حبيبتي لو أعلنت كل البنوك افلاسها = بنكي رصيده ممتلي فدوة لعينك مصرفي
أحبها من راسها حتى نهاية ساسها = والناس دايم لا هوت لو ترتوي ما تكتفي
مدينة الحب الكبيرة ما خلت من ناسها = فيها البذور الطيبات ان ما جنوها تختفي
كل القصايد تحتفي من يوم نشرب كاسها = حتى شربنا كاسها نفرح بها ثم نحتفي
حبيبتي شيخة تكاثر حولها حراسها = وكل حارس لا مشت يدعو مكانه توقفي
حتى بنات الروضة الغناء تثني راسها = إذا رأت طيف الحبيبة في جماله مسرفِ
دقت نواقيس المدينة بالفرح أجراسها = يوم اقبلت تمشي على فرش الحرير المترفِ
أميرة الحسن البهيج الطيبات انفاسها = شذى عطورٍ فاخرة في وسط حسٍ مرهفِ
من حاول قياس الحسن في حسنها ما قاسها = تتعب مقاييس الشعر في وصف خلي الوفي
لو قلت هي شعري البديع اخطيت في مقياسها = هي جنةٍ في روضها توتٍ ورمانٍ صفي
من شافها تخفي مفاتن جسمها بلباسها = شاف اللباس بجسمها يرسم مجسم ما خفي
يكفي إذا عيني رأتها في مواقف ياسها = هلت مدامع عبرتي جمرة وعيت تنطفي
ما تنطفي إلا إذا شفت الفرح ملباسها = سبحان من صور عنودٍ مع جمالٍ يوسفي
تمشي وكل الناس تتبع في أثر ألماسها = ألماس فوق الأرض جاري له أثر ما يختفي
كم من خطاوي عافها عقلي ورجلي داسها = إلا خطاويها عجزت انسى لها في موقفي
أعطي لها شعري قناديلٍ تنور باسها = قالت كفاني شعرك الصادق ودمك ينزفِ
قلت اتركي نزفي دوا نزفي وجرحي ما سها = دامك معي جرحي تغنى بك ونزفي يعزفِ
لك يا بياض الثلج عنقود القصيد وكاسها = حنا شربنا كاسها فلتحتفي ولنحتفي