,, ,,,,,,,,,,,,,, ,,,,,,,,,,,,,,







اهلاوي997 غير متواجد حالياً   رد مع اقتباس
قديم 31 - 05 - 2008, 18 : 01 PM   رقم المشاركة : [6]
امبراطور نشيط
الصورة الرمزية اهلاوي997
 

اهلاوي997 will become famous soon enough





حمــــــــــد السعيــــــــــــد





بين جفنك وعينك



بين جفنك وعينك الف معنى ومعنى
وش بقاء للقصايد يوم ترخي جفونك


انت ياللي بزينك جيتنا تنتزعنا
وسع الصدر وارحمني على هون هونك


انت والله لو اني نبي نسري رجعنا
لا انتهاء زين غيرك كنهم يبتدونك


حي ذلك الحلا فيك عنهن قطعنا
مبطي ما ورد الزين من يشبهونك


كم بغيناك في وصف وانا اقول ضعنا
عجز ابيات شعر معذبك يا صفونك


كم شرينا بسوق الوصف غيرك وبعنا
وانت مهما وصفنا كله يطيح دونك


يا مضيق صدور البيض في مجتمعنا
والله اني بشعري ما قوينا عيونك


تذكر النظره اللي من ورائها اندفعنا
يوم تقبل سكوتك مختلط مع جنونك


ما تكلمت لكن سمعنا واطعنا
كن الناس مثلي كلهم يفهمونك


جيتنا في غرور ورحت تعلن ولعنا
لو انك تبيع كلامك والله اني زبونك


يوم قفيت والله ثقلنا ما نفعنا
اخذت ناس وناس ودهم يتبعونك


دام قلبك كبير وراهي يتسعنا
ظفنا معك او ظفنا في ردونك


اثر للزين هيبه تونا ما اقتنعنا
اقراء لا جيت تطلع وانتبه يحسدونك


لو معانا سكاكين لك الله قطعنا
بس ربك حميد وقطعتنا عيونك



.................... .................... .......... ...




لا تسأل حبيبي


تمنعت فيك وجيت هايب وانا ما هاب
ولا أقفيت عنك الا وانا هالغلا معطيه


عليك العيون اللي لهن فعل غزو عقاب
ضعيفات خلقٍ بس ياويل من تنويه


ولك نور وجه كن لك بالنجوم أنساب
وليلٍ عجز من طوله الكف لا يسريه


ولك مبسمٍ ما كنه الا شفق لغياب
حمارٍ من الله جمر من ولعه ناسيه


عبث وانت مقبل تستفز وتثير اعصاب
تبي تلفت الأنظار مناك لي منيه


وعبت وانت مقفي تاخذ وتكسر الألباب
عبث جاهلٍ توه مشى ف بيت من يغليه


دخيلك على بعضك ولا هي بدعوا عتاب
تعيد النظر فالبعد من قبل لاتبديه


عليك الله اكبر وانت حكمك شريعه غاب
تجي بالطعون وتجرح الخافق وترميه


وانا اموت فيك وصال واموت فيك غياب
وهي موتةٍ وحده مع فارق التشبيه


ومن قال ما به موت بالحب قل كذاب
جميل وبثينه ما ذبحهم مرض ياهيه


احبك ومن حبك خسرت اغلب الأصحاب
اذا عاتبوني فيك وعتابهم ما بيه


احبك ولا تسأل حبيبي عن الأسباب
انا لو اعرف اسباب حبك قدرت أنهيه


الا يا معرض رجل مغليك للمرقاب
أثر بالطوال تفرج الهم يا راعيه


انا بسألك هو صحيح الهوا غلاب
انا بنصح اللي مثل شرواي لا يمشيه


ومن لا يحتسب بالهوى للفراق حساب
لك الله ما غنى سلامه يبي يغنيه


مثل هل دمعي وانت رايح وطرق حجاب
ومثل ما رمى عبدالحليم الزهر يرميه


واذا فيه بكتاب النحو للفراق اعراب
فهو فعل مطلق بالبشر والجفا ماضيه


الا ليت ربي ما خلق بالغرام غياب
واذا فيه فرقا طاري الحب لا نطريه



.................... .................... .......... .....




رجل المواقف


يا دار نورك غاب مع راعي الدار
يا لله عسى ما يبطي النور غايب


عساه يرجع مع سلامات الاسفار
كن الزمن من عقب فرقاه عايب


يا لله يا منجي هل الكهف والغار
يا عالمٍ باسرار دنيا العجايب


يالله وأنت اقرب لعبدك بالاسحار
تفرج لشيخ طايع أمرك وتايب


غلاه وسط قلوبنا كبار وصغار
متوارثين الحب ما هي غصايب


حنّا نحبه عشق بالطيب واحرار
وغيره يحبّونه على غير طايب


لا ما نجامل في غلا الوالد البار
شف ورعنا يبكي ويبكيه شايب


كل تحرى عنه علوم واخبار
لا قيل طيب يصبح الشعب طايب


يومه طلع مع كلمته شوف وش صار
كنا ندور للسعادة .. سبايب


قمنا نتباشر فيه هو كحل الانظار
اجر وعوافي يا عطيب الضرايب


شف صورته بقلوبنا رمز وشعار
نغليه ونفديه روح وقرايب


لو بالمرض تجيير ما هو بمحتار
كم واحدٍ دون المرض عنه تايب


الشعب عايش كربته سر وجهار
شعب يحبّه حب ما هو بهايب


حبّه نبت بقلوبنا مثل الازهار
واللي يحاول قطف الازهار خايب


وشلون ما نغليه تفداه الاعمار
وعمره غلا للدار سلم وحرايب


يا ما تحمل لاجل هالارض الاخطار
تفجير واكبر منه غزو وطلايب


مصايب دارت على راسه كبار
أحداث مرت تودع القلب ذايب


من دبرته شف رغم الاخطار إعمار
رجل المواقف بالرخا والنوايب


هي بس للتذكير وان عميت ابصار
داره عمار ودار غيره خرايب


ويا ما جمعنا رغم وجهات الانظار
على الوفا وشعوب غيره كتايب


يوم ان غيره شغلته رفع الاسعار
شيخٍ علينا ما فرح بالضرايب


ويوم ان غيره بين ظالم وجبار
جابر يدارينا مدارا حبايب


بالطيب والرحمه وعطفه بالاقطار
ما دار مثله والمواقف حسايب


هو سورنا الأول إذا عدّن اسوار
هو عزنا وان كان صارت نشايب


هو شبرنا الطايل إذا طالت اشبار
هو درعنا هو سترنا بالصعايب


هو شورنا وان كان ضاعن الاشوار
هو راينا ومن كان له رأي صايب


هو شيخنا وادري توافيق واقدار
هو وهبة من عند راعي الوهايب


هو ظلنا وإن شحت الظل الاشجار
هو بردنا في وجه حر اللهايب


هو غيثنا وان شحت المزن الامطار
هو شمسنا وان زاد ظلم السحايب


هو نورنا وان شحت النور الاقمار
يالله عسى ما يبطي النور غايب



.................... .................... .......... .......




ياخالق الدنيا


كل مافي الكون فاني غير وجهك يا عظيم
لا إله إلا أنت وحدك نسألك حسن الثواب


يا مجير المستجير ويامديم المستديم
فالق الأصباح يامنشي معاريض السحاب


يا معز ويامذل ويا رؤوف ويارحيم
يا مغيث المستغيث ويامنجي من عقاب


إيه مؤمن في وجودك وأعبدك صبح وعتيم
وأجتهد طاعه عساني للنصر يوم الحساب


لك سجودي وانت يا سبة وجودي من عديم
ولك ركوعي وانت ياسبة خشوعي للكتاب


ياكثر ماني طلبتك بين زمزم والحطيم
دعوةٍ يا علها تلقى من الضعف الجواب


طلبتي يارب هديك للطريق المستقيم
ونجني ياخالق الدنيا من أصناف العذاب


يوم نعرض يوم لا يوجد لديك من خصيم
في نهارٍفيه عطف وفيه عتقٍ للرقاب


أسقني شربه هنيه من فياضٍ بالنعيم
شربةٍ لا اضما وراها يوم يبسات اللعاب


أشتكي ضعفي وجهلي اتباعي للرجيم
لا منزه من خطايا ولا عصيم من ارتكاب


أعترف بأني بشر اخطي واهيم واستهيم
وانت بايدك هدي خلقك فاهدني هدي الصواب


وأسألك قربا من الصالح وبعدا عن لئيم
وأسألك تفريج همٍ كل ماحل إكتئاب


وأسألك دايم حضوري قبل لا المذن يقيم
وعن صلاةٍ للجماعه لا كسول ولا غياب


وأرتجي عطفك ولطفك والنجاة من الجحيم
وأسألك حسن الختام وكل هالدنيا ذهاب


دام كل الكون فاني غير وجهك يا عظيم
نجني ياخالق الدنيا من أصناف العذاب



.................... .................... .......... .....




المرسيدس


راكبه الي طلعة عقب ما استوفا الرسوم
مستقيظ من كراج البشر والكاظمي


عقب دوج فزته كنها فزت رخوم
لا نخاهم واحدن في ذراهم محتمي


مرسيدس هو منوة الي يبي يقضي لزوم
ما صنع في ديره تحت سلطه خاتمي


ما فحط ضغط المكينه جواد ولاغلوم
والله ان مصمم ما هرج فيه عجمي


صانعه وانتو بكرامه زبون الباثروم
من شراب اللب تحلي...... ذوذ بغمي


كلمته بالليل قد نخت بالبنز مخدوم
جرمني لاهو بزيدي ولا حضرمي


موتر فيه المزايا كثر مالي خصوم
صنعت اللي لا انتخى قال تكفى يا جمي


لا سفط ثقله تقول هرس عيا لا يقوم
عن ضيوفه قاضب مسنده ومعاظمي


وان مشى ما كنه الي تقاطيع الغيوم
لا تقفن الهبايب سحايب موسمي


لا انغسل ما كنه الا عزيز ومحشوم
لاركبته تشعر انك حقيقه ادمي


لا زهمته موترن ما خذن طبع القروم
فيه قومات السعودي وفزعة عازمي


لا نطحته كنه مع الغبه يعوم
ولا قفيته كنه قوله تنشق عادمي


موتر لولا التواير وكيبات الكروم
كان قلت لصواريخ يمكن ينتمي


راكبه تكفى ولاني معرضه السلوم
ابي اتجنبهم ولو كثروا تهايمي


ابي اترك الشعار مابين مبلي ومهموم
كد نخيت اللي عجز يقظي لازمي


لا تقربهم وانا ابي اختصر لك بالعلوم
رح عساها سفرتن مع طريق السالمي


ولا تكمنت الجمارك وختمت الختوم
لا توقف جعل يفداك فيصل قاسمي


الين تاصل من بها القلب معطا ومحروم
منحرم شوف ومعطى غلاي ما ينحمي


سم حالي جعل من لامني يعطي السموم
وابتلاني جعل يبلى بمثله لايمي


كن من دونه معادين وجيوش وقوم
داخلي واصعب عليه من شعيب الغانمي


مل قلب عنه عيا لا يسج ولا يلوم
ل ذكرته من معي يفطن لجر انسمي


واحدن بالوصف ما كنه الا بالنجوم
دور اقواهم وحطه لمذهبني سمي


بين رمشه ذا وهذا مشي ليله ويوم
كحلته من وسع عينه اسبوع وترتمي


كنه الي يعتق البيض الي جاه نوم
وانصحا من مرقده شاخ فيهن ملهمي


كنه زين البيض في كوم وزين في كوم
واحد من سبته يا كثر هزايمي


في جفاه اجر حقت عبادي يا ظلوم
وفي الوصل اجرها ميجنات ودارمي


الزمن في مواصله تقل مشفوح ومعزوم
والزمن من مفارقه تقول عود منعمي


يا نديبي ما نخيتك وانا فيني عزوم
شفني اشحذ من غيابه بعض عزايمي


وصله علم من الراس للراس مختوم
لاوسيط الا انت اخذ ما سمعته من فمي


لا تخليني وانا بين نصح وبين لوم
خايف لو طال البعد اصدق لايمي



.................... .................... .......... .......




قمر عشره


قمرا شهر عشره وبراق جبلي
لا شفتهن مالي مع الناس مقعاد


يا كثر ما قالوا لي الناس مبلي
وراعي الولع ماهو عن الناس نشاد


لا جيت قيعانن عقب رش وبلي
ولقيت جرت من له القلب منقاد


باطراف روضن ما توطاه قبلي
حين من اللي تارسن راسه عناد


جرة خرابين فطينن وخبلي
الليل كله ماهتنا فيه برقاد


ولا خذت عن حرن تقل قوس نبلي
متفاختن جرمه مخاليبه حداد


لا تل مني واودع السبق سبلي
ثم ارتفع واهوى تقل دلو وراد


لا تلها تلة نشيطن لحبلي
هذاك شفي يا قليلين الابعاد


ولا قمت ابرز للمغدا بشبلي
وزينت فنجالن على شف وامراد


هذا الولع لو قالوا الناس مبلي
راعي الولع ماهو عن الناس نشاد



.................... .................... .......... ............




ياسعود


انا احترق وهي ولا همها شي
وانا انتظر وهي تمدد سفرها

يا سعود عقب غياب شهرين وشوي
جتني تشاورني بقصت شعرها

غابت وجرح الحب في خافقي حي
ينزف اذا عانق خيالي صورها

ليلي دموع براحتي وابله كي
وصوت الجفا للعيت يدعي سهرها

بغيابها صمتي طوى بسمتي طي
جاملت انا والصمت ثاني شهرها

طال السفر ولا خبر جاني منها لي
ياسعود اسال مير محدن ذكرها



.................... .................... .......... ..........




يامعذربين القنص


يا معذربين اهل القنص بالبهاذيل
اخذو اهروج الي لقاكم يعله


ان سهل الله بالليالي المقابيل
ديوانكم ما عاد رجلي تدله


باكر لمنه بدل الجو تبديل
وجه الشمال والوثب بالكوس غله


لا قام من عقب البطا يزحف اليل
على النهار بساعتين ويسله


عقب التوبيع وكلابين وسهيل
لاصرت بظلال الضحى ما تمله


لا فارقن خضر جديد المحاصيل
لا شفت مقعاد العصر طال ظله


هذاك والله دورنا يا العواذيل
يالي طربكم صورتن بالمجله


انا طرب قلبي هذيك المداهيل
لا صارت الحره علينا مطله


غربي مهيل بين ذيك الشخاليل
وقت العبور وصيدها حل حله


لا جيت من جليقم علوم ومراسيل
وجابوا علوم الصيد دقه وجله


ثم انتوينامه ارجال حلاحيل
النفس معهم دايم مسفهله


كلن جهز موتره بالتدابيل
يبي الي لا راحت عليهم يتله


ربعن نشامه بالمواقف رجاجيل
والا الردي معنا شحيح محله


وقت المغذا كلبوهم شواغيل
محدن حسب خدمه خويه مذله


اكبرهم لا دار ببيض الفناجيل
من خف روحه بينهم زان دله


منزالنا قاعن عسا فاله السيل
عقب الحروره وكل روض يبله


عاقن توسع خاطري بالتعاليل
الشيح فيها ما كل الخد كله


يا عاذلين القلب والله ما اشيل
عديت كل نجومنا المستحله


راعي الولع من كثر ما يرغب سهيل
كنه خليل وشوف خله



.................... .................... .......... ..




السياحه


ماني بضد السياحه يا اهل ديرتنا
انا معكم سياحي واصلن حدي


من سبت الحر والروتين هجتنا
متوارثين السياحه من سنة جدي


يعني نسافر ولو كثرت مصيبتنا
اقساط وقروض وحبة خشم ونعدي


مافي شعب يسافر مثل سفرتنا
لفت كل الدول وانا على قدي


تاجر وفقير متساوين بسعادتنا
بخير والطائرات تشيل وتودي


الفضل لله ومن بعده لحكومتنا
مهما اختلفنا معاها دايم تهدي


والله يطول بعمر طاقم سفرتنا
اللي دعوني وانا ودي ولا ودي


خبري بلبنان كنت صغير حارتنا
يعني على قولت اهلها كنت (هل ادي)


يا كلامهم يا هو يحرك غريزتنا
شيصير فينا اذا قالت ( تعا حدي)


جيت ابو حمدون والا اكثر جماعتنا
في كل ساعه يبدل لبس ويعدي


اكبر طموحه بارقم بنت جارتنا
بر البلد يستقلون الامر جدي


وشعب على الطاولات شكثر هوشتنا
من اللي حجزها والمشكله شدي


ماعندهم سوق شرق وفيه لجتنا
بلاش غربه وليش الكل متحدي


يعني بمفهومكم هذي سياحتنا
( لك دخيل الله سياحه هيك ما بدي)


لبنان طول العمر تبقى حبيبتنا
يا حبها ساكن فينا ومتعدي


لبنان يا قصة تشبه حكايتنا
نفس القضيه ولاني مبيح بسدي


شعبين نفى ولا تقبل اهانتا
اصغر دول واكبرها وذا ردي


للي يقول ان امريكا ولايتنا
نعم معاها ولا للي وقف ضدي


مهما اكرهونا نبي نمدح سياستنا
احرار للموت لا نرضخ ولا نعدي


كل الدول عودت تطلب وساطتنا
دامك كويتي تنهض قول من قدي


الله يطول بعمر قايد مسيرتنا
ابو مبارك بحبه واصل حدي



.................... .................... .......... ....




الحاج متولي


الله يذكر زمان فات له سيره
اسمع بذكره وانا ما عشت به كلي

بقول يمكن تلاحقنا مواخيره
وقت فيه الرجال تقوم وتهلي

ماهوب الحين لا دشو مسايره
رحب وهو مرتكي والحنج متدلي

بلشان بشيشته ويجر تعميره
زوله وشكله ابد كنه يزولي

وان قالوا افلان عند الباب في حيره
طنش تسمع بقولة خله يولي

ما يقظي الازمه لو انها صغيره
ما جذ ذبح في حياته غير قلب الي

يتعب على كشخته يا قو تبزيره
يا قو بخله على الطولات ومقلي

يا كثر ربعه وهو حاله مثل غيره
وان جيت للحق تبي تاخذ وتبي تخلي

موكلهم في ناس كلها غيره
لا شك بعض الطبايع ما يجوزن لي

اكثرهم اللي يدوج في بناطيره
وراعي الدشاديش متخلف ومختلي

واحدهم اذا جاك قصاته وتخصيره
يضيع هو مقبل والا انه مولي

وسط القهاوي ضروري صار تحظيره
بالصالحيه تعال وشوف يا مهلي

هذي طويله وهذي كنها قصيره
ما دام بيدينه الجوال متسلي
ملت عجوزه تسدد فواتيره
وهو سوات الكديش ينام ويفلي

الوضع واضح ولا يحتاج تفسيره
ابي اختصر السوالف زودة غلي

لا شك ودي قبل لا افضها سيره
ابقول ما دام الجمهور يرسلي

اصدق شعوره وتصفيقه وتعبيره
وان عودته للحقائق وان تهيلي

حريم الوقت تعميره بتدميره
يا ق منهي تحفظ البيت وتصلي

هن سبت المشكله هن كل تفكيره
كم واحدن عرضنه صادق الذلي

ماعنده غير خدامه وتاشيره
وغير المصاريف قل وش عندهن قلي

السوق والحش وابلش كل تاخيره
اسمع من الناس وناس جت توصلي

والله ما يذبح الحرمه بها الديره
الا ثلاث ثبات ما يتخيلي

كبر العمر وانشدوني وايضا الغيره
وانك تسوي سوات الحاج متولي

اخذو عليهن حريم وعلها خيره
شوفوا بالتمثليه حيل متسلي



.................... .................... .......... .....




اثنين بالميه


يا العود ما للجمر في قصة احراقك
هم البشر طبعهم قسوه وانانيه

فنيت عمرك وفا لعيون عشاقك
والناس في هالزمن محد ذكر حية

وجه التشابه كبير الفرق بفراقك
مره احتراقك وانا اللي احترق ميه

هاذا الزمن وان تساوى الليل باشراقك
بعيون من حاضره يشبه لماضيه

ما عاد انا مخايل مزنك وبراقك
وجعل الشقى ما يجي شغلة وراثيه

ويا الحزن لولا الامل والصبر من طاقك
مع البشر كن لك روح عدائيه

والحلو في هالزمن المر من ذاقك
باقول واحد لا بقول اثنين بالميه

ان بعثرك هالزمن من يجمع اوراقك
وان جمعك فاعرف ان الوقت له نيه

يا ضحكة العمر ياني حيل مشتاقك
لا شان وجه الزمن لا تقطع الجيه

ما قلت لي شها لجفا من بعثر اشواقك
وتدري بليالي الجفا ماهي ب عاديه

اذا طروك احترق واشتاق لعناقك
واقول تكفون لا تجيبون طاريه

يا ما تمنيت اشوفك والزمن عاقك
اللي مثل حالتي يا صعب امانيه

كد قالها شاعر عن قولهم باقك
كن البلاوي تشابه مع بلاويه

مدامها بالتمني باطلب فراقك
لان الاماني مع شرواي عكسيه


.................... .................... .....



اللكزس


ألا يانديبي فوق جيب ماهوب نيسان
ولا حط به خط تحت حرف قيطانه



مواريه ليتاته مثل بارق الرحمن
وليا من فتحت الباب حياك سكانه



ايورد علي الساير من صناعة اليابان
ضعيف المرتب ما وقف عند بيبانه



جديد بتي ما شاف خليف بالصمان
ولا داج به راعي الغنم عند رعيان



امصمم ابلوفه ما تعوذ من الشيطان
عليه المره في فترة الصنع زعلانه



اليامن كفخت اسليتره جنه الزعلان
جزع من محله فاقد اعز ورعانه



الياقبل يموه ابمقدمه جنه ابليهان
واليا اقفي مدبر جنه اطيار شيهانه



عذاب المسافه الياستوت والمقير زان
انومس غريب منوته شوفة اوطانه



ايا ساقه لامن تقهويت في الديوان
ونخيت الخوي ثم فز واشتل دخانه



توكل علي الله وحروتك مليت الخزان
ولا توقف الا ماخذ وصف ديوانه



ابتلقا حلي اللي دفع قيمته سلطان
علي الوصف ابوخالد دفع غالي اثمانه



عديم الوصايف واغتني من وراه اشنان
تعب ما لقاله برقع عند جيرانه



وقبل تلتبس فانشد عن امصخر القيفان
انا ما جذبني له سوي زين قيفانه



ولابه معرفه سابقه مع هاك الانسان
سوي سمعة مثل الزهر وسط بستانه



وعن الشكه انشد وين ضيدان بن قضعان
انا اقول ديوانه ابشرواه مليانه



ولا من عرفته قضبه حاجة الولهان
تعابير قلب شرع الوقت بيبانه



توطاه زلزال الشقي اول الهجران
مثل ما وطي اسطنبول واهتز بناينه



له الله حنينه لاتذكر هوي الخلان
مثل حنة اللي ضاربن خد هشتانه



يساقيه بالقيرات ومن فنه السكان
وهو خايف قولة توايرك هلشانه



عذابه من اللي جنها قايد الغزلان
عشقها القمر وامست من الزين رويانه



عذاريبها طول تثنيه غصن البان
تعبت انحني له وتثني علي شانه



وعين اليامن سلهمت جنها حاكم بطران
اليا طالعتني هزت القلب بركانه



وانا ويش ابي بك لو تغاليت يا الرمان
ولها مبسم تفجرت فيه رمانه



وعلي هون ياليل سهرتك شقي وحقران
لها ليل ياما نمت في حروت امتانه



وبلياك يا صبح تعبت انطرك سهران
لها صبح لا ، وجه ينور لجيرانه



اليا من غشاني وصلها جني السلطان
وليا من جفتني صرت من عرض صبيانه



تحكم ابوضعي جنها سلطة ادراغان
علي المنتخب يوم المبارات خسرانه



وتامر علي اوامر الظابط الفسقان
علي عسكريا حدته لقمة اخوانه



اتشره ولا تقبل مشاريه يا ضيدان
بلتني بلاها الله بمضيع ايمانه



يقولون وادري بالجفي طبه النسيان
وانا اللي عجزت انسي والاعصاب تلفانه



نصتك المعاني لا عدمناك يا ضيدان
تعابير قلب شرع الوقت بيبانه



.................... .................... .......... .....




ياضيقه الصدر


يا ضيقة الصدر وش باقي على بكره
يا طول الساعتين وطول غربالي

الليل كله وانا فكره وراء فكره
ومن دلة الهم ماهزيت فنجالي

ما كنت اضن الحبيب اليا عشق يكره
الين جربت فرقا اللي شغل بالي

اثر الجفا موت مثل الموت له سكره
يالله لاتقطع الغالي من الغالي

من يوم قفا وانا للموت ابفتكره
والله ليبطي بقلبي منزله خالي

الطير لامن غدا ما عاض به وكره
يقضي وفعله مع المده يورالي

لا صار فعل وغلا بالقلب محتكره
في ضيقته يااخذ الاول مع التالي

كد قالوا الطير يا وفيه يانكره
واقول نكاره العشره بروا حالي

ارجع لموضوعنا السابق على فكره
ماني بانا اللي مفارق بس بلحالي

البعد سم البشر ماني بمبتكره
عزي لمن جرب الفرقا وعزالي

هذا الجفا موت ومثل الموت له سكره
يالله لاتقطع الغالي من الغالي



.................... .................... .......... .....




اخر اللي تركه الطير


اخر الي تركه الطير يومه غدا
برقع وجرحه اللي بين اصابع يدي

كنت اضن قضى العشق واثر بدا
ليل فرقاه ليل موحشن واسودي

كن عيني تشوفه غير مالي جدا
راح يومي بجناح الجفا يجردي

الفضا هو مداه والنظر لي مدا
نوب اسند جنوب ونوب اسند جدي

جيت حروة مضيع الطير ويا الندا
جاء معي فزعتلي خيرا واجودي

صحتله ولاسمعني غير ذاك الصدا
منه كن في خفوقي مثل رش بردي

ماهدا هذا الشعور بغيبته ما هدا
شفت وكره خلي والحزن يبتدي

عادت الطير يجفا طيب مدري ردا
هودي يا هجوس البارحه هودي

من غدا الطير مني قلت عله فدا
وين ابي اشقى وانا اللي فقدت اولدي



.................... .................... .......... .....




لو هو تشاطر غبي


هاك كل القصيد اخذه مثل ماتبي
والله اني اغبط الخاطر المستريح

كيف لاجيت بكتب أحترق بلهبي
شمعة ماتحس بعمرها من تسيح

كل شاعر ترى لو هو تشاطر غبي
يطرب الناس شعره وهو جروحه تصيح

خذ قصيد بدا قبل يخط شنبي
يوم الايام كانت مثل ريضان شيح

أه ياليت تجمع بعثرة مكتبي
والله اني نويت أبني لشعري ضريح

جم كتبت واكتبت ولا وصلت اطلبي
مدري العيب فيهم اوبطبعي صريح

كن الايام برد وهالقصيد أحطبي
الاماني رماد وها التوافيق ريح

بدل الوقت شكلي ولاقوى مذهبي
وادري ان الاماني به الزمن من صفيح

سهل ويا الصديق وللردي مصعبي
دون طيحة خويي والله اني لطيح

هيه يامن تفتش دفتري وشتبي
كل بيت يمرك اعرف انه جريح

وكان ماكفاك شعري يخلف الله تعبي
مايخلد ويبقى الا القوي والصحيح

يالقصيدة تثني واطربي والعبي
في زمان بوجهه اللي هقابه شحيح

دامها بالبدايه للنهايه حبي
لايغرك قوي العود باكر يطيح



.................... .................... .......... .




بس لحظه


بس لحظه يامهملنى وناوى فى غيابك
دامك اللى ناوى الفرقا باأقول اللى باأقوله

أنت يعنى لانويت تغيب باقف عند بابك
لاوربى تاقف الدنيا وأنا " تأبى الرجوله "

ماتعودت اتبع المقفى ولو حضرت جنابك
رح عساها خيرة والدرب لك عرضه وطوله

روح لاجابك امجيب الغيم واترك لى صوابك
جيت حلم ورحت حلم تشبه احلام الطفوله

ماأنت بأول من طعن هالقلب والدرب انتهابك
ياثقل خطواتك البارح وهالليله عجوله

باغى الفرقا جعل ربى يعجل فى ذهابك
بايع قلب لك الله كنت ماتحلم تطوله

من يلومك..؟ شايف حالك وف.. بداية شبابك
طاغى تجرح قلوب الناس تحسبها بطوله

بسألك: كم واحد قبلى هقابك واشتقى بك؟
أنت ياللى نظرة عيونك قبل عرفك خجوله

ياكثر ماكانت ظنونى دخيل الله تهابك
بس اكذبها واقول اوهام والقلب وميوله

اثرك اللى تستلذ ان ذاقوا العالم عذابك؟
مشكله !! والمشكله هذى بسيطه ومحلوله

كان مالبستك الغيره مثل لبست ثيابك
قل عوافى.. قل مثل غيره تركته وبسهوله

واجد اللى مشتهين الوصل والخط متشابك
كان لك جوله ترى محاكيك له تسعين جوله

لابغيت تغيب فارق لاوربى مادرابك
شاعر ياكثر ماتل القلوب وصفقوا له

لاهلا بك فى حضورك .. فى غيابك لاهلا بك
رح مهف امقيط يوم مقيط ودنه رجوله

باكر ان ماشفت غيرك جا يعوضنى غيابك
قل حكى شعار ماتفعل ربع هاللى تقوله



.................... .................... .......... .....




مات الجمر


مات الجمر فيني وقلوب الاحباب حيه
والموت لا ماتت قلوب الحبايب

يا شيشتي لو فيك ذنب وخطيه
معاك احس اني عن الناس غايب

العام كانوا لي من الاصحاب ميه
وقت الرخا لكن جفوا بالنوايب

لا هنت يا قلب شكا من خويه
كم راس من طعنات الاصحاب شايب

مرات اقول ان الخبل يا هنيه
ولقيتهم يشكون ظلم القرايب

ومرات اقول النذل لا رحم حيه
واثر النذل في بعض الاوقات صايب

يا نفس شيليها على السامريه
شيلت طرب ما عاد فيها طلايب

وش لي بتنيهه القلوب العميه
وحنا في هالدنيا دروب وركايب

ابتغزل في هذيك البنيه
بنت تفل القلب فل الذوايب

كم بعثرتني وجمعتني هنيه
بنفس المكان اللي جمعنا غرايب

يا ضعفها معهم وعندي قويه
منها غدى ثلثين قلبي خرايب

مرباعها بين العيون الشقيه
ومقيضها بين الجروح العطايب

ما قول يذبح زينها بس هيه
تلفت لها قلب عن الحب تايب

ولا قول مغروره ولا هي خليه
فيها دلع طفل تبناه شايب

جمال نجد وفتنة حايليه
وش جمع الثنتين فيها عجايب

اليا قبلت بين حسنات وسيه
يا كثر ذنبي بين طيب وغصايب

وليا دبرت في دمعتين نديه
قلب معاها وقلب في الصدر ذايب

راح العمر ما بين روحه وجيه
يا كثر غلطاتي ولا نيب هايب

شب الجمر ما دام الاشواق حيه
وطف العتب والعمر ضحك ومصايب



.................... .................... ..........




بالحالتين مغلوب


ضاع الرجا فيك يامزن تحدر iiجنوب
ماغير اخيل البروق ولاغشاني مطر

انا ادري انك سحاب ماتبل iiالقلوب
مير البلا قلبي اللي من بروقك iiخضر

الناس تفرح بضوح البرق لو هو كذوب
وكم خال برق الصداوي ساكنين iiالحفر

عني حدتك الدعاوي والقدر iiوالهبوب
والغيم لامن تقفته الهبايب حدر

عرضتني للضما والقلب منك iiيذوب
ذوبة خفوق العماني عقب غلبة iiقطر

يا اطهر مخاليق ربي وش تبي iiبالذنوب
ما واحد قال خاف الله في iiهالبشر

مشكلتي اني معك بالحالتين iiمغلوب
الوصل مامن وصل والبعد عنك قهر

والمشكله قلبي اللي عنك عيا iiيتوب
ان قلت خله يدور لك ويلقى iiعذر

العمر يفداك يركض والزمان iiمحسوب
والصبر بكذب عليك ان قلت فيني iiصبر

ان كان ما جابك الله مثل رجع iiالنصوب
وابتل غصن المحبة قل تراه iiانكسر



.................... .................... .......... ....




غلطتي


يومها بين ايديني والغلا عادي
ويوم قفت تفجر حبها فيني

كنها حطت التوقيت بفؤادي
لامشت حبها يفجر شرايني

قبل تقفي وانا متماسك وهادي
وعقبها ضاق كل الكون في عيني

غلطتي كنت متراهي ومتمادي
كنت احسب الزمن والوقت يمديني

واثر من لا تغانم فرصته غادي
اه يا فرصتن ضاعت من سنيني

توني في غلاها قلت يا هادي
روحت لعنبو من لامها فيني

ما نفع طويل الوقت وعنادي
يومها مقبله ما كان يعنيني

بس راحت وكني فاقد ابلادي
اثر ما ارخص من الي تطوله ايديني

يا وجودي هليها وجد بن هادي
وجد لا وجد فراق ولا ديني

غلطتي وارتكبها بثورت ازنادي
يوم جر العزاوي راحت ايميني

والله اني عليها حدني حادي
من يرد المواصل بينها وبيني

علموها تجي وترجع ارقادي
كل ماجيت ابنسى وش ينسيني

علموها الغلا ما عاد هو عادي
مشكله الولع عقب الثلاثيني



.................... .................... .......... ...




البسكول




سقى الله زمان فاتلي مع غزير الزين
ياليت البشر ما فات منهم يردونه

يعنك ما فاتك من الوقت زين وشين
رجوعه عليك اصعب من السيل لمزونه

انا حد علمي بالغلا يوم طبعه زين
قبل لا يطيع اللي عن الحب ينهونه

سمع سالفتهم وش وراء الحب وش بعدين
ومن وقتها يا قل ما القاء تلفونه

اجي وافتح البسكول يا مال فرقا العين
ولا اشوف رقمه جعل الارقام يفدونه

اخيل الجهاز اقول يبي يتصل الحين
واثر اقتنع في فكره جت معلونه

من العاذل الي شغلته تفرقت قلبين
انا اوحيت قلبي واجد اللي يسبونه

عذول المحبه جعل شرواه يعطى الشين
حرمني من اللي رغبتي فيه مرهونه

تغير علي واذا اتصلت ما سمعت اهلين
اخذ ثقل جعل مغيره تثقل ديونه

مثل ما ثقل ديني من مقاسط التموين
هاك البنك الاقشر جعلكم ما تمرونه

ذبحني غلاه وحط وسط الحشا جرحين
الاول من الصده والاخر من فنونه

وانا من هذاك اليوم ومعايد الثنتين
يا صعب الوصال وصده عن ملعونه

تمكن غلاه بوسط قلبي عام الفين
ومن يومها الحب يكبر على هونه

يقولونه خله يا معود واقول انزين
ابي فكه منهم وانا اموت في عيونه

هذاك اذا ضحكلي رحت كلي ولا ادري وين
كم واحد جذ راح لعيون مفتونه

وهذاك ان طرالي منه يقصني نصين
معه نص وابقى نص ما اعيش من دونه

وهذاك ان طلع رقمه وانا مشغل خطين
يروحون فدوه للنمرته ولتلفونه

عساه يرده اللي رد ركان بن حثلين
من الترك لدياره وللي يتحرونه

هذاك ان رجع عقب البطا ناذر نذرين
اني اسامحه واني مع الوقت ما اخوانه



.................... .................... .......... ...




سبع الصنايع لاكن البخت ضايع



لا خانتك الدنيا قال عادت البنت
دنيا وفيه من العذارى طبايع

من كثر ما جربت امنة وايقنت
الطيب بالدنيا وبالبنت ضايع

لاهنت يا قلب شكى الضيم لاهنت
من دنيتك ضاقت عليم الوسايع

كم كنت قاسي لكن من الزمن لنت
الي اطلقك لا يع تكفاك لا يع

رغم السنين وخبرتك ما تمكنت
رايح حيا تك بين شاري وبايع

الحظ كم عاند من الناس حتى انت
ما طاعك من الحظ يا قلب طايع

كم شانت وجيه الرفاقه ولاشنت
خابرك يا قلبي تحب الرفايع

وفيت معهم واكثر من الوفاء كنت
والغدر بين الناس هل وقت شايع

اسرفت باخلاصك وطيبك ولاخنت
مع دنيتك جربت سبع الشرايع

كن المثل يا قلب راكب عليك انت
سبع الصنايع لاكن البخت ضايع



.................... .................... .......... ........




الهموم




يا الهموم اللي علي اثقل من هموم الركايب
ساعد الله قلبي الي مرتكي لحمول همي

يا الظروف الي علي وين ما وجه صعايب
ياكثر ما مسحت الدمع منها براس كمي

يا الجروح الي يجي هذا وذاك العام طايب
كل ما هبت ظروف الوقت شمي وستشمي

من عرفت العلم والضحكات ننهبها نهايب
لا تقافلنا الزمن قمنا علىت الضحكه نسمي

وان ضحك وجه الزمن تقلى مثل شرواي هايب
اي اهابك يا زمن وان سقت ضحكاتك يمي

منك وانا وان زنت بعيوني يا بو وحهين تايب
ادري انك لا ضحكت القاك طاعن ولد عمي

تشتكي من سطوتك وتقول من شقر الذوايب
وكل جرح يهون غير جروحك مات دمي

بس تنزفنا هموم ونضحك بوجه القرايب
ومن نشدني مالي الا بخير وهمومي بدمي

وانت يالي منك ثلثين الخفوق اصبح خرايب
دام بعثرني زمان الذل ما يغيرك لمي

لمني تكفى ترى ما عاد فيني لمصايب
يا خلف جدي وناس والا يا ريحته امي

لا تخليني وانا شفني شباب براس شايب
كان انت اقفيت مع هالناس محدن لديمي

مثل مال للهم سبة للفرح تبقى سبايب
انت يا فرحه ويا ضحكة ويا مدري شسمي

انت اخر ما بقى للي في الحياة من الحبايب
في زمان ما نشد والله عن مدحي وذمي

الزمن كم واحدن قبلي موريه العجايب
والمصبيه كانك اللي مع زماني صرت همي




.................... .................... .......... ........




ياللي تزعل




ياللي تزعل وانا ماني بغلطان
خلك على راحتك واللي تبي سوة

لا ترفع الخشم يوم انك تعداني
والله لتبطي وانا ما قلت لك قوة

في غيبتك جاء مكانك واحد ثاني
والحب ما ينوخذ ياهيه بالقوة

ان كان قصدك عبث ودك تحداني
فابشر بقلب على الصدات يا قوة

نسيت يومك تلذذ بتعذيبي وحرماني
وان جيت تلقا حبيبك منقلب جوة

ان قلت وينك حياتي قلت لي كاني
يا نار هالقلب من كاني ويا ضوة

ان كان جت زلة وحده من لساني
الواجب انك تطوفها من الخوه

لكن على راحتك واليوم صحاني
اسلوبك اللي يغير للاسف توه

تكفى على هالزعل خلك على شاني
عشان تبطي وانا ما قلت لك قوة



.................... .................... .......... ......




اغلى من سكن الكويت



يوم سافرت وانت من الزعل ما رضيت
كل شي بعيني صرت اشوفه كئيب

وش يضرك بو انك قبل لا امشي نسيت
هالزعل وابتسمت وكل جرح يطيب

والله اني على ذاك الزعل ما قويت
سامح الله طبعك كل ما جيت اغيب

تفتعل مشكله والموت كانك بكيت
اه من دمع عينك يا البعيد القريب

مابغيت ارتكك في هالزعل مابغيت
وانت يا اعز ناسي وانت يا اغلا حبيب

وسع الصدر يا اغلا من سكن بالكويت
لا تخلي الحزن يا خذ بعمرك نصيب

يا كثر ما انت في بالي لك الله طريت
كل ما اسج تطري غصب ماهو بطيب

دونك البعد لكن كم سرحت وضويت
في خيالي تعال وشوف وقت المغيب

لا بغيت انتهي ما كني الا بديت
فيك تفكير ياللي منك جرحي عطيب

كل ما قلت ادور لك عذر ما لقيت
غبت والموت اعرف ان الجفا وجه ذيب

واذكر اني افز اليا تعبت وغفيت
هب يا ليلة فارق الولايف يهيب

كثر ماني على الفرقا بقلبي دعيت
كثر ما الله كتب لي بالمفارق نصيب



.................... .................... .......... ......




بعض العلاقات



بعض العلاقات ما منها ابد فكه
يا شينها كان جبتها لك القدره

لاجاك دمه ثقيل ومنطقه سكه
يضيق صدرك وهو مستاسع صدره

لاصرت ضيق الصدر بالي معك صكه
لاتجامل الي غييث وشفته ودره

زك الخوي من قبل لا تعاشره زكه
ترى خوي النشاما صابته ندره

وقت الشدايد اذا بتجربه ضكه
يمد شوفه وتلقى فزعته حدره

الاجودي اجودي ما تلحقه شكه
وفرخ النخل ما يجي في قاعدة سدره

من رافق اجرب تبي تبدابه الحكه
والطير سلم عليه ان صابته جدره

باب يجيب الهواء ان طعتني صكه
ارقى الرفاع وتجنب كل من حدره

ما يبخص شعاب مكه الا اهل مكه
الصاحب انشد وتلقى عندهم قدره

كل القلوب بهل وقت مندكه
سبت كدرهم خوي حاشهم غدره



.................... .................... .......... ......




ضحكت الورع




يا ضحكت الورع مدري وين شايفها
ان كان ماني متوهم ضحكت فلانه

قمازته وشفته تشبه شفايفها
وعيونه عيونها يضحك ونعسانه

والله يا ضحكته عجز اطوفها
اللي شغلني معه من جملة اخوانه

وقفت والنفس مابدت حسايفها
ضيعت وقتي غصب كله على شانه

انشده والبشر تتبع ولايفها
يلعب طرب بالملاهي بين ورعانه

صديت والعين ماتنسى وصايفها
هذيك نفسي عليها حيل شفقانه

وا نفس ياللي تحلفني واحلفها
حاولت اشكك وهي ماهيب غلطانه

تقول هل الورع والله من خلايفها
واقول ربي يخلق اشباه سبحانه

هذيك راحة وانا ماني بعايفها
حكم المقدر وكلن راح في شانه

خبريبها يوم جاها من طويفها
الي خذاها ويتبع سلم جدانه

ماشافته ولاهو ماهو بعارفها
ماشاورها ابد ما كنها انسانه

راحت وانا بشقى كني مناصفها
يا مل قلبن شكى همه وحرمانه

لليوم قلبي يرددلي سوالفها
هذيك نفسي عليها حيل شفقانه



.................... .................... .......... ........




،، مجنون زعلاتك ،،





تزعل واراضيك واتلذذ بتزعيلك

تبي الصراحه انا مجنون زعلاتك


لاقمت تبعد وانا اقرب وادنيلك

وامسك طرف غترتي وامش دمعاتك


وتبدي تعاتب وانا كل انتبااهي لك

ما اسمعك شتقول انا عيني على شفاتك


وتعيد حجيك وتفرك حيل منديلك

وتخالطت صادق حروفك بوناتك


واحاول ارضيك ومدري منين ابديلك

واحتار واذكرك في بعض زلاتك


واسمعك ماكتبته بك واغنيلك

طاروقك اللي تحبه واكسر سكاتك


واستسمحك واعذرك واسمعك واشكيلك

واتلهف لبسمتك ورد ضحكاتك


يسرقني الوقت ولا يمديني احجيلك

كلام اللي تحفظته لشوفاتك


وقت الوعد فات وعيوني تراعيلك

وقفيت واشغلت القلب بلتفاتك


عيني على خطوتك والقلب يدعيلك

الله يحفظك من الحاسد وشماتك


تزعل واراضيك واتلذذ بتزعيلك

تبي الصراحه انا اعشق كل حالاتك




.................... .................... .......... ..........




كنت الوم الى يضيق


والله انى كنت ألوم اللى يضيق أن غاب خله
لين جربت المحبه والفراق وقلت توبه


لعنبو جد المفارق فيه هم وفيه ذله
أثر كل الحب لذه والفراق أكبر عيوبه

امس فارقت الغلا ومفارق الخلان عله
والعلاج الوصل لا تبلش طبيب ولا حبوبه

الزعل هو سبه الفرقا يهز الحب كله
ليتنى طولت بالى قبل لا يعلن غروبه

وآهني اللى وسيع الصدر.. صدره وسع فله
غلطه الصاحب تجى وتروح ماهى بمحسوبه

عارفً قدره.. وقدر اللى يحبه فى محله
ذاك نفسه لا حشا ماهى على الحب مغصوبه

ليش تحسب غلطه الصاحب على الصاحب مذله
ليش ماتحسب ميانه لو تجى عشرين نوبه

لا وربى.. كنت أحبه حيل مادورت زله
لا تشكك فى غلاه ولا تساعد فى هروبه

لايمى قبلك تعبت ألوم شعار المجله
وكنت مؤمن فى مقوله اعذب الشعر الكذوبه

وأثر كلن فى حياته له تجارب مستقله
وانت لا تشره على مثلى وتبلا لك بحوبه

كان جابتك.. الحميه روح له تكفى وقله
لا يخلينى واذا وده يخفف من ذنوبه

يستخير وله غلا قلب صدوق مايمله
فدوة له كل قلبي من شماله لى جنوبه

يوم قفى والخفوق يفوح عقبه فوح دله
وسط وقدرة واحد عز الشتاء والسهر دوبه

لا تقهوى بارده من برد فنجاله وزله
ثم قربها على جال الجمر وأرهى شبوبه

وين يدله هالخفوق وكل مايدله يتله
طاري اللى ياكثر ماأتعبت رجلى فى دروبه

لا طرى جريت ونه من بلاده مستحله
مثل ماراحت بلادى مع شعارات العروبه

كل هاجوس يجيبه جعل شعرى فدوة له
وأعذابى كل ماجبت لى الجبله هبوبه

مشغلن قلبي يحبه دون خلق الله من الله
هيه ياللى ممتلكنى حسن وأسلوب وعذوبه

ماسمعت ان الخوي له بالخوي تسعين زله
وانت طوف زلتى ياعل تفداك اللعوبه

صاحبي سيف الهجر لا صرت تقدر لا تسله
ماتظن ان العفو عند المقدره اكبر عقوبه

ايه انا اللى كنت ألوم اللى يضيق ان غاب خله
لين جربت المحبه والفراق وقلت توبه



.................... .................... .......... ..........




ماهو بكيفك


ماهو بكيفك تواصلني تقطعني
اما غلا بين او فضها سيره

ياشين لاجيت تقطع لاتوادعني
ليتك تحس الوداع شلون تأثيره

ياماخذ الحب قل فيني وسمعني
حب على كبر صعب ابدل بغيره

أبحتفظ فيك وادري مانت نافعني
يمكن مع الوقت اقول محبتك خيره

والله تدري وش اللي معك دافعني
اني معاك انت امارس آخر الغيره

واحب فيك البرود اللي يقاطعني
لو ماتكلمت صمتك صعب تفسيره

ياللي عليك البشر شفها تقاطعني
منين ماوجه الهقوات لك سيره

ياشينها من الخوي قول اتركه طعني
ماغير شره ولا انت بشايفن خيره

ياشينها منك لاجيتك توزعني
في عذرك اللي على هالظرف تجييره

شف كبر صبر البشر ماعاد ياسعني
واكبر هموم العباد اشوفها صغيره

وش جاك مني خطا يومك تبيعني
في سوق ذقها عليك اسوقها جيره

انا اذكر انك الا من قلت دلعني
القلب هانت علشانك مشاويره

يامشغل القلب بين تحبني و يعني
شفني عليك احترق ياسيدي حيره

مرات اقول اتركك لاشك يمنعني
شي يقول أعذره واقبل معاذيره

قلت احتفظ فيك وادري مانت نافعني
يمكن مع الوقت اقول محبتك خيره




.................... .................... .......... ........




المتينات
للزيين قالوا من قديما علامات
عين ومبسم والجسم والرشاقة
لكن كسرها لقاعدة ها لمتينات
من واقعاً ماهو كلام وبلاغة
اللي محليهن ولا هن ثقيلات
دايم خفاف الدم وفيهن لباقة
الله ياهن يا جماعة رشيقات
وفي الكلام الحلو فيهن طلاقه
ما هو ضروري بالرشاقة رشيقات
وزود الوزن ما هو بيعني إعاقة
وما هو ضروري يلبسن استرتشات
يا زينهن واللبس واسع نطاقه
لا بارك الله فيك يا لضيق بذات
ترى السعة مرات تعطي أناقة
قالوا الرجيم اليوم هم البنيات
قلت الرجيم ادري يبي له فراقه
وقالوا رياضة قلت ماهن مريضات
للسكري لا ما معاهن بطاقة
قابلهن الله بالرجيم او رياضات
بهدي لهن مني من الورد باقة
هن دفا هذا المجتمع هن رقيقات
هن ملح هن سكر لذيذ ألمذاقه
هن لا سالتوني عن الحب بإسكات
أقول ما فيهن عن الحب طاقة
ما هو كلام اللي اقوله وإشاعات
انا ربطتني مع متينة علاقة



,,,,,,,,,,,,,, ,,,,,,,,,,,,, ,,,,,,,,,,,,







اهلاوي997 غير متواجد حالياً   رد مع اقتباس
قديم 31 - 05 - 2008, 20 : 01 PM   رقم المشاركة : [7]
امبراطور نشيط
الصورة الرمزية اهلاوي997
 

اهلاوي997 will become famous soon enough





سعـــــــــــد علـــــوش





قنوع


قنوع وآسخط في كنوز العالم المتشبعه
وقناعتي كنزي.. وشبعتهم هلاك في هلاك
لاصرت في صحه وخير وذود آبوي مربعه
كني ملكت الكون كله من هناك ليا هناك
يكون شيء مجمل حبالي عليه..مجبعه
يامجبع حبالي وآنا الظميان والما بس ماك
شبيت في قلبي وآنا بطبع البرود مطبعه
وكذاب من قال الحرارة من نتاج الإحتكاك
هذا آنت في لوس آنجلوس متقبعلك قبعه
وآنا على عرق وخفوقي يابعد عمري معاك
لبيك ياأظبي ظابيات الزين وأشرس سبعه
لبيك من ثورة نفسك الين ترتيبت حكاك
يامنبع من الزين لا الزين إنت منبعه
سبحان من سواك لين أصبحت تفرق عن سواك
وسبحان من خلى شطوطك ف الحشا متربعه
وسبحان من وحدك لاتحذى ولا يوخذ حذاك
وسبحان من خلى الخفوق أيتبعك وأتبعه
وسبحان من خلاني أقول العمر جعله فداك



.................... .................... .......... ......




مرتبة الشرف


تضيق بي الدنيا بكبرها من معابيس الوجيه
وهذاك لا منه تبسم شفت للدنيا طرف

مني واليي احببته و هو حبني منه واليه
من غير لا انا اعترف و من غير لا هو يعترف

ليه اتحاكا و كلبوي يعرف غاية كلبيه
اليا فرح افرح و دمعه لا ذرف دمعي ذرف

اغليه يعني اعشقه اعشقه يعني اموت فيه
يعني انا ميت معا عشقه و مرتبة الشرف

ميت و يعشق والسبب مافيه داعي ان احكيه
الغيد فالدنيا هواه و هو لحاله محترف

الشامخ اللي لا اقبل و حضن يديني في يديه
تراعدت فرايصه بالغنج و اتساقط ترف

امشي معه من غير لا اين و لا كيف و ليه
من حيث ما يجرفني اغمض عيوني و انجرف

ان قال لا اقول لا وان قال ايه اقول ايه
ما عرف مسمع ما ارى ما ارى مسمع معرف

اللي اعرفه اني ابيه ايتجملبي و ابيه
وكان العدل في صدته سجلني اكبر منحرف

يغفرلي الله و الله يديمه و يرحم و الديه
علمني ان البعد نكسة حال والصده قرف



.................... .................... .......... .....




وريدي


ياللي غرامك جاريٍ في وريدي
لا وش غرامك جاريٍ في وريدي

استغفر الله لو بقول ان غرامك
ما باقي إلا يطبع اسمك على ايدي

لأنك بصدري و أنت منته بصدري
تطلع مع أنفاسي و ترجع يا سيدي

اليا طلعت أحس كني أشوفك
وآنقص أنفاسي ذكا يا ضديدي

أخاف لا تطلع و لا عاد ترجع
واشفق على شوفتك و اقول زيدي

فهل علمت عن جنوني يا آنف
اني لمجنون النشاز المجيدي

لبيك يا سلكا حملت الفضائل
أوعز لصاحبك بتحرير قيدي

يعني بحكينا لبى و الله عروقك
متى تعيد في عيوني يا عيدي

ثقفني بوصلك مثل ما تثقف
شعّار جيلي من ثقافة قصيدي

لو ضلع عيني حس موطى وصالك
لا طاح حيده و لا طاح حيدي

تخيل اني من كثر ما اتخيل
اتخيلك تدعي و احسب انك ميدي

يا خي ترى جننتني بالمفارق
جننتني و انا بعدني يا جيدي

لكن مع الله كل بلوى بخيره
أنا ذكاي من التجارب رصيدي

اذكرني اليا من سمعت بغرابه
اليا سرى فعروق مخك جديدي

و أنا بعد لا من ذكرتك يا غالي
باسجد لوجه الله و باقبل ايدي



.................... .................... .......... ........




تعال خذني



ياوي النعاس لعين من يرغب بإيواء النعاس
وأنا مجلوي كل نعسة عين مع إني..سدر

العقل نعمه لكن أحياناًً يسبب انتكاس
يشوقك إن العقول الحين..ماقل وندر

أنا أفكر كيف ازيل المنحدر من الاساس
والأغبيا لاهين في لذة صعود المنحدر

تعبت لأني من هل الطولات صعيبين المراس
للي يحبون الوفا ولا يحبون الغدر

تعال..يابن آخي الغلا..ياهوه..ياعالم ..ياناس
يافكر"ابن جدلان"ياتركيبتين من "البدر"

يامعضلة تمشي على رجلين يا العشر الحواس
ياشاطب من ذاكرة تاريخي الوجه الودر

يا مطلع أهداف أجمل الغيد إلى "رمية تماس
يامهدف بقلبي ثمان أهداف من حب وقدر

تعال اخذني من يدين الهم ووجيه العماس
شوف العرب ضيقة صدر ومشاهدك وسعة صدر



.................... .................... .......... .......




فدى راسك


فدى راسك أنا يا اللي غرامك ساكن بدمي =

فدى روحك .. فدى ذاتك .. فدى كل رعشه بعيونك

يا أجمل واصدق واغلى غرامن عانقه يمي =

اشوف السعد بعيونك يناجي صادق ظنونك

في قربك يا ملاك الهم يزول وينجلي غمي =

يزول الهم في قربك وغمي ينجلي بكونك

في وصلك يبتدي فرحي ويقفي الحزن والهمي =

يباعد طلته عيني .. مدام السعد بجفونك

احس بلهفة شفاهك إلا من عانقت إسمي =

عشقت اسمي من لسانك .. عشقته وصرت مفتونك

احبك حيل .. لا والله .. ( احبك عشق ما يعمي ) =

عيونن آمنت وامست رهينه ترتجي مزونك

هلا بك يا ربيع القلب .. هلا باللي حظن رسمي =

وعاش بوسط اشعاري .. وصار الشعر مجنونك

انا لو قلت ابتمنى .. وصار منيتي يمي =

باقول احفظها يا ربي .. وصنها يا الولي بصونك

اخاف عيون خلق الله تشوفه قبل لا تسمي =

واخاف اهل الحسد ترمي سهام الحقد فمتونك

لا شفته تنكسر مني قساوه ساكنه بدمي =

غريبه كيف انا اقسى ولون الطيب من لونك

دخيل النظره والبسمه لا قبل راسها فمي =

دخيل الله لا قالت : عسى الله يكون في عونك

احبك واعشقك واهواك .. أنا والله يا ( امي ) =

عساني ما انحرم منك .. ولا لي عيش من دونك



.................... .................... .......... ..........




الانكسار


انكسرت من الفراق وشوف عيني
...شوف عيني وأنت تدري بانكساري
كلما مديت لوصالك يميني
....رحت تتجاهل يميني مع يساري
حتى صرت أشوف جرحك في يديني
.....في يدين الجور صداتك مواري
حس فيها لابلاها حس فيني
.....لا تعبرها لكن رد اعتباري
وأنا مقفى جعل منت منتويني
......بالجفا والخوف وأنواع العزاري
ياهلي يانصف ربعي ياخديني
......يامواني غربتي ياروح داري
يا شموخي يا انكشافي يا دفيني
..... يا علوي يا بقائي يا انحداري
يا بداياتي يا مائي يا كسجيني
....يا اندثاري يا اعتدالي يا ازدهاري
يا بلادة حسي وقمة حنيني
.....يا اختياري لا يا عشواء اختياري
أعشقك من عادني فول سنيني
...لين صرت آخذ مع نفسي قراري
من عرفتك وأنت ثالث والديني
....واللجوء إليك يعني لي فراري
ضمني خل الضرر بينك وبيني
.....الضرر من ضمتك شيء اضطراري
خل يدينك من الجور اتحميني
.....من جمود يعيش و الين انصهاري
كل ما ضاقت بعيني يا موعيني
......ابتسمت وصار لي ليلي نهاري
فلا سكت تروح بطيش اتحكيني
.... رجعي أبطبعك وبأسلوبك حضاري
ماذبحني فيك ألا انك تبيني
....وما سحرني ألا حكاك الأستعاري
لا حكيت أحس بأشياء تعتريني
....وان خشع قلبي وتطري لي طوراي
أعشق حكيك وحفظه يا ضنيني
....حفظ بن تيميه لحكي البخاري
ولا سكت أحط يدي في جبيني
....وارجي الله ما يطول بانتظاري
أدري أني عندك وأسألك ويني
.... داريا لكن ما كني بدراي
لين شيطاني تلفظ كلمتيني
....ورحت مني ما تبي سمع اعتذاري
لا تبكيني وتفرح عاذليني
.....ولا تخسرني بعد كبر انتصاري
لا تخليني بعد فيضة كنيني
.....وأنت خابرني على الوصل انتحاري
لا تروح بروحتك كلن يجيني
.... ما ني مكابر ولا حتى مداري
انكسرت من الفراق وشوف عيني



.................... .................... .......... ...........




ردني لك موتي في غيابك


ردني لك موتي في غيابك موتين ......
..... يامحول ضيقتي من وجود ليا عدم
لاتخليني مابين الثلاثة والثنين ........
.....البكى والسخط فيك وشعوري بالندم
ضقت ذرعا ياالله انك تزينها تزين .....
....من عيون اللامبالاة وايدين الردم
والله إن جرحك بقلبي كبير وله حنين...
...كبر ملك الإمبراطور في عيون الخدم
الله اكبر الله اكبر ياوليفي بعد ماكنت وين ..
.صار مالي في حياتك ولا موطئ قدم
ردني لك لاخلاص أنت رح والله يعين ..
...من علشانك يفض الجموع وينحدم
خلني لي ووعدك في مقابيل السنين ...
....ماتمنى صعب ولا اعشق ولاالنصدم
أنت ما قصرت يالغالي وعذرك سمين ..
.. وطول الله عمرك ولا خلى ولا عدم



.................... .................... .......... .......




الله الله

لا تقيس الدين بالعقل يا عقلي ..ونام
فيه غيبيات أأمن بها ..بلا مقوت


لأن إيمانك بها يعني انك في سلام
من غضب ربي وسخطه وتخريب البيوت


لا تفكر في مسائل نتايجها اثام
يكفي ان الوقت ملبسني من الاثم كوت


آثم بس اعرف ويش تالية الغرام
بين شيخان العقيدة وشيخان البشوت


تالية حب الطرفين ضيعه وانقسام
تنعكس على من يدور لمضناه قوت


السكوت يزين لا صار من حولك كلام
بس ماهو زين لا صار من حولك سكوت


ويش اقول؟ اقول يالله جعلهم للعدام
لا.. بقول انا اتمنى قبل عمري يفوت


ودي اني ماتعداك يالبيت الحرام
وودي ان اعيش فيك العمر كله واموت


الله اكبر لا اذن المذن وكبر الامام
واصبحوا زاكين الانفاس من خلفه صنوت


وابتدأ يرتل ونظم بترتيله زحام
وانتهى من ركعته وابتدأ يدعو قنوت


الله الله الله الله على شعور الوئام
جعل صوت ابن سبيل بعد مليون صوت


يجعل بيوت الشياطين في عقلي حطام
كن صوته ينتشلني معه من بطن حوت


لاسمعته..يصغر الكون فعيوني .وأنام
وأمن إني مؤمن ابما يقول بلا مقوت



.................... .................... .......... ..




مهاو


اخر حركات التدلع والغنا
اللي اسمها(مها)وفي الدلع(مهاو)


فرفوره تسلف الشمس السنا
مغويه ويطرد وراها كل غاو


ان وقفت كل شي ماتباعد دنا
وكل شي متلخبط مع الوقفه تساو


واليا مشت؟قال النمل:الله لنا
تقاو ياجوعي على صبري تقاو


ذروة ترف..ذروه غنج..ذروه هنا
جمالها مايستوعب وماينتقاو


في iiجنبها:نوره,وعبير,و منى
شباب...وعند البل وكشختهم فراو


مخلوق لامنه انثنى يعني انثنى
كل الزوايا تستقيم اليا تزاو


يابوي شي لايوصف ولا ينجنا
يسبب لك جروح لايمكن تداو


مثال:لاجاعت وطال بها العنا
كل الحلاو اللي على هالارض جاو


هي جايعه؟؟!يارب تاكلني انا!!
هذي سواليف الحلاو...مع الحلاو


واليا كلت اطرف حلاوه من هنا
كل الحلاو يشوفها ويقول((وااو))!!!



.................... .................... .......... ..........




الوداع


أنت بتسافر حبيبي نعم سافر وغيب
بس تكفي سم بالله على عقلي لا ماع


لأني ماني قادر اوادعك وأنت قريب
كيف وأنت بعيد تبغاني أقول الوداع


بس لحظة قبل لأنسى ياللبيب
كل ما تملكه من مغريات ومن متاع


إني احبك واحبك لين أشيب
يعني لين أموت وأنا احبك للنخاع


احبك بالحيل والشي الغريب
إني اكره كل فكرة تقودك للانصياع


كان ماللمشكلة وتوصلنا للحل (عيب)
كب حبي لك وسمّه متاهات وخداع


لأني أطهر من بيخسر على الدنيا حبيب
ولأنك أنقى من وطت رجله ظهر وقاع


كثر مايدعوني أهل الهوى ولاستجيب
وكثر ما أصفّط على بعدك ذراع وذراع


آآه لا وقفت مابين تصيب وتخيب
بيني وبين المواليف وفواه السباع


وآآه لاغ من ذكرت كل له نصيب
وآآه لامنّي ذكرت إن على وجهك قناع


اشعر إنه منخلق من عسل ورد وحليب
واشعر إني كل ماأذكره مجموعة جياع


ليت مالك في حياتي خوي ولا طليب
كان أبخشّك وسط قلبي وأقول ضاع


أمحق الله ساع ولف الهيام وقطع صيب
من يبكّي مقلتين الشجاع ابن الشجاع


لو على البحرين شرهة ودمعات ونحيب
كان ماخلتك تقفي عن حدود الرفاع


لو جنيف تحس بجرحي المر العطيب
كان ماتاخذك مني وتعطيني ضياع



.................... .................... .......... .......




تحفه


حبيبتي تحفة من النوع الفريد
ولا جيت ابمدحها اخاف iiاذمها



لأن المديح بها ينقّص ما iiيزيد
و لأنها خيال و طايش iiماهمها



متمردة و بعقل هارون iiالرشيد
و بالزين ما عذرا توقف iiيمها



لو قستها مثلا على الجيل iiالجديد
تحط (( حليمه بولند )) iiبكمها



من غيّها السادات سوّاد iiالعبيد
تحر و تبرك عند ركبة iiعمها



ومن غيها لامن تثنّت كل iiحيد
وده يصير انسان لأجل iiيلمها



ومن غيها حتى الدهن عود iiالعتيد
يسيل في يدها عشان iiيشمها



من غيها لامن خذت نفس iiجديد
تهاوشت الانفاس على iiفمها



لبيها ام الفكر وام iiالقصيد
لبيها من ضحكها لى iiغمها



اللي بقوله جعلها الحظ iلسعيد
والله يخليها لأبوها و وامها



.................... .................... .......... .......




** الانسكاب **



بري حالي لانتهى العصر واعلن الانسحاب
وخلت الشمس الصدارة ومالت للغروب

اذن المغرب وساد الفضى مثل الضباب
ونتهى والليل لبس الاماكن لبس ثوب

وردت همومي على قلبي الصلب الخراب
وردة احيام القوامي على عدن الجذوب

كلها هانت ولا هنت ياهم الغياب
من محبة صاحبك صرت ياهم محبوب

وخذ ليلك بولة وخذوكل وشرب في رحاب
قلب من شدة طهارتة تجفاه الذنوب

اية والدنيا مساكن ورحلة واغتراب
والغلا في الوقت هذا مميز بالعيوب

اشمل بوجهي واعدي على روس الاهضاب
كل ماضيعت وجهي دريت انة جنوب

ويش اسوي فيك ياعم تلعات الرقاب
ونت واقعوالتمى عام في عيونك هروب

انت مجرم حب لا ويش جاب الي ويش جاب
انت عذبن عذب ارجيلي بشوك الدروب

صرت اهاب من التزاحم ونا ما كنت اهاب
ومشي بكيفك لواني على المشي مغصوب

صرت اجمع من جروحك وكلماتك عتاب
وقبل لا اقول وشفيك تجرحني استغفر وتوب

صرت احسب الناس ماكنت احسبلها حساب
وصرت اكذب لجل ترضى ونا ماني كذوب

شوف مهما صاربي انحنائي انتصاب
العب بعمري وبعثرة بيدينك ياللعوب

ادري ان الجاذبي تسبب الانسكاب
ودري اني منسكب ودري ان يديك كوب

سلت فرضك ورتوتبي وفاضتبي عذاب
لين حبتني قلوب وتعادتلي قلوب

فاعرف ان زولي غدير ون حكاياهم سراب
والمقادير الايادي وشين الخط طوب

يعني اليا رموني حقيرين الجناب
صارزولي عشرة ازوال وعيوني قروب

وتعدد لجل اداريك من طيش الشباب
وتوحد لين يطغى على وجهي شحوب

ماني استاهل منك كذا ياوبل السحاب
لاتبللني ونا ودي انك ما شروب

بيتني ودخل في قلبي ياقلبي باب باب
واخطر عروقي برجليك يسمر دوب دوب

جل من ولع عروقي بقنينة تراب
نوب تضحك من عذابي وتبكي منة نوب

لو لي دعوة وحيدة وهي تستجاب
قلت ياربي كل ما مر خلف الهبوب

زوي قلبي كل مازويت خصرك بنسياب
ووقف العالم يرد البحر من كل صوب

ياخلاصة شهد وعذوق مالذ وطاب
يامغلبني ونا مابعد ماصرت مغلوب

يامسفرني لوجهك ذهاب بلا اياب
يا معزز بالغلا يامقدر ويامحسوب

بيتني وذهبي بعيد يامالا الذهاب
ضمني بيديك وجمد على صدرك وذوب

انت لوضميت تمثال من ضمتك ذاب
كيف لوضميت صدرا على ذكراك يذوب




.................... .................... .......... .....





القافلة



لبيك ياللي خطوتك.. تغزل.. مسافات الحرير...
..بالمسك...والكبر... المزخرف.. .. والسطور.. الحافله...

لبيك..لا.. وريتني..وش.. عقبة.. الموت.. الاخير
في ليلتن.. تمحي خطاها..؟ ركعتين... النافله............. .

لانك.. اتعرف.. اني..ليا استبشرت.. أستبشر بخير..
لاكنك.. تجهل.. يتم..؟ وقتك... واليدين.. الكافله....

أتصدق....؟ ان الوقت.. هاذا غير.؟ وأن.؟ الناس.؟ غير..؟
وأتصدق.. أن ماعاد باقي..شي.. حتى..؟ أتخافله؟......

شوف الاسد.؟ يمشي على راي المهاه...؟ أو؟. لا؟ يشير.؟
والمشكله.؟؟؟ لاهوب.؟ مستغرب..؟ ولاهي.؟ جافله؟؟؟.......

وأتصدق..؟ أن أغلب رعاة الحرف.؟ خوانة..؟ ضمير..؟.
شفت الادب هاذا........؟ يبيعونه..؟ لنضرة.؟ سافله....

وأتصدق..؟ أن حمل البعير..؟؟؟ أتبعزقه.؟ دودة...؟ حرير...؟؟؟؟؟؟
وأتصدق..؟ ان الوقت ذا... غافل..؟ وناسه..؟ غافله...؟؟؟؟؟

أمن أولا..؟؟ تنبح كلاب.... او قافلة .. الاحمل...؟؟؟ تسير.,..
واليوم.؟.؟.؟. لاتنبح كلاب...؟ او؟..؟ لاتسير... القافله.....




.................... .................... ..........




شوف فوق



حي مني لاذكرته.؟ دريت أني iiبخير.
صاحبن لاشافني. ضقت منه..؟ iiضمني

يشتعلبي. لين يطفى على العرق iiالاخير..
وأنتثرله شوق.. واليا أنتثرت..؟ iiأيلمني..

يا تندااي..؟ الخليه على طاقة iiحرير..
يامخوفني.. وقاطع رجاي .. وممني....

يا أمل. ياخيبته. يامتاهه. iiيامصير.
خل قلبك لاتراخى الزمان.. iiأيزمني.,

مابي الدنيا.....؟ أبيك أنت لانك انت.؟ iiغير.
جيت فحضانك.. طفل.. وأنت أبوي iiوسمني..

شوف فوق....؟ وغن بسمي على اللحن iiالقصير.
وخصني.؟ في كل لمحة غرااام iiوعمني...

بشعل الدنيا عبير وبطفيها iiعبير.
ولالالالالا بناشد. من مدحني ولالالالا من ذمني..

جيت للدنيا كبير.. وبفاارقها.؟ iiكبير..
ومن زعل iiماهمني..ومن رضى iiماهمني..




.................... .................... .......... ..........





قال ابشوفك


قال ابشوفك سكت شوي قلت وش زينه "
موعدا معك انت لا يمكن على انكاره "
بس لاحظ ان قلبي لو جوفوه غالينه "
ما جعلهم عرضت النقاده الثرثاره "
قال انا ادري والله يوقف معه ويعينه "
قلبك الي حط اعداءه على انصاره "
قال باكر قلت باكر غد يا تأنينه "
كلها ساعات ويبوح النهار اسراره "
المهم اصبحت صبحا ما اعرف تكوينه "
صبح من نقرة عصافيره تصيد احارره "
وتقهوا قهوة الي مضحكته اسنينه "
واخذ اغراضي معي واشغل السياره"
واسرح وفي بالي انه في احد دربينه "
ياقبل بيته بيتين او على دواره "
ولي ذا واقف معنز جمسه بيدينه "
وقفة الي ربعه تحبه ولا تختاره "
قلت ليه انت اتشائم والبنادم طينه "
ينتصر لا حط ذكر الله على اصراره "
قال انا ماني متشائم لاكن يشينه "
لا ابتداء عمرك بصدماته وموت ازهاره "
كنت احسب ان الحياه لساره او الينه "
لين ماتت لينه وفي يوم ماتت ساره "
ضل يبكي وانتهز صدري وجاء من بينه "
لين حسيت ان كثر الدمع وفك ازراره "
اعملت في عيني انفاسه ودمعة عينه "
مثل ما يعمل بخار الشاي فالنظاره "
قمت اضمه واحضن راسه ولا ادري وينه "
لاني اعشقه وفاجئته وفي تكراره "
كان يوم يعلم الواحد يوفي دينه "
الفرح به قاطع للحزن كرت الزياره "
ياالله انك تقطع الوقت الردي وتهينه "
كانه يبكي اكباره من غير اصغاره "



.................... .................... .......... .......




اخذيني اليا عجبتك


اخذيني اليا عجبتك بس رديني
وما عجبتك خلاص اخذيني
مابيني مدامني شفت فيك الطهر والعفه
بعيف نفسي ليا منك كرهتيني
اخذيني لو اعتبر من ضمن اشيائك
وانا بحبك ولا لازم تحبيني
لا ابي علاقه ولا ابي نظره و بسمه
إحساسي اني بقربك بس يكفيني
لو اني انضفت الى اشيائك غصب عنك
طلي علي ياغناتي لا تخليني
تراي لا جاء المصامد ماني بهين
تقول كل العرب لعبه بيديني
شخصيتي من غرابتها وطيبتها
كن الزمن في تحدي بينه وبيني
اخذيني الشاعر الي ما صدق حظه
لا قلت يا حظ وينك قال يا ويني
اخذيني المبدع المتفلسف التحفه
مؤمن و تضحك على العالم شياطيني
واخذيني العنصر الي صدق متعنصر
من دون ربعي لو اقطع شرايني
واخذيني الي ليامنه طلب يعطى
وتكفين ليا من طلبتك لا ترديني
تكفين يا غايتي يا بهجت الدنيا
ابحرق قلوب ناس ما دانيني
اخذيني بكل شوق وقولي احبه
وان شككو فيك ولا في ضميني
قولي فيصل والله انه غالي جدآ
ويا جعله فدوة شبابي واخر اسنيني
وانا بصدق كلامك ومعتز بالله
وبقول لناس ما يعنيك يعنيني
وانا علي نذر ما ارخص جيتك
وانتي نذر على رقبتك انك ما تخليني



.................... .................... .......... ..........




الجهل بيني وبينك طايح سوره


الجهل بيني وبينك طايح سوره"
من مر الايام سارت عندنا خبره "
ومدام عينك من الي سار مقصوره "
اجمع شموخك وخفف حدة النظره"
لا تتوجهك الي غيرته الفوره"
اشوف قلبي ليا من مل من صبره "
ياخر مبالات قلبي واول شعوره "
شف لي سنع في غلاك وشوف لي دبره "
خليت نفسي من الايام مقهوره "
وخليت حالي لمن لا يعتبر عبره"
غديت في دنيتك مهدي الثوره "
في روضة اخريم مثل مضيع الابره "
خلصت معاد اقاوم صدك وجوره "
القلب قده بموت وغيبتك قبره "
فراق الي تو تكفى لا يجي دوره"
سرت احسب له وافكر فيه واعتبره "
ماني بناسي هذاك الطيش وغروره "
يومنك اخلفت ظن فيك وش كبره "
واذا انك ناسي انا منسى هاك الصوره "
اكفيت تضحك وانا خصتني العبره "



,,,,,,,,,,,,, ,,,,,,,,,,,,, ,,,,,,,,,,,,,







اهلاوي997 غير متواجد حالياً   رد مع اقتباس
قديم 31 - 05 - 2008, 22 : 01 PM   رقم المشاركة : [8]
امبراطور نشيط
الصورة الرمزية اهلاوي997
 

اهلاوي997 will become famous soon enough





أحمـــــد النــــاصر الشايـــــع





أذن المذن


أذن المذن ونادى طول صوته بالمناره
وقمت طولي للسفينة ثم فليت الشراعي


لو يزيد الموج ماني فالبحر سواق طاره
عارفٍ مجرى السفينة في نزولٍ ورتفاعي


كل رجال ٍ هواجيسه على قد اقتداره
والحظيظ اللي مع العربان عاقل واجتماعي


العرب لو بشروني كان سلمت البشاره
في بيوت مخترعها طيب العرف اختراعي


بين الأثنين المفاهم في محله والمشاره
لو يجون اخوان صلب أو هم خوان من الرضاعي


حجة الغايب معه ومن اعتذر قبل اعتذاره
مايضيقن النفوس ولا الدروب اللي وساعي


وانت عندك لاتعلم بالثمانين الحراره
والهروج الضايعة مثل الهمل من غير راعي


صابر بالحق دام الحق من جار ٍ لجاره
لو نجيبه دين ياصالح من البنك الزراعي


والسعادة حظ والا العرف والمعنى شطاره
لو رضاك بعيد اسافر له على النقل الجماعي


وسع الخاطر ولابه كسر يحتاج الجباره
دايم العاقل وسيع ابطان ماهوب اند فاعي


اعتذرت من الرفيق وزبدة الهرج اختصاره
إن عذرني كثر خيره وإن ومر بأمره مطاعي


قصة جت من رفيقك غصب من غير اختياره
سألفه ومخالفه ماودنا الهين يذاعي



.................... .................... .......... .........





البارحه يوم العباد رقود


البارحه يوم العباد رقود
النوم مايطري على بالي

مجروح روح وخاطري ملهود
ياناس خلوني على فالي

تبكي عيوني والدموع شهود
أي والله أبكي صاحب غالي

يازين مالك بالعذاب فود
أرفق بحالي يا بعد حالي

ودي بوصلك يا نعيم العود
ودي ولكن ما تهيا لي

اللي ذبحني بالعيون السود
من قبل اعرفة خاطري سالي

ترى المحبة ما بها منقود
والله فلا اسمع هرج عذالي

ياعود ريحان عليه ورود
ومنين ما هب الهوى مال

هبي بريحه ياهبوب النود
يطفي بعض همي وغربالي

الحب يذبح والشقا محدود
ماهى سواليف على الخالى

يا منوتي يا غاية المقصود
زولك يورى لى ويبرا لي



.................... .................... .......... .........




الراي.. رايه ..


وأرجلي اللي تبين ضلعها من غير ساموح
حار القدم يا الله الخيره ولا فيها اروايه


باسباب زول نطحني بالطريق وشاحني شوح
اودعني أمشي وألد اخلاف واقصر في خطايه


زول نطحني وخذ عقلي ولا لي منه مصلوح
خلاني أركض واغني من خلايه في خلايه


اللي خذا القلب أظنه مخطرن يلحق على الروح
الموجب إنه مريض خاطري حد النهاية


هذا وأنا عن طريق المنتحي منهي ومنصوح
مار المقادير جابتني على حسنا أو سايه


مادام باب الهوى لأهل الهوى بين ومفتوح
أبين من الشمس عقب الظهر في وجه المرايه


يامن يودي سلامي والهوى راعيه مفضوح
ويخبره بالمصيبة كلها والراي رايه


ان كان لد النظر يمي عن اللي فات مسموح
وان كان قفا وخلاني فانا سبة عناية


واعين ياللي من الفرقا بكت.. والقلب مجروح
مانيب عازي لعل الله يجبر عزايه


الصاحب اللي ليا شفته عجزت اقعد ولا أروح
ما هو طويل نشاش ولا قصير الجرم غايه


يا من سميه على اسمي الناس به زودن وبه نوح
ثلاثة أشهر ينزل نصف ثالثهن كفايه


واثنين يكمل بهن اسمه أوله حراس وشبوح
كم لي وأنا أرجيه جعل الله ما يقطع رجايه



.................... .................... .......... ............




الفلك يستدير


بالله يا للي تبا الفيحا عنيزة ديرة أهل الفخر
يا سعد منهم عضوده بالشدايد والزمان العسير

نطاحة الكايده لا قل بالدنيا بعير الظهر
الطيب منهم وفيهم كلهم كبيرهم والصغير

جعل السلامة زهابك بالطريق الى نويت السفر
اسلم وسلم على عيال العميم صغيرهم والكبير

اهل الوفا والمروّه والشهامه لويشين الدهر
من يديك ليدين صالح خذ كتابي جعل خيرك كثير

يا بو محمد ليالينا تصافق مثل موج البحر
عجزت أميّز لها وجه او قفا يا الله مقسوم خير

واحترت مدري وش اخذ وش اخلي بين هم وقهر
المبتدا زين مير المقبلات الله علم وش يصير

اللي ذبحني بغير اسلاح ما جا منه علم او خبر
اللي بعقلي وروحي في حياتي صايرن لي خشير

متى على الله عيوني من صخيف الروح تملا النظر
القلب لولا الضلوع اللي يردنه خطير يطير

كن الشهر لي سنه عقب التفرق والدقيقة شهر
يا الله تلطف بحال المغرم العاشق عليل الضمير

يا صدق راع المثل قال الهوى والحب كله خطر
والزين مثل الحيا متبوع مشهاة الغني والفقير

اتلا الخبر يوم وادعني واقدماه طريق الحفر
للديرة اللي ورى الرقعي يقود القلب سلك الحرير

اصعب علي شوفته من شوفة اللي فوق سطح القمر
لا شك ابصبرا على ما صابني لين الفلك يستدير



.................... .................... .......... ............




انا المطلوب والطلاب


الا ياونتاه اللي من الفرقا برت حالي
كما برى الدبى الغصن الوريق اللي على حله

على اللي من ثلاث سنين هو همي وغربالي
ولكن ماحصل لي منه ساعة تبرى العله

إلى مني بغيته في محله ما تهيا لي
ولا منه بغى ياصل محلي صار به ذله

أنا وياه مثل اللي ورد مطوية الجالي
طوى حاله ظماه ويوصف الماء له ولا دله

إلى منه نطحني قال يا ستار الأحوالي
عجب لله كيف الخل مايشفق على خله؟

وأنا أركض طول ليلي مع نهاري في الخلا الخالي
أصايد رغبته واتبع طريقه واتبين له

إلين أصبحت أنا المطلوب بالأول وبالتالي
أنا المطلوب والطلاب راع القذله الهله

إلى مني بغيت أنساه وادله عن هوى بالي
بلاي النفس ماهي من صخيف الروح منحله

كذوب اللي يقول أقوى فراق الصاحب الغالي
متى ماغاب عنك اللي توده بانت الخله

إلى مني قطعت حبال وصله قام يبرالي
لحظني بالعيون اللي بها سيف الهوى سله

يطيح اللي بكفي وأذهل الدنيا وهو سالي
واعود في عماي الاول اللي مايسكن له

متى ماغاب عني ماتبي حالي ولا فالي
والا شفته بعيني كن حكم الروس لي كله

ولاني قاعد ارجي متى يرمي به الفالي
وانا ما ودي العدوان تدري به وتفطن له



.................... .................... .......... .............




آه من قلب


آه من قلب هواجيسه تلوفه
مع همومه كل ما اقفن واقبلني

لاذكرت اللي زها الحنا كفوفه
يالطيف الحال طار النوم عني

ليت عيني وان بغت شوفه تشوفه
كود قلبي يستريح ويرجهني

حيث عيني عن هوى غيره عيوفه
ماتبي غيره لو انه غاب عني

والله اني طحت في حال المروفه
حيلتي كثر التوجد والتمني

ماذبحني كود من تذبح وصوفه
من جميع البيض حبه ممتحني

عنز ريم مابعد رامت اخشوفه
قايده للصيد ترعى كل ني

والجوازي كنها معها معسوفه
يوم تجفل كلبوهن يجفلني

هرجت العشاق يازين معروفه
والغلا باقصى الضماير مستكني

الهوى مثل المغازي والنكوفه
والقصيدة من سمع فيها يغني

القمر يظلم الى بين كسوفه
لاتبين للعرب ظنك وظني

لازم راعي الهوى تكثر صدوفه
لو يطولن الليال او يقصرني

والمعافى ملحق الدنيا حسوفه
ماطعنه اللي من الفرقا طعني

لو تروح الروح للزين مخلوفه
والعذارى يبعدٍ او يقربني



.................... .................... .......... .....




ذوقتني الحرمان


أول وأنا ماشري بحبك ولا أبيع
واليوم بأول سوم والله لابيعه

عقب أنتشالك لي بروس الأصابيع
رميتني بين الرجا والقطيعه

ذوقتني الحرمان سبعة أسابيع
وأشقيت نفسٍ لك مطيعه مريعه

أيام صفو الحب تآمر وأنا أطيع
واليوم لامرك والله إني ماطيعه

لاتحسب إني عقب فرقاك أبا أضيع
البيض واجد وارض ربي وسيعه

سبَّعت قلبي من محبتك تسبيع
وأقفيت عنك وسو ماتستطيعه

خذ راحتك يامصَنّع الحب تصنيع
مادام نقض العهد عندك طبيعه

من لا على صهوة جواده مصاريع
خطر يطيح ومثل هذي هزيعه

مزَّعت صورة ماضي الحب تمزيع
وأنوي على تكوين صوره فضيعه

مع من جبينه مثل نور الشعاشيع
وإلا كما برقٍ تزايد لميعه

الصاحب اللي لامري امطيع وامريع
من شان حبي كل غالي يبيعه



.................... .................... .......... ............




راعي المحبه


يا ناس راعي المحبة لا تعذلونة
مهوب عن صاحبة دالة ولا سالي

لو يسهر الليل كلة لا تلومونة
الحب بلوى مانيب اول ولا تالي

لى صاحب ما قطعت الياس من دونة
لو غاب عني خيالة دوم يبرالي

الصاحب اللي سحر هاروت بعيونة
ودي بشوقة ولكن ما تهيا لي

يا هيف الخصر عيني فيك مفتونة
والبعد ياصاحبي ما يرخص الغالي

الروح يا صاحبي بحماك مرهونة
عزي لحالي عقب فرقى هوى بالي

ياكود وصلك على مثلي ويا هونه
ان كان حالك طواها اللي طوى حالي

عن غيرك القلب غسلتة بصابونة
والعين ما تلتفت فى كل الازوال

ما يجرح القلب كود فراق مضنونة
ابطيت ما ارسلت لي يازين مرسال

أجر صوت جميع الناس يوحونة
غديت مثل المصيح بالخلا الخالي



.................... .................... .......... ...........




سلام يالوادي


سلام يالوادي اللي قد نزلك العام مخلوق
مدري من اي النحايا راح من ديره الديره



لكن الى جيت مدهاله وقفت وصابني عوق
يحتار عنده قدم رجلي وياقف عن مسيره



ماهوب ودي ولكن حب خلي ساقني سوق
اناظر البيت من عقبه واسولف مع قصيره



من كثر ما أقبل معه واقفي معه سويت طاروق
هذي سواة العشير اللي شكا فرقا عشيره



ياشين فرقى الضحى شيناه والمطرود ملحوق
الله يظفي على اللي راح جنحان الستيره



وشلون ابدله وقلبي مع صخيف الروح ماسوق
لوى هني المعافى ماشتكى شره وخيره



وانا تطارد هواجيسي وحمل الغبن مطبوق
اجحد صوابي عن العالم وانا روحي خطيره



قالوا لي الناس خل المنتحي والحي مرزوق
والناس واجد ولكن ماتريد النفس غيره



هذا وانا خابرٍ راعي الهوى ماهوب ماثوق
والله فلا انسى العشير اللي عليّ يبدي السريره



يقوله اللي يبي خله وله بالدرب خازوق
ماله جدى إلا تكسر عبرته بأقصى ضميره



.................... .................... .......... ................زز





قلبي يهذريبه


يابدر قبل الليل قرب لي الفرت
شيك على البنزين والزيت كله

القير والدفرنس وإن كان ناظرت
به نقص راعي المشحمه مافطن له

عاير هواه وماه ولا تذكرت
شي يبيه اللي يبي فدوة له

حتى اللي مني على خير سافرت
أمشي ونفسي راضيه مسفهله

عن اللزوم اللي ضروري تأخرت
هات الخفيف وماتثاقلت خله

وإلي ظهرت من البلاد وتشطرت
ترى لزومي فيه جا وقت حله

إلى أنتحى قمت أذكر الله وكبرت
كنه يسابق تالي العصر ظله

لآمر عجلات المواتر وفكرت
لاكنهن وقاف مثل الإخله

طارٍ علي إلى مشيت وتنحرت
قصرٍ يسر اللي يجي عاني له

مارحت عنه يمين ولا تياسرت
قلبي يعذريبه وعيني تدله

ترى الدروب السود مهما تصاغرت
منها تراها عله فوق عله

وإلا الدروب البيض مهما تكابرت
ترى الحظيظ اللي تجي سكة له

إلى بغيت أفرج الهم سيرت
للي حجاجه للمسير يفله

اللي ليا إني جيت عنده تحيرت
فلة حجاج ومجلسه ماتمله

عز الله إني للصداقه تخيرت
اللي رفيقه مايشوف المذله

عبدالعزيز أكبر من اللي تصورت
الفعل فعل سعود والدل دله

بغيت أحبه ربع فعله وقصرت
بأول شبابه والفخر مقبل له

ياكم أماريبه وياكم فاخرت
ياسعد عين اللي يجي فزعة له

مالي عذر عن جيتك لو تعتذرت
ياللي تنزل كل رجل بمحله

عن طبع أبوك وعادته ماتغيرت
للي سنام المجد له مستحله

وردتها هداج تيما وصدرت
من سار مع درب فهو جايز له



.................... .................... .......... ...........





كل من عاش


كل من عاش بالدنيا يشوف العجايب
مثل ماشفت بالدنيا وشفته باهلها

قمت ابرق وافرق بين مخطي وصايب
مثل فرق الجبال النايفه من سهلها

والتوافيق عندالله حظوظ و وهايب
عند رب يجازي كل نفس بعملها

اشهد ان الهدوم يسترن المعايب
اثرها تستر الحرمه وتستر فحلها

الاوادم بعضهم مثل وصف الجلايب
لو توحد بها ذيب الخلا كان اكلها

كم صبي تحسب انه ع الضرايب
وان بخصته , كرهت الديره اللي نزلها

مايسر ان حضر , وان غاب ماقيل غايب
مار الارزاق عند ربٍ لخلقه كفلها

مايضد الضديد ولايفيد القرايب
يوم نفسه تعدى حدها من زعلها
وفيه رجل يحل المشكله والنشايب
كل ماحملوه الواجبات احتملها
وااقفٍ للزوم ومرتكي للنوايب
والحمول الثقيله مالها الا جملها

ليت روحه قبل تركز عليه النصايب
حط عنه اربعين من الزلايب بدلها
وفيه منهو مسالم مايحب الطلايب
مشتقى من رضى نفسه ولا من زعلها
وفيه منهو اذا كبرت عليك المصايب
ساق وجهه وجاهه لك ونفسه بذلها


وفيه منهو يبا الجودا فلاشك هايب
كل ماناض صدره جى عضوده خللها

وفيه منهو يحل المعجزات الصعايب
اصغر افعاله الجزلات محدن فعلها

وفيه منهو يعيش وعيشته بالسبايب
كل ماسمعله غلطة من رفيقه نقلها

وفيه منهو على نفسه رضى بالغلايب
الله اللي رفع نفس ونفس خذلها

لو تبي تنصحه لله نجر الهبايب
انكرك والنصيحه ردها ماقبلها

اشهد انه عقوبه من كبار العقايب
قاصر المعرفه قلبه كما قلب بلها



.................... .................... .......... .........




لوعة المغرم


أعالج لوعة المغرم وتكبر لهفة المشتاق
بحسن رضايا أسوق خطايا أقدم رجلي وأفهقها


وأهوجس من طلوع الشمس لمغيبية الاشفاق
وابلوي رجلي في ظلام الليل مدري وش يوافقها


أبصبر وأتصبر ما أظن إن الصبر ما ينطاق
لقيت الصبر مر ولو يلوش الكبد يحرقها


الا يا كاملين المعرفة سلك الغرام دقاق
إذا صاب القلوب الله يعافينا يخرقها


أنا لي صاحبن خده ورا الشيله كما البراق
بعرض المزنه اللي مثل شمس الظهر بارقها


خلقها الله وزين خلقها وأخلاقها الخلاق
قليلن جنسها في زينها سبحان خالقها


لها عينن ليا لدت بها تذبح بها العشاق
وبها وصفن من عين المهاة وطول عاتقها


إلا ما شفتها ضاقت بي الدنيا وصدري ضاق
وأنا لولا الهواليك كان عيني ما تفارقها


أحب مشاهد الغالي عسى ماهو بحب فراق
ولو راحت بعهدي ما أغلي بالدنيا ومشرقها


إلا جا الليل ما شفته يزيد بقلبي الدقاق
معه روحي بسلك العنكبوت الله معلقها


ليا عرض عليا أقف مثل وقفة كسير الساق
وساعة الوداع أسرع من الكدلك دقايقها


أنا وياه جددنا القسم والعهد والميثاق
ولكن قدرة الله سابقه محدن يسابقها


تعاطينا العهد في واحدن من عاهده ما باق
مادام الناس ذاهبه فالنفس يذهبن لواسقها



.................... .................... .......... ............





نوم الليل


يا بعد نوم الليل عن حجر عيني
صبر على ما صار من وال الأقدار


صبرت صبر باح منه الكنيني
أضحك مع العالم وكني على نار


ما غير أهوجس بين نفسي وبيني
يعلم بها العلام في كل الأسرار


تقل اتحرى لي علوم تجيني
مع الطروش اللي يجيبون الأخبار


فهمت رأس العلم من كلمتيني
من يوم قالوا جا محمد ونصار


تكسّرت عقبه جرايد يميني
عز الله اني عقب ما صار صبّار


من عقبها ونيت لي ونتيني
ونة غريب بالخلا ضاع واحتار


لولا الله أبرك ثم قوة يقيني
لا طير مثل الطير من كف صقار


تخنقني العبره وأفرّك يديني
واحترت مثل مصالي النار والغار


علم يخلي كل قاسي يليني
كنه على قلبي رصاص أم كرار


الى ذكرت عياله المصغريني
هذا يعزيهم وهذاك زوار


احد على جنبه واحد له ونيني
جتني هموم القلب من كل الأقطار


قلت اصبروا والله مع الصابريني
الله يكافيكم صواديف الأشرار


عسى عوضنا الحي بالميتيني
ناصر ونايف ذخرا سر واجهار


وأحمد وعبدالله ذرانا الحصيني
صغار سن وان بدا اللازم كبار


يجبر عزاي اللي بخلقه ضميني
محيي العروق الميته عقب الأمطار


مالي عن المكتوب فوق الجبيني
لو رحت شرق وغرب ويمين ويسار


صليت نصف الليل لي ركعتيني
أطلب له اللي للخطيات غفَّار


خفف ذنوبه يا أرحم الراحميني
في ماقفٍ ما ينفعن فيه الأعذار


جعله برضوانك من الفايزيني
بالماقف اللي به يضيعن الافكار


في ماقفٍ به كل خافي يبيني
تمت وصلى الله على سيد الأبرار



.................... .................... .......... ..............




ود الخبر


ود الخبر للغضي وده
ود الخبر لاشقر الراسي

ابو ثليل الى كده
اشقر على المتن له كاسي

يازين صبري وصل حده
مانيب للي مضى ناسي

ماقدر على البعد والصده
ليل ونهار انت هوجاسي

عندي وكنك ورا جده
تقطعت عنك الارماسي

اللي سواة القمر خده
من شوفته مانقطع ياسي

والله لو طالت المده
ماقطع رجا ظبي الاطعاسي

لاصبر ولو طالت الشده
لو صابني منه وسواسي



.................... .................... .......... ...........




ولع الجناب


يالله الطف بحال العاشق اللي عيونه ماتنام الليل
حاجته دونها الموت الحمر مار قلبه وش يسوي به

دونها اللي حماهم بالخطر يحتمونه في ظهور الخيل
من قردة نصيبي ويش ابي بالبلاد اللي لها هيبه

ابعدوا نور عيني وابعدوني قهر والله قوي الحيل
الغلا لاع قلبي والهواجيس تقبل به وتقفي به

ليت مابه غرام ولامودة وحبٍ مقتفيه الويل
من تولع مع الأجناب ماظنتي تكمل مطاليبه

صرت انا والطواري والهواجيس تال الليل حط وشيل
صاحبي غاب عن عيني ولا ادري علامه طول الغيبه

امس شفت الوحش والتين فوق السحاب وحدر نجم سهيل
شهد ان الصحيح يشاف واللي يعرف العلم يدري به

قمت اعدل وابدل مار ماينفع التعديل والتبديل
راح قلبي مع المحبوب بيدينه الثنتين يومي به

جعل دارٍ خذت زين التواصيف عنا مايجيها السيل
لو بغيت ارسل المرسول ماهوب داري وش معازيبه

مال وقت الهوى بأهل الهوى والغرام الله يعدل الميل
المحبه عذاب القلب والهم يصبح به ويمسي به

كيف ست وثلاثين اتعبتني ومية من معه تحليل
لكل الرابح اللي مايعرف الهوى والحب يوحي به



,,,,,,,,,,,, ,,,,,,,,,,,, ,,,,,,,,,,,,,







اهلاوي997 غير متواجد حالياً   رد مع اقتباس
قديم 31 - 05 - 2008, 28 : 01 PM   رقم المشاركة : [9]
امبراطور نشيط
الصورة الرمزية اهلاوي997
 

اهلاوي997 will become famous soon enough





حــامـــــــــد زيـــــــــــــد





أثني عشر شهر


التحدي والتصدي عادة القلب الصبور
والصمود اقرب مسافة لكن الفترة دهر


والخساير عاندتني حوطتني بلف سور
والخيانه للامانه زودت قلبي قهر


كنت ابقدم للنهاية لكن الدنيا تدور
وقفت وياي ليلة وكتمل ضدي شهر


كل ماطلت الحقيقة وامتلا قلبي سرور
طاولتني من عذولي طعنة وسط الظهر


حرت اميز في دروبي بين نار وبين نور
بين هجعة ليل ولا صحوة اجفان وسهر


خانت ظنوني وعيوني خانني ذاك الشعور
اقطف الشوكة بكفي واحسب الشوكة زهر


مشتهر بلسان صادق ماحكيت الصدق زور
ولا حكي عني لساني ولا جهرت ولا جهر


كم كتمت السد وافي خايف اعصابي تثور
لين باح السد لما مدمعي بان وظهر


ولا طوت رجلي مسافة ولا اثر فيني شهور
ولا كوت قلبي حريقة ولا طفلي ضوى نهر


معتري درب النهاية بعبر ضفاف البحور
واشبك الدنيا بكفي وادفع ايامي مهر


ودام هذا عنفواني واضح بين السطور
من يلوم الدرب فيني لو قهرته او انقهر


وبتدى مرة جديدة ودام انا قلبي جسور
تجربة والعمر مرة والسنة اثنا عشر شهر



.................... .................... .......... .......




الثريا


ليه تطعني وانا ميت بليا
ما كفاك اللي حصل لي قبل ساعه

كن بين همومي وبينك حميا
جيتكم واحد جيتوني جماعه

انت منا والمصايب منيا
كلكم ضدي ترا ما هي شجاعه

ما ابشع من جروح طعنات القفيا
غير سكيناً تصيب بهالبشاعه

لا تتوب ولا تذوب ولا تريا
جرحها جرح وفضاعتها فضاعه

ترتوي من فيض دمي وتتفيا
وصار قلبي مثل اخوها بالرضاعه

وانت ليلاً لو ضويتها ما يضيا
ضعت فيه وشفت نفسي في ضياعه

اتهيا وين ما شفته تهيا
وارسي بمرساه وشراعي شراعه

من عرفته والمحيا في المحيا
وما يروح الا ذراعي في ذراعه

ان رضيت ارضيه وان عيت عيا
وان طلبني قلت له سمعاً وطاعه

ما عشقت من النجوم الا الثريا
وما ملكت من الكنوز الا القناعه

وانت وجيوش الموادع والجفيا
كيف اوقف ضدكم وانتم جماعه

لو بجيكم بالشجاعه والحميا
البلى ان الكثره تغلب الجماعه



.................... .................... .......... .




الذهب


يا كثر ما رافقت خلان واحباب
ويا كثر ما في شدتي هملوني

على كثر ما اعدهم ستر وحجاب
على كثر ما احتجتهم وتركوني

من صارت الخوه ثمن حفنة تراب
نفس الوجيه اللي نصوني نسوني

من غير ذكر عروق وفروق وانساب
كانوا ثلاثه والثلاثه جفوني

علمتهم شلون الاهداف تنصاب
ولما سواعدهم قوت صوبوني

عشاني اصغرهم عمر صاروا احزاب
عشاني اصدقهم قصيد اظلموني

اللي نجح اسمي زرع فيهم انياب
حتى النصيحه ما بغوا ينصحوني

دام العطايا عندهم دين واتعاب
والله لو اطلب ذنبهم ما عطوني

طالب نصيحه كني مطالب رقاب
وهي نصيحه كيف لو زوجوني

كنت اكتب لنفسي مشاريه وعتاب
ولا ادري ان اللي قروني .. قروني

تضاربت من دوني عقول والباب
واجد بغوا غيري وواجد بغوني

اقفل هدب تسهر على شعري اهداب
كني حبست رقادهم في جفوني

لو شفتهم واحد يشوفوني اسراب
من وين ما لدوا نظرهم لقوني

اثري وجودي بينهم محرق اعصاب
ومزعل بعضهم من بعض لو طروني

يا كبري بعيني وانا توني شاب
وهم كتاب الشعر حاربوني

حتى ولو يهوي على نجمي شهاب
يكفيني ان اسمي كبير بعيوني

جد قال ابوي انهبتهم قول ما هاب
لو يقدرونك قول ما تقدروني

ومدام قبري محتضن راس مرقاب
على كثر ما تقدرون ادفنوني

لو ماني بذيب نهشت جلدي ذياب
لو ما قدرت اثبت وجودي لغوني

لو ما سكنت وجيههم مت بغياب
لو ما عرفت امحي ورقهم محوني

ما جيت ابدبل كبدهم شعر وخطاب
لين دبلوا كبد اللي خلفوني

يا ويل وجهي كن للدمع مخلاب
ما جف ماه وما استحى من طعوني

كل ما طرا لي منظر مريب وارتاب
كان الوحيد اللي يحرك شجوني

قبلة صلاه وذكر وخشوع وكتاب
وامي على سجادة النور دوني

تدعي لي الله يفتح بوجهي ابواب
تتوسله بالشده يكون عوني

من كثر من خفاقها بالدعاء ذاب
صارت تحس ان زملاي كرهوني

بشرتها يماه معي ربع واصحاب
ماني لحالي واجد اللي يبوني

من يوم ما حاز قلمي كل الالقاب
قلطتهم في دفتري وحفظوني

الله وهبنيهم بني عم واجناب
من يوم جيت اعجبتهم وعجبوني

واعجابهم فيني ما هوب أية اعجاب
باسلوب بشرحي بطرحي بلوني

لو قلت عن نفسي بشر صرت كذاب
لو قلت دمي من ذهب صدقوني

لو بايدهم كان رزعوا دربي اعشاب
لو بكيفهم يتشبهون اشبهوني

من كثر من طبوعي قراب
حتى بلبسة شمغهم قلدوني

واجد دعوني واغلق من دوني الباب
وكثار في كيلهم ما بكوني

لو طالوا لهدمي مناسيب واطناب
كان وغلاتج من زمان هدموني

دام حطو فيني عيوب واسباب
جنبت عنهم مثل ما جنبوني

اصلا لو بقوتي شي ينعاب
ذبحت نفسي قبل لا يذبحوني

انا يدي لو ما كستمتني ثياب
نذراً علي لاقطع يدي من متوني

مو عيب اجي مدعو ولا اشوف ترحاب
العيب لو اني رجعت ان دعوني

ما دمت اجي ولا يحسبون لي حساب
حرمت اروح اذا يبوني يجوني



.................... .................... .......... ....




الفيصلي


في ظلال الله ساعة لا ظلال الا ظلاله
يالامير الفيصلي الوافي العف الامين



ياعناوين المروءه والشهامه والشكاله
يالرحيب اللي قريتك في وجيه الطيبين



خص مني بالكويت لفيصل الخالد لحاله
دون خلق الله وغيره من جميع المسلمين



يوم غيرك عن عطى يمناه ما تقوى شماله
انت طبعك بالعطايا كل كفينك يمين



قدرك اعلى من سفوح المزن واكرم من هماله
طيب والطيب يبقى لك على مر السنين



انت عنوان الرجوله وانت نبراس العداله
وانت للمحتاج يمنى وانت للعيا جبين




دامك الله يا ذراع المبتلي يا راس ماله
وعزك الله للصعاب وثبتك دنيا ودين





والله اللي عزنا بالدين من بعد الجهاله
حيث كنا خير امه اخرجت للعالمين



ويا صلاة الله على اللي بلغ وأدى الرساله
سيد الامه امام الأنبياء والمرسلين



وبعد ذكره في صلاتي لي ذكروا صحبه وآله
قلت : صلى الله على آله وصحبه اجمعين



.................... .................... ..........




انا والليل والعبرة


انا والليل والعبره وجرحاً وخاطر مكسور
ونفساً من هجير البعد والحرمان مقهوره

وقلباً ظامي لشوفه ولا يروي ظماه بحور
وعيناً تحتري لحظة غياب الطيف وحضوره

وناراً تطفي مره ومره تشتعل وتثور
واقول النار مقدوره وهي ما هي بمقدوره

حسبت الليل بغيابك يمرن اللي دهور
وكني شايل في قلبي بيال الوقت وشهوره

تصبرت وتقدرت وبنيت من الخيال قصور
الين ان الجفا شد الركايب وانتهى دوره

تحريتك على درب القصايد من ثلاث شهور
وحشى ما مات لك غصناً يشب الماي بجذوره

تخيرت الغرام وجيت لا راضي ولا مجبور
وجيتي تسبقين خطاج مرضيه ومجبوره

وانا ما كان لي رغبه ابين واكشف المستور
ولكن الغرام اكبر من الخفاق وشعوره

جمال وود وعيون ودلال وكبرياء شعور
وفتنه تخذل عيون النهار وينطفي نوره

والج في خافقي صوره تلاشت بين ظي ونور
واخاف اسكت من الفرحه وتنطق باسمج الصوره

عرفتج وانتهت رحلة قساوة دربي المهجور
والا يا جملة ايام الجفا والصد مشكوره

خذتني للجفى عزه واخذني للعناد غرور
واخاف اكون بعنادي حبيب ومات بغروره

واذا كانت مسافات الخيانه للغرام قبور
وش اللي يجبر العاشق يخون ويحفر قبوره

وش اللي يجبر الشاعر يدور للشعر جمهور
ما دام انتي محبينه وعشاقه وجمهوره


.................... .................... .......... .........




تفتكر لليوم وش منك خذيت


تفتكر لليوم وش منك خذيت؟؟؟
غير صمت وحزن وآهات ومواجع.......
قلت ماأنسى ولكنك نسيت!!!!!
كل كلمة حب تعيشني بواقع.......
شف انا من كثر ما أحبك وفيت
عمري مافكرت أمثل دور خادع.......
ياحسافة وقتي اللي لك عطيت؟؟؟؟
كيف تجهلني؟؟؟ وباالمره تقاطع؟؟؟؟؟
للأسف باالذات منك ماهقيت
تاخذ قليبي وصرت اليوم بايع!!!!!!!
عشت عمري في عذاب وبكيت
وصرت بدروبك أنا يازين ضايع......
ماذكر أني خنت أولحظه جفيت
أنا من طبعي ماأقوى أوادع..
ماعرفتك للأسف لكن دريت
أن حبك زاد بعيوني المدامع!!!!!!!!



.................... .................... .......... ...




صوت الفلاح


البارحه يوم اكتمل صوت الفلاح بمرقبي
سبت الكويت بكبرها تبكي ورا ظهري وجيت


اسج رجلي للمسا والليل يسبيني سبي
وانا من البارح معاه اسري ولا كني سريت


ما ارتح لين اني قريت اهلا بكم في ابو ظبي
في ذمتي ما كني الا وسط بيتي في الكويت


لأني ليامني نويت اسعى لتحقيق طلبي
ما ينثني عزمي على قولة لعل ولا يا ليت

ما قد تعبت الا لناس(ن) يستحقون تعبي
ولا عنيت الا لظل(ن) يحتويني لا عنيت


نصيتها من عقب وجه الله لوجه اليعربي
اللي ليا مني تذكرته ليا ضقت اعتزيت


فلاح ابن زايد يزود وتقصر متون وعبي
الشيخه اللي من دخلت لقلب راعيها دريت


ان الرفيق اللي يجنب خوة امثالك غبي
وان الطريق لباب بيتك يختصر مليون بيت


وان البخيت اهو الذي ياصلك لو كان يحبي
وان الذي يتعب قبل لا ياصلك ما هو بخيت


وإنك وطن ما حس فيه اني مسير واجنبي
وإنك نهر شربت منه ومن بعدها ما ضميت


وجهك غناي وراحتك كنزي وخوتك ذهبي
اغضب من اللي يغضبك وارضى ليا منك رضيت

يا شيخ انا ماني ملاك ولا رسول ولا نبي
انا الجميل اللي حفظك وبحتفظ بك ما حييت


انا رفيقك لا غداك الحزن يا شوق الظبي
انا شريكك لو حزنك ولو فرحت ولو سليت


خذني ذراعك صاحبك درعك معك باللي تبي
درعك ذراعك صاحبك انا معك باللي بغيت


اللي يحمله منكبك كأنه يحمله منكبي
إليا سهرت اسهر معك واغفى ليامنّك غفيت


يا سيدي لو يمتثل وزن القصيد لمطلبي
لاكتب فلاح بكل حرف وكل شطر وكل بيت


اكتب فلاح بمشرقي واكتب فلاح بمغربي
اكتب فلاح ليا ذكرت وبكتبه لامن نسيت


فلاح في صدري.. فلاح بكل شبر بكوكبي
فلاح فيّ وفي عروقي من هنيا للكويت


لا هنت يا مخجل يدي يا عزوتي يا مكسبي
يا شعري ليامن كتبت وصوتي ليامن حكيت


من يوم ما اوحيت الندى يجتثني من مرقبي
سبت الكويت بكبرها تبكي ورا ظهري وجيت


ما ارتحت لين اني قريت اهلا بكم في ابو ظبي
في ذمتي ما كني الا وسط بيتي في الكويت



.................... .................... .......... .........




فراق الاكابر


الله يعين العقل ويثبت الدين

في حزن لا منسي ولا هو بعابر

بصدورنا كأنه طعون السكاكين

وفعيوننا مثل الكفن والمقابر

حنا حزنا لشيوخ البعيدين

واشلون ما نحزن على الشيخ جابر

يا اكبر غلا تدمع على شانه العين

يا اعز من ناحة عليه المنابر

يا متعب بعطفك شموخ السلاطين

ومثبت بزهدك سمو المخابر

يا من خلقه الله وطن للمساكين

يا اصدق قصيد سيلته المحابر

رحت وتركت محبتك عندنا دين

علمتنا معنى فراق الاكابر

يا سيدي نلقى مثل طيبتك وين

وانت اللذي تكبر وغيرك يكابر

ان غاب جابرنا يجي جابر منين

واحنا ملاهيفك مثل ما انت خابر

حنا يبكينا فراق البعيدين

واشلون ما نبكي على موت جابر



.................... .................... .......... .....




قصة حياة


جتني ظروف للكدر مستعده
قامت تحدد لي الاحزان ميعاد


مرة مع حظي ومرات ضده
واليا تكدر خاطر القلب تزداد


في دنية خلقت على الناس نده
مردودها للخير تجرح واجهاد


إتجي على المظلوم وتبيح سده
واتجي على الظالم تساهيل وامداد


والصدق فيها ما لقى من يعده
والكذب يلقى له مع الناس شهاد


واللي فقد حق عجز يسترده
يصبح على تسديدة الدين معتاد


ومسكين من راد الزمن يستبده
عيت عليه اقدار الايام تنقاد


تطرح به الدنيا على القاع مده
مثل الفريسة والمقادير صياد


ضاعت حياته في لحاف ومخده
عدت عليه ايام بغفول ورقاد


وماله عن دروب الوعر من يصده
ولا هو عن دروب السلامات نشاد


تلطمه مو جات القدر فوق خده
وتخطي به الخطوة من بلاد لبلاد


حبله قريب وعاجز لا يشده
يحسب جميع الناس قاصين وبعاد


عاند حياته لو حياته تحده
وادى سنينه كلها عناد بعناد


إصحى من الغفلة ترى العمر حده
للوقت سجاته وللموت ميعاد


وهذي هي الدنيا تجي مستجده
تلقا بها المازح وتلقا بها الجاد


قصة حياة ومننا مستمدة
ويلزمها تنفيذ وإخراج وإعداد


عشنا على كف القدر فوق يده
الله خلقنا عباد ونفني له عباد


ولا حاصل للحي ماكان وده
ولا حاصل للي يموتون ميلاد


ويكفيني اني من ظلوه الموده
ومالي مع الخسران بالدين مقعاد


وإن جتني الغفلة علي اوقات شدة
اصبح لها صداد والقلب صداد


وتقدير ربي مالنا في مرده
ومعارض لتقديره إشراك والحاد



.................... .................... .......... .......




هموم بهموم


من يوم فرقانا الى يومنا اليوم
مافات يوم الا وهي مشغلتني
إليا غفيت اشوفها في حلا النوم
واليا صحيت بكل الافكار جتني
عشقتها من قلب ميس ومحروم
وتركتها يوم انها عاندتني
نار تشب بداخل القلب بسموم
حاولت اطفي ضوها واحرقتني
دنيا ثقيلة كلها هموم بهموم
كني حملت جبالها فوق متني


.................... .................... ........




اربع خناجر OoOo


مشكله لا جت حاجتك في يدين البخيل
ما يفكك لين تدفع كثر ما تدفعه

ومشكله لا صرت مطعون في كفوف الدخيل
في ظهرك اربعه خناجر وفي الظهر اربعه

ومشكله لا ضاق بالوقت رجال ثقيل
يطلب احبابه وعيا زمانه ينفعه

ليت ربي ما يحاسب خليلاً من خليل
دام مال للحظ فزعه ولا للوجه اقنعه

ودام مال العذل تالي وما بالحيل حيل
الغلا سماً نذوقه ومراً نجرعه

نحتري فيه اللقى والحصيل هو الحصيل
مثل حلماً ما تحقق وعيت اقطعه

كني اللي حط الشفاة في الجمر المرير
لا قدر يرميه للناس وازرى يبلعه

والظروف اللي حدتني لنيران وفتيل
عرضت دمع المحاجر لشي يجزعه

والمدامع بالغلا لا تحال ولا تحيل
والمشاكل كل ما جت جات مجمعه

اعذلوني عن هوا النفس وعيوني تخيل
في حبيباً ما تركته ولا زلت اتبعه

مغرما في حب مثله ولا ارضى له بديل
عيني تشوفه وقلبي يجوع ويشبعه

ذاك كل ما زان بالي وطالعت النخيل
ما ذكرت الا ثباته بوقت الزعزعه

ما هو الا قطعة من حشى قلب عليل
وماني الا قطعة منه مخلوق معه

لا جميلاً شفت قبله ولا بعده جميل
العذارى رهن رمشه وانا رهن اصبعه

والله انه لو طلبني طلوع المستحيل
لأطلعه مني مناك يعني لأطلعه

ما علي من الملامه ولا هرج الهبيل
ما اشجع الرجال لا ثيره غيره ما اشجعه

في عيون اللي عشقني ولا حاني هزيل
الله اللي حط عشقه في قلبي وزرعه

لو سكت ينظق له الصم والدنيا تسيل
وان حجى لو يمشي المزن ياقف يسمعه

سلسبيل من شفاته يخالط سلسبيل
معمعه بسكات واحلى سكات بمعمعه

ما هقيت ان اكثر الليل يمرح بالجديل
لين شفته شوف عيني بكفه يرفعه

وان حييت وما بقا لي معه ليل
لأسهره بأول غروبه واموت بمطلعه

والله ان العشق جمره وطاحت بالشليل
وان حصل ما طاعك الوقت في احبابك طعه

منهو اللي عداي نكران الجميل
ومنهو اللي خان خلي وحاول يقنعه

كل عاذل ردني عنك يالطرف الكحيل
يا عسى الله يقلعه يا عسى الله يقلعه

يامعرض قلب الاحباب بالدرب الطويل
السعه لا بارك الله بالضيق السعه

والله ان الوقت قاسي وانا ماني ذليل
واشهد ان الرجل مرات ظنه يخدعه

وانتم تعذلون خفاق بعيون العديل
ما رحمتم نار جرحه وحيرة مدمعه

والسوالف ليلها ليل والحايل يحيل
والمشاكل مشكله مشكله متجمعه

مشكله لاخانك الوقت بالحمل الثقيل
لو زرعت الزرع هوج العواصف يشلعه

ومشكله لاصار عاذلك ما يبرد غليل
لا ترده طيب كلمه ولا احد يمنعه

ومشكله لا صرت مطعون بكفوف الدخيل
في ظهرك اربع خناجر وفي الصدر اربعه



.................... .................... .......... .....




الجمهرة


اي بالله أخطو والخطا اللي جابهم عين الصواب
مبطي وأنا أشوف الطمع يكشف رداهم واستره

ما يملي عيون الحسود بهالزمن غير التراب
ومن لا يتوب من الخطأ تحرم عليه المعذرة

اللي من أولها خراب أكيد تاليها خراب
والبندق اللي ما تثور في هدفها تذعره

ودك اليا من جاتك الغلطة من الناس القراب
الصاحب اللي ما كسبت محبته ما تخسره

مشكلتي اني ما عرفت احسب لصدتهم حساب
قلبتهم صدري علي ذكرى القصيد وحنجرة

صوتا يصوت منبره وخطاب ما مثله خطاب
والطيبة اللي زعزعت صوت الخطيب ومنبره

مافيه دمعا صوبوها أحبابي بوجهي وخاب
ولا زرق حزني على غالي ولا فج نحره

كل الزهاب اللي معي ذكرى من أصحاب الزهاب
واللي بقالي من العذاب اشرف طريقي وأخطره

لأني تجنبت الغرق عديت من فوق السحاب
لان أكثر أصحابي ورق ما شفت للطيبة ثمره

والله ما حطيت بين الحقد والقوه حجاب
حتى غدوا ربعي يحدوني على الضيق اشكره

البارحة ثارت علي رقاب واوتني رقاب
البارحة يا ثقل دم البارحة ويا محقره

أهب يا وجه الحسد وشلون جمعهم وغاب
كيف السنيين اللي عطتني بعثرتهم بعثره

اثر المصايب ما تجييك إلا من الناس القراب
وبالهزمن حتى الرفيق اللي تثق فيه احذره

لا بارك الله في رفيق تزعله كلمته عتاب
ولا جمع الله الرجال اللي تفرقهم مره

عودت نفسي كل ما شددت لليمه ركاب
ما صد وجهي عن طريق إلا لاجبت اخبره

الصاحب اللي ما يجي من صحبته غير العذاب
نذرا علي ما هجرني ولا انا اللي بهجره

من يفتح لفرقاي باب أفكله عشرين باب
وإذا خوي ما يقدر خوتي ما قدره

وان روحوا فانا بري منهم ليوم الحساب
وان جرحوا قولو لهم ما حركوا في أشعره

شفهم لهم السنه ولا خذوا مني جواب
أحسن دواء للي يحاول يستفزك تحقره

انا جمعت أوراقهم بكتاب وغلقت كتاب
يا وقت لم اللي تلمه وانثر اللي تنثره

ما كنت احاتيهم صغير عاد احاتيهم شباب
اما ذخرني صاحبي لليوم الأسود مذخره

عقب اكتأب البارحة ما عاد انا احمل اكتأب
الطيب جرجرني وأنا ماني بناقص جرجره

اللي يخاف من الظما يتركلنا فرق السراب
واللي مب هو قد الظلام وحشته لا يسهره

انا تجرعت العطش لين احترق وجهي وذاب
انا كسرت بخاطري قبل الصداقة تكسره

انا خسرت اللي غيابه غير عن كل الغياب
انا غفرت لعالم ما تستحق المغفرة

انا كثر إنسان تعلم من كثر مخطأ وأصاب
انا أخر إنسان يتكلم في زمان الثرثرة

انا القصيد اللي فزع من دفتره مليون ناب
وأنا الوحيد اللي جمع مليون ناب بدفتره

جفني وجرحه هالسهر وحيلي وهدته الصعاب
دمعي هدر ضحكي ندر عمري وضيعت أكثره

شيبت فعقول العرب هيبت رووساً ما تهاب
جمهرت ناس عمرهم ما يعرفون الجمهره

ما صرت ذيب إلا لان لي حولييني ذياب
ما كنت أغيب إلا لان العفو عند المقدرة

تراه حلاتك لا حملت لصاحبك كلمة عتاب
إن ما نطقت بها بوجهه ما تهمه بظهره

في هالزمن ما يملي عيون الحسود إلا التراب
ولا الحضيض الطلقة اللي ما تصيبه تذعره

ودك اليا من جاتك الغلطة من الناس القراب
الصاحب اللي ما كسبت محبته ما تخسره



.................... .................... .......... .....





oOoO الذيب OoOo


انا قلبي على الفرقى نوا روحه بدون رجوع
مثل طير بلا سبق وبلا وكر وبلا راعي

تهيا للجفى خطوه يبي بقسى الطريق هجوع
يدور للعنا ملجا طريق قلوباً جزاعي

فديتك يالخفوق بحب وجرح وقطرتين دموع
قبل لا يجبرك خلك علي وتلوي ذراعي

تعنيت وسبقت الوقت ولا عشت الغرام اسبوع
انا ما ابي الدنيا هبوباً تطرح شراعي

لعبت بدوري العاشق وكنت تتابع المتبوع
تلعب عيني ادوار الرساله بأيدين الساعي

رقيت الحب من ساسه الى راسه ولع وخضوع
رجلا تصعد الهامه ورجلا تحتضن قاعي

عرفت ان الهوا ظالم مثل ظلم العطش والجوع
واظن اني يوم انا عاشق شبيه الغافي الواعي

غفيت بعشقي الخاين ووعيت بعمري المدفوع
واشوف القلب لأيامي غدا ناعي وانا ناعي

وانا بقبل على الفرقى وبضوي للظلام شموع
ولا لي بالشقى حاجه ولا به للسفر داعي

وببدي رحلة الفرقى وبرحل وانهي الموضوع
مدام ان العذول اللي لبس ثوبي مع قناعي

ابعرف يا ترى بعدي من اللي بيقطف المزروع
وانا مالي في هالدنيا سوا خلي ومرباعي

سطا ذيباً على المرعى وسلمت بخافقاً مفزوع
وفدوه لو يموت من القطيع ويسلم الراعي



.................... .................... .......... .......




الخطا المقصود


الله اكبر والخطا المقصود ما يدمح بتوبه
والمشاكل دوم تاقف للبنادم عند بابه




والبنادم تحت رحمة واحد يغفر ذنوبه
والبشر كل بقدر عبادته يلقى ثوابه




ما خلقنا الله نعيشك يالزمن عيشه كذوبه
ولا خلقنا لليدين الخاينه ننهب نهابه




انظلمنا في نهار عيبنا نجهل غيوبه
والرجل لو انه آمن ما يصدق ما جرابه




ما حصل بثنين اغسطس من شروقه لي غروبه
يوم يبقى للعروبه جرح ما يبرى صوابه




الخطا اللي ما تغفره بالحساب اكبر عقوبه
ما سعينا في لقاه ولا سلمنا من عذابه




ابتلينا والقدر غلاب والنفس امغلوبه
في سفيه ما يعرف من العمار الا خرابه




ارتدى ثوب الجهاد وقاد للظلما شعوبه
يوم عجل في لقانا عجل الله في ذهابه




بالردى خرب بلاده فوق ما هيب امخروبه
زود صدور الخلايق مع كآبتها كآبه




مجرم من خيبته يحصد نجاحه في رسوبه
كن ما بالحقد درب للقلوب الا مشابه




ادعى فرض الحموة والمروة في حروبه
يحسب ان الناس تخشي زمرته والظن خابه




من يقول ان الشجاعة فالرجل تمحي عيوبه
والله ان الغدر ما زاد الشجاع الاعيابه




الجهل بالحرب يحني هامة المذلول صوبه
مثل ما يحني سبيب الصاهله قوس الربابة




والبلاد اللي تبات وتصبح الصبح امحروبه
ماتبنت فعل كاذب لجل تتحمل عقابه




ديرة ولها سيادة شعب ما هيب امغصوبه
تحتمل غلطه سفاهة حكم من حضرة جنابه




الوطن دونه رجال للعدا صارت عقوبه
ما تعرف من التفادي والخطر كود إرتكابه




كا من حاول لقاهم ما اتقاهم عزروبه
وان تلاهم وابتلاهم يسحبونه من ثيابه




دمنا لا خضب تراب الوطن زاده خصوبه
ودمعنا لا لامس القاع الوجل طهر ترابه




وطبعنا لا ثارت الهيجا وشق السلم ثوبه
من نصانا مرحبا به مرحبا به مرحبا به




اجتمعنا والبحر قدام وايقنا ركوبه
والليالي ما تثمن طعنة الرجل وصوابه




كا مازدنا صلابه ضدها زادت صعوبه
وكل ما زادت صعوبه وامحلت زدنا صلابه




وقتها ما نعرف امن الامتحان الا وثوبه
نبتلا وضلوع شجعان العرب تحطب حطابه




اتجهنا للكويت ولا عرضنا عن دروبه
والعمر عيا يساوي عندنا جنح الذيابه




اتحدنا للعمار جيوش لجيوش امعقوبه
وانطلقنا من ربوع المملكة عز ومهابه




ما ذخر عنا زعيم المملكة لو ربع طوبه
بيض الله وجه ابو فيصل ولا فيها غرابه




عادة الرجل الخليجي لا انظلم شبت شبوبه
والتكاتف ما يزيد المسلمين الا قرابه




تذكرون بيوم تحرير الوطن من من سطوبه
كيف يمطرن الهمايل والوطن تروي هضابه




دوبه يغسل القبور الطهر من الدم دوبه
دمع عينين الكويت اللي تحدر من سحابه




لا تكف الدمع عينك كل ما زود صبوبه
البكا ما زاد حسنك بالعيون الا ذرابه




يالقلوب الممحلة لا رحم ابو منتي قلوبه
يا عداة المسلمين ولعنة الدين وكتابه




يا لكلاب اللي تنابح بالشهر عشرين نوبه
واقلعوا عنا غثاكم لعنبوا منتم كلابه




الكويت... ولا بدال بلاد اخو مريم رحوبه
من بعد ما صار مالا يحسب المسلم حسابه




جنة الله في ثرانا صاغها الخالق عجوبه
فتنة عيون البنادم كل ما طول غيابه




درة البحر الخليجي من شماله لي جنوبه
شجرة تكبر ويكبر ظلها عطف ورحابه




وش يغيض الا هنوف تنذبح يوم الخطوبه
ردها عقب الله..اللي لا انتهض للحق جابه




جابر ولا غير جابر حاكم شعبه رضوبه
الزعيم اللي يهاب الموت منه ولا يهابه




قايد لنهضة ثبات الشعب نبراس العروبه
جامع حكمه شداد الرأي واعراف الصحابه




عقله اركد من ثبات طويق واخطاه امحسوبه
كن نصف العقل ثقل ونصفه الثاني لبابه




دامه الله قايد محبوب ف...بلاد امحبوبه
وعزه الله عزوة للشعب من يوم اعتزابه




والرواسي ما تهاب الريح لا هبت هبوبه
والمزايا عند حكام البلد جات اتشابه




يا سعد... يا سعد من خلاك حكمه تنوبه
خصك الله ياطويل العمر في حسن الانابه




انت ما تفخر بنسبك للكرام وانته جيوبه
الكرم نفسه هو اللي يفتخر بك بانتسابه




يا ولي العهد يا زبن الرجال اليا انتخوبه
يا ذراع الشيخ جابر بالسلام وبالحرابه




شعبكم رهن الاشاره سمع وعيون إمعصوبه
كلنا يوم الملاقي لا به من دون لا به




والولا لإخوان مريم بالفدا يفرض وجوبه
مثل ما تفرض زكاة المال لا كمل نصابه




ويالكويت الله يديمك طول الايام مهيوبه
ويا عساها من شفاهي للسما دعوة مجابه




قلتها والشعر كني تارك دوبي ودوبه
يحرث قلوب الخلايق وازرع بذور الكتابه




شاعر مالد شوفه للقريب وقال توبه
التفت لا قصى طموحه وانطلق باول شبابه




والشعر مااحدن يعيبه لو يطول وبه
عذوبه=بس لي كلمة اخيره والكلام اسد بابه




كلمة من وقت قيلت وامست سنين امحجوبه
جيت ابنطقها عن لسان الخلايق بالنيابه




بالعرب سبة ضياع العالم النامي شعوبه
والتكاتف ما يزيد المسلمين الا قرابه



.................... .................... .......... ......




انتي ولا شي


والله وصرتي تستهينين فيني

وانا الذي سويت لك قدر بيديّ

تدرين وش كنتي قبل تعرفيني ؟

ان قلت لك كنتي ولا حاجة شويّ

انا الذي فرشت لك رمش عيني

وعملت منك شي وانتي ولا شيّ

جيت اعشقك ما جيتك لك تحقريني

جيت اسكنك بسمة ما هو بسكنك غيّ

لا صرت عامل لك قدر قدريني

ترا الكرامة صفحة ما لها طيّ

ما دام ما جيتي غلا لا تجيني

نار الجفا عندي ولا الذل بالفيّ

والله لاهجرك قبل لا تهجريني

اجل تبيعيني واجيلك برجليّ

يا تتركين الكبر يا تتركيني

لأن المحبة شي والمهزله شيّ

إن كانت الدعوة غلاي وحنيني

يمكن يزول الحقد ويشعشع الضيّ

لكن حكاية ينحني لك جبيني

في ذمتي ما ينحني لك وانا حيّ

القصيده :انتي ولا شيّ

والله وصرتي تستهينين فيني

وانا الذي سويت لك قدر بيديّ

تدرين وش كنتي قبل تعرفيني ؟

ان قلت لك كنتي ولا حاجة شويّ

انا الذي فرشت لك رمش عيني

وعملت منك شي وانتي ولا شيّ

جيت اعشقك ما جيتك لك تحقريني

جيت اسكنك بسمة ما هو بسكنك غيّ

لا صرت عامل لك قدر قدريني

ترا الكرامة صفحة ما لها طيّ

ما دام ما جيتي غلا لا تجيني

نار الجفا عندي ولا الذل بالفيّ

والله لاهجرك قبل لا تهجريني

اجل تبيعيني واجيلك برجليّ

يا تتركين الكبر يا تتركيني

لأن المحبة شي والمهزله شيّ

إن كانت الدعوة غلاي وحنيني

يمكن يزول الحقد ويشعشع الضيّ

لكن حكاية ينحني لك جبيني

في ذمتي ما ينحني لك وانا حيّ



.................... .................... .......... .




حد علمي


حد علمي بالغلا يوم كنت اسوا كثير
يوم كانت ضحكتي طبع وعنادي سمه

وحد علمي بالعنا يوم خفاقي ضرير
قبل اهدم العشق وابنيه وارجع واهدمه

وحد علمي بالبكا يوم لي قلب وضمير
قبل اشوف المسلم يموت بأيد المسلمه

ايه عدت من يدي بس ما عدت بخير
ليلة عيت تجيني وجتني مظلمه

من عرفت احساسها كن في قلبي نذير
والنهار المكتأب باين من مقدمه

ليلة حسيتها ما تجور ولا تجير
مثل طفلاً ما حقرته وعيت احشمه

واصبحت مثل شعره واقسمت ظهر البعير
وابتدا في موتها الجرح من حيث ختمه

صار لي في العشق ما لا هقيت انه يصير
ان ظلمت بعشرة انسان ما كنت اظلمه

العشير اللي تبرا من ظلوع العشير
الحلا عزز خطاياه والحظ خدمه

لا تبسم يكسر النور فعيون البصير
وكن شمس المغربيه تبات في مبسمه

معتدل في قامته لا طويل ولا قصير
ممتلي بالزين من معصمه لي معصمه

فيه بألوان الهدب لون غير ولون غير
مثل ما للرمش بالعين قصه مبهمه

كنها نكس البيارق على شط وغدير
ومثل لملمة الشتات بشتات اللملمه

في سواد مجدل ما يثور الا يثير
كنه اللي ينهم الريح ثمن تنهمه

ما تجمع لين قيد حريراً مع حرير
في ظلام علم الليل ما لم يعلمه

ما هقيت ان الهدب صلب واجفانه تغير
لين سلهم لعن ابو جد ذيك السلهمه

ما عتقني لين ساق البشاير للبشير
يوم صد وجاه قلبي بشحمه ولحمه

والله انه حط قلبي تحت رحمة شطير
في يديه وكل ما اراد يقسمه قسمه

لو صحيح ان الحبيبين يجمعهم مصير
كان نفس اللي حرمني من النوم حرمه

والله ان مروتي ولعة فيني سعير
يوم شفته تل قلبي وداسه بقدمه

ما رحم زهرة شبابي وانا توني صغير
لين ضيق خاطري ضيق الله نسمه

ايه عدت من يدي بس ما عدت بخير
ليلة عيت تجي بس جتني مظلمه

حد علمي في عناها عذاب وزمهرير
يوم قمت توحي بالاضلاع صوت وهمهمه

وحد علمي في الرجا من نصير ليا نصير
يوم شفت النفس تذبح وهي مستسلمه

وحد علمي بالبكا يوم لي قلب وضمير
قبل اشوف المسلم يموت بأيد المسلمه



.................... .................... .......... .....




عاتبوها


عاتبوها "
بعد ماقابلتني عاتبوها
على شوف الحبايب حاسبوها
خذوها وبعدوها غضب عني
وعن وجهة طريقي جنبوها
وشالوها عن عيوني غصيب
عواذل وغصبوني وغصبوها
خذوها من يديني شوف عيني
وعن عيني تعدوا وحجبوها
كلام وصدقو با البنت كذبة
وهم الي من اول كذبوها
وهم وش دخلهم في مال بيي
لبوها والخلايق طالبوها
وفية ما تخون ولا تعاند
جسورة والمواعيد ارعبوها
ملاكن كاملة والكامل الله
ولكن العواذل عقربوها
وهي كل ما دعتني تشتكي لي
عن الي سالفتنا سربوها
تخاف وتلتفت مع كل كلمة
تظن ان العواذل راقبوها
تلفت من عقب ما هي جريئة
شجاعة ما تهاب وهيبوها
واهديها وانا حاير وثاير
مصيبة يا عذابن عذبوها
وهم كل ما خذوها عن طريقي
تراهم صوب قلبي قربوها
وانا ما تعبت قلبي خيانة
خيانة رتبوها وحسبوها
ولا يعجز خفوقي لا يقابل
جفا من حاربوه وحاربوها
وانا لي عزتن تفرض عليه
اخاطب با الجفا من خاطبوها
واكسر لوحتا الماضي وزيله
واخربها مثل ما خربوها
واذوقهم ندم ما صار فيها
واشربهم من الي شربوها
وادلعها واولعها بنفسي
واشرقها بعد ما غربوها
واعوضها عن الي راح كله
وعن ذيك الليالي كل ابوها
غلاها با الحشا لازال ثابت
ولو حتى بغيري حببوها
وغلاي بقلبها مر وتعدى



.................... .................... .........




صوت الفلاح


البارحه يوم اكتمل صوت الفلاح بمرقبي
سبت الكويت بكبرها تبكي ورا ظهري وجيت


اسج رجلي للمسا والليل يسبيني سبي
وانا من البارح معاه اسري ولا كني سريت


ما ارتح لين اني قريت اهلا بكم في ابو ظبي
في ذمتي ما كني الا وسط بيتي في الكويت


لأني ليامني نويت اسعى لتحقيق طلبي
ما ينثني عزمي على قولة لعل ولا يا ليت

ما قد تعبت الا لناس(ن) يستحقون تعبي
ولا عنيت الا لظل(ن) يحتويني لا عنيت


نصيتها من عقب وجه الله لوجه اليعربي
اللي ليا مني تذكرته ليا ضقت اعتزيت


فلاح ابن زايد يزود وتقصر متون وعبي
الشيخه اللي من دخلت لقلب راعيها دريت


ان الرفيق اللي يجنب خوة امثالك غبي
وان الطريق لباب بيتك يختصر مليون بيت


وان البخيت اهو الذي ياصلك لو كان يحبي
وان الذي يتعب قبل لا ياصلك ما هو بخيت


وإنك وطن ما حس فيه اني مسير واجنبي
وإنك نهر شربت منه ومن بعدها ما ضميت


وجهك غناي وراحتك كنزي وخوتك ذهبي
اغضب من اللي يغضبك وارضى ليا منك رضيت

يا شيخ انا ماني ملاك ولا رسول ولا نبي
انا الجميل اللي حفظك وبحتفظ بك ما حييت


انا رفيقك لا غداك الحزن يا شوق الظبي
انا شريكك لو حزنك ولو فرحت ولو سليت


خذني ذراعك صاحبك درعك معك باللي تبي
درعك ذراعك صاحبك انا معك باللي بغيت


اللي يحمله منكبك كأنه يحمله منكبي
إليا سهرت اسهر معك واغفى ليامنّك غفيت


يا سيدي لو يمتثل وزن القصيد لمطلبي
لاكتب فلاح بكل حرف وكل شطر وكل بيت


اكتب فلاح بمشرقي واكتب فلاح بمغربي
اكتب فلاح ليا ذكرت وبكتبه لامن نسيت


فلاح في صدري.. فلاح بكل شبر بكوكبي
فلاح فيّ وفي عروقي من هنيا للكويت


لا هنت يا مخجل يدي يا عزوتي يا مكسبي
يا شعري ليامن كتبت وصوتي ليامن حكيت


من يوم ما اوحيت الندى يجتثني من مرقبي
سبت الكويت بكبرها تبكي ورا ظهري وجيت


ما ارتحت لين اني قريت اهلا بكم في ابو ظبي
في ذمتي ما كني الا وسط بيتي في الكويت



.................... .................... .......... .........




قالها حامد


تمادي وأنا مثلك تماديت بهجر وبعاد
وكلٍ مثّل عناده خفوقٍ ثابتٍ صامد

وإذا عندك بعادي عيد ترى عندي جفاك أعياد
وعسى طول الجفا مني يليّن قلبك الجامد

أبضحك وأظهر البسمة ولو إن الجروح اجداد
وترى قلب الحريقة ضو ولو وجه الحطب رامد

بكون أكبر من الغلطة وبعلن للهوا ميلاد
إذا كان الخطا منك مجرّد ثورة الخامد

وإذا كان الجفا منّك مسافات وغلا وعناد
تراي أكبر من عنادك وقولي قالها حامد



.................... .................... .......... .......




لعنبو قصة غرام كل ابوها كلمتين


لعن أبو قصة غرام كل أبوها كلمتين
أبتدينا عند أحبك وأنتهينا عند باي
تونا ماقد مشينا بالهوى لو خطوتين
وأنتهت كل المسافه دون علم عن خطاي
كيف تنهين المحبه وبسهوله تحكمين
وين أحبك وين أبيك وين ساكن في حشاي
يمكن أنك ماعرفتي يوم جيتي تعشقين
ولا أنك تحسبيني بتبعك من دون راي
ويمكن أصلا ماعشقتي بس كنتي تلعبين
ويمكن أنك ماقدرتي توصلين لمستواي
ويمكن أني ماعرفت بالحقيقه وش تبين
ويمكن أني خنت نفسي يوم سلمتك وفاي
خبريني بالهوى يالخاينه وش تعرفين
تعرفين أنك صرتي كل شي يجري في دمي
علميني بالعطاء والتضحيه وش تفهمين
لعن أبو حيك عشانك عفت أقرب أقرباي
كنت أحطك في عيوني تسرحين وتمرحين
كنت أشيل هموم قلبك وهمومي وأرميها وراي
كنت أطير من السعاده يوم أشوفك تضحكين
كنت ذايب في هواك مثل سكر وسط ماء
كنت نايم فالعسل وأرسم من الفرحه سنين
كنت أظنك قلب عاشق ماسكن وسطه سواي
مادريت الا وأنتي في خفوقي تطعنين
مادريت الا وسيفك بالحشا رايح وجاي
وردة أي والله ورده بس عرفتي تجرحين
كل شي فيني جريح الا فخامة كبريائي
ماتأثرت بغيابك وش يعني دمعتين
بكره أنسى صدقيني وأرجع بكامل قواي أدري أفترقنا
بس أبفهم أمرين علميني وش كسبتي
وعلميني وش خطاي أصلا الموضوع
كله ماتعدى كلمتين التقينا عند أحبك وأفترقنا عند باي



.................... .................... .......... ..........




يا كثر ما رافقت خلان واحباب


يا كثر ما رافقت خلان واحباب \ ويا كثر ما في شدتي هملوني

علي كثر ما اعدهم ستر وحجاب \ علي كثر ما احجتهم وتركوني

من صارت الخوه ثمن حفنت تراب \ نفس الوجيه الي نصوني جفوني

من غير ذكر عروق وفروق وانساب \ كانوا ثلاثه والثلاثه جفوني

علمتهم واشلون الاهداف تنصاب \ ولما سواعدهم قوت صوبوني





عشاني اصغرهم عمر صارو احزاب \ عشاني اصدقهم قصيد اضلموني

الي نجاح اسمي زرع فيهم انياب \ حتي النصيحه مابغو ينصحوني

داعم العطايا عندهم دين واتعاب \ والله لو اطلب ذنبهم ما عطوني

طالب نصيحه جني مطالب ارقاب \ وهي نصيحه كيف لا زوجوني

كنت اكتب لنفسي مشاريه واعتاب \ ولا ادري ان الي قروني قروني





تضاربت من دوني عقول والباب \ واجد بغو غيري واجد بغوني

اقفل هدب تسهر علي شعري اهداب \ جني حبست رقادهم في جفوني

لو شفتهم واحد يشفوني اسراب \ من وين ما مدو نضرهم لقوني

اثري وجودي بينهم محرق اعصاب \ ومزعل بعضهم من بعض لو طروني

ياكبري بعيني وانا توني شاب \ واهم كتاب الشعر حاربوني





حتي ولو يهوي علي نجمي شهاب \يكفيني ان اسمي كبير بعيوني

جد قال ابوي ان هبتهم قول مهاب \ لو يقدرونك قول ما تقدروني

ومدام قبري محتضن راس مرقاب \ علي كثر ما تقدرون ادفنوني

لو ماني بذيب نهشت عضمي ذياب\ لو ماقدرت اثبت وجودي لغوني

لو ماسكنت وجيهم مت بغياب \ لو ما عرفت امحي ورقهم محوني





ماجيت ابدبل كبدهم شعر وخطاب \ لين دبلوا كبد الذي خلفوني

ياويل وجهي جن لدمع مخلاب \ ماجف ماه ولا استحي من طعوني

كل ما طرالي منظر مريب وارتاب \ كان الوحيد الي يحرك شجوني

قبلت صلات وذكر وخشوع وكتاب \ وامي علي سجادة النور دوني

تدعيلي الله يفتح بوجهي ابواب \ تتوسله بشده يكون عوني





من كثر ما خفاقها بدعي ذاب \ صارت تحس ان زملاي كرهوني

بشرتها يمه معي ربع واصحاب \ ماني لحالي واجد الي يبوني

من يوم ماحاز قلمي كل الاقاب \ قلدهم في دفتري واحفضوني

الله وهبنيهم بني عم واجناب \ من يوم جيت اعجبتهم واعجبوني

واعجابهم فيني مهو بيت اعجاب \ بسلوب بشرحي بطرحي بلوني





لو قلت عن نفسي بشر صرت كذاب \ لو قلت دمي من ذهب صدقوني

لو بيدهم كان زرعو دربي اعشاب \ لو كيفهم يتشبهون اشبهوني

من كثر ما صارو من طبوعي قراب \ حتي بلبست شمغهم قلدوني

واجد دعوني واغلقو دوني الباب \ وكثار ناس ابكيلهم مابكوني




لو طالوا لهدبي مناصيب واطناب \ كان وغلاتج من زمان اهدموني

ما دام حطو فيني عيوب واسباب \ جنبت عنهم مثل ما جنبوني

اصلن لو ان بخوتي شي ينعاب \ ذبحت نفسي قبل لا يذبحوني

انا يدي لو ما كست متني ثياب \ نذرن علي اقطع يدي من متوني



.................... .................... .....




الأم


قصيدتي زاد بعيونها بجمالها..
وأخذت انقى بالمعاني جزالها..
واكتب معانيها من الشوق والغلا..
لأمي وانا اصغر شاعر من عيالها..
كتبتها في غربتي يوم رحلتي..
لما طرا لي بالسفر ماطرالها..
امي وانا بوصف لها زود حبها..
وان ماحكيت لها قصيدي حكالها..
امي لها بالقلب والجوف منزله..
ومكانة ماكل محبوب نالها..
اقرب من ظلالي وانا وسط غربتي..
وانا تراي اقرب لها من ظلالها..
ماشافت اعيوني من الناس كلهم..
اتبع رضاها وارتجي زود قربها..
واللي طلبته من حياتي وصالها...
الصدق مرساها والأشواق بحرها..
والعطف واحساس الغلا راس مالها..
اهيم فيها وابتسم يوم قلبها..
تسال وانا قلبي يجاوب سؤالها..
وان طلبتني شيء فزيت مندفع..
اموت انا واحمل تعبها بدالها..
واصبر على الدنيا والأحزان والتعب..
واحمل على متني فطاحل جبالها..
واسهر واعذب راحة القلب بالشقا..
واعيش اعاني بس يرتاح بالها..
تربية ابوي اللي على الطيب بذكره..
اللي وهبني للحياة ومجالها..
نور لي ادروبي وانا طفل مبتدي..
حتى تركتني واحد من رجالها..
الوالدين اولى بالإحسان لجلهم..
واولى بتكريم النفوس وعدالها..
اقولها وانا على الله متكل..
والله يعلم بقدرتي واحتمالها..
ياكلمة اغلى من الناس كلهم..
ياشمس بقلبي بعيد زوالها..
يافرحة تملي لي الكون بالحمله..
ياشجرة تكبر ويكبر ظلالها..
تضحك لي الدنيا ليا شفت زولها..
مثل السما تزها بطلة هلالها..
والبعد عنها ياهل العرف مااقدره..
لاشك ناري زايده بإشتعالها..
مااعيش ببلاد ولاهيب بارضها..
ولابي عيوني كان ماهي قبالها..
ارض تدوس امي بالاقدام رملها..
اموت فيها واندفن في رمالها..



.................... .................... .......... ....




الحلم


بوقت من البطاء .. وبليل تتراقص شياطينه

بعد شفت الضياء.. ينزع من ثياب المساء ثلثين

تحايلت المنام.. اللي مثل بيتك تمرينه

وأنا اللي من تفارقنا.. وأنا ما غمّضت لي عين

غريبة كل حلم يمر.. برقادي تزورينه

والاغرب..كيف أحلم الحلم.. وارّجع وأحلمه بعدين؟

قبل يومين شفتك بالمنام.. وقمت من حينه

ونمت امس ورجع.. نفس المنام اللي قبل يومين

أنا اللي قبل اسافر.. شلت قلبي من شرايينه

تركته في يدك مثل الأمانة .. وأحفظيها زين

ترى حفظ الأمانة دين..مجبورة تردينه

أجل مافيه احد قد قال لك .. حفظ الأمانة دين ؟




مردّ المقّفي بيلّفي..ويستوفي وتوفينه

بعد ليلة..ثلاثة.. أربعة..عشرة.. شهر.. شهرين

إذا انتي ماانتي بقدّ الكلام اللي تقولينه

حرام أستامنك حاجة واذا جيت .. اطلبك تنسين

تخونين وتبين أرضى.. وأحد يرضى تخونينه؟

أنا لاجيت اخونك .. مع حبيبة ثانية"ترضين"؟!

من أول ما رجعت من السفر ما شفت لك بينه؟

وأنا اللي كنت احسبك قبل ادوس ارض المطار.. تجين

تكونين انتي اول شخص.. تحتضن عيني عينه

وكنت اتخيلك من زود فرحة رجعتي.. تبكين

وأشوفك بدمعتك حكيك.. وأعرفه قبل تحكينه

واجيب احلى من اللي بتحكينه.. وأتركك تحكين

تقولين: الوطن نوّر..وأقول: بنور مضوينه

تقول لي: غديت احلى وأقول: عيونك الحلوين



كلام نام بشفاهك وخفتي لا تصحينه

ذخرتيه لغرام اللي ينام.. ويتركك تصحين

تغانمتي غيابي لين رجّحتي موازينه

تعلّم من يدك لمس الكفوف .. وعلّمك تجفين

وليتك لاقية به شي..فيني ماتلاقينه!

مهوب غرور.. لكن خابرك .. مالك أمل تلقين

تغافلك بغلا.. وإلاّ الحلا مهوب من زينه

تزيّنه الصّور.. بس الصحيح ابن الحلال "زوين"

وانا مانيب ناقصٍ عنه.. يوم أنك تبدّينه

نصيبي هو نصيبي.. لو يسدّدها من الصوبين

قنوع بمظهري.. والسم ما يذبح ثعابينه

على قول المثل "ماني حلو.. لكن ماني شين"!

إذا أهداك الزهر مرّة ..فانا اهديتك بساتينه

وإذا الهاك بفرح ليلة.. فانا تهت لبكاك سنين


وإذا أستضعفتك أملاكه.. وشتّتك ملايينه

أنا حتى فتات الخبزة .. أقسمها معك نصين

طموحي بس أجي وأظفر.. بشيٍ تستحقينه

تديّنته ..تسلّفته ..سرقته.. مو مهم ..منين ؟

كأني من كثر ما ارضى ..بكل اللي تمنينه

لو أنك تطلبين الله.. يعنيني بقول: آمين!

أنا ما العب على الحبلين ..وقت الطيش وسنينه

تبين الحين ..يوم أني كبرت ألعب على الحبلين؟!

ترى عند البدو.. بالذات عيب اللي تسوينه

حلاتك لا عشقتيني.. تعشقيني ليوم الدين

حرامٍ نسكن ضلوعه .. حشيمة من مجانينه

جفا يجمع معزتنا.. ولا عشقٍ يذل اثنين

كثار اللي تحدّوني .. وقالوا لي تحبينه

أمانة.. لا تخليني صغير بعينهم " تكفين"


لأني كل ماقالوا: "تخون"..أقول: مسكينه

عليك الله وأمانه.. علّميهم من هو المسكين

أنا خايف لا طاح الجمل .. تكثر سكاكينه

وأنا ماعاد بضلوعي.. مكان لطعنة السكين

مثل ما قالوا: المكتوب .. واضح من عناوينه


لو ارحل منك للغربة.. باأسافر من ظلامك وين؟

كفايه كل حلم.. يمر برقادي تزورينه

كفاية من تفارقنا.. وأنا ما غمضت لي عين

قبل يومين شفتك.. بالمنام وقمت من حينه

ونمت أمس .. ورجع نفس المنام اللي قبل يومين




.................... .................... .......... ..





السبع العجايب


اسمعي والكل منا له هواه وله ميوله
لا تمسين بكلامج شعره برووس القرايب

ان حجيتي ما وفيتي وان تحديتي عجوله
تحسبين ان كل فعلاً تفعله يمناج صايب

تحسبين انج خذيتي في الحشى صوله وجوله
تحسبين اني ذكرتج مع نسانيس الهبايب

والله انج لو ذبحتي خافقي لألقاج حوله
عاشقاً تشقى بقلباً من طريق العشق هايب

كم رضيت اسكت عليج من القهر وانتي زعوله
خايف اضحك واستفزج واهجرج واعيش ذايب

ادعيت انج خجوله وادري ان ما انتي خجوله
وادري انج تخجلين الشمس من فوق السحايب

ما يحببني بقلبج يا الهنوف الا فضوله
وما ينسيني غرامج غير تكرار المصايب

عاشقة جيتي ورحتي يا الحبيبه يا العذوله
ما بنيتي لي طموح ولا تركتيها خرايب

تستبحين القلوب وتستحقين البطوله
واستحق اعيش بعدج تايب واموت تايب

يا كثر ما شال قلبي شياً اكبر من حموله
ولا عفيتي عن غلاه ولا بخل لج بالوهايب

كنه ارحم من همال المزن للزهر بذبوله
وانتي اقسى من سموم البيض وكفوف اللهايب

وانتي ادرا في غلاج بداخلي وش اللي يزوله
وادخلي دخله على الله واحفظي ذيج السبايب

ما خبرت اللحظه اللي حللت قربج تحوله
ولا هقيت اني بشدد للجفى درب وركايد

وما هقيت انج تحبين الزلل وانتي جفوله
وما هقيتج تكرهيني كثر حبج للطلايب

كن قلبي في وصالج وابلاً لحظه نزوله
وفي فراقج مثل دمعه تنحدر من عين شايب

كنت ابي وقفة حبيبه تنهض القلب بحموله
طموحاً بالحب وانتي عايبه والحظ عايب

كنت غصناً كل كفاً غير كفج ما يطوله
كنت درب ودمعتين وقلب وجروح عطايب

كنت ابيع العمر كله وارخصه عرضه وطوله
للعيون اللي هدبها ثامن السبع العجايب

بس ابرضي لج غرورج واكسر القلب بذهوله
وقتها ما كنت افكر صايباً لو كنت خايب

والرجل لو ما تحلى بالشهامه والرجوله
صدقيني صعب يقدر يملك قلوب الحبايب

صدقيني ما يوالف خافق البنت بسهوله
بالهوا يا بنت حواء غير طلاب النشايب

والسهر والعشق الاول والهوا واللي ينوله
شياً اقسى من همومج والعنا حاضر وغايب

والهموم اللي دعتني من بعد سن الطفوله
كلها من تحت راس العشق ملعون الصلايب



.................... .................... .......... ...........




الليالي السرمديه


من عرفت العلم وانتي الليالي سرمديه
والوصول اغلى طموحات الفتى بأول شبابه

والمهابه ما تهادت غير لنفوساً رديه
ليت في قلب الليالي للفتى قدر ومهابه

دنياً تجمع صفاتين الخجل والعنجليه
كنها بنتاً يزود بحسنها ثقل وذرابه

يوم جتني تمتحني في زمان الجاهليه
جيتها رجلاً تحلى في تقاليد الصحابه

بالعطا تبخل علي وبالعذاب تموت فيّه
عشتها قلباً رحوم يكره الضيم ويهابه

بس ابدري وش نهاية وصلها وآخر هديه
هو صحيح ان القصايد للجريح اول عذابه

من عرف لج يا الليالي وانتي اكثر من هويه
من تلحف في ترابج مقتنع باللي جرا به

من قدر يفرظ طموحه في زمان المعمعيه
من من الناس يتجرأ يتركج وانتي ترابه

السؤال يعيد نفسه والاجابه مبدئيه
ليت والله ما تكوني مبدئيه يا اجابه

الرحوم يخون ناسه والخوي ينسى خويه
والقلوب اللي تخالط ودها صارت تشابه

والخلايق ما تسوي طيبها جود وحميه
كلنا نضحك بوجه مبستم للغدر نابه

لو يصير الموت راعي كل ابونا له رعيه
لا زعل نزعل ونرضى لا رضى حضرت جنابه

والله اني ما نويت افتح ملفات القضيه
لكن اني شفت شيً يفقد العاقل صوابه

يالحياه انتي غديتي والغرابيل اجوديه
كنج اللي ما يميز بالخطا غير ارتكابه

ما عطيتي غير جرح ولعن ابوها من عطيه
والله انج ما عطيتي خير للقلب وصوابه

خاينه ما انتي عزيزة خافقي يا الاجنبيه
جنبي عني واجنب عن مداهيل الغرابه

وباخذ بدرباً يردج للقاء روحه وجيه
يا يموت بدرب والا بدفن القلب بضبابه

وان ذبحتيني تمني رجعتي وابكي عليّه
لين تملين المحاجر بالبكا حزن وكآبه

وادفنيني بين ظلج والخيوط العسجديه
لو لقيتي بعد موتي واحد بنفس الصلابه

شاعراً قدم قصيده لأغلب ايامج ضحيه
بين ناساً ما يطيقون القرايه والكتابه

يا زماني لو بقى للشعر في صدري بقيه
بكتبه وارسم خيالي للورق وألوي سرابه

وكان ردت للعناد وعودت للمقدريه
والله اني ما اتنازل لين اعديه السحابه

يا زمان ممتلي به وابتلى فيني بليه
لاتلوم اللي يخونك كان له عقل ولبابه

بقفل القلب المشقي عن هبايبك العتيه
ودق بابه من بعدها لو قدرت تدق بابه

الحياه اللي تسمي لعبة الشاطر خطيه
ما تساوت في عيوني مع جناحين الذبابه

اذكر اني كنت عايش بالليالي الأوليه
واذكر اني كنت عايش بأحضان غابه

ما عرفت الا عباره مثلها مثل الوصيه
عيش عمرك ذيب تسلم من مخاليب الذيابه



.................... .................... .......... ..............




أهل الجنوب


وعيني اللي كل ما ذعذع من الغرب هبوب

يحلا لها لون الغروب اللي يذوب قبالها


ويا ويل حالي كل ما يحلالها لون الغروب

تطري لي الريم اللعوب وسالفة ترحالها


وعز الله اني كل ما تطري لي الريم اللعوب

حرمت امد ايدي على حاجة وانا ما اقوالها


من سافرت ريم الفلا صديت عن كل الدروب

ما هو قصور بالعذارى بس ذيك لحالها


من فارقتني ما خطف قلبي من الحور محبوب

ولا لقيت الجادل اللي تستحق احيالها


لأن القلوب ان ما وفت لأحبابها ما هي قلوب

والعشره اللي ما ترد الروح ما نسعى لها


إما الوفى اللي يستر الرجّال من كل العيوب

والا الجفى اللي يستر عيوب العرب في رجالها


ما اقسى من فراق الجنوب الا فراق اهل الجنوب

ويلي على اللي كل ما تزعل تشد رحالها


اللي مذيره العتب لا شبت بصدري شبوب

عييت اراضيها وهي عيت تطول بالها


كانت معي مثل النصيب يحدني من كل صوب

كانت دروبي من متاهات الظلل لظلالها


كانت هروبي لا شعرت اني بحاجه للهروب

كانت سماي اللي ليا ضاقت علي ألجالها


ليه اتحداني وانا في كل الاحوال مغلوب

ليه حرمتني من قهر عذالي وعذالها


ليه اتجاهلني وانا لاني جبان ولا كذوب

ليه ارخصت دمعي وانا اللي ما بكيت الا لها


ما ترحم اللي له سنه كأنه على النار محطوب

ما هزها دمع الفقيد اللي بكته أطلالها


ما خافت تهدم السنين اللي بنتنا طوب..طوب

ما فكرت تشفق على حالي وترحم حالها


قولوا لها لو ما تذوب انا بخليها تذوب

قولوا لها لو ما عنت لي مستعد اعنالها


إليا ادمحت لي هالخطا بدمح لها كل الذنوب

وإن جابت الحسنى معي تبشر بعشر أمثالها


أفرش لها صدري وطن وأجمع لها ضلوعي شعوب

وأرقى لها المكانه اللي ما حد(ن) يرقى لها


إن كاني مخطي فأنا ماني خليّ من العيوب

الذنب يغفر والبشر تجزى بقدر أعمالها


البعد قاسي والفراق يضيق الصدر الرحوب

وانا تعبت ادور الحيله وارد احتالها


قولولها ترجع ترا ماني على الحزن مغصوب

وإلا ترا نذر(ن) علي انه ماهو ب أشوالها


إما تجنب هالهبال وتترك البعد وتتوب

والا بتبشر بالهبال اللي ما هو بهبالها


كافي زعل ترا الظروف مقفله من كل صوب

وأنا حملت من الهموم انواعها واشكالها


يكفيني اني كل ما هبت على صدري هبوب

تحن عيني للجنوب وتلتفت بلحالها


والمشكلة اني كل ما حنت عيوني للجنوب

تطري لي الريم اللعوب وسالفة ترحالها


وعز الله اني كل ما تطري لي الريم اللعوب

حرمت امد ايدي على حاجة وانا ما اقوالها



.................... .................... .......... ............




حد علمي


حد علمي بالغلا يوم كنت اسوا كثير
يوم كانت ضحكتي طبع وعنادي سمه

وحد علمي بالعنا يوم خفاقي ضرير
قبل اهدم العشق وابنيه وارجع واهدمه

وحد علمي بالبكا يوم لي قلب وضمير
قبل اشوف المسلم يموت بأيد المسلمه

ايه عدت من يدي بس ما عدت بخير
ليلة عيت تجيني وجتني مظلمه

من عرفت احساسها كن في قلبي نذير
والنهار المكتأب باين من مقدمه

ليلة حسيتها ما تجور ولا تجير
مثل طفلاً ما حقرته وعيت احشمه

واصبحت مثل شعره واقسمت ظهر البعير
وابتدا في موتها الجرح من حيث ختمه

صار لي في العشق ما لا هقيت انه يصير
ان ظلمت بعشرة انسان ما كنت اظلمه

العشير اللي تبرا من ظلوع العشير
الحلا عزز خطاياه والحظ خدمه

لا تبسم يكسر النور فعيون البصير
وكن شمس المغربيه تبات في مبسمه

معتدل في قامته لا طويل ولا قصير
ممتلي بالزين من معصمه لي معصمه

فيه بألوان الهدب لون غير ولون غير
مثل ما للرمش بالعين قصه مبهمه

كنها نكس البيارق على شط وغدير
ومثل لملمة الشتات بشتات اللملمه

في سواد مجدل ما يثور الا يثير
كنه اللي ينهم الريح ثمن تنهمه

ما تجمع لين قيد حريراً مع حرير
في ظلام علم الليل ما لم يعلمه

ما هقيت ان الهدب صلب واجفانه تغير
لين سلهم لعن ابو جد ذيك السلهمه

ما عتقني لين ساق البشاير للبشير
يوم صد وجاه قلبي بشحمه ولحمه

والله انه حط قلبي تحت رحمة شطير
في يديه وكل ما اراد يقسمه قسمه

لو صحيح ان الحبيبين يجمعهم مصير
كان نفس اللي حرمني من النوم حرمه

والله ان مروتي ولعة فيني سعير
يوم شفته تل قلبي وداسه بقدمه

ما رحم زهرة شبابي وانا توني صغير
لين ضيق خاطري ضيق الله نسمه

ايه عدت من يدي بس ما عدت بخير
ليلة عيت تجي بس جتني مظلمه

حد علمي في عناها عذاب وزمهرير
يوم قمت توحي بالاضلاع صوت وهمهمه

وحد علمي في الرجا من نصير ليا نصير
يوم شفت النفس تذبح وهي مستسلمه

وحد علمي بالبكا يوم لي قلب وضمير
قبل اشوف المسلم يموت بأيد المسلمه



.................... .................... .......... .............




على نار الصبر


على نارالصبرقلبي يذوب لشوفة عيونك
يعذبني الصبر لاكن امني عيوني بالشوفة
كثيرة قلوب عشاقك ولكن قلبي مجنونك
يصيح وتحضنه روحي تقول القاسيه ظروفه
تعبني هالزمن والله وسقاني المر من دونك
بوجودك كان ما يخطي بغيابك بانت سيوفه
تخبل وش بقى فيني وانا اللي حيل مفتونك
وربي لاسمعت اسمك تطير الروح ملهوفه
عسى محد يجيب اسمك عساهم ما يطرونك
تمنيتك تجي وتشوف عيون ما يشوفونك
عيون ساهره في بعدك عيون حيل مكتوفة
وانا مانمتها عيون تبيع الشوف لعيونك
عيون ماتشوفك انت وربي مابي شوفة



.................... .................... .......... ....





قدها و قدود


أنا ربتني الدنيا على جزل العطا والجود
ونفسي للوفا والطيب وفعل الخير جزامه

وأعارض منهج الهابط وأوافق للصعود صعود
وأسيّر نفسي بعقلي مدام النفس هدامه

ولا تثّر بي البسمة ولا كحل العيون السود
ولا يقوى على قلبي صغير الحسد وأجسامه

أردّ الجود بأمثاله وأقابل بالجحود جحود
وترى لا خير في رجلٍ يوطّي للردى هامه

وعندي مع أهل العِليا مواثيق وثلاث عهود
أوفي له مطاليبه وأودّه وأرفع أعلامه

أعايش مركب الدنيا على متن القدر مولود
أبعرف هو صحيح إنّ القدر بالناس دوّامه ؟

ومن وين الزمن مقبل وإلى وين الليال تقود
ومن في هالزمن يقدر يوجّه خطوة أقدامه

ومن له بالزمن غاية ومن عنده هدف منشود
ومن منّا قدر يعرف خفايا مقبل أيامه ؟

عرفت إنّ الشقا باقي ، عرفت إنّ الحسد موجود
عرفت إنّ القدر يفرض علينا بأسوأ أحكامه

لقينا بالعرب حاسد وشفنا بالعرب محسود
وبه ناسٍ لنا ضامت ، وبه بالناس منظامه

وينقص بعضنا خوّه وينقصنا وفاء وعود
مدام الحسد باقي وبعض الناس نمامه

ولا ترجى بها الدنيا من ربوعك يجيك اسنود
ولا تشره على رجلٍ عيونه خانت أقدامه

وقابل خطوة بخطوة وجازي بالصدود صدود
تناسى غلطة الصاحب عليك بلحظة اخصامه

ولا تخطي ترى لصبر الحليم اليا سلاك حدود
تروّى واعرف بضرب الحديد تفكك لحامه

تجنب كسرة الخاطر ولو حبل الزعل مشدود
تراك بكسرة الخاطر حكمت القلب بعدامه

ولا تزعل على رجلٍ بذل لك ولرضاك جهود
ولا تامن من الحاسد رضاه ورفعة ابهامه

نبي نصبر على الدنيا قلوبٍ بالحياة زهود
مدام إنّ البخت عيّت توّفق رمعة سهامه

وأنا ما قلتها راجي ولا أطلب بعدها مردود
ولكن الفتى ودّه يحقق جملة أحلامه

وبمشي لآخر الدنيا ولو كلّ الأنام اقعود
وعن وجه الزمن بكشف حقيقه وأرفع الثامه

صحيح إني صغير السن ولكن قدها وقدود
وأنا عندي مع الدنيا مواقف ترفع الهامه

طموحي يملي العالم ولابه للطموح قيود
مدام إن الأمل طبعي ( عرين وصرت ضرغامه )

خلقنا الله من ترابه ولأحضان التراب نعود
تحت رمل الثرى نبقى تغطي جسمنا خامه

سلفنا ما لحقناهم تحت قاع التراب رقود
ولا يبقي من الميت سوى ذكراه وعظامه

ولو طال العمر فاني وترى عمر الفتى محدود
وكلٍ يطلب المولى يبيحه يحسن ختامه

وأنا بلّغت بلساني وربي والأنام شهود
وصحف البيّنة جفّت وعنها رفعت أقلامه



.................... .................... .......... ....




مالا يفعلون


ما بقى الا سود الايام تحرمك الرقاد "
كيف الاوهام تجرا تسريك مغبون "
ممتى تجزع من الدمع وتخاف البعاد "
ممتى تقذيبك اظنون وتجيتك اظنون "
سرت تاخذ كذبتي صدق وامزاحي وكاد"
لوبقلو اني بخونك اتحسبني بخون "
ما تعرف ان كل شاعر يهيم بكل واد "
وانهم دايم يقولون مالا يفعلون "
ابك انا لو قلت ابنساك وانكرت الوداد "
والله اني ما نسيتك ولا هم يحزنون "
من جزع من صفعت الشمس يطمع بلبراد"
ومن فقد وجهاته الخمس يلقابك اركون "
اعتبره هفوة انسان او كبوة جواد "
لو بتسمح فأنت غالي ولو تجرح تمون "
عد صداتك امروه وطعناتك اضماد "
خلهن لا راحو اطعون ولا ردو اطعون "
خنجرك يستاهل الطعن وامتوني اجداد "
ومنك يا زين الخناجر ويا بخت المتون "
ردلي حنية المزح بحساس الجمال "
خلنا واحد يجي صلب والثاني حنون "
موت فيني واندفن فيك بثياب الحداد "
وان حية اموت لرضاك واحيا بك بهون "
مره ارقد بلكفن وانت ترقد بالمهاد "
ومره ارقد بالمهد وانت ترقد بلكفون "
ادري ان اشجونك اشجون وعنادك اعناد "
ولبلا ان اعنادك اعناد واشجونك اشجون "
ربك الي سخرك لي تقود او ما تقاد "
والله الخالق و لله في خلقه شوؤن "
ازرع اضلوعي من ارضاك وبشر بلحصاد "
لعنبو من جيت ترضيه وترد محزون "
بس تسوالك بلد قول تسوالك ابلاد "
انت كل العالم بكون ولحالك بكون "
ما بعد محبتك حب ومرادك امراد "
غيركونك سيد احشاي تدري من تكون "
نعمتين اختصو الخلق من جود الجواد "
كافل الارزاق من حيث مالا تعلمون "
البنون ونعمة المال في اعيون العباد "
زينة الدنيا بلا شك في كل العيون "
مثل زينة دنيتي بس عندي شي زاد "
من عرفتك سارو المال وانته والبنون"
انت يشيبك نشوة التيه لعناق الرشاد "
وافزعلك بفزعت القرم لشهاق الزبون "
وحصن تحصين الارزاق عن درب الفساد"
وعشقك عشق المظاليم لفراق السجون "
لو تزيد الشوق جمره تحولني رماد "
لو يزيد العشق شعره بوصل للجنون "
خل هقواتك كبيره ونظراتك ابعاد "
كانك انت بكبرك تهون من الي ما يهون "
ازعلك وارهن حياتي تحت رحمة ازناد "
اتهبه لا والله الا انت والموت اتهبون "
عاد اذا لا ارضاك هرجي ولا الي قلت فاد "
اننا لله و انا اليه راجعون "
وانت باكر بتعرف على ناسا اجداد "
والكلام يجيك من كل شكل وكل لون "
لا تحسب ان كل كلمه بتسمعها وكاد "
ولا تصدق هرج شاعر وتخدعك أظنون "
دايم عرف كل شاعر يهيم بكل واد "
وانهم دايم يقولون ما لا يفعلون "
حتنا الي قلت اعشقك وما طيق البعاد "
يمكن اطلع ما عشقتك ولا هم يحزنون "



.................... .................... .......... ..........




يجيني يوم واعطيها


انا ما اخطيت في حقك ولكن الكلام عتاب
أعاتب والعتب كلمة تفسرها معانيها
اعاتب واحسب بهرجي الا مني حكيت حساب
وكلمه يستحي منها لساني يبتدى فيها
واذا انت من العتب تزعل علينا وابتصك الباب
ترى ما نيب قاصدها ولاني فيك ناويها
ولا ودى على الفرقا وقلبي داخلي مرتاب
اشوف ان الهوى خدعة واشوف القلب راضيها
واشوف ان الهوى فرقا مواليف وعناد احباب
واشوف ان الجفا خطوة ولاني قادر اخطيها
وقلبي لو عشق يخلص ولو طالت عليه رقاب
وتشهد له دروب الحب حاضرها وماضيها
عشقنا والهوى حسرة،مشينا ولاأمل كذاب
بدينا نانبني منها قليل من بلاويها
عرفت الحب من عمري صغير بالغرام وشاب
وقلبي للحبيب اكبر من الدنيا وما فيها
صحيح انى نويت ابعد ولكن الهوى غلاب
وهي رحلة بديت بها ولا ادري كيف بنهيها
تحريتك شروق الشمس وشفتك للشروق غياب
ولا اضنك تبيع العشره اللي كنت شاريها
بقى لي بالهوى نظرة وتغريبة ودمع اهداب
وقصة بترك لسانك على العذال يرويها
واناجي باقي حروفي وبألف للفراق كتاب
قصايد تملي اوراقي ارددها واغنيها
واذا مرتني الذكرى وجرحي بالحشا ما طاب
بتبعدني وتدنيني وببعدها وابدنيها
وانا عيب علي اشكي من الدنيا بدون اسباب !!
مدامي ما خذ منها يجيني يوم واعطيها ...



.................... .................... .......... ....




التمثال


عفا الله عن خطا غدر الخناجر والضلوع ابطال

بسامح واتركك تحت الظلام الحالك لحالك

دخيلك وفر دموعك ترى هدر الدموع اذلال

وترى ما فيه احد يصبر مثل صبري بغربالك

انا عيب علي أنقض كلامي والرجال افعال

واذا قلت اقطع احبالك تراني بقطع حبالك

عشان اكسب هدب عينك تجرعت العذاب اشكال

وليتك ترأف بحالي علشان ارأف بحالك

مسوي في حياتي شي ما يذكر ولا ينقال

حشا حتى العدو وهو العدو ما يعمل اعمالك

تمسيني على الهم وتصبحني على الغربال

تقلطني فناجيلك وتقصر عني دلالك

تحملت التعب لجلك وانا حملي يهد جبال

رحلت من العذاب وما وقفت الا على جالك

علامك كل ما جيك متواضع جيتني تختال؟

معاك اليا متي بصبر وصبري معك يحلالك؟

مثل ما اقبلت لعيونك لزوم تلد لي باقبال

ومثل ما قد حشمتك حس واحشم قلبي اشوى لك

أنا محدن بجابرني أساير معك هالمنوال

ترى لاني تبيع لك ولا ني باصغر عيالك

أنا جيت اعشقك نبض ومشاعر ما اعشقك (تمثال)

أنا جيت اسكنك واحياك وابقى فيك وابقى لك

أنا جيت بظما عاشق تعب يطرد سراب اللال

أنا جيت استفز رضاك من فرقاك والجا لك

أنا ما همت بك عاقل أنا كنت اعشقك بخبال

أنا ما كنت احبك حي أنا كنت اعشقك هالك

تخيل من كثر ما اخاف تلقى للزعل مدخال

أخاف اخطي على طيفك وادوس برجلي ظلالك

تبعتك والعرب تتبع رعود البارق الهمال

وانا شفت المطر يتبعك في حلك وترحالك

كأن اللي خلق حسنك خلقني مع جسدك ظلال

وصرت اقرب جسد يمشي معك باقفاك واقبالك

أبي قلبك يحس انه فقد بمحبته رجال

ملكته من هدب عين وخسرت رضاه باهمالك

صحيح ان الفراق اقسى ولكن الوصال محال

أنا صعبن علي أرضي غرورك واضعف قبالك

بعد ما حققت عيني فبعدك للرقاد امال

أعود للسهر؟ -- يا خوي فال الله ولا فالك!

ببدل نظرتك فيني واجي لك كل يوم بحال

بكون اقرب من ثيابك عليك ولا تهيا لك

بالمك وانثرك واجمعك وارجع وانثرك باهمال

بخونك وازعلك وارضيك وازعل منك وارضى لك

أبرسم بالثرى وجهك وابدفن صورتك برمال

أبشكي للعرب فرقاك واضحك عند عذالك

أبهديك الوصال فراق واهديك الفراق وصال

بسوي مثل ما شوفك تسوي وافعل افعالك

عشان تعرف من فينا الزعول ومن وسيع البال

أبيك تذوق فنجالي وانا بذوق فنجالك

نصيحة واحتفظ فيها قصر معك الزمن أو طال

أبي تسمع كلامي زين وتحطه على بالك

اذا حبك هبال اطفال لك عندي هبال اطفال

ولا وابشر بعد بهبال حب ما هو بهبالك

واذا قصدك تهين اسمي عشان تشمت العذال

ترى لا انته ولا غيرك ولا عشرة من اشكالك



.................... .................... .......... ...




رد السؤال


انتبهت لدمعها بالهدب والكحل سال
لين جفت عينها دمع والقاع ارتوى



وابتدت لحضة جفا ونتهت لحضة وصال
وأنطفى نور السعادة واحسب انه ضوى



ما اكتفيت من الهوى والغرام أربع ليال
واقفت أيام التلاقي وجا وقت النوى



كنت ابلسى وابتسم والتفت عنها شمال
لا قويت الصد عنها ولا قلبي قوى



ما هقيت ان الهوى عذب قلوب الرجال
لين ضاع القلب مني وتفكيري سوى



رحت أدور دفوة الشمس ضيعت الضلال
جيت اطفي شعلة النار والقلب انكوى



ماهقيت ان السعادة خيال في خيال
تروى قلوب الحبايب وقلبي ما روى



كنت ابشتال الهوى والهوى ثقل الجبال
وان تحملت الجبل ما تحملت الهوى



كنت ابسلى بالهوى والهوى صعب المنال
ما رضا لي حظي اللي طواني وانطوى



قلت لا فراحي تعالي ولا قالت تعال
والخفوق ان قلت ابقبل على صدي نوى



الله أكبر لا شرقت شمس يتلاها زوال
كيف ابفرح في صباح مع الليال استوى؟



لاحصل بالحب قسمة ولا جا لي مجال
غير اشوف معاند الجرح وعناد الدوى



شبت النيران واقفت وجاء رد السؤال
ما تشب النار يا كود يوصلها هوى



.................... .................... .......... ..





الدعاء المستجاب


اشرق نهار ابوظبي واكتأبت بلاد الضباب
وابتلت ارياق الدعا شكر ونحيب ومعمعه



صحيح ما رد القضاء الا الدعاء المستجاب
ولا تهز المسلمين الا الظروف المفزعه



الله خلق للضيق باب وللفرج مليون باب
ينزل بلاءه لو يشاء ولو يشاء بيرفعه



ما يكتب لمؤمن ضرر الا وله اجر وثواب
ياشيخ ربك ما يضر المؤمن الا ينفعه



البارحه كشّر علي من الوله مليون ناب
واختر للدرب الشراع اللي هبوبك تدفعه



ولا دريت اني سريتك لين شدّدت الركاب
من الكويت ولا حللت الا على رحب وسعه



من لا حزم امتعه ولا اتنقالي ثياب
فزيت لا ماخذ ثياب ولا ذكرت الامتعه



دام الطريق لهامتك لوهو ذهاب بلا اياب
لأجل افرح بسلامتك ماقطع طريقك وارجعه



ياشيخ لو ان البكى يشفي من العلّه مصاب
ما ظل واحد بالجزيره ما تفجر مدمعه



من لا جزع من غيبتك ما عاد يجزع من غباب
ومن لا تزعزع من مصابك ماحدٍ بزعزعه



ان طحت طحنا كلنا وان طبت كل الشعب طاب
نفس المصير اللي جرعته كلبونا نجرعه



اللي يقاسمنا الضما بنقاسمه طرد السراب
واللي يحس بجوعنا لامن شبعنا ِنشبعه



الله خلقنا للظروف المفزعه خوّة ذياب
ولا تبان الخوّة إلا بالظروف المفزعه



لو يحصل (لزايد) مصاب نشاركه نفس المصاب
ما نتركه يدفع ثمن إلا نتسابق ندفعه



نغضب مدام انه غضب . ننهاب مادامه مهاب
نضر من ضره ونخدع من يحاول يخدعه



لأنه قريب لفرحنا نبقى لأحاسيسه قراب
امّا سكن بضلوعنا وإلا سكنّا بأضلعه



نحضر معاه اليا حضر ونغيب له مادام غاب
وإن قام قمنا كلنا وإن فز فزينا معه



إن ما اكتأبنا من غيابك.من يعرف الاكتآب
واذا الخليجي ما سمع صوتك اجل من يسمعه؟



ما شاب حبّك للعمل وانت بسواعدنا شباب
ياشيخ ماتفقد امل طاع الزمن وإلا طعه



خذنا رقابٍ من ذهب وإضرب ولا تحسب حساب
نفداك رد اللي ترده واقطع اللي تقطعه



وشلون يركبنا الخطى وبطاعتك عين الصواب ؟
كيف يتعداك العطى وانت إنخلقت بمنبعه



مخاطبك يا سيّدي ماهو بحيالله خطاب
ومثلي مهو بكل القصيد اللي بمدحك يقنعه



ماجيك وجه لوجه مابيني ولا بينك حجاب
إلا اجمع الك اللي يعجز الجن الازرق يجمعه



ماحب أوصّفك بشطر من غير ما اشقّق كتاب
ياشيخ انا ما ابدعت شي.اوصافك انت المبدعه



شوف الرجال وشوف نفسك.ويش جاب لويش جاب؟
هو فيه احد بالكون كله يصنع اللي تصنعه؟



شف وانت واحد بالبلد واسمك يعيش بكل شاب
وشلون اجل لوفيه مثلك بالامارات اربعه؟



لو ما انخلقت انسان.لايمكن تكون إلا سحاب
لأنك رفيع ولي عطيت الخير ما تسترجعه



يا ذخر لصعاب الحلول وفخر بحلول الصعاب
يامرجع شموخ المراجل يالشموخ بمرجعه



يادرع حكام العرب يا شوق تلعات الرقاب
يانافع الناس بزمانٍ قلّت إبه المنفعه



سلامتك كثر البكا اللي ينزف بدعوة مجاب
وسلامتك كثر الدعا اللي رحمة الله ترفعه



وسلامتك كثر الغلا وكثر الملا وكثر العتاب
وكثر الزهر وكثرالمطر وكثر الشجر وكثر أفرعه



وكثر اللي ما بعده عدد.ولا يوصّل له حساب
وكثر اللي ما اعرفه ولا اسمع فيه.ولا راح اسمعه



سلامتك منّيه الى آخر شبر فوق التراب
سلامتك منّك الى غرب الوجود لمطلعه



من يوم نوّرت الوطن وأكتأبت بلاد الضباب
ماجفّت حلوق الدعا شكر ونحيب ومعمعه



صحيح ما رد القضاء إلا الدعاء المستجاب
ولا تهز المسلمين إلا الضروف المفزعه



.................... .................... .......... .......




السفينة


ضاقت وساع الفيافي ، والوعد متن السفينة
للطريق اللي دعاني بعد أمان الله ..وأمانة
لا تناديني ..وصوني قلبك الله لا يهينه
لا يراهن في رجوعي ..لجل ما يخسر رهانه
ليه ما ارحل عن غرامك..بعد ما ذقت الغبينة ؟
إذكري لي شي واحد يستحق اقعد عشانه
قلب ما حن لوصالي ..ماني بحاجة حنينه
واشهد انه ما يعزر بالرفيع الا هوانه
الهوى الغدر ..حد الله ما بيني وبينه
والرجل لا خير فيه ان ما حفظ قدره وصانه
واحد مثلي ليا من حدته عوجا سنينه
ما شكا لا قرب ابنا ادم لو هو اغلى من اخوانه
يوم قلبي ما عصاك ،وما قدرتي تذبحينه
ليه خنتي فيه وانتي معه من نفس الديانة؟
كان ذبحي بيدك ارحم ..لي من اللى تفعلينه
وان طلبتك تذبحيني ..ما ذبحتيني ..لعانه
كل جرح من جروحي :تذكرينه .. تنكرينه
كن مالك في نزيفه يد خانت بالأمانة
ينزف الخفاق تواضع لين لطختي جبينه !!
والا انا ماكنت ابيها توصل لحد الاهانة
قلت من باب الميانة صاحبك وتعذبينه
لعنبوك ارخي معاي شوي ..ما صارت ميانة
طعت عقلك يوم قيل :ان العقل للبنت زينة
لكن الشرهة على ال..كنت احسب انك تكانة
من بعد ما كنتي انتي في حشاي اغلى سجينة
باوعدك ..باطلق سراحك ،واتهمني بالإدانة
وين رايح ..؟.لأي درب ما يرجع للمدينة
ليه رايح ..؟.لان قلبك ماترك قلبي وشانه
كيف ابا انسى ..؟.ربي اللي ملهم القلب السكينة
مثل ما عانه بقربك ..لا نوى فرقاك عانه
كان قاسي يجرح اطراف السكاكين السفينه
ما يطيح .وبنت مثلك حبها هزت كيانه
والا أنا خابر خفوقي ما يمد الا الثمينة
وان بغى يغيض الثريا..قعد القمرا وزانه
مزعل لجلك هنوف رجت عقول رزينة
وان تهادت بالطريق الجرهدي .. تزهر جنانه
جادل حتى (الجمال )ان شافها..كتف يدينه
و(القمر)لو شاورت له..ينزح وتقعد مكانه
كانت أول من تحكم في فروع الياسمينة
وان تعدتهن تثنن..خيزرانة ..خيزرانة
بعتها لاجلك ، وصارت لا صغر أطرافك رهينة
والا هي لفتة هدبها تغمزك ثقل ورزانة
والخفوق اللي تغذى من معزة والدينه
مشكلته انه تعلق في زمن ما هو زمانه
كل ما زادت جراحه،واكتشف غلطة ضنينه
صدفه ان قال:مابه شخص يستاهل حنانه
يوم نادي:يا فلانة !! مارضيتي تسمعينه
لين صوت :يا فلانة ،يا فلانه ،يا فلانة
كنت اشوفك زعفرانة تقرض الورد وتدينه
يمكن اني ما قطفتك ،،بس اشوفك زعفرانة
كنت اهاب البعد عنك..واطلبك لا تذكرينه
كان خوف من الفراق ..وخطوة الفرقا جبانة
ما اقتنعت ان ( الخيانة )للرجل تلوي يمينه
لين ما ربي بعثك ،وذقت طعم الخيانه
إسمحي لي ..ما بقى فيني مكان تطعنينه
واقلبي فيني مكان من جوف قلبي كل عطفه..وامتنانه
والله الله في عذابك ..بتركك عينك بعينه
دلليه ،ولا يرده عن شقاك الا لسانه
ولا اناا قررت اسافر ،وامتطي ظهر السفينة
لان ما به شي واحد يستحق اقعد عشانه



.................... .................... .......... ....



المباني


جابك الله من فراق ضيق صدور المباني
قبل لا الوحشه تزعزع بيتك الصلب وتبيده

بيتك اللي من رحلت وكل جدرانه تعاني
ماتحمل ينتظر شهرين وعيونك بعيده

الله العالم لو انك جيت متأخر ثواني
ماتشوف إلا بقايا من حصاه ومن حديده

من عرفتك وانت ضايع من مواني لي مواني
وتارك قلبي يولع من وقيده لي وقيده

ضاع عمري بس أحد بهالليالي واتحداني
وانت لا تشبع غياب ولا تخاف من النقيده

ودي أتحمد لك الله بالسلامة ... ما مداني
كل ماتوصل برحله ترجع برحله جديده

دام تدري كل وجه غير وجه الله فاني
يا خي اكسب لك ثواب وخاف ربك في عبيده

كان فيني عيب قلي ... فيني العيب الفلاني
كان هرجي مزعلك في شي قلي : لاتعيده

لعنبوك ان مت بيدك وش يفكك من خواني ؟!
ل احزنوا ربعي علي ومت ... شاللي تستفيده ؟

ليه تصغر في عيوني وانت برقاب الغواني
عيب تستسهل طعوني وانت خابرني وليده

انت منت اللي عشقته !! انت اكيد انسان ثاني
كيف صرت بهالبرود وهالأحاسيس البليده

وين حبك للزعل ... وين العناد الأولاني ؟
وين حنية زمان وفرحة العمر الرغيده ؟

وين ذاك اللي ليا أقبل مايبات الا بأماني
وين رايح اللي ليا قفا مايروح الا فقيده

واحد جابه الله بس يامر ويعصاني
الوحيد اللي أخافه غصب وامشي معه "سيده"

مابغيت اطيح بيده لين ماربي بلاني
والا انا لو هي بكيفي ... مابغيت اطيح بيده

ذاك بس اللي ليا شفته يلخبط كياني
ذاك من نظرة ينشف دم قلبي من وريده

قبل اشوفه أجمع إله أحلى القصايد والمعاني
وان بقيته ماعرفت اقول لي جملة مفيده

الف مرة قبله اعد القصيده من لساني
ولعنبوه ان جيت عنده قمت اخربط بالقصيده !

امدحه وانا ادري لو تباطاني نساني
انطحه وانا اعرفه مجنون و أفكاره عنيده

من يسوي بس سواتك يالرهيف الاسمراني
منهو من الناس غيرك غلطته ترفع رصيده ؟!

من يقص جناح طيرك وانت اعز انسان جاني
كيف اخاف رماح غيرك وانت طعناتك سديده

إن تبعتك أتبعك من طيبي وواسع بطاني
والا انا لا جيت اكيد انسان تدري كيف اكيده

اقدر انزع ثوب طيبي والبس ثياب الاناني
واقدر اطلع من عذابي والعب بدورك واجيده

وان بغيت اكسب رهاني بأي وقت اكسب رهاني
واخدعك بإحساس كاذب واتحدى من يصيده

ابك انا لاشفت خلي حط غيري في مكاني
والله اني لاتركه واصد واعشق سيد سيده

خلني داخل حدودك واجبر بخاطر زماني
إكذب ف باقي وعودك واصدق بلحظة سعيده

إنتشلني من برودك لو تولع بالمحاني
عطني إحساس بوجودك واخذ كل اللي تريده

تكفى واليا قلت تكفى بيع خلق الله عشاني
لا تضيع من يديني فرصة العمر الوحيده

جيت مابيك تحقرني جيت ابيك تعز شاني
جيت ابي فزعة ضلوعك من مشاعرك البليده

يعلم الله شفت منك ومن غيابك ماكفاني
كان ماتقدر تخفف هم قلبي لاتزيده

شف غيابك وش يسوي بالصدور وبالمباني
وأنت تدري كيف كانت صدمة غيابك شديده

والله إنك لو وصلت البيت متأخر ثواني
مالقيت إلا بقايا من حصاه ومن حديده



.................... .................... ..........





تزعلين وتقعدين


عافت الشمس المدينه واعلنت وقت الزوال
رغبة للنوم منها مع عيون الناعسين

ابعدت من يوم شافت بالسما ضي الهلال
كنها كانت تهزا بالهلال وتستهين

كفكفت صبح التلاقي من ورا روس الجبال
واستخارتني وراحت وابعدت عن كل عين

وانتي اخطيتي خطاها وانعزلتي بالوصال
ولا رحلتي من سكات ولا وعدتيني تجين

عشت عمري بالمحبه في سبيل الاحتمال
وانتي تعيشين عمرج تفرحين وتجرحين

من غرورج في جمالج ما عطيتيني مجال
وادري انج تفهميني لو بغيتي تفهمين

كيف اشوف الشمس تشرق بالسما وانتي ظلال
ومن يعيش بوسط غاراً للذياب الجايعين

كنت احسب الكره زايل والجفا لو طال زال
ولا بديتي بالغرام وما بقى فيني حنين

اشهد اني ما خطيت ولا نويت الانعزال
وما خدعتج في غرامي لين شفتج تخدعين

اصدقي بالوعد مره لي ولو فيها سؤال
من عرفتج ما اذكر انج توعدين وتصدقين

كنت اشوفج من عيونج تامرين اقوى الرجال
والله اني قبل اعرفج ما هقيتج تخضعين

كنت اشوفج تبعدين وقلت من باب الدلال
وان بعدتي عن عيوني قلت باجر ترجعين

كنتي اكثر في عيوني من عدد وبل الخيال
وين انا ما ألد وجهي كنت اشوفج تضحكين

وان بغيت اصد عنج من يمين ومن شمال
ما قوت عيني تتلفت لا شمال ولا يمين

عاشقاً والعشق بلوه واشهد ان الحال حال
ولا تركتي رحمة الله ولا عرفتي ترحمين

وادري انج في غرامي للأسف نلتي منال
افترقنا في دقايق والسبب لعنة لعين

حبج اشبه في غرامي بالوصال .. الانفصال
ويلعب الخفاق لعبة كبرياء الخاضعين

بالهوا ما هي غريبه نكبة عيال الحلال
ولاني اول من يصون ولا انتي آخر من يهين

الصداقه في عيون الناس ملفى للعدال
وان جان ردت للصراحه كل ابونا مذنبين

والمحبه شبه زالت والصداقه لا تزال
بس اببقى في عيونج حامد اللي تعرفين

علميها يا قصيده واضربي فيني مثال
وعرفيها بالبداوه في طباع الأولين

عليمها كيف نصنع صبرنا والاحتمال
وعليمها كيف نفلح في العمل دنيا ودين

وعلميها في سوالف حلنا والارتحال
وعلميها كيف نظهر جورنا للجايرين

عليمها يا دقايق علميها يا ليال
وعليمها يا عصور وعلميها يا سنين

ان عشقنا ما بغينا غير عشقا بالحلال
وان نوينا ما لفينا كود ناساً طيبين

كاملين في عطانا بس لله الكمال
والرجل فينا غرامه لو يعين ويستعين

بدوياً ما يقوده للردى شد الحبال
يعسف اليد الشحيحه للعطا حتى تلين

همنا فعل الرجوله ورمزنا لبس العقال
وانتي المكياج كله صار في وجهج سجين

عندج المكياج موضه تحسبين انه جمال
صار همج في حياتج تكشخين وتطلعين

والا انا قلبي بقى لي بالمحبه راس مال
والله اللي مبتليني بالهوى والله يعين

ان بغيت اعشق ابلقى كثر حباة الرمال
لكن انتي لو بغيتي صعب مثلي تعشقين

قلت لج كل الصراحه واختم اطراف الجدال
وان زعلتي من كلامي .. تزعلين وتقعدين



.................... .................... .......... .......




غرام احباب


على ذاك الطريق اللي يسمونه غرام أحباب
وطت رجلي على دربه ولاأدري وش نوى فيني



تبعته لآخر دروبه .. ألين أن القمر قد غاب
تعب قلبي ، ولا تعبت مسافاتٍ توديني



لقيت الليلة الجردا : هدب ظل وسما واعشاب
بعد ذاك الظلام اللي يتوهني عناويني



صدفتك معجبه فيني وياليت..الغرام : اعجاب
وتراك انتي الهنوف اللي هقيتك تستحقيني



عطيتك عشق من قلبي..وسلمت لغلاك رقاب
وغيرك يحترق قلبه ولا يقدر يحاكيني



أنا قبلك صدفت عيون لكن ويش جاب لجاب؟
ترى كل العيون اللي لقتني ما تكفيني



رماني حظي العاثر عليك وجيت لك طلاب
ولا أنتي اللي عشقتيني ولا انتي اللي عتقتيني



تعالي واعتقي ذاك الخفوق المولع المرتاب
مهب لاجلي ، عشان الله يجازيك ويجازيني



تعدي في سما عشقي ولو عشقي خراب أصحاب
وصوني بالهوى نفسك قبل لا انتي تصونيني



وشيليني على متنك : خفوقٍ باريٍ منصاب
ومن فوق الغرام العذب .. شيليني وحطيني



ولا منك هقيتيني شجاع وما يطيق يهاب
أنا لك بالهوى والله مثل ما انتي هقيتيني



أنا ما أمشي ورا غيرك ولو أنه يطق الباب
وترى عيبٍ عليّ أطعن..ولو كثرت سكاكيني



زهودٍ ما يطيق الدم لا داين ولا طلاب
شجاع وعارفٍ نفسي وأظن أنك تعرفيني



غيورٍ ماعرفت أضحك مع الغدر ببّرود أعصاب
أبيع عيوني الثنتين قبل أنك تخونيني



إذا شد الغرام .. اترك خفوقي : بين ناب وناب
لفرقى تكسر ضلوعي .. ولا عشقٍ يوطّيني



أنا رجلٍ ولي غيره .. وإذا شفت الهوى كذاب
تثور بقلبي الفزعه ولا تهدى شياطيني



سؤالك لو يزعزع بي كياني ما قبلت عتاب
اجي لك وأسالك نفس السؤال اللي سألتيني



عن العشق القديم أبواب .. تقفيها كثير أبواب
بعد ذاك الحبيب اللي خدعني وانخدع فيني



أبي عشق تحسب له كل نظرات العيون حساب
وابي قلبٍ علي قلبي ، وابى دينٍ على ديني



وابي نظرة عطا توفي ولا تخلف بدون أسباب
وابي منك قبل لا نتي تصديني .. توديني



وابي دربٍ على العذال صعبٍ ومتعبٍ وغلاب
وابي نفس الطريق الصعب يبعدهم ويدنيني



ترى لو للقلوب عيون ولدموع العيون أهداب
حشى ما تنزل الدمعه لغيرك لو تركتيني



أنا أول من عرف قدرك وأنا توي صغير وشاب
وابي منك ما دام أنك عرفتيني تحبيني



ما دام أني لقيتك في طريق أسمه غرام أحباب
دخيل الله ، وبعد الله دخيلك .. لا تخليني



ما دام أن كل من يحيا على وجه التراب تراب
عسى تنساني الدنيا مادام أنتي ذكرتيني



.................... .................... .......... ....




قرم وفقير


منك العذر وعلي المعذرة
لا تحسب حساب هجر ولا هجير

كل ذنب بتذنبه بستغفره
واحدا ما يعذرك ما فيه خير

دور بصدري وطن واستعمره
عندك من الضلع الأول للأخير

عيش فيني وأدمر اللي تدمره
واعتذر لي واعتبر سرك في بيير

لا تبشرني بجرح وتذخره
لا تعشمني بفرج وتستخير

ولا تنومني بليل وتسهره
ولا تنام إلا وأنا جفني سهير

خلني مثل النجوم مبعثرة
عيش فيني لا شهيق ولا زفير

لا تقول العفو عند المقدرة
خل قلبك صلب وحسابك عسير

المسامح والزعل للمكثرة
ولا أنا لأني زعول ولا صغير

ودي ادري ليه للحزن ثمرة
ودي اقطف من قساوتك العبير

ودي اقفل من فراقك واحذره
ودي اعرف لو زعلت أش يبي يصير

لو تقدر خاطري صدق اكسره
لو صحيح تحبني لا تستشير

ازرع بقلبي سبب يستنفره
اثبت انك غير وان الناس غير

شاعرك ما كل بنت تجرجره
حارت به عقول ناس ما تحير

النساء ما حركوا فيه شعره
سار عشق وما لقاء شي يثير

لو سكت شفت الوقار في منبره
وان تكلم زمهرير بزمهرير

ما يحضر أيلا القلوب مجمهره
وما يغيب أيلا وعشاقه كثير

إن هجرته تستقر بمحجره
وان تبعت رضاه ما عينت خير

اعشقه لكن بعد ما تقهره
ابتسم له بس لا شفته كسير

حن لكن حن لا جبت خبره
حب لكن خل حبك بالأخير

لو عطيته وجهك أعطاك ظهره
صد عنه ويتبعك مثل الضرير

لا تحاول تكسبه ما تخسره
صير ثلج يصير لك مثل السعير

ما تميل هالغصون المثمرة
وما يسيل من الجروح ايلا الغزير

من قبل لا تنقهر منه اقهره
قبل لا يستحقرك خلك حقير

اسكنه حرك جموده بعثره
اعشق اكره عاتب اشرح حن غير

انثره لملمه لملمه انثره
صد يا أخي طير لو تقدر تطير

من متى وأنا تحرالي مره
تثبت إني لا وقعت أوقع كبير

ابكي أنا مقطوع من غصن شجرة
لا صديق ولا رفيق ولا عشير

أبدوي شيب الصبر شعره
ما عرف ريش النعام ولا الحرير

إن غفا كان السحاب يدثره
وان صحا يفرش من الرمضة حصير

مأخذ من قسوة البيد أكثره
ومن شموخ البدو شر مستطير

جنته صحراه والشوك زهره
والسراب بنضرته مثل الغدير

إن فزع يا مشجعه يا مضفره
من خلقة الله وهو جرب وفقير

كان ما تقدره قل ما تقدره
صير غالي صدق ولا لا تصير

الغلا اللي ما تزعزعه اهجره
دام قلبك لا يجار ولا يجير

شوف لك رجل بليد استحقره
واجد اللي يعشقون بلا ضمير

بس أنا لو جبت لي ميه مره
ما تحرك في شعره لو تطير



.................... .................... .........




محروم


لو تعرف الخطاي كيف كنت محروم "
كان سود اليالي يوم طحت اسمحت "
ولو اهموم المفارق مثل كل الهموم "
ما تشوفون عيني بدموع اسبحت "
ولو تحن المشاكل عقب حب الخشوم "
كان حبيت خشم المشكله واستحت "
بين صدت عزيز وكبرياء مهزوم "
عين شحت علي وعين استسمحت "
بس ما الله خلقني من بكاي معصوم "
وادري ان المحاجر لو تفيض افضحت "
والله اني على جرحي صبور وكتوم "
لاكن ان الدموع ان روحت روحت "
اعذلتني اظروفي وانهكتني اعزوم "
والوجيه احزنت لي والقلوب افرحت "
والله ان اليالي ما تعرف السلوم "
قلب جافي لقاه وجه صافي بحت "
راهنتي تبلل بدموع الكموم "
ويشهد الله عليها راهنت وربحت "
احرمت نور عيني من غلا ريم دوم "
بذرتا وارتوتني واثمرت واطرحت "
جادلا دوم ماهي مثلها كل يوم "
استضاحت غموض وبالغموض اوضحت "
دورت بين قلبي والهدب درب نوم "
وامرحت وين مدري المهم امرحت "
تنحت إسم بقلبي جيت فيه معزوم "
واسمها بين جلدي والعظام انحت "
مثل جفني لعيني بنعاس محكوم "
كل ما نمت نامت كل ما اصحا صحت "
ما تعارض كلام غير عند الزوم "
بس لا قمت اسولف واندمجت اسرحت "
دايم ازعل عليها بس قلبي رحوم "
وهي تموت بعذابي من تحت لي تحت "
مثل وجه الصداقه في ثياب الخصوم "
ان تطيبت طابت وان جرحت اجرحت "
خصها الله بوصف من خيال معدوم "
لا أذان اسمعت به ولا عيون المحت "
كن ربي خلقها من بياض الغيوم "
ومن كفوف السحابه بالورود القحت "
عن سواها فرقها بالقمر و أنجوم "
كل عذراء اتباها بالجمال انزحت "
بالحلا هي كوم وباقي الناس كوم "
كفت عادلوها بالبشر وارجحت "
حسبي الله على الي ما بغاها تدوم "
من بعد كيف كانت شوف كيف اصبحت "
لا تحقق وصال ولا فراق محتوم "
خطه قربتني لفشل وانجحت "
لعنت العشق تبقى مثل ضرب السهوم "
لو محا الوقت جرحه طعنته ما امحت "
كيف ابنسا وان ألي من جفاف ال سموم "
ما حشمت العيون ولا الدموع افلحت "
كانها بالحميه كل ربعي اقروم "
لو يلدون لصعاب الظروف اصلحت "
اجزم ان كنت يا قلبي شجاع وجزوم "
لد لعيون بنت لا التفت الفحت "
ما تهين البخيل الا ايدين الخدوم "
دام كف الخطايا بالجفا لوحت "
نطح ألباس باس ونطح ألوم لوم "
وان تهدت تهد وان صيحوا صيحت"
يا تعيش بمعزه يا تموت محشوم "
ودك ان اليالي لا فعلت امدحت "
عمر ضعف الاراده مايسر الرخوم "
ضربت السيف لو بيد الشجاع اذبحت "



,,,,,,,,,,,,, ,,,,,,,,,,,,,, ,,,,,,,,,,,,,,







اهلاوي997 غير متواجد حالياً   رد مع اقتباس
قديم 31 - 05 - 2008, 30 : 01 PM   رقم المشاركة : [10]
امبراطور نشيط
الصورة الرمزية اهلاوي997
 

اهلاوي997 will become famous soon enough





سعـــــــود بن عبـــدالله






علمني امسح دمعتي



علمني امسح دمعتي و اتوب
علمني ازعل منك لو مرة

ليت الحنايا يا هواي قلوب
تشوف حبي فيك ويش كثره

لي قلب واحد و انت له محبوب
ما غيرك احد هز به شعره

اذوب في سود العيون اذوب
القلب صادق و الهوى جمره

ناوي العذاب ناوي تبكي قلوب
و انا على امرك لو علي تشده

ليل المحبه لوعتةٍ و ذنوب
يا حظ من يقوى على صبره




.................... .................... .......... ....



لاتجرح الليل



ياصاحبي لايسرى الليل بدري
خلك بوسط الدار لاتجرح الليل

الليل توه وان تجليت يسري
ولليل ناس ماتمل التعاليل

خلك على تجريح الاحباب حذري
ماتدري ان الليل ستر المواصيل

ياحبي اللي بين عيني وصدري
يافرحي الماضي وخوف المقابيل
الدم يجري في عروقي وتجري
انا الصحاري وانت معشوقها السيل

يضيع في وصفك كلامي وشعري
اشبهك بالريم وأوصفك بالخيل

للقلب عين وانت للعين مغري
يامحٌرح القمرا بسود مظاليل



.................... .................... .......... ..........



أحبك كذبة بيضا



أحبك كذبة بيضا عشقتك عشق بعد وقرب
وغنت صوت قلبي لك اشفاه تجهل اسبابه

اموت بنظرة منك وينبت في دروبي عشب
إلا منه شربني صوتك الفتان واحيابه

عظيمه هالقلوب اللي تحب وخافق ماحب
حياته وش حياته لو يموت فراقه اولابه

أدورلك كلام أجمل ولا اجمل من كلام القلب
وعمر القلب مايكذب نهار يحدث احبابه

اطير لك حمام البال وافقد كل ليله سرب
يمسيه الورق في حضنه الدافي ويدفابه

شعوري لو نثرته للهبايب كل جرح هب
وعنيت الهوى واهل الهوى والحب متشابه

حنين وشوق واحلام كثيرة والحقيقه عذب
حلاته في عذابه من دخل دنياه يشقى به

عظيم الحب وانت اعظم وانا اعظم من جرحه الحب
حياتي عطرها نزف الشعور اللي من اسبابه



.................... .................... .......... .............



رحيل



رحلت وجمع طيوفك حبيبي لاتعذبني
تعبت اجمع طيوفك وعيت ترحل بدونك

حبيبي ذا شعوري صدق قلته لاتكذبني
وقت وكانت الذكرى ومشيت وكانت عيونك

اهد اللي يعلقني بحبك والغلا يبني
تصدق لين مرينا مكانك يسأل شلونك

واصد وكني المخطي سؤاله عنك يتعبني
ألا ياخل ياصعبك والا ياخل يهونك

أنا ودي بعذروب على وصلك يعاتبني
وثر حتى عذاريبك بياض يشبهه لونك

بربك لابغيت ارحل بعيد هناك قربني
ترى لو مرت وجيهٍ كثيرة ما يكفونك



.................... .................... .......... ..........



فمان الجرح



فمان الجرح يا ذيك السوالف
بعد ماخانت ظنونى ظنونى


عرفت الغدر هو كذب الولايف
جروحك علموك وعلمونى


نزل دمعا وبعض الدمع واقف
سال عن باقى طيوفك عيونى


انا كل المشاعل حيل حايف
ابسدل هالستار وساعدونى


وداع وكلمه التوديع اسف
واذا باقى لكم غدر اعذرونى


حبيب الكذب فينى الصدق حالف
اموت الصادق الى تعرفونى


سالتك هو بقى للناى عازف
يغنى للحزن مره بدونى


واذا صار الحكى كله حسايف
بعد مااروح يكفى تذكرونى



.................... .................... .......... ...........



كف شالت شموع



كف شالت شموع وكف شالت غلا
وانت بين الايادي نجمة ماتطيح

هو صحيح الحبايب بالوصال بخلا
اه مصعب سؤالي بالخفوق الجريح

انتظرتك حبيبي في عيون الولا
ياحبيب المكان وحاكمه بستريح

قبل احبك وهبتك شوق صدري امتلا
ولاطريت بخيالي هب بالصدر ريح

مرني في عيونك كل كلمة هلا
الظما في عيوني وانت وصلك شحيح

من يقول السوالف للعيون ابدلا
خاب ظن الكلام وطاب حظ المريح

ليت مانيب واله للمحاجر ولا
في خفوقي شعور لك يقوم ويطيح



.................... .................... .......... ............



مرت سنه



مرت سنه مالك على البال طاري
" لا جاد لك حظ ولا سولفوا فيك


وينك بلم من الجروح الذواري
" طال الهبوب وطال مسراه ساريك


لا مانتظرتك بس طال انتظاري
" لا ما ذكرتك .. بس لا تقول ناسيك


اشتاق لك مثلك .. وتشتاق داري
" احتاج لك دايم ولو قلت مابيك


لا تطري الفرقا ولا تقول ساري
" تو الوصل ما بلل اعروق مغليك


ما فيه غيري وانت والليل عاري
" والنجم غاب ويا عسى القلب يكفيك


بهديك خفقه من خفوق المساري
" وعطني عيونك لجل اشوف العمر فيك



.................... .................... .......... .............



رسالة حب



ابكتب لك رسالة حب تعبر عن عذاب القلب


قصيده شعر تحكي لي ألم روحي تناديلك


نسيتيني تركتيني في ليل الياس واقفيتي


اهيم بعالم الأحلام ادور للهنا قدام


يصير أو ما يصير القاك ما دامي ما قدرت أنساك


والى انتي ذكرتيني وفي هجرتك تماديتي


امان العمر يا اغلا الناس كان انتي


عذاب وصبر وشوق وياس تجاهلتي


نسيتيني تركتيني في ليل الياس واقفيتي


جرح مشتاق لقيا بعد غيبتنا


ألم وفراق سميتيني نهايتها


انادي لك ولكنك سمعتيني وصديتي



.................... .................... .......... .........




ما أوعدك




ما أوعدك من يضمن اظروف الزمان "
" لا تصدقي من قال للدنيا امان


ميعادنا خليه في كف الظروف "
" لا تحرجيني بالزمان وبالمكان


محدن عن احبابه بيختار البعاد "
" لولا الحياء اطلقت للرجل العنان


اسري بليلة ضيق لشموس الفرج "
" وركبت موج الخوف للشاطي الامان


كثر الليال اشتاق لك كثر السنين
" انتي حنان العمر ما غيرك حنان


لمعانقك شوقي كثر شوق الرمال
" لمعانقة غيمة لها عنه زمان



.................... .................... .......... ........




صوت الاذان



صوت الاذان

كل مااسمع نداه

واسرح ببالي معاه

يلتفت حلمي عليّ

وتهذب خيول النصر

فالصدر تمشي وراه

وكنّي اشوف النبي

والصحابة والجهاد

وبيرق ابيض من سوار

وألف قصة من نصر

كلها كانت مهر

علّمتني إني أسرح في الاذان

.. حتّى لو كثروا اعداه

وأتسنّن ركعتين ..

وبين آذان .. وبين إقامة

أتذكر كيف كسرى

كان أقوى من الجميع

وتاجه هزمته عمامته..

والعدو..حتّى لو يكثر كلامه

ماثنى عنق المآذن

وماخنق صوت الاذان

والعدو .. ليته قلّب في السنين

أو قرا بصدق ويقين

كان شاف .. إنّا بنموت بكل سعادة

..ويعيش دين

تضيق ويفرج المعبود

ودرّاس الأيام ياجداده

قد علّمتنا نكون جنود

للحق ونصير به ساده

والدين حنّا عليه ورود

لاصارت الناس ورّاده

مافيه حاسد بلا محسود

وعدوان هالدين حسّاده

يادين ناظر عداك شهور

وعن كل نصر لك زيادة

وش عاد لاثوّر البارود

والموت بقلوبنا عاده

الدّار حنا ولد وجدود

والقلب مسجد وسجادة

قم صلّ خلّ السنين تعود

خلّ العمر نصر وعباده



.................... .................... .......... ..........




كل يوم نجمتين تغيب



كل يوم .. نجمتين تغيب

لا انوم .. ولا جروحي تطيب

واغطّي جروحي بنام

واحلم والاقي بالظلام

نجمتين جداد

وارجع اسأل من جديد

من يغيب .. ومن يجي


كل ساعة يوم .. والدموع نجوم

والمسافة هالعقارب

تحتها مينا

.. سافرت عنها القوارب

كل هذا فساعتي

والغريبة كان وجهك

بين عيني وساعتي

واسالك وين الهروب

ساعتي بنسا واتوب

واقول للكف اليمين

غطّي الساعة بثوبي

دام باليسرى عيوب

ساعتي عيبي الوحيد

وانت اجملها ذنوبي

ياهالصبر ملّ .. تعبتني

خلٍّ نسا خلّ .ز واسهرتني

ببكيك وارتاح

واعطيك هالساعة

لا لا تقولي راح

برجع بعد ساعة

واسألك بغيابي..

هي نجمتين تغيب .. ولا جروحي تطيب

ولا قوارب تجي .. ولا ثواني تشيب

وان قلتي الصدق .. بقول لك

لا لا تخليني بربّك

دامني اكثر منك احبك

وانام مثلك كل يوم

لين ترجع هالنجوم

ونخلّي الدنيا ورانا

واخذك بيدك واقوم



.................... .................... .......... ............




ياليت تدق باب الليل



ياليت تدق باب اللّيل ..

ويفتحلك سهر عيني ..

وتدخل مجلس سنيني ..

وتسمع وش يقول الحب ..

ياكل الحب في قلبي ..

لا صرت الضيف ..

أحبك كلمة تقصر ..

إلا صار الحكي عنك ..

أحبك أكثر وأكثر ..

عساني ماانحرم منك ..

حبيب العمر وين الناس ..

عسى ماباس ..

ترى في مسرح عيوني ..

يغيب الكلّ ..

إلا عيونك الجلاس ..

تعال وغيب واتأخّر وسافر وارجع وعاتب ..

تغلّى واهجر وازعل وقول انك علي كاذب ..

إذا خنتك ولو في البال ..

أو اني قلت في لحظة ..

غيابك ماأبيه وصال ..

ياكذبي لو بقول أنساك ..

ياساكن في هنا وهناك ..

أنا من كثر ماأحبك تمرّ وتاخذك عيني ..

ويوقف قلبي يستناك ..



,,,,,,,,,,, ,,,,,,,,,,,, ,,,,,,,,,,,







اهلاوي997 غير متواجد حالياً   رد مع اقتباس
إضافة رد

   
مواقع النشر (المفضلة)
 


الذين يشاهدون محتوى الموضوع الآن : 54 ( الأعضاء 0 والزوار 54)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are متاحة
Refbacks are متاحة



الساعة الآن 12 : 08 PM

Facebook  twitter  youtube


أشترك معنا ليصلك جديد الإمبراطور
البريد الإلكتروني
زيارة هذه المجموعة


Powered by vBulletin® Version 3.8.7
Copyright ©2000 - 2014, Jelsoft Enterprises Ltd.
Search Engine Optimization by vBSEO ©2011, Crawlability, Inc.
لا تمثل ولا يتحمّل موقع الإمبراطور وإداراته أيّة مسؤوليّة عن المواد والمواضيع والمشاركات الّتي يتم عرضها أو نشرها في موقعنا
ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر